반찬앤쿡 Banchan and Cook (東薈城名店倉)

营业中

休息中

每逢去東涌，都會掛住機場，好想坐飛機去旅遊。但而家無得周遊列國，就吃盡美食，今次去東薈城，俾一間韓國店吸左過去，正好一解思念韓國美食之苦 🇰🇷 烤牛肉蛋包飯（$98） 🍳 當侍應切開蛋，見到係滑蛋好治癒，無煮到過熟或鞋烚烚。蛋連飯食配合剛剛好，烤牛肉又入味，送飯都係一流。燒醬油黑毛豬白切肉配大醬生菜（$162）🥙 層次分明嘅黑毛豬白切肉，肥瘦均稱，一片片厚切食指大動。配料有蒜片、辣椒、泡菜，當然少不了韓式大醬，我瘋狂將白切肉浸落去大醬，放在生菜上，加上自己喜歡既配料，完全愛上了。韓式炸雞（有骨半份）（$118）🍗 諗住同朋友食半份應該剛剛好，但事實我錯了..... 餐廳好有誠意俾足半份雞，舊舊都手掌咁大，有雞翼有雞髀，完全無hea你嘅意思。韓式雜莓牛角包窩夫（$72）🥐 🧇 牛角包窩夫係有別一般窩夫，一反硬身嘅常態，係酥皮式窩夫。表面有肉桂有蜜糖 🍯 味道更突出。果然甜品有另一個胃，都係會食唔停口。溶化朱古力（$42）🍫 好有儀式感嘅朱古力，望到已經好養眼，更係夠味嘅朱古力，唔會係普通沖水朱古力粉。士多啤梨紅桑子梳打（$42）🍹唔想咁重口味，梳打水係你嘅良朋，士多啤梨和紅桑子酸酸甜甜，

話說平時比較少吃新派韓國菜，皆因本人食韓國菜真系好中意飲湯同燒肉，所以今次試哩間Banchan & Cook個menu選擇多多，價錢亦貼地，有新鮮感。首先係個甜辣無骨炸雞(HKD108)，啖啖肉係本小姐最愛，炸到好香口，撈埋個甜辣醬，想增肥真系話咁易😂😂。可能炸雞真系哩度必食，我見幾乎枱枱都有嗌，下次我要食芝士炸雞😋😋😋。主食方面今次嘗試咗烤牛肉蛋包飯(HKD98)，整得真系好靚，即場切開個蛋皮，裡面係牛肉炒飯。份量相當慷慨，適合happy share😂。慢煮羊膝配薯條🍟(HKD165)煮得非常軟冧，放入口唔洗點咬就融開，汁嘅味道剛剛好。哩碟真系好適合哩個天氣食，每次食羊都莫名覺得好滋補😂😂。天氣轉涼，好適合啪返杯熱朱古力🍫(HKD42)，哩杯融化朱古力真系夠晒邪惡😈，飲完成身暖晒。而老公飲嘅士多啤梨紅桑子梳打🍹(HKD42)就正常發揮，如果唔用膠杯裝可能個感覺會更好！今次冇食到我好想食嘅croffle😢，睇嚟要嚟食多次😂。總結：性價比高，行街累了補充能量⚡️是不錯的選擇。

韓式西餐整體調味都比較甜，特別岩一班姊妹去chill 下❤️烤牛肉蛋包飯 招牌必食瀑布蛋包飯，輕輕一𠝹，滑蛋流向兩邊真係好治癒🧡慢煮羊膝配薯條 肉質好淋，骨肉分離😂😂😂💛蜜糖無骨炸雞 炸雞好香蜜糖味，炸到脆卜卜，肉質仲好嫩好juicy!💚韓式雜莓牛角包窩夫 賣相靚靚，食落都好味！有少少似酥皮咁既質地，好香焦糖味💙濟州鮮奶綠茶 抺茶味好夠濃!!大愛!!💜溶化朱古力 淡淡薄荷味，朱古力偏苦味唔係死甜，唔錯唔錯～

入得東涌去outlet 掃貨， 一袋二袋三袋， 梗係想搵個好啲嘅地方食下午茶。朋友愛好韓國野，炸雞泡菜豬肉，加埋少少甜點，Banchan and Cook 韓國菜就最arm心水。墨汁大蝦寬條麵,大蝦大隻又彈牙， 墨汁汁寬條麵煮得Al Dante, 咸咸香香，份量多， 食完成棚牙黑蚊蚊超搞笑。燒醬油黑毛豬白切肉配大醬生菜黑毛豬腩肉 一睇就知靚野， 肥肉同豬肉層層相間, 唔會太肥亦都唔會太瘦， 燒得入味。連埋大醬、生菜同埋紫蘇葉 一齊食有效減低油膩感， 生菜仲好爽脆添。芝士無骨炸雞即叫即炸，冇骨仲啱曬懶人食， 炸雞炸得外層金黃， 內裏非常juicy， 最開心係有埋年糕同埋薯條，一路食一路吹水都幾正。韓式雜莓牛角包窩夫甜品叫咗，韓式雜莓牛角包窩夫， 牛角包窩夫微微帶暖， 而且牛油味亦都十分濃，咬樂酥香鬆化， 帶微微肉桂香味， 而且仲有berries 點綴甜中帶微酸, I like it.另外仲叫咗兩杯飲品, 非常欣賞創作得特別，科學怪人之夜 (竹炭抹茶),夠濃味，士多啤梨紅桑子梳打， 紫紅配搭 非常涼爽。

食物種類不算多但每款都好吸引❤️睇餐牌以為食物份量少一上枱就嘩一聲……份量都幾多下🤣—————————————————烤牛肉蛋包飯 $98烤牛肉好juicy，蛋香飯多🤣韓式豬手沙律 $92豬手爽口入味，沙律配黑醋好開胃🤩芝士炸千層豬扒 $178食落好似油炸鬼，豬扒薄到無口感🙄卡邦尼年糕 $92好香卡邦尼汁，年糕好煙靭☺️韓式卡邦尼意粉 $88汁太杰，痴到一pat pat🙈青口海鮮炒年糕 $108蕃茄汁好香好惹味，青口帶子鮮甜😋無骨韓式炸雞一份 $208點左芝士同甜辣味，炸雞香脆唔油膩👍🏻燒醬油黑毛豬白切肉配大醬生菜 $162好香嘅豬腩肉，油脂好香，食落完全唔滯💕部隊鍋拉麵 $98乜都有系列，如果湯係辣嘅就完美喇🙊韓式雜莓牛角包窩夫 $78超香嘅甜品，外脆內軟，推薦丫❤️熱蜜桃茶/荔枝梳打/青檸梳打 @$42正常飲品整體好味道，會回頭✨

🌻以前都食過呢間，一直念念不忘，所以我又想黎回味一下😍🎃 黑色海鮮蛋包飯 $125✨賣相已經好吸引，好少地方食到黑色蛋包飯，原來墨汁蛋都幾搭，加上大蝦同青口，好豐富惹味😍🎃燒醬油黑毛豬白切肉配大醬生菜 $162✨最鍾意食嘅韓式料理之一，冇令我失望😍好正呀，黑毛豬白切肉好入味，口感夠軟淋😍好易入口💕配上醬汁同生菜一定都唔油膩。🎃芝士無骨炸雞 $108✨熱辣辣嘅無骨炸雞，沾上配上嘅蜜糖醬同芝士醬好正，食過炸雞更加覺得有家鄉韓國的感覺🥰🎃韓式雜莓牛角包窩夫 $72✨呢個一定要點！一定要點！一定要點！重點講三次😆真系好好味😍呢個係現成做嘅，好新鮮，口感有點似好鬆軟嘅牛角包❤️散發著濃濃嘅肉桂味配上cream同藍莓🫐士多啤梨🍓食好夾，唔會覺得漏。🎃暗黑地獄世界 (竹炭牛奶沙冰) $48✨第一次飲竹炭牛奶，都幾新鮮好飲。🎃士多啤梨紅桑子梳打 $42✨好freh，食住炸雞飲梳打正😍

餐廳係韓式餐廳，有三間分店，幾高CP值👍🏻🤣，餐廳走清新文青路線，格局乾淨舒適，適合小聚會。除左提供韓式，仲有其他西式菜餚及甜點等。當中原味蛋包飯同韓式厚身三文治最受歡迎。-🎃萬聖節限定-黑色海鮮蛋包飯$128🤍慢煮羊膝配薯條$165🤍蜂蜜炸雞(半份) 無骨$108🤍韓式雜莓牛角包窩夫(套餐+$12)(原價$72)🤍暗黑地獄世界$48🤍士多啤梨紅桑子梳打$42-🤍🎃萬聖節限定-黑色海鮮蛋包飯⭐⭐⭐⭐為左迎合萬聖節主題，岀左依隻黑色海鮮蛋包飯同粉紅色既明太子慢煮雞肉蛋包飯🤣。一開始上菜時侍應貼心咁問使唔使影左一張相先，之後先係黑色奄列到一刀介落去🤣，介開後雖然冇流心效果，但係蛋非常嫩滑👍🏻，並帶有微微墨汁味。蛋內既飯係炒飯黎，而且好足料🤣，有紅蘿蔔粒、牛肉粒、椰菜等，食落口感好豐富🤣，加埋飯蛋上面既蕃茄蓉，酸酸甜甜，偏甜一點🤤，味道成個昇華左，而配料仲有虎蝦、2隻青口、車厘茄、生菜，虎蝦口感較結實，青口略為乾，配上蕃茄蓉整個味道會更好。.🤍慢煮羊膝配薯條［滿星］⭐⭐⭐⭐⭐‼上菜時size真係嚇親我😂。羊膝佔一半碟，羊膝輕輕一切已經與骨分離🤩，而因為慢煮關係，醬汁濃郁，羊膝完全入哂味😍肉質

黑色海鮮蛋包飯 $125蛋包飯烏卒卒的外表，是萬聖節期間限定。用刀切開蛋包飯，柔滑蛋漿緩緩流下，米飯吸收了蛋汁，濕潤鮮香。加上香煎大蝦及青口，肉質爽牙，拌匀酸甜蕃茄醬汁，令每口飯滋味提升，十分吸引。燒醬油黑毛豬白切肉配大醬生菜 $162黑毛豬油光亮麗，切片更易享用，煙韌的豬皮下，有薄薄的肥膏，入口細滑，以紫蘇葉包裹著，並加上蒜粒及泡菜等材料，白切肉肥美，入口軟腍，沾上韓式烤肉醬，更惹味可口。柑橘有骨炸雞 (半份) $118上枱時熱燙燙，粉漿厚薄適中，大口咬下去，雞皮酥脆甜蜜，雞肉嫰滑，豐潤多汁的肉油，邪惡指數很高。每口沁出誘人的柑橘味，還有粉糯炸年糕、炸薯條，香濃而不油膩，越吃越過癮。韓式雜莓牛角包窩夫 $72Croffle是大熱的甜品，以窩夫機把牛角包變成窩夫，質感酥脆之餘，還散發濃郁的牛油香。咬下時咔嚓聲響，牛油香碰上滑溜的忌廉，咸甜完美融合，香甜可口，再配上清新的莓果，令人心動。科學怪人之夜 (竹炭抹茶) $48沙冰慢慢溶化，如沐浴在抹茶之中，香醇抹茶味慢慢散發，十分滿足。士多啤梨紅桑子梳打 $42啜一口，清新帶酸甜莓果香氣，清新口腔，加上鮮草莓果肉，冰爽解渴。

嚟到東薈城睇戲完之後就簡左呢間餐廳入面環境以韓式乾花做主題,坐落去都幾寬敞舒服燒醬油黑毛豬白切肉配大醬生菜🥬呢個口韓式醬汁配上黑毛豬啖啖肉, 而且充滿油香，仲可以自行選擇大蒜同青椒嘅份量甜辣無骨炸雞半份🐤炸雞鬆脆而且香口,配上半半醬汁真係令人懷念喺韓國食炸雞嘅日子墨汁大蝦闊條麵🍝墨汁均勻地掛滿意粉嘅表面而且食落去意粉有彈性大蝦經過煎烤,肉質爽口另外呢度嘅飲品都好有特色會用唔同嘅特別名科學怪人之夜其實就係竹炭抹茶龍龍嘅抹茶但係又唔會太重苦澀味暗黑地獄世界 竹炭牛奶沙冰欣賞佢嘅沙冰都係有牛奶味就算沙冰溶咗之後仍然Keep到牛奶味道！烤朱古力棉花糖最後來一個甜品,用消化餅碎做餅底配上烤棉花糖朱古力配上溶緊嘅棉花糖真係好邪惡！

係東涌住左咁耐平時都冇發現原來開左呢間Banchan & Cook，今日就去試一試佢。餐廳位置易搵，環境唔錯，坐落都十分舒服。晚餐雖然都幾多人幫襯，但就唔洗等好耐先入得。黑色海鮮蛋包飯，第一次見到黑色既蛋，十分有gimmic。蛋十分滑，奶味十分香。下面包住既飯係牛肉炒既飯。外圍係超濃郁既茄醬，仲有2個青口同一隻大蝦，十分足料。我地2個人食都夠飽，讚！慢煮羊膝配薯條，羊膝超大份，有我成塊面大。食落啖啖肉，煮到好腍，入口即化既感覺。食落完全冇羊既膻味，而且煮到醬汁好入味。薯條外脆內軟，熱辣辣，十分香口。韓式炸雞，炸雞肉質超嫩滑，一啖咬落塊仲會有肉汁流出黎。外皮唔會好硬，配埋甜辣醬十分好食。除左炸雞，仲會有幾件炸年糕同埋炸薯條，簡直係大份夾抵食仲要好好味！飯後甜品係烤朱古力棉花糖，棉花糖烤到半溶既狀態，試面有啲朱古力碎同朱古力醬，食落軟棉棉，岩晒中意食甜野既我。食落會有少少膩，不過餐廳好貼心咁配左消化餅比食客解膩，十分細心！野飲分別叫左暗黑地獄世界同科學怪人之夜，個名十分有創意，味道亦唔錯！呢餐飯真係食到好飽好滿足！

萬聖節快到，餐廳布置/食品都加入了萬聖節元素，非常有氣氛。位於東薈城名店倉二期商場內的餐廳分咗兩個section, 坐位設在餐廳內或在商場公用位置，給喜歡静局或喜歡熱鬧嘅食客有不同嘅選擇。餐廳佈置整體文清優雅，空間感非常充足,坐在裡邊用餐感覺非常舒服 餐牌選擇非常多，特色新穎食品/飲品，賣相亦都非常吸晴，名副其實唔食得都睇得, 升級套餐只須加$12便可選餐牌內的任何飲品(酒精飲品除外)烤牛肉蛋包飯~ $98份量超多，非常大碟，細食的人一定食唔哂，蛋包飯外層的汁液裝飾都非常用心，賣相非常吸引，增加食慾侍應服務也非常貼心，食物上枱後，會問你需不需要拍照，然後再幫你戒開蛋包飯讓蛋液湧出來,視覺感觀立體化。超多的蛋汁好似瀑布咁，令人食慾大增，牛肉味道偏甜。用左兩至三隻蛋製成嘅蛋包飯裡面包住炒飯科學怪之夜 ~原價$48 (升级套餐只加$12)特別為萬聖節推出的飲品,表面用了芝麻，果仁碎裝飾，上層鮮奶泡沫，中層竹炭，下層抹茶，但冰粒超多，比例三份二係冰粒,味道清淡又健康

行完⛰️走入東薈城醫肚，發現Banchan and Cook 蹤影😍！餐廳佈置令人好舒服，坐咗喺度唔願走😆！甜辣無骨炸雞 🍗（半份) 🍗可以揀半份/一份，有骨/無骨！🍗脆肉嫩，唔怪之得枱枱客人都點😬！配埋薯條同年糕，好食又滿足🥰！墨汁大蝦寬條麵 寬條麵彈牙有口感！麵上面灑上芝士碎，滿滿滋味😝！燒醬油黑毛豬白切肉配大醬生菜黑毛豬肥瘦適中，直接放入口都唔會太油膩😋！用生菜包住食就比較正宗🤪！叫咗兩杯哈佬喂特飲👻暗黑地獄世界 (竹炭牛奶沙冰) 科學怪人之夜 (竹炭抹茶)

當日大澳行山去東涌，行完落番東薈城搵食，見到位於三樓嘅韓式餐廳🍴「반찬앤쿡 Banchan & Cook」好多人排隊，而自己又食過時代廣場個間分店質素有保證，決定享受韓式西式融合fusion菜晚餐。今期係十月份，餐廳用上萬聖節🎃做主題招徠，推出多款韓式輕食、蛋包飯、牛角包🥐窩夫🧇、特色飲品🥤等都好IGable 📸前菜：餐廳提供免費青瓜蘿蔔漬，爽脆酸甜，好開胃。黑色海鮮蛋包飯：嘩😍係黑色奄列，好型格，店員幫手切開，蛋漿溢出、蛋好嫰滑帶墨魚汁咸香味，又加上酸吾甜甜蕃茄蓉，中和墨魚🦑既咸，整個奄列好夾。蛋下面包裹著非一般炒飯，用上椰菜、紅蘿蔔🥕、粟米粒、重點係牛味濃郁牛肉味去炒而成，增加咬口，好似食緊羅宋湯口味既飯，伴碟有份量十足夠曬彈牙的虎蝦同鮮甜青口。仲好有誠意加咗適量沙律菜，感覺健康。燒醬油黑毛豬白切肉配大醬生菜：肥瘦相間黑豬，豬皮好有彈性，質感超好，醬油醃製得甜甜地，用生菜🥬、薄荷葉包裹黑毛豬，蘸上黑白豆瓣醬用大大塊蒜片同辣椒片、泡菜，口感豐富，中和油膩感，不錯。蜜糖無骨炸雞：無骨蜜糖炸雞🍗懶人必食、當然可以叫有骨，半訓已經多到成座山咁、年糕煙煙韌韌、下面有新鮮熱辣香脆薯條🍟仲提供千

每次去完迪士尼通常都係走去青衣食飯，今次決定去東涌覓食！呢間餐廳嘅萬聖節裝飾幾有誠意，食物價錢非常平民，而且食物大件夾好食，CP值極高！燒醬油黑毛豬白切肉配大醬生菜，呢個完全係今餐嘅MVP，好食到嚇親！首先個賣相已經夠晒bling bling 好吸睛表面有一層油脂但食落完全唔油膩。醬汁香甜夠晒入味，就咁食或者配生菜都很可以！每舊仲有塊小軟骨係旁邊，口感層次up無骨甜辣炸雞，半份嘅份量都唔少，醬汁甜度適中，但可以辣返少少，最欣賞佢呢炸年糕，口感煙韌又帶點微脆，如果有得單點一份的話都係一個好選擇～黑色海鮮蛋包飯，個蛋有動L嘅動感口感夠滑不過蛋香味就唔算太濃。配牛肉炒飯底，加埋茄汁有少少似西海牙海鮮炒飯嘅味道。烤朱古力棉花糖，係邪惡嘅代表飲品賣相好靚，不過味道就清淡左少少，甜返D嘅話會更好

Banchan and Cook在東涌東薈城開咗一段時間了，我和朋友一起去買嘢時經過，先知新推出了萬聖節限定menu 啦！🎃 🍖慢煮羊膝配薯條 超大份羊膝，炆得好香，慢煮後肉質腍滑，沒有羊羶味，再配上薯條、烤蒜同沙律🥗呢！黑色龍蝦🦞墨汁意粉墨汁味好好味，大蝦新鮮熱辣，惹味呀！韓式炸雞炸雞炸得外脆內嫩，配埋薯條年糕，份量好多飲品：士多啤梨紅桑子梳打飲落酸酸甜甜開胃竹炭牛奶沙冰牛奶好滑，和竹炭好夾，黑色的竹炭為萬聖節🎃一個完美的句號반찬앤쿡 Banchan and Cook 東涌東薈城三樓