반찬앤쿡 Banchan and Cook (東薈城名店倉)

营业中

休息中

這家主打韓式Fusion菜式，部分菜式加入了日式及西式風味，選擇多元化，份量足料，特別喜歡店內嘅花木系裝飾，暖色系環境令人相當舒適療癒☺️烤牛肉蛋包飯｜$98｜8/10睇落軟綿綿嘅蛋皮一切開，嫩蛋即刻從兩旁流瀉將炒飯覆蓋，烤牛肉嘅醬汁味道濃郁，牛肉質地嫩而不韌，送飯一流🤪泡菜豬肉煎餅｜$78｜8/10煎餅口感既軟冧又酥脆，麵粉與泡菜嘅比例調配得很理想，食落不會有好重粉感，煎餅頂部嘅泡菜酸辣度係地道韓國嘅味道烤雞卡邦尼年糕｜$92｜6.5/10烤雞煎得脆嫩香口，但年糕食落就相當滯口，年糕份量多之餘，同時加入左滿滿嘅卡邦尼芝士，飽滯感更甚韓式炸雞（無骨半份）｜$108｜7.5/10見到附近基本上枱枱都有炸雞😂半份嘅炸雞份量已經好足，上枱時堆成一座金字塔，食落啖啖肉，唯略嫌未夠爽脆韓式雜莓牛角包窩夫｜$72｜8/10與普通嘅窩夫不同，呢款加入左肉桂糖漿，口感非常酥脆，食落似比利時鬆餅嘅口感，配搭旁邊嘅忌廉進食，甜而不膩清新香橙綠茶沙冰｜$48｜8.5/10好清新嘅冰沙，果味天然純厚，飲後倍感清涼，唔想牙齒凍到麻痺，可以上枱後等一陣先飲🤣

好耐無去過東涌行街，原來東薈城有新翼又新又大又好行，行完去左Banchan & Cook食飯，之前食過太古城分店食過超級惦，見到尼到有分店當然唔會錯過。✨😋明太子慢煮雞肉蛋包飯慢煮雞肉嫩滑可口，流質既蛋加埋明太子醬，香濃好味。🍚烤雞卡邦尼年糕烤雞扒厚薄適中，表面烤得微脆，而卡邦尼汁煮年糕，煙韌有口感。👍🏻🍡清爽蕃茜炸雞絕對推介尼款炸雞，雞件大細適中，炸得金黃香脆，配合蕃茜醬汁可以減低熱氣感，而且薯條同樣炸得好味，一件不留食曬。🍟🍗芝士泡菜紫菜包飯芝士香濃配合微辣泡菜飯，平均芝士香味和泡菜辣，口感豐富。🌶🍘韓式雜莓牛角包窩夫最後甜品牛角包窩夫非常出色，一層層鬆脆牛角包質地既窩夫🧇，配襯雜莓和糖漿，必點甜品伯爵茶鮮奶咖啡/清新香橙綠茶沙冰除左食物，飲品亦非常出色，尼兩款都令人滿意。🧋🍹整體來講尼間餐廳無輪環境氣氛及食物都十分高質素，感覺非常好。👏🏻🥂

好耐都唔會嚟東涌一次，通常有啲咩展覽先會嚟，難得嚟到緊係要搵搵有乜食啦。無意中發現呢間韓國餐廳，好似都幾出名嫁，就去試吓，當時仲做緊外賣半價添。前菜，唔太酸的酸蘿蔔牛肋肉蛋包飯個樣幾靚上枱之後，店員會比你影相先，再幫你界開個蛋。個蛋唔係話好流個種，但都ok的，好滑，都幾香牛肋肉都幾淋，個汁好味蒜香炸雞+甜酸炸雞都幾大份，下面有啲薯條，幾好食，上面有啲年糕炸雞熱辣辣幾脆，叫咗無骨，幾嫩滑羊膝都幾大份，同埋個汁都好外國風，好正宗羊膝個啲風味羊膝超羶，本身唔太頂得順嘅人要考慮下但羊肉都嫩，好食的，但食晒真係好羶啲野都幾大份，加上蛋包飯滯，羊膝羶，其實好怕飽，半份炸雞打包咗

Banchan and Cook晚市放寬後， 頻頻約老友見下面， Happy Friday 入到黎東涌搵食， 竟然又有之前食過嘅韓國餐廳，朋友未試過就啱哂。🍳今次叫咗牛肝菌蛋包飯同番茜海鮮蛋包飯。牛肝菌汁濃郁，仲有杏鮑菇、金針菇，香菇。蛋包飯依然嫩滑，仲叫店員幫忙加多d汁🤪另一個蛋包飯係番茜炒飯底， 好香芫荽味。原來芫荽同海鮮都可以咁夾！🐥當然唔少得招牌炸雞同韓式豬手沙律。今次有骨炸雞配蕃茜醬都好清新，芫荽味可以中和炸雞油膩感。🐷韓式豬手依然肥美，油脂晶瑩剔透，醬汁好入味。今次黑醋沙律配有西柚，酸酸甜甜更開胃。☕️🍵韓國人出名鍾意飲咖啡，士多啤梨鮮奶咖啡外型超吸引打卡，有新鮮士多啤梨。咖啡香濃，加士多啤梨奶，士多啤梨味不搶咖啡香。另一杯濟州綠茶咖啡，香濃濟洲綠茶粉，甘香味道有d 似日本抹茶。🍫最後到要揀個烤朱古力棉花糖結尾，超多朱古力鋪面🤤烤棉花糖有拉斯效果，加消化餅底，配咖啡最佳享受👍🏼

之前係銅鑼灣試過佢既分店，一直對佢既蛋包飯念念不忘🤤今日去昂坪360之前喺東涌見到呢一間，二話不說想入去試吓松露野菌蛋包飯雖然係素食款但係味道一啲都唔差，最重要係個忌廉味好香，配搭松露同香滑既蛋，令人好想一食再食！烤雞卡邦尼年糕男朋友就好鐘意呢款，一嚟個卡邦尼醬好香滑，二黎年糕細細條較好入味，再加埋口感煙韌鬆軟海鮮煎蔥餅呢款海鮮餅海鮮配料幾充足，食到啖啖的魷魚，配搭獨特既醬油，香口得黎又唔油膩甜辣無骨炸雞好鍾意呢個炸雞，外皮炸得好香脆，入面肉質鮮嫩可口，保持juicy濟州鮮奶綠茶士多啤梨紅桑子梳打

𓂃𓂃𝘽𝙖𝙣𝙘𝙝𝙖𝙣 𝙖𝙣𝙙 𝘾𝙤𝙤𝙠𓂃𓂃𓇨柑橘炸雞炸雞外層脆口，雞肉算嫩滑，咬落去好𝘫𝘶𝘪𝘤𝘺! 柑橘醬酸酸甜甜，令到食落唔會好滯！不過年糕就偏硬少少，反而薯條就脆卜卜幾好味！ 𓃒烤牛肉蛋包飯 一切開蛋蓋，𝘤𝘳𝘦𝘢𝘮𝘺 嘅蛋漿流心就緩緩流出，蛋香味好突出，飯用蕃茄醬炒過，而烤牛肉帶有甜咸嘅燒汁味，整體好夾！𓆢青口海鮮炒年糕除左青口，仲有大蝦同帆立貝，以蕃茄汁炒韓式年糕，呢碟嘅年糕就比較軟糯，口感較好！𓊠芝士紫菜包飯紫菜包住夾雜泡菜碎嘅飯，味道帶微酸，由於蓋上左拉絲芝士，所以最好要襯熱食！𓋓韓式雜莓牛角包窩夫 呢個𝘊𝘳𝘰𝘧𝘧𝘭𝘦 一上枱就聞到超級香嘅肉桂味！𝘊𝘳𝘰𝘧𝘧𝘭𝘦 被好足料嘅肉桂糖同蜜糖包住，外層酥脆得嚟內𥚃又熱辣辣好煙韌，就算食完主食飽曬，都忍唔住想食曬佢！𓎸濟州綠茶鮮奶甜度適中，唔會蓋過綠茶嘅清香𓏊溶化朱古力香濃嘅朱古力鮮奶加上面頭嘅朱古力碎，相比之下係比較甜，同時亦都好濃郁！𓊦𝘽𝙖𝙣𝙘𝙝𝙖𝙣 𝙖𝙣𝙙 𝘾𝙤𝙤𝙠東涌達東路20號東薈城名店倉3樓334號舖

係東涌outlet行街街到又攰又肚餓，見到呢間韓式餐廳🍴，裝修帶啲文青feel，價錢又唔貴.松露野菌蛋包飯 $102🍳店員會係上咗菜之後，係你面前切開隻蛋，一切開啲蛋都流晒出黎，撈埋醬汁一起食，好快就清晒.烤雞卡邦尼年糕 $92🐣呢個年糕好正好煙韌，撈埋卡邦尼汁一流😍雞扒亦都煎得好嫩滑.韓式豬手沙律 $92🐖🥗厚切豬手，啖啖肉啖啖骨膠原，仲有好大份沙律菜，可以中和下～.芝士有骨炸雞 $118 🍗半份炸雞，撒咗芝士粉同乳酪粉(?)係面，咸咸地又甜甜地，炸雞香脆。伴碟嘅炸薯條🍟同炸年糕都炸得好好，薯條放耐咗都仲脆脆地.烤朱古力棉花糖 $78 🍫邪惡嘅甜品😈棉花糖融融地，加埋朱克力，用餅夾住食幾正.濟州鮮奶綠茶 $42 🍵奶味都幾重，食咁多野需要清清口腔.溶化朱古力 $42 🍫超濃郁嘅朱古力，又唔會太甜

今日去血拼之前嚟咗東薈城嘅呢一間韓式料理餐廳食午餐，叫咗一個牛肋骨蛋包飯、泡菜煎餅同埋炸雞。牛肋骨蛋包飯嘅牛肋骨整得好好味，肉質好淋，食得出係煮咗好耐嘅牛肋骨。蛋包飯嘅蛋有少少失望，配埋炒飯食落冇乜味，不過口感都幾好嘅。第二道菜就係泡菜煎餅啦，整得好好食，有泡菜味道之餘仲有豬肉嘅味道同口感，呢一道菜10分推介！之後就係炸雞啦，好有驚喜呀。炸雞入面好Juicy好多汁，雞嘅表皮炸得好脆，比醬汁包圍着，超級邪惡好食啊。每一碟都好大份，兩個人食完全食唔晒，食到好飽，食完之後又要諗吓點樣可以先遮得住個肚腩啦！

坐得舒服～野食又好味，係食完會再食既韓式Cafe! ❤️松露野菌蛋包飯 又滑又嫩好soft 既蛋，蛋+飯+加埋好creamy 好香既野菌source，一啖放入口，好味到好似漫畫咁會飄d 花花出黎🧡烤雞卡邦尼年糕 烤雞好香好脆，雞肉仲好嫩，調味好出色，年糕又軟又creamy 仲加左d 菇味道更豐富💛芝士有骨炸雞 好多芝士粉灑面，又香又脆超邪惡!! 除左炸雞仲有薯條&年糕伴碟，非常大份，好多件雞💚韓式豬手沙律 西柚沙津調味好清新，沙津菜好新鮮完全冇苦味，配較濃味口感有d似燻蹄既韓式豬手，好match💙濟州鮮奶綠茶 奶味重，好香好滑～💜溶化朱古力 香濃朱古力味又唔會太甜，好飲!!

#性價比高韓式美食行完東涌東薈城 拎住一袋二袋 血拼過後 晚飯唔想太破費 但總不能頹食😅 終於喺呢間價錢合理而食物質素好嘅韓式餐廳落腳-🍗蜂蜜無骨炸雞 $108 半份炸雞係必食😗😋 雞件外脆內軟而肉嫩 除咗原味 有甜辣/蜜糖/芝士/ 醬油蒜頭/柑橘 都幾花多啲眼亂吓 隻隻味我都啱 -🥛濟州鮮奶綠茶 $42🍹士多啤梨紅桑子梳打 $42食炸雞唔飲啤酒嘅話 可以飲水果梳打 味道酸酸甜甜 中和油膩 鮮奶綠茶少甜但入口香滑-🥚烤牛肉蛋包飯 $98蛋包鬆軟 流心感強 烤牛肉係亮點 配甜甜地醬汁 味道討好 -🦪青口海鮮炒年糕 $108用海鮮汁代替韓式辣醬 味道温和 年糕小丸子Q彈 海鮮材料充足-🍖韓式豬手沙律 $92厚切豬手帶煙燻蘋果木嘅烤香味 豬皮好食 膠質豐富 再啤一啤🍻 應該仲正🥰-🥐🧇韓式雜莓牛角包窩夫 $72好戲在後頭‼️ croffle 嘅壓層酥皮勁有牛油香 下以再嚟 我會試埋鹹嘅版本：炸雞牛角包窩夫-📍Ban Chan&Cook(東涌)東涌達東路20號東薈城名店倉3樓334號舖

疫情稍有回落，晚市堂食解禁，收到消費券一定要振興經濟一下，都冇嚟東涌一段時間，原來東薈城多咗好多餐廳3/F嘅「Banchan and Cook」主打西·韓fusion菜，以輕食為主，餐廳環境佈置舒適，燈光柔和，輕鬆自在 Signature烤牛肉蛋包飯真心好食，濃郁惹味嘅烤牛肉配上留心蛋包飯，新鮮蔬菜沙律伴碟中和油膩感，食完舔舔脷烤香嘅醬油黑毛豬白切肉先沾上大醬，加上泡菜、蒜片&清陽辣椒絲再夾住生菜食，爽口嘅生菜加上啖啖肉，口感豐富，正呀口感帶點煙靭嘅海鮮煎蔥餅夠薄而酥脆焦糖脆脆鮮奶咖啡味道偏甘口，飲管口太細食唔到d焦糖脆脆好可惜後記：本來以為「Banchan and Cook」只靠賣相，不過食落唔錯，環境又舒服，推薦

Weekend 去東涌東薈城買買買，很開心晚上放寬了堂食，於是選擇了這間別具人氣的韓國餐廳，專食蛋包飯，而且氣氛氛圍都10分悠閒舒服，感覺似Cafe一般可以享受難得的休閒。.松露野菌蛋包飯 - 果然是招牌，蛋包飯是神級，十分吸引！蛋豐厚，乾淨俐落，做到半熟嫩滑的滑蛋质地，一切開似瀑布般瀉出；加上creamy忌廉汁，十分誘人的味道。黑松露放得很大方，味道濃郁高貴。烤雞卡邦尼年糕 - 絕對是超過一個人的份量，年糕本身就好易飽，加上卡邦尼醬，更加飽肚，建議可以share一齊食。雞扒煎得剛剛好。.海鮮煎蔥餅 - 煎得很香；而且材料爆多魷魚及海鮮，脆脆地又不油膩，好食的。甜辣無骨炸雞 - 來韓國餐廳當然要食炸雞，叫了一份去骨的，食起上來更爽。雞肉帶有不少肉汁，加上甜辣醬，味道層次豐富。而且有年糕及炸薯條，配搭多。如果怕食得好膩，可以食一塊酸蘿蔔，十分解膩開胃。烤朱古力棉花糖 - 甜品也是美滋滋的，這個烤棉花糖十很有特色，很適合小朋友呢。值得一讚他們的飲品既靚靚又高質，包括濟州鮮奶綠茶及士多啤梨紅桑子梳打，都好refreshing 好飲。.食完之後真心好滿足好relax!

攞咗消費券💵之後一直想去東薈城掃下貨🛍，今日等埋好朋友放工👭🏽就一齊去行下shopping下。我地搭車嘅時候傾食咩好🤔，諗起前排有朋友推介過「Ban Chan & Cook」嘅蛋包飯好好食🤤，我地到咗東薈城就第一時間去食。店員安排我地座位後，首先提供開胃前菜俾我地。係酸酸嘅青瓜同蘿蔔。一邊食🥹一邊睇住menu點餐。🍛烤牛肉蛋包飯我地發現menu有教🤓點𠝹開蛋包飯係最好食。我地仲一齊研究緊🧐，當店員奉上蛋包飯嘅時候，問我地要唔要影相📸。原來佢係想幫我地😚𠝹開埋個奄列蛋。蛋包飯❤️好出色👍🏽！蛋好滑，𠝹開雞蛋嘅時候，蛋漿由中間流出嚟😍。烤牛肉配上甜甜地嘅汁😋，而且肉質一d都唔韌。撈埋奄列蛋包住飯一齊食，味道好夾！🥰🧆青口海鮮炒年糕有大蝦🦐、青口、帶子伴碟。年糕口感煙韌，掛上creamy嘅濃蝦汁好好味😋。朋友仲發現年糕係花生🥜形狀，非常特別。傾住計咁食，唔覺唔覺就食哂成碟。😂🍙泡菜芝士紫菜包飯去韓國餐廳，我最鍾意點🥰嘅其中一款就係紫菜包飯，今次亦唔例外。雖然紫菜包飯上面放有少少辣椒碎，但味道一d都唔會辣😉，反而仲有泡菜酸酸地嘅味道。🍊柑橘有骨炸雞 (有骨 - 半份)酸酸甜甜好開胃！炸雞淋上柑橘

𝒦𝑜𝓇𝑒𝒶𝓃 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓊𝓃𝑔 𝒞𝒽𝓊𝓃𝑔🌟韓式豬手沙律 𝗣𝗼𝗿𝗸 𝗞𝗻𝘂𝗰𝗸𝗹𝗲 𝗦𝗮𝗹𝗮𝗱 ($𝟵𝟮)沙律有好多種蔬菜水果，火箭菜、西袖等等，加左少少醋做𝘥𝘳𝘦𝘴𝘴𝘪𝘯𝘨，酸酸𝘮𝘢𝘺𝘮𝘢𝘺幾開胃。豬手係連皮果種🤣切成一塊塊咁食起黎好方便，不過就略微少少硬🌟 松露野菌蛋包飯 𝗢𝗺𝘂𝗿𝗶𝗰𝗲 𝘄𝗶𝘁𝗵 𝗧𝗿𝘂𝗳𝗳𝗹𝗲 𝗮𝗻𝗱 𝗠𝘂𝘀𝗵𝗿𝗼𝗼𝗺𝘀（$𝟭𝟬𝟮）松露份量都多而且好香，但食落個味道唔重。職員係你面前將個蛋𠝹開😍個過程好治癒，蛋幾嫩滑，配埋野菌淡忌廉幾夾🤭怪唔得咁多人叫🌟烤雞卡邦尼年糕𝗚𝗿𝗶𝗹𝗹𝗲𝗱 𝗖𝗵𝗶𝗰𝗸𝗲𝗻 𝗧𝘁𝗲𝗼𝗸𝗯𝗼𝗸𝗸𝗶 𝘄𝗶𝘁𝗵 𝗖𝗮𝗿𝗯𝗼𝗻𝗮𝗿𝗮 𝗦𝗮𝘂𝗰𝗲 ($𝟵𝟮)呢個烤雞好好味呀，個皮係真係好脆口，而肉質都入味嫁。年糕係幼身版，比起傳統果種𝘴𝘪𝘻𝘦更加做到𝘰𝘯𝘦 𝘣𝘪𝘵𝘦 𝘴𝘪𝘻𝘦，點𝘥 𝘤𝘢𝘳𝘣𝘰𝘯𝘢𝘳𝘢 𝘴𝘢𝘶𝘤𝘦再一啖食完，入口煙煙韌韌好滿足😙但成個都幾大份，食完有少少濟🌟韓式有骨蜜糖炸雞 𝗢𝗿𝗶𝗴𝗶𝗻𝗮𝗹 𝗛𝗼𝗻𝗲𝘆 𝗙𝗿𝗶𝗲𝗱 𝗖𝗵𝗶𝗰𝗸𝗲𝗻（$𝟭𝟭𝟴）黎食韓國野叫炸雞是常識吧！仲要係有骨果隻！𝘥炸雞擺盤擺到山咁高，頂頭仲有

終於都開返晚市堂食啦，呢日見係星期五，就約左個好奈冇見嘅朋友食飯，朋友喺機場返工，約佢來東薈城順便可以行下Outlet，朋友就一早已經搵左呢間餐廳卜左位。餐廳裝修都幾靚，同埋佢個招牌好可愛，我地點了以下食物：松露野菌蛋包飯（＄102）：職員會喺我地面前切開蛋包飯，蛋包飯個樣真係好靚，蛋又夠滑身，忌廉都好creamy烤雞卡邦尼年糕（＄92）：烤雞皮脆肉嫩，年糕亦都好煙韌，醬汁好好味。海鮮煎蔥餅（＄89）：煎餅脆口，蔥亦煎得好香口，海鮮方面，有魷魚，蜆肉等等，醬汁咸咸地，同煎餅好襯，都幾好味甜辣無骨炸雞（＄108）：呢嗰炸雞係半份，估唔到都咁多，雞肉好juicy，炸粉好脆，甜辣汁真係好開胃，除咗炸雞仲會配有薯條年糕烤朱古力棉花糖 （＄78）：一餐總結要有甜品先完美，棉花糖烤過之後外脆內軟，配埋朱古力好好味，好有少女感覺濟州鮮奶綠茶（＄42）：呢杯飲品個樣好靚，好夢幻，而且綠茶唔會過甜士多啤梨紅桑子梳打（＄42）：飲品好清新，而且底下有士多啤梨肉，好豐富依間韓國餐廳都幾特別，佢除左韓國菜，重有西餐同日本餐嘅感覺，啱哂咩都想試嘅我地雖然開翻晚市堂食，但係估唔到食完只係8點鐘，出邊好多鋪頭都冇延