Backyard (已結業)

選擇了到Backyard Café 渡過這個悠閒的星期六坐在窗邊的一角陽光放任地灑在窗前頭盤點了蒜香白酒車理茄煮蜆汁料香濃充滿香蒜味蜆肉身型巨大肉質極之鮮甜甚具西班牙風的烹調特色你的軟殼蟹泡菜竹炭漢堡很吸睛軟殼蟹內藏香濃的膏配上牛油果蓉味道很搭奈何總覺得泡菜味道有點格格不入我的肝醬野箘寬麵條更是精彩香濃的肝醬牢牢包裹著每條麵條配合野箘一起食用是滿分的義大利麵相聚於後院內你的溫柔甜笑化作了和暖的陽光映照在我的心房

再次喺荃灣發現新餐廳今次係一間意大利餐廳，環境舒適有情調頭盤點了melon and Parma ham,火腿鹹香四溢加上蜜瓜味道清新甜美，非常搭配再來一個大蝦車厘茄忌廉扁意粉，非常足料意粉彈牙，味道鮮甜開胃點了龍蝦湯，味道濃郁非常，好重龍蝦鮮味，亦有一隻龍蝦在內口感一流最後點了chop lamb 肉質嫩滑非常有口感，而且份量剛剛好， 味道不錯

荃灣愉景新城旁邊嘅中染大廈，翻新後改頭換面咁，感覺比從前高檔。當中有唔少新進駐嘅餐廳，我哋去試咗地下嘅Backyard。位處熙來攘往嘅馬路旁邊，餐廳裝修卻令人有種置身晌溫室嘅感覺，檯上仲鋪咗磁磚，令成個環境顯得唔單調。烤雜菜沙律，烤意大利黃瓜青瓜配上火箭菜、車厘茄、生菜、黑醋汁等等，口感爽脆清新。是日餐湯係粟米湯，同其他地方嘅有少少唔同，每口都飲到打碎咗嘅粟米粒，都唔錯。德國鮮肉腸蘑菇薄餅，搓成橢圓形，餡料有德國鮮肉腸、蘑菇同番茄，配上芝士、羅勒同番茄醬，餅底仲係我偏好嗰種脆如餅乾嘅質感。烤美國安格斯牛肉眼扒配燒汁，生熟度揀咗五成。餐牌指呢塊安格斯牛肉眼扒足有八安士重，咀嚼起嚟軟腍鬆化，頗有油香同烤香，底下仲有椰菜花、薯粒同彩椒。我哋叫咗咖啡，既提神又可以消滯，餐廳提供嘅係外型有啲似小石嘅白方糖同啡方糖。試埋呢個上網睇話只限荃灣分店先供應嘅紅菜頭田園三文治配薯條。三文治嘅桃紅色好吸引，麵包厚身，顏色主要係來自紅菜頭汁，稍稍烘到微焦，食落鬆軟而富彈性。中間分別夾咗烤芝士、煙火腿、番茄片、生菜絲等等，同埋搽咗沙律醬。薯條就灑咗辣粉、香蔥同煙肉碎，蘸芝士醬嚟食都幾惹味。味道OK，但份量非同小

今晚又去8咪半覓食，貪附近人流唔多，今次發現隱世的西餐，環境舒適又寧靜，服務仲好好。以灰/白色裝潢配淺木系座位，仲有植物裝飾，荃灣區既綠洲。環境舒適，餐具及四周都頗新，好整潔乾淨。先上餐前的麵包，有三款，分別是較硬身又煙韌的小餐包、鬆軟帶有黑芝麻味的包及脆麵包條。點油醋食味道幾開胃又夠飽肚。炸魚薯條 $88，份量幾多，有三塊炸魚，薯條更有香料味粉，食落好惹味，唔使茄汁已經好美味。炸魚的脆衣夠薄夠酥香，而且凍左都仲脆口。魚肉質感幾結實又有彈性，最重要唔會腥，味道不會太咸，配他他醬更滋味。燴牛仔膝配松露汁 $198，好可愛地用鑊仔裝盤，有三大件牛膝肉，仲有中間的牛骨髓，但松露汁唔太突出。附上小匙方便食牛骨髓，我地放上烘脆多士片上伴食，牛骨髓好濃牛味，滑溜油潤又甘香，與多士一軟一脆質感也很多。牛膝肉煮得好鬆化柔軟，一絲絲肉好淋又入味。伴旁邊的肉汁味道更濃郁，最底有幼滑的薯蓉，食完整碟都已經好飽，好抵食。鴨肝醬野菌濶條麵配香濃忌廉汁 $148一上枱好香，有濃濃忌廉味，令個麵好順滑，濶條麵更吸到好多醬汁，鴨肝醬比鵝肝味淡，所以唔會太濃重，但有甘香的肝味，野菌也用很多，同樣吸到好多醬汁，簡單材料味

同老公逢星期日都會去荃灣拍拖~~ 今個星期試一間新餐廳~~係新商廈的後花園呢~~裝修屬於小清新~ 田園風~~~Lunch set 唔多岩食~選擇左散叫~~一揭開餐牌就俾圖片吸引住~~所以頭盤就揀左煮蜆~~估唔到還原度幾高~~ XD隻隻蜆都肥美巨大~~ 而且非常鮮甜！盤底湯汁先係精萃，伴碟麵包沾上湯汁~ Yummy！美中不足只係2片.. 意猶未盡呢~主菜係比名字吸引~ 哈哈~軟殼蟹泡菜竹炭漢堡~漢堡上場，顏色都幾豐富~ 漢堡黑色，泡菜紅色，牛油果醬綠色~~睇到已經令人有食慾~黑色漢堡其實無咩特別味道~ 但勝在烘得外脆內軟~軟殼蟹好大隻~ 配上香辣泡菜~ 咬落好多汁~ (泡菜辣汁)而且牛油果醬好Creamy~~個人覺得創新又好食~ 大家可以一試~~另一個主菜係松露意大利飯~老公係無飯不歡的飯筒~只係少試2啖~ 調味有點過濃~不過口感唔錯~ 我一向鐘情有咬口的意大利飯~飯後一點甜，揀左一杯Caramel Latte~為優閑早午餐劃上完美句號~

平時食慣既野，加點顏色，加點新意，就大同了。話說荃灣8咪半裝修完後整個感覺都不一樣，還開了不少新餐廳。趁賣樓潮散去，自稱「荃灣小地膽」終於可入內覓食。今日食這間新開環境相當好的西餐Backyard。入去裡面，剛坐下時不多人，環境寬闊，坐得非常舒適。非常適合與閨蜜盡訴心中情，訴完仲可shopping。紅菜頭田園三文治配薯條($108)之前都講過，紅菜頭在我心中是非常健康的食物，所以想都不用想就點了這個紅菜頭三文治。用紅菜頭汁把方包染紅，三層包內有生菜絲、火腿和蕃茄等配料，用料新鮮，加上沙律醬，感覺相當足料，口感飽滿。紅菜頭本身味淡，但是色澤非常好看，令人食欲大增，清新得來很滿足！薯條亦爽脆好吃不算多油。軟殼蟹泡菜竹炭漢堡配薯條($128)食完紅色，食黑色。竹炭包，我每次見到它，內心仍覺有一絲新奇。這個包身相對較脆，內裡夾了炸過的軟殼蟹和泡菜。泡菜在這裡的作用相當奇妙，乾身的包、乾身的軟殼蟹，配上一個濕的、濃味的泡菜，意想不到，但食落又幾match。與紅菜頭三文治相比，覺得是折然不同的兩種包，這個偏向比較濃味。兩個都好食，但我個人會帶點偏心地推介我最愛的清新的紅菜頭。燴牛仔膝配松露汁($1

荃灣的8咪半開左幾間餐廳，其中見呢間人流唔多，可以悠閒嘆個晚餐，本以為冇咩人會中伏，但原來質素幾好，服務同食物都不錯。主菜選擇有齊雞、豬、牛、羊、魚。價錢$128-258。 沒有套餐，飲品及甜品都要另外點餐，價錢偏貴。先送來餐包有三款，最喜歡一片片款項的麵包，有蕃茄乾同好重香草味，質感鬆軟，外皮帶點似法包的硬。另一個包應該係黑芝麻包，味道唔突出。餅干條頗硬而脆身。美式咖啡$3x，味道幾香濃，加奶更滑，味道不錯。用粉藍色杯好靚，賣相提升。Iced latte $4x，用高身杯，份量好似偏少，甜度不高。雖然冰塊多，幸好味道沒變淡，也不錯。燴牛仔膝配松露汁 $198，牛仔膝煮得軟淋香滑，牛味濃郁，有如牛腩似的，好味。最吸引有骨髓食，用小匙來食，骨髓滑溜有點膩，有點似脂肪。但食唔出是松露汁。烤豬鞍配砵酒汁 $188，份量好多，有兩條骨，切開好厚身且啖啖肉。由於豬鞍要煮至全熟，所以一向偏乾硬，而且比較鞋。但旁邊有部份肉有彈性好有咬感，質感好好。但中間部份都係鞋，加上醬汁太少，更加乾身。配菜反而做得幾好，蕃茄及露筍都嫩淋好味，而且仲有炸蕃薯取代平時的炸薯條。

同朋友2個人去呢間新餐廳試Dinner餐廳個裝修幾靚幾舒服一坐低就會有包食好鍾意食bread stick😋Caramel Latte有拉花添🌷賣相已經好靚好香 甜度都岩岩好聽聞係真咖啡師😯本人去到邊都會忍唔住嗌既mushroom risotto🍄勁香呀仲有舊好大既菇係面飯粒既硬度對我黎講岩岩好👅泡菜軟殼蟹Burger😍😍😍重點黎喇🎉係門口見到個menu已經覺得好特別因為我泡菜同軟殼蟹都好鍾意食但冇食過將佢地擺埋一齊既野😂個bun係黑色既竹炭包結果唔係伏黎架❗️仲好好味😍薯條份量足夠夠哂脆 (好鍾意食薯條🙋🏻)PS 其實一開始叫左蘑菇湯 (但唔記得影😂)足料 唔係罐頭湯😏唯一係我覺得可以再稠啲同朋友都食到好飽 份量好夠呀👍🏻賣相同味道都好唔錯 絕對有下次

開業一個月左右，午餐只供 lunch set, 環境100分，食物70分，以這价錢可接受。喜歡這寧靜，空間感十足的氣氛，完全不被騷擾。還是喜愛這裡能給自己莫大的私人空間。

荃灣中染新城煥然一新，許多新店陸續進駐，是夜先試這間貌似試業的西餐廳，因為不知道是否已經正式開業，連門口的指示亦欠清晰，餐牌亦非常簡單，晚市的套餐竟然是“business lunch”，估計仍未準備妥當吧。侍應的服務值得讚賞，態度殷勤有禮。那時是晚上六點半左右，內裡只有三枱客人，全都是二人用餐，更全都被安排二人小枱，其餘四人枱全部空置，眼看後來進場的客人，由於二人枱已被坐滿，他們竟然可以兩人坐四人枱，難怪一早到來的客人甚為不滿，為何不是先到先得選擇坐位，這裡已記一缺點。猶幸餐廳布置簡約平實，感覺舒適。是夜套餐先送上田園沙律，味道一般，若能加上少許帕爾瑪芝士，將大大提升味蕾香味，但可惜沒有。接著奉上香草麵包，看樣子似是走意大利式路線，誰知一摸之下，麵包竟是凍的！在客人不多的情況下，竟然出現這種情況，為這餐廳多記一個缺點。再送上蘑菇湯，幸好尚算令人滿意，湯底濃稠，呷下有啖啖的蘑菇粒，為這餐廳拿回一個優點。主菜上場，牛肝菌意大利粉份量頗多，味道偏淡，需要自行調味，雜菌多過牛肝菌，勉強合格。但另一款主菜卻是這店的致命傷，就是美國安格斯牛扒。點菜時已覺奇怪，為何侍應沒有詢問我要幾多成熟，於是我主

Awwwwwww it's after 2pm , not busy at all. But the staffs are not helpful. Food is bad . I ordered a lunch set of salty beef sandwich with chips. And a cup of coffee.The coffee is sour and is just warm. The salty beef is just too salty , the tomato and lettuce are not fresh. The wheat bread is soggy Won't go again

又多一個好地方 成日食黎食去都係愉景新城 終於搵到一間好味既西餐因為6個人去食 介紹咗一個O.P Ribs一塊等於一般4至5塊扒既份量仲有個紅菜頭三文治 一拎上枱成班朋友已經v嘩鬼叫話好特別好彩無介紹錯😏

跟好友搭巴士打算去荃灣愉景新城晚餐，一落車見到有新餐廳，自己心思思想去食~~~見到門口寫新張8折到10月10日，有折試新野始終抵的~~~裡面的裝潢感覺有格調，算係吸引我去試的原因~~~睇返餐牌，set dinner 的選擇得三個，不過中間個烤豬架冇晒，變咗係羊架（正中了我的心意）菠菜苗沙律好好食，份量算ok粟米湯幾好飲，不過飲的時候覺得有好多粟米粒的衣，唔知呢個係咪特色啦烤羊架味道好好，都算軟熟不過牛扒就比較薄身，雖然係好食，但感覺打咗個折扣（因為想食牛扒都希望肉厚）每個餐有餐飲，如果凍飲要加$5~~~呢間餐廳開咗大約兩星期，所以上餐服務未夠完善，我們鄰枱的客氣因為等餐等到發晒脾氣，還有信用卡服務仍未做到……最後埋單用咗三百蚊，好友感覺似在中伏，因為件牛扒太薄，佢覺得唔夠飽，而對於晚上唔算大食的我就剛剛好因為羊架肉厚到呢間餐廳食野，環境真的有d吸引，食物味道都好好，對中產人士來講算係ok，但對於月入唔太高的80後來講間中去食好西當係一試無妨