Babbo Trattoria (已結業)

今晚同朋友去了位於時代廣場對面的二千年廣場食PIZZA，之前朋友試過Babbo Trattoria的PIZZA是即叫即烤，而且不似某大型連鎖集團的PIZZA，食完之後要狂飲水，味精超重。這裏的PIZZA充滿著炭火的香味，所以過來一試。我們七點半到達，餐廳客人不算多，所以比較寧靜，可以靜靜地傾下計。我們兩個人因為食完了TEA無耐，不太肚餓，所以點了個PIZZA及一個小食。蜜烤蒜味蘑菇鮮蜆盅：蜆盅有點似蜆肉清湯，大量的蘑菇及蜆肉煮成，蒜味不算濃郁，但蜆肉鮮甜，蘑菇新鮮味道香濃，以至於湯汁充滿著兩者的香味，非常鮮甜，可以當湯飲，亦可以醮法包吃，法包本身烘得非常香脆，唔會死實實。意式牛肝菌烤雞薄餅：薄餅是即叫即焗，而且是用炭爐即焗，比一般的焗爐多了點炭香，薄餅底有點似印度的naan，不會死實實，而是鬆化，表面是牛肝菌及烤雞，菌香十足，雞肉嫩滑，不過略嫌芝士味不足，比較淡口。因為不太夠芝士，所以加了點即蘑芝士在面，味道更好。總結：食物質素不錯，價錢在銅鑼灣區來說非常抵食，每人都是二百多元，不過比較適合一大班人去食，因為食完pizza基本上都大半飽，好難試其他款式。

Babbo Trattoria是位位鵝頸橋及時代廣場的對面，千祈不要以為門口是在羅素街，其實是在羅素街轉出去鵝頸橋那邊，整棟大廈都是餐廳。有即製即烤的炭爐PIZZA，廚師忙著預備中。甜品柜在門口，一入去即刻被吸引。點了個sparkling water，非常夠氣。蜜烤蒜味蘑菇鮮蜆盅蜆肉鮮甜大隻，肉質鮮嫩，煮得剛好無過火，而且配以大量雜菌及香料一齊煮，蜆湯清甜無比，還伴以烘法包，非常香脆。鮮蝦野菇意大利飯意大利飯軟硬適中，份量頗多，以青醬為汁，青醬味道濃郁，有香濃的羅勒味道，非常清新，不過欠缺了芝士的咸香味，另外再配上兩隻煎蝦，蝦肉肉質結實，新鮮爽口。加上了松子仁香脆及果仁的香味非常突出，而且有口感。總括而言，味道不俗，價錢合理，座位舒適，見佢有用炭爐烤的pizza，下次可以一試，不過頭頂對正冷氣出口位，越坐越凍。

原來 “babbo trattoria”意思係「爸爸的餐廳」聽落感覺好親切來自台灣團隊嘅意大利餐廳感覺用料同服務都好用心上次來食過一次非常難望今次又再來試下其他野先小食我地叫左香煎帕爾馬火腿帶子(日本) $118好大粒日本帶子啊！好厚肉原來帶子加火腿可以咁match煎得勁香啊！加埋個茄醬食落好開胃窯烤春雞佐帕爾馬火腿牛肝菌汁 $288好大份啊！估唔到咁大份兩個人share好飽啊！牛肝菌超香肉質夠juicy焗得勁靚連d皮都好好食奶油蛋黃海鮮寬扁麵 $198海鮮足料有好多蜆肉仲要好飽滿同鮮甜個汁好香滑麵身夠硬食落好彈牙呢個麵一定要share如果一個人食曬會好漏下環境好闊落舒適半環坐位好好坐對呢度d食物都超滿意下次會再來幫襯過如果第一次來食一定要試個pizza但如果試過pizza會特別推介食烤春雞

今晚同媽咪去食晚餐，去左一間意大利餐廳食飯，媽媽好鐘意食pizza，今晚佢就最開心叫左幾款食物開心share，台灣風味的意大利菜，夠哂有趣。先叫一個炸雞翼。香脆外層炸粉夠薄，入口唔會油膩好香好脆，雞肉入口肉汁豐富，肉質非常嫩滑，底下沙律菜好新鮮爽脆好驚喜。我好鐘意食豬排，豬肉爽嫩入口唔會好鞋好乾，加左火腿和芝士焗得惹味，旁邊有焗蔬菜。我叫左個雙拼薄餅。蝦肉和雞肉，咁就可以試到兩隻味道。批底好有咬口麵粉味道好香好濃，入口唔會好乾，味道濃郁滋味。

今日同老豆食飯，出左糧要孝順下啦。兩仔爺食飯，去食老豆最愛既意大利菜。銅鑼灣食肆好多，上網搵到依間餐廳就去食個晚餐啦。人客好多，對餐廳好有信心。我叫左個炸雞翼。酥脆雞翼好香好脆，外層炸粉勁薄雞肉嫩滑多汁，一咬就咇哂肉汁出黎，食完雞翼食下沙律菜，減肥油膩感。叫左個豬鞍排比老豆食，豬排用火腿和芝士焗得咸香，中間肉嫩唔會好鞋，加上咸香火腿味道好惹味。用上意大利麵粉即叫即整，入口煙韌充滿咬口，麵粉味道極濃，叫左雙拼味道。

位於Time Square對面, 地方容易揾。此間餐廳由台灣人搞，餐牌整到好似相簿咁厚，好精美，入面嘅餐點介紹也很台式，很詳盡，顯示了對食材的尊重。先來一個黑烤蒜味鮮蘑菇鮮蜆，它是輕辣， 辣得來辣味留在齒舌之間，良久才散去，淡來温去，加了些小米酒。 夾餸的刀叉， 跟用餐的刀叉是不同大小的。pizza即叫即整 ，等了大半個鐘頭才嚟。 餐廳職員在客人面前切pizza。 叫了雙味pizza， 台式牛肝菌烤雞清新， 雞肉焗到一半才放上面 ， 所以不會太乾。 拿坡里海鮮味味道濃烈， 主要有魷魚。 pizza的確小麥味純厚， 芝士十分煙韌，底薄柔軟又具彈性，製作認真， 味道不同凡響。皮做到很簿，pizza值得推介！餐廳環境影相當雅緻， 餐廳環境幽暗， 餐桌枱上有一盞射燈， 食嘢又不會太黑。廚房高度透明， 餐廳留位俾酒吧，及甜品櫃， 比在香港人開嘅餐廳就會用來放枱招呼客人。

今天在公司拚個你死我活，不停開會。為求充電睌上放工決定同朋友去chill 吓。揀了一間之前去過餐廳位於銅鑼灣羅素街上樓既食店。點解要再去，緊係食物質素性價比高啦。我們點辣味番茄鑲蛋佐特製麵包$108 微微辛辣的番茄茸配以半生熟蛋再加少少辣油同芝士混合一起，滋味滿分。再加埋homemade 麵包。絕配。當然醫肚一定要order 個辣味鮮蝦天使麵 $178辣味適中配以三隻新鮮大蝦，烤過的大蝦香氣撲鼻加上肉質弾牙同幼幼既天使麵很搭配。必要order。朋友不夠飽所以再order 了一個餐廳出名手作pizza . （Pizza Tonno $188). 外脆內軟芝士味濃郁，很有意大利特色。最後不能少得一份意大利甜品 Gelato pancake $68作為這晚晩餐的句號。

環境陰暗 被安排的沙發座位有食物碎朋友生日來試試 伏出國際 伏到連甜品都取消走人價格與食物不相符 差差差！其中一位馬尾員工態度差叫佢收走多餘刀叉佢同我講話放低左既餐器 你唔用我地都唔會重用我都冇叫你重用我只係唔想佢係我枱出現 ok?炸雞翼炸到太干 外干內干 只辣粉味滿口只有辣粉既味道 口干土匪雞翼更佳炸意大利飯炸粉加無味意大利飯粒 茶記茄汁肉醬食緊咩？蝦pizza蝦唔彈牙冇蝦味 芝士味淡個pizza邊特色黎？苦口黑焦味

這晚同朋友來這間位於銅鑼灣Time Square附近的意大利餐廳，可能時間尚早，兩個人也被安排坐在馬蹄型卡座，非常寬敞舒適，裝修時尚有風格，尤其是用餐廳名字的吊燈，搶眼非常！好似相簿一樣厚的menu非常精美，介紹了有很多特色意大利食品，有些還有註解呢!Taleggio芝士鑲蛋佐特製麵包$108 ~ 雖然menu標榜Taleggio為臭芝士, 但食落一點也不臭, 混合温泉蛋及少許辣椒，搽在自家特製麵包，份外香滑！辣味鮮蝦天使麵$178 ~ 惹味非常的一款pasta,大蝦肉質爽彈，甜美新鮮。天使麵吸收了辣味醬汁，零舍惹味 蕃茄吞拿魚pizza $188 ~ 師傅手法純熟但一絲不苟，即場用心手作pizza，材料豐富，片刻間已製作出一個顏色鮮豔奪目，色香味俱全的意大利薄餅了！最後甜品Gelato Pancake $68 ~ 看似平平無奇的pancake, 其實特點是內裡的自家製Cream Cheese Ice Cream， 甫切開即流出來，真的非常creamy，雪糕不太甜，配上pancake及士多啤梨糖漿，每一口都滋味滿分！吃過才感受到餐廳如何用心製作，令客人享受一頓不平凡的意大利菜！

去開銅鑼灣買嘢，行吓行吓開始肚餓，所以去食返個午餐，記得之前朋友介紹過，銅鑼灣有一間食Pizza好好食，所以決定去試吓。一去到發現好有高級餐廳嘅格調，而且非常開揚。入到去見到座位寬敞，非常有氣氛，而且所有擺設都好靚。一入到去最吸引我嘅就係凍櫃入邊嘅甜品，非常特別而且好精緻。餐牌設計亦好有特色。佩柯拉拉燉羊麵包少點，蒜蓉包上邊鋪滿燉羊肉，再加芝士碎，賣相相當吸引。羊肉入口味道香濃，而且沒有膻味，蒜蓉包外脆內軟，兩種食材配搭得宜。之後再點左西西里番茄冷麵，係幼幼嘅冷麵加入番茄同香葉，而且酸酸地非常開胃。薄餅用傳統炭爐製作，好考廚師功夫。費倫天拿傳統薄餅，入邊加左菠菜同蛋，而且一放上枱聞到好香。店員會喺你面前將個薄餅切開，望到啲蛋漿慢慢滲出嚟，令我已經忍唔住想即刻食，薄餅入口非常鬆軟，而且有炭火焦香，配合其他嘅配料，同香濃嘅芝士味口感豐富。餐廳環境好，食物美味，而且食物款式好特別。

有時，在餐館吃到有風味既住家飯，也會令人想起媽媽！不過，今日呢餐個午餐，就令我諗起爸爸！無獨有偶，近日幫襯咗兩間分別以「爸爸xx」或「xx爸爸」命名既餐廳，都係位於銅鑼灣。而勾起我既住家飯回憶，就只有呢一間嘞！ 呢間來自台灣既意大利餐廳，店名解作「爸爸的餐廳」，是日點了一客茄醬燉雞，濃濃既茄汁，毫不吝嗇咁鋪滿成隻碟，好似爸爸既愛咁偉大同溫暖……大大舊雞脾肉混和番茄連醬，仲有幾舊法包，好飽肚又健康。溫馨既感覺返番黎……講真，正常黎講都係媽媽入廚多，爸爸偶然煮下西餐，次數雖少但刻骨銘心，味道更加讓人懷念(唔好話比媽咪知^,^)！ 至於個前菜凱撒沙律和忌廉濃湯，都有份濃得化不開既情懷，飲品點了凍朱古力，仲唔係返到少年時！^@^

踏入九月，是較多家人和朋友的生日月份，今晚與我情同姊妹的表姐慶祝生日。大家喜愛意大利菜，朋友介紹這間為於二千年廣場的意大利餐廳。餐廳內環境優靜，適合三五知己聚在一起的好地方。兩位女士食量有限，所以我們點了沙律、主菜和甜品。西蘭花冷盤西蘭花爽脆，感覺新鮮。其他配料有車厘茄和欖，最重要是加入西西里鯷魚，廚師將魚打成蓉，配合意大利欖油，使冷盤增添鮮味。鮮蝦意大利飯意大利飯稔道適中，食落沒有生米感覺。大蝦新鮮彈牙，但絕不是雪藏貨式。喜歡他們的秘製蒜味松子青醬，雖然除蘑菇外，沒有其他配料，但已很美味。甜品老表生日，當然要點一件白桃慕絲蛋糕作甜品，主要由白桃慕絲、紅莓啫利和一層薄薄的海綿蛋糕。慕絲打得幼滑，甜度適中，有層次感。

係三日假前既Happy Friday，當然揀間好d既餐廳食晏啦！呢間餐廳店內裝潢幾靚，夜晚食飯應該幾有情調Set lunch 都有幾多選擇是日餐湯係忌廉蘑菇湯本以為係普通貨色....原來....係好足料既....用左幾種菇類一齊煲！凱薩沙律新鮮既生菜 + 煙肉粒+ 芝士碎跟住兩款主菜黎啦...獵人式燉雞腿係用香草 同 蕃茄醬燉煮既雞腿肉 及 青椒、紅椒，又可以用飽沾醬一齊食，好正忌廉檸檬大蝦意大利飯平時食意大利飯如果用忌廉汁煮食到一半都已經覺得好膩...但呢間既煮法用埋檸檬汁，好創新既煮法，食落幾清新、大蝦肉質又彈牙！意大利飯軟硬度剛好，全部配合埋好好食！埋單一人唔使一百蚊....滿足～

銅鑼灣的確是飲飲食食集中地，每到中午食飯時間永遠唔怕唸唔到吃什麼，今次同事帶我去一嚐來自台灣的義大利菜。 唔好以為港島區食飯就一定貴，一睇個Lunch Menu，果然有驚喜，選擇多元化，大概HKD88的價錢已經包了『凱撒沙律』、『餐湯』、『主菜』及『飲品』，加埋充滿情調的環境，我覺得整個Package 非常合情合理。 我同友人分別點選了『忌廉檸檬鮮蝦義大利飯』及 『獵人式燉雞腿』。 首先上前菜『凱撒沙律』，份量適中，每塊生菜也佔上了沙律醬，如果加埋麵包粒就完美喇。 餐湯值得一讚，今日既餐湯係磨菇忌廉湯，唔好睇佢細細柸，裡面的用料好充足，滿滿的香菇，飲極都仲有呀。 到主菜登場，『忌廉檸檬鮮蝦義大利飯』份量比預期中少，但由於義大利飯比較creamy，所以其實食落會覺得岩岩好。呢款『忌廉檸檬鮮蝦義大利飯』好重檸檬味，感覺好fresh，中和了本身比較結的忌廉creamy感，廚師果然唸到週到。 另一款主菜係『獵人式燉雞腿』，開頭以為只係燉雞腿應該會唔夠飽啦，點知餐廳好大方，雞腿份量有好多件，仲配埋硬麵包(一共4小件) ，雞腿被濃濃的蕃茄醬包圍住，配埋硬麵包沾上蕃茄醬一齊食，感覺真係好滿足。 係繁

心血來潮今天想吃西餐，知道銅鑼灣二千年廣場有好多餐廳，今天特意選了在5樓的《Babbo Trattoria》。電梯門一開，餐廳外牆全用玻璃形式，非常開揚，餐廳內燈光柔和、座位寬敞，非常有情調及氣氛，好適合同好友傾計談心。 今日與好友兩個人齊齊黎食午餐，Menu內選擇多元化，而且一個價錢已經包哂沙律、餐湯、主菜連飲品，岩哂呢d唔想煩最緊要食得飽既我。今日工作唔多，唔趕住番公司，所以可以慢慢嘆! 見到個Menu，貪心既我真係咩都想試，所以點了兩款不同的主菜同好友分享，我地點了『忌廉檸檬鮮蝦義大利飯』同 『窯烤蕃茄雞肉斜管意大利麵』。 一邊點菜的同時，我到Openrice看看，原來餐廳的午餐Menu會定時轉款，保持著一定的新鮮感，果然唔錯。 前菜是『凱撒沙律』，相當開胃，醬汁充足，沙律菜新鮮翠綠，唔會好乾 。 磨菇忌廉餐湯，用柸上，熱辣辣，每一啖都有磨菇，好有飽肚感。 主菜方面，我同好友Share『忌廉檸檬鮮蝦義大利飯』 同『窯烤蕃茄雞肉斜管意大利麵』，一飯一麵，各有煮法。首先『忌廉檸檬鮮蝦義大利飯』，哇…… 廚房一點都唔孤寒，有6隻鮮蝦，正呀!!! 義大利飯軟硬適中，而且粒粒分明，粒粒沾上