Babbo Trattoria (已結業)

地點方便，鄰近time square， 但入口有啲難搵，要喺鵝頸橋嗰邊入。裝修時尚，環境舒適。早嚟被安排坐U型梳化單邊位， 適合鍾意有私穩嘅你。經典凱撒沙律本來以為係一般嘅沙律，但 侍應會即場刨一個巨型芝士，叫Grana Padano， 味道濃郁而又不會太鹹，配上新鮮生菜，覺得錦上添花!意大利飯配紅酒燉牛肉 飯好creamy，米質較為硬身。 紅酒味唔算特出，不過牛肉超淋好入味，似係慢煮咗好耐，輕輕一切就放到入口。經典漁夫薄餅 顛覆咗我對一般薄餅嘅感覺。皮薄又煙靭， 會喺客人面前即場切開， 熱騰騰，香噴噴。薄餅上有車厘茄， 醃製過的豆，鯷魚。鯷魚味道略鹹， 配上番茄醬，鹹鹹地，別有一番風味。