Babbo Trattoria (已結業)

题外话/补充资料： 上次堂食，音樂大聲到傾偈都聽唔到對方講乜，問侍應可否較細返些少音量，佢話冇得較喎，吹脹! 今次見佢外賣自取減10蚊，好抵喎，咁就集合幾個柯打12點鐘開門就打個電話過去，諗住慳返啲等候時間嘛，點知親身去到，乜都未整，咁我早幾分鐘打電話去係白費，等左超過半個鐘先有得攞，以返工叫外賣黎講係唔合格。咁都算，埋單時10蚊優惠唔見，我咪問啲侍應啦，佢話減左加一服務費，我於是show Facebook上的Menu，明明綠色字寫明外賣自取減10蚊，但對方只懂英文，餐牌優惠又寫中文，結果雞同鴨講咁，後來搵左個識講廣東話既同我地講，又話要同老闆釋法，但老闆唔喺度，就咁成張單求其減個10蚊俾我地。轉menu唔係籍口，如果取消優惠唔該更新返你個Facebook，如果優惠仲有，無理由1個餐減10蚊，10個餐又係減10蚊，唔通10個餐要打10個電話去落單先可以每個餐減10蚊? 到時我驚你接電話接到驚。成張單減一個10蚊呢個做法係取巧，我地係唔滿意，但唔想為咁既事花一個鐘都開唔到飯，唯有勉強接受。