Babbo Trattoria (已結業)

今天是跟一名非常喜歡蕃茄的朋友吃晚飯，我們到了銅鑼灣一間意大利餐廳晚飯，餐廳環境很不錯，可以看到酒櫃、開放廚房及Bar 枱，加上柔和的燈光和音樂，氣氛頗浪漫。我們一共點了一個頭盤小食，一個意大利飯及一客Pizza。小食是意式麵包小點，麵包上鋪了新鮮的生蕃茄粒，混上調味醬汁，蕃茄色澤很紅潤，入囗juicy，蕃茄清新爽口，醬汁輕盈醒胃，法包脆脆，朋友一人食了三塊😂跟著的是窯烤波隆那野菇肉醬意大利飯，烤出來的外觀金黃色又帶點焦，賣相十足，芝士、肉醬及意大利飯的比例配合很好，芝士牽絲，整個飯很濕潤，肉醬惹味，蕃茄味濃，不會因為太多芝士感覺膩。從menu 可見這店的Pizza是即叫即製，做pizza 用的是PH=8 的高質量礦泉水，麵粉用比賽指定的品牌，大家對pizza 很有期待。我們簡單的點了一個以女王名字命名的pizza，叫意大利瑪蘇里拉芝士pizza,配料簡單，只有蕃茄及芝士，出爐的pizza口感具彈性，外層香脆，待應替我們用切餅器切開八件，每件大細一樣，pizza 的皮雖然薄但卻煙un, 相信跟PH=8 、麵粉及師傅的技巧很有關係，加上新鮮出爐，熱度十足，才能吃到這個沒有太多配料，蕃茄味

諗住星期日晚同男朋友撐枱腳，就好隨意係銅鑼灣揀左呢間意大利菜。地點非常方便，地鐵點步行5分鐘。環境非常舒適，地方寬敞，而且唔迫同唔嘈，加埋個落地酒櫃，氣氛相當唔錯。另外，服務周到，而且食物水平不俗，值得推介。奶油蘑菇湯口感頗滑，但磨菇味唔夠重奶油蛋黃海鮮寬扁意粉不錯，不過食到最後會膩意式酥炸飯團👍🏼推介，外皮酥脆，裏面嘅飯醃過，同肉醫十分配合。惡魔風酥炸雞翅微辣，無咩驚喜taleggio 芝士鑲蛋佐特製麵包👍🏼推介，非常出色，完全唔會膩，而且蛋碎同芝士嘅口感令個包更有層次同咬口

今日約咗朋友收工係銅鑼灣行街，順便食個飯傾吓計，朋友話同事介紹咗依間非常近佢公司嘅西餐廳，正好我又好想食西餐，就決定要食佢啦！首先餐廳裝修得好有格調，空間感好足，座位嘅距離夠大，可以舒舒服服咁同朋友傾計，又唔怕會嘈親其他食客。餐牌都算多選擇，最後我哋就揀咗Cesare salad$118、Uova Taleggio$108同埋Pizza Margherita$138。Cesare salad$118單睇價錢有啲貴，但係佢嘅芝士係即場刨出黎，而且職員好細心地問我哋會唔會想分碟上，芝士非常醇，但又唔會太膩，配埋蔬菜中帶點酸嘅醬汁一齊食就非常配合，而且蔬菜新鮮，口感清爽，同芝士夾埋食口感好豐富。Uova Taleggio$108同樣係以芝士黎調味嘅菜式，醬汁係以芝士同溫泉蛋輕輕焗過之後拌勻，再放上溫暖嘅麵包上一齊食，麵包嘅口感特別有嚼勁，配上芝士醬食就變得非常柔和。Pizza Margherita$138最後登場嘅pizza一樣有芝士調味，但係有蕃茄配合，感覺上清新多了，而且有香草調味，一上菜已經俾香草嘅香味吸引，餅底嘅外邊焗得香脆但入面又有嚼勁，睇黎廚師係整包類食物上非常有心得。埋單人均二

之前聽朋友介紹一間由台籍料理師主理的意大利餐廳Babbo Trattoria，梗係要立即去試下。餐廳位於銅鑼灣羅素街2-4號二千年廣場5樓。一入門口就見到甜品和芝士，而且餐廳燈光柔和，情調很好。廚房裡的是窯烤爐，部份菜式以窯烤製作。凱撒沙律，芝士雪花撒在新鮮羅馬生菜上，散發著獨特的乳酪香氣，加上鯷魚汁，薄薄的芝士入口即溶，沙律菜爽脆，和芝士的鹹味很配合。煙花女天使意粉，吃起來鹹香過癮又辣勁十足，橄欖充滿油脂鹹香，酸豆則適時地刺激味蕾，天使麵軟硬適中。漁夫，客人落單後即拉薄餅底，經高溫烤烘，皮底挺身同時保留軟熟質感，整個薄餅不會很油膩，而且保留到食材原來的味道。

星期日晚上去左Babbo Trattoria食晚餐，二個人嗌左三樣簡單而basic既菜式，好多人會以為咁樣一定好齋，但偏偏愈basic既菜式愈考起廚師功力。Cesare salad呢度既Cesare salad非常特別，店員會即場響餐廳刨啲芝士放上啲沙律菜上，比例可以話係一比一。芝士香醇，一啲都唔漏，必試既有趣菜式。煙花女天使麵天使麵煮得恰到好處，唔會過淋，天使麵比意粉好食之處係佢幼身得黎，會更索啲汁，非常入味。呢款天使麵係蕃茄味底，帶有少辣，好惹味。Marinara pizzaPizza底好好食，應該係用啲烤爐焗出黎，特別係個邊。佢冇芝士既，所以唔會好漏，呢款帶有魚香，不知不覺間就清曬。

今日去銅鑼灣食lunch, 友人在這邊工作，知道好多好食既野，今次去左「 babbo trattoria」，係二千年廣場5樓，係times square 附近！ 中午有lunch set, 包埋沙律，是日餐湯，飲品！抵食好多！沙律澆上少計的醋醬！比較light,湯係蕃茄湯黎，普通啦！叫左「香煎鱸魚左蕃茄鯷魚醬汁」，係有2大塊煎魚的，加上香烤的雜菜同新鮮蕃茄汁！好夾！感覺上好健康！不會有多餘的調味！另外叫左「惡魔風窯烤半雞」，是友人推薦的！開頭怕有很多骨，食落好麻煩，原來已經把骨都拆去！好貼心！坐得都好舒服下！唔會太大聲，同友人都好舒服甘談天！果然是好推薦！

今日過銅鑼灣搵朋友食晏，因為佢公司在time Square附近。所以我提議到2000廣場Babbo Trattoria 意大利西餐廳, 這裏環境唔錯, 食物質素都好好。 set lunch都有好幾款可以選擇， 我們選擇咗海鮮意大利飯和香煎鱸魚。 午餐包餐湯，沙律菜和咖啡茶， 這樣價錢能夠享用咁豐富的午餐， 我覺得性價比都高。今日餐湯蕃茄濃湯， 這碟沙律菜都好大碟和新鮮，午餐有碟沙律菜覺得健康一些。這個海鮮risotto海鮮品種都唔少喎 有蝦，魷魚， 大蜆和青口， risotto煮得口感剛剛好， 這個飯好鮮味。不得不讚這個煎鱸魚， 上枱時已經煎得香噴噴， 兩大片魚柳還有露筍，茄子，青瓜配菜， 滋味又超値。

今天我表妹來到位於2000年廣場的Babbo Trattoria,頗喜歡這裏的裝修格調，座位舒適寬敞， 有禮的服務更是不在話下。餐牌內的菜式豐富而有特色。凱撒沙律蔬菜青翠爽甜忌廉雞湯 米蘭海鮮意大利飯 $98海鮮有青口、蜆、魷魚和大蝦， 寓意大利飯軟硬適中，加上香甜惹味的洋蔥。窯烤忌廉菠菜千層麵$88 賣相與一般的千層麵不一樣，驟眼看有點像個pizza，內層有菠菜、洋蔥、蘑菇及忌廉汁，材料新鮮加上香濃的芝士，會不自覺一口接一口的吃下去。Love Generti set+$15 以益力士多啤梨製成的沙冰，酸酸甜甜的，冰凉醍神。楓糖香蕉撻撻底比較稔， 香蕉味香濃。

今日又約左朋友銅鑼灣食飯.想食簡單D，就食pizza意粉.Babbo就向時代廣場對面，好方便.尼次係沖住距個pizza而來.環境都唔錯，西餐格局，好乾淨而且現場播放音樂有義式風味，同環境好夾.先來cesa沙律，最吸引係面頭既芝士，軟綿綿，奶味濃，而且after taste會轉變成口味.唔錯.而且多到滿瀉.好邪惡.仲要係新鮮即刨添.無得輸.再來橄欖番茄天使麵，麵身熟度無得頂，廚師把握得非常好.個汁好濃郁，有小小辣，正宗意大利粉就係要咁.齋用番茄醬加橄欖，無cream無芝士，抵讚.再來主角，漁夫pizza，都係番茄醬做底味，配橄欖魚乾蒜片.pizza餅底即叫即做，而且係用傳統火爐烤焗，開頭見到條邊咁厚，一位係pizzahut style.點知食落先知，傳統意式正宗薄底.精華邊身超煙韌，絕對係食過最好食既pizza.其他行埋一邊，我話既.

朋友介紹這家意大利餐廳不錯，就來試試。餐廳內燈光柔和，播放着意大利傳統歌曲，環境氣氛有情調。廚房採用玻璃窗幕的設計，客人可以邊看廚師炮製美食邊用餐。Menu製作頗有心思，有文字說明菜式的由來和特別之處。凱撒沙律用上18個月的Grana Padano 芝士，店員即場刨製，鋪滿在生菜上，為平凡的凱撒沙律帶來不平凡。Grana Padano 有脫脂奶的成份，由於熱量比其他陳年芝士為低，多吃了亦不用有太多罪惡感，哈哈。芝士香醇不膩，煙肉甘香小脆，生菜新鮮爽口，配上薄脆麵包片，口感豐富，很快吃完一整碟。煙花女天使意粉素食菜式，雖然食材簡單，但卻很美味。天使麵麵質韌度適中，口感不會過淋。醬汁有濃郁蕃茄香，少許黑胡椒，配上蕃茄粒、意大利橄欖和酸豆，清新開胃。漁夫pizza這餐廳的pizza是主打，即叫即制，用明火烤焗。店員介紹漁夫pizza是意大利最傳統的pizza款式之一。pizza餅邊烤得外面香脆，內裏有點像口感煙韌的麵包質感。漁夫pizza有別於一般的pizza，主要餡料有醃製的堤魚碎肉，車厘茄，蒜片和橄欖油，搭配起來咸咸酸酸，惹味。漁夫pizza這款式不常見，味道有新鮮感，有驚喜。

這店我很多時和朋友來，特別是來旅行的。店舖雖然由台灣帶來，但裝潢格調都很高尚！今日帶台灣朋友來吃意大利菜凱撒沙律$11818個月Grand Padano 芝士真的不是假，醇而不膩。味道有芝士香又配上生菜清甜爽口沙律配上酸酸汁很開胃，是一個提升胃口好前菜。芝士鑲蛋佐特製麵包 $108這是傳說臭芝士味道很濃配溫泉蛋，點麵包一流！事實不會覺得臭的主菜啦！當然要試意大利飯啦，番紅花意大利飯佐紅酒燉牛肉$178意大利飯芝士味軟糯好味，牛肉是牛位置燉到很軟腍有點柱候醬炆牛腩味道，很餸飯！男士應該超合口味，男人味道！漁夫薄餅 $118這個真心喜歡，今次選了一個清清地pizza.這個薄餅外邊厚身脆而煙韌，中間很薄非常好餅底有驚喜原來用堤魚醬，有點像咸魚醃漬過，配上醃漬了豆豆和葉。薄餅味道比較濃，咸咸酸酸的很惹味，有點意想不到。玻璃面的餐牌，真的與別不同，超重手。坐位都啡色皮梳化很高級。

這個在鵝頸橋對面的樓上西餐如非女朋友帶領都不知道。整層都是這間餐廳，有bar枱和開揚玻璃窗廚房，座位約70-80人，地方都幾大，燈光昏暗，木調色系設計。前菜試了帕達諾窯烤牛肚，這個西式煮法的牛肚都是第一次吃，烤好的芝士蛋下就是蕃茄汁煮的牛肚，這個部位是平時吃開的金錢肚，配這個醬又幾好吃，沾上蛋黃漿仲正。不得不點的窯烤春雞佐帕爾瑪火腿牛肝菌汁，先講配菜的雜菌，全都大大粒，有咬口，又多汁，而且有烤過的菇香味四溢；另有很多片咸香味十足的parma ham，味道香濃；牛肝菌醬奶油香味又重。主角烤春雞雞皮卜卜脆，雞肉啖啖都有烤肉味，白嫩細膩的質感100分。一分錢一分貨的餐廳，值得再來。

和男朋友看了openrice見這餐廳評分很不錯，逛完街就到這裡晚餐，地點很近時代廣場。地方很大，已經有萬聖節的佈置，幾有氣氛，廚房是半開放式，一眼透過大塊透明玻璃望到廚師在做菜。價錢定位亦幾高，始終銅鑼灣得旺又是市區。星期日晚只有兩三個客人，都好可以寧靜地吃個晚餐，不用吵吵鬧鬧的。先試一份意式薄片生牛肉，上面鋪滿芝士碎條，中間是味道濃郁的火箭菜，最下是一片片薄薄的生牛肉，加上檸檬汁多種滋味在口中，不過最主要味道仍是牛肉片！主菜窯烤春雞佐帕爾瑪火腿牛肝菌汁，已切好成四份的春雞，外皮香脆燻香，肉汁多肉又鮮嫩，二人分享，份量剛好，醬汁的菌味濃郁，很開胃。

#小秘書 今日貪得意跟朋友入馬場行咗個圈，童子手好好彩贏咗百幾蚊✌🏻為咗唔想輸返比馬會，影完幾張Group Photos就走人😆兩個人搭叮叮出銅鑼灣搵食，朋友諗起喺 #二千年廣場 樓上有間意大利餐廳 Babbo Trattoria 都唔錯🧐 真好... 唔使我諗，一齊去試吓啦！去到餐廳嘅門口，馬上被白底紅字嘅招牌吸引住👀之後餐廳嘅右手邊就係一個半開放式嘅廚房，遠遠睇... 廚師都幾靚仔㗎啵🤩 侍應先帶我哋坐喺一張半圓形嘅餐枱，當知道我朋友唔食牛，就介紹我哋可以試吓餐廳嘅signature dish #釀烤春雞配帕爾馬火腿牛肝菌汁 🍽 起初我對呢個菜無咩期望㗎，不過我朋友又只可以食白肉... 唯有啦🧐 因為我哋只係得兩個人，侍應提議我哋可以叫一份 #鯷魚西蘭花冷盆🥦、#蕃茄燉魷魚🦑、#煎帶子伴帕爾馬火腿😋 做前菜。第一度上嘅菜係 #蕃茄燉魷魚，蕃茄醬汁配以香料煮成，運入鮮魷魚肉，顯得特別鮮味、肉質彈牙👍🏻 #鯷魚西蘭花冷盆 味道唔太特別，不過 #小秘書 唔覺意將西蘭花🥦沾上前一道菜嘅蕃茄醬汁，感覺零捨不同，好夾味😋 之後再上嘅係 #煎帶子伴帕爾馬火腿 唔使講... 呢度菜一定好食啦！我就

本來以為是一間意大利餐廳，後來發現係台灣人開。都冇乜所謂，但煙火腿pizza 冇味吾夠cheese，算係食過最難食的pizza. tiramisu 吾係用意大利芝士,大大份比較似蛋糕。屋企整得好食過佢。意大利餐價錢，cafe 質素。服務還好。好失望，不會再來。七點入場時都吾使等位都幾驚訝，以為好評甘多應該會幾好食。收依個價錢其實應該夠俾正宗材料。情願啲餐巾吾使甘厚甘靚。吾明點解甘多人好評，試過幾間openrice 幾間好評餐廳都中伏。