Around Wellington (已結業)

由中環咸靈頓街已經好出名嘅高質黃店搬咗去銅鑼灣黃店街樓上鋪終於同朋友慶祝生日食到6:30去到 有枱但7點後已經爆場 大家要早啲預約留枱！個drink list 有好多款特制Mocktail 試咗一款 雖然冇酒但好好飲好特別 好似飲緊酒咁🤣🤣下次一定要試埋其他Pizza 同 威靈頓牛都好正宗 好有水準 必試沙律幾特別 好清新 食咗咁多芝士同肉可以refresh 下蛋糕surprised 地有流心feel 好清新 唔太甜真心好好食會再回頭可惜未有酒飲 等有酒會再去！！兩個人埋單$900 中價高質

一早刻左位，黎到直接可以入座~不過呢度侍應太少，我地坐最入，基本上連叫野食都要自己行出去，無人招呼!食物方面唔多選擇，而且我地明明最早黎，但叫完食物後，等得最耐係我地，旁邊比我地遲入座的就已經上菜，但我地仲要不停去催。呢方面真係應該改善下，太少人，根本顧唔到食客。食物方面我地都叫左唔少野，首先推薦：*黑松露雜菌Pizza：好好食，黑松露味超香，入口香脆，呢個好值得食~佢係薄身pizza，唔會好滯~*德國咸豬手 配薯仔酸菜：估唔到咁好味，而且佢都好大舊下，我地6個人都可以Share，大家食D，又係推薦!佢個皮超脆，如果鐘意食豬手必食牛扒牛油果三文治配薯條、沙律：不過不失，share食就有D難度~不過佢個薯條就真係好好味﹗熱辣辣仲要夠厚身~紅菜頭燴意大利飯，配大啡菇講真，紅菜頭味唔係人人接受到~呢個打卡絕對係一流，不過食就...可能唔係太鐘意個個味，好素，但個意大利飯係做得唔錯~紅咖哩煙鴨胸螺絲粉鐘意食辣的話，呢個不妨一試~佢係辣味濃，但我個人就覺得一般~

見星期六都要番工 星期五就約定同事放工去銅記食好野💛不過原來星期五先book餐廳太遲喇🤭 部分都已經full booking 搵搵下見到新開既Around Wellington喺openrice 仲book到位 所以就試下啦~~我地3個叫左3樣野💁🏽‍♀️牛油果紅腰豆沙律 ($88) +$20 無激素雞胸沙律🥗發揮正正常常! 覺得加配雞胸係明智嘅決定😎$20有6-7塊咁多 唔係接受唔到既鞋口 增肌之選🤓無花果巴馬火腿pizza ($138)好芝!!! 🧀🧀🧀好芝味 代價係搶左無花果鏡🤔 唔好最後先食parma ham個邊啊 會太濃味~~pizza偏薄身 加上有份量既芝士 所以中心範圍有d淋身 外圍就係脆既~~不過薄身既pizza 冇咁飽濟 有多d quota食其他野😌紅菜頭燴意大利飯 配大啡菇 ($88)意大利飯唔似意大利飯 冇顆粒感🤔好彩入面加左粟米芯🌽 救番飯既口感!紅菜頭味道幾出👍🏽整體黎講💁🏽‍♀️食物質素唔算有驚喜 但係上佢地ig睇 發現文宣、黃店推介既post仲多過介紹自己餐廳既post😮枱面都放左黃花店既乾花💐Action speaks louder than words!欣

依間嘢一路都聽人講過話幾好食，所以今日經過銅鑼灣，就決定上去試試佢🤤蟹肉芒果火龍果沙律 （$98）依個沙律唔錯，都幾多蟹肉，芒果都夠甜，其餘就正常發揮。鍾意食蟹肉嘅人可以考慮下叫其他，因為依間餐廳都重有其他蟹肉嘅主菜食🤤。日本和牛芝士漢堡 （$148）擺盤就幾靚，食落都覺得塊漢堡唔錯，調味唔會話太咸，又煎得夠香同唔會話太乾。肉我食唔出係咪真係和牛，但至少都真係好食同幾有牛味👍🏻。我覺得依間餐廳有其他幾吸引嘅嘢食，例如係佢嘅Beef Wellington，但依啲要早一日book定，有興趣嘅朋友可以訂嚟試下。重有嗰朱古力蛋糕（$58）不過我覺得其實就不過不失啦嗰蛋糕，又可能因為我唔太好朱古力蛋糕，鍾意嘅朱古力嘅朋友可以試下🤣。佢環境都幾chill幾靚下，同埋侍應服務態度非常好，我覺得大家真係可以嚟試下👍🏻。

呢間小店本來係中環已覺好高質，而家重開搬左去銅鑼灣，一定要即刻上去試一試！搬左上樓同之前既外賣小店格局非常唔同，環境幾唔錯🤩好cozy好有feel食物既質素依然好好呀一心諗住黎試佢既威靈頓牛 但原來要早一日預訂（下次再黎食！）-今次叫左其他試試先，-1.蟹肉芒果火龍果沙律（$98）食落好清新，但覺變左食生果甘🙈因為佢太多芒果同火龍果，蟹肉真係好少，但連沙律菜都好少，如果多d菜會好點-2.日式和牛芝士漢堡 （$148）仲會配咪薯條同沙律菜，個和牛超juicy😋會爆汁架，jengggg!而且我地3個人食，店員有好甜心幫我地切左3份👍🏽👍🏽👍🏽-3.蟹肉蟹膏忌廉意粉 （$158）好creamy，但蟹膏味唔太夠，蟹肉份量都多😻-4.燒春雞配燒汁（$128）原隻上，有d難切HAHA！隻雞吸哂d汁又係好juicy，好滑，雞胸都好味😋--價錢合理，可以encore好多次👏🏿😻

網上book位回應快又方便，星期日1:30到，有幾枱客，bar 枱仍有好多位，店舖雖然唔係好大但唔拘束、舒服、乾淨呢度做嘢d同事好細心，入座見我哋有背囊唔想放地下，好快就主動攞個布兜俾我哋，當我想要杯水嘅時候亦會問要暖水定凍水。香港人有選擇係好重要嘅花雕🍶醉雞稻庭🧊冷烏冬個花雕汁同烏冬夠凍，雞全都是肉，肉嫩唔係死實實，帶有少少軟骨，雞皮爽脆而且完全唔油。雖然係配冷烏冬但整體似中式。牛扒🥩牛油果漢堡🍔牛油果份量多而且熟度啱啱好，最大印象係塊扒，唔太鹹，唔係勁加調味，感覺似健康dd 。薯條非常熱，雖然唔係太焦黃，但相信佢用嘅油好乾淨，唔係翻用又翻用。芝麻單骨🦴雞翼又係非常熱辣辣，而且單骨，不知不覺就食晒，好味道綠茶🍵Latte比較甜，好多奶，綠茶味非常濃郁唔好意思廁所🚽都想嚟介紹一下，非常寬敞而且乾淨。整體用餐經驗非常正面，喜歡佢嘅食物唔係好濃味、凍嘅夠凍熱嘅夠熱，👈🏿凍熱講好似好無聊，但係都唔係咁多餐廳做得咁好。

試新餐廳嚕🥰好鐘意去多國菜餐廳，選擇多又會有啲Fusion 嘢試🤩🤟🏻呢間餐廳位置方便又抵食👍🏻可以訂位—————————————————————-《燒春雞》呢個好味😋一開頭食雞髀位置已經覺得好滑又香。之後開始食雞胸更加驚喜!!好滑啊～～如果皮脆啲更好😬份量多，勁抵食✨推介!!《Margherita Pizza》芝士薄批，正！🍕足料又脆👍🏻👍🏻《日本和牛芝士漢堡》落左果jam既burger 幾得意😂又幾夾喎，唔錯！薯條正正常常，牛肉雖然唔算好濃味，但可接受👍🏻《煎牛脷配日本咖喱汁》諗左好耐，最後都叫埋🤣🤣牛脷好腍，而且冇羶味😍配埋個咖喱汁好正👍🏻仲有薄餅(好重要！）《加餐湯&沙律》沙律有水果蔬菜，醬汁唔錯👍🏻👍🏻今日餐湯係德國湯，幾特別。但唔知岩唔岩各位口味😂呢個湯菜味較濃，所以因人而異

睇戲前, 約好朋友到這間新店食晚飯, 試業期間預先訂座有八折優惠。晚市不是很滿座, 要多多支持小店, 唔好只係幫襯大集團呀~餐廳座位唔算好多, 驟眼睇大概50座位以下, 呢間餐廳同朋友邊食邊傾偈都唔錯。我們點了蟹籽蟹肉蓋飯配甲羅燒, 虎蝦露筍冬蔭意粉蟹籽蟹肉蓋飯配甲羅燒: 好多蟹籽蟹肉, 非常足料, 喜歡食蟹嘅朋友唔好錯過。白飯不是很多, 女士剛好夠飽~虎蝦露筍冬蔭意粉: 冬蔭汁很多, 酸酸辣辣好開胃, 虎蝦都幾彈牙, 配上冬蔭功, 好夾下次要試試呢度出名嘅醉雞

先講環境，夠cozy有氣氛，水吧位好搶眼，感覺幾young食物配搭有創意，價錢合理冇諗過西餐會有醉雞配日本稻庭烏冬，烏冬煙勒香滑，醉雞🐥夠入味，另配紹酒醉雞汁，點完仲想飲埋佢👍驚喜中日配搭，值得一試。蟹肉🦀蟹膏三文魚子意粉，亦是驚喜西日配搭，真材實料，意粉質地恰到好處，會encore德國鹹豬手，皮夠脆，肉質唔錯下次會試蟹膏蟹蓋飯，試吓飯嘅質地，這個睇落去是有期望的。凍檸檬茶的茶味唔夠香，個人喜歡用高身玻璃杯裝檸檬茶服務員親切有禮貌，衛生做到足，每枱客人離開，枱椅也做消毒清潔，疫情下最緊要食得安心

因為星期六關係無lunch set, 只有散叫又唔包嘢飲，問過店員可以加20蚊有個湯，就一於試下~個湯係忌廉湯，忌廉超級濃郁creamy。無咩胃口食嘢，所以叫咗個素食紅菜頭意大利飯配大啡菇，而男友就叫咗個韓式燒鴨煎蛋漢堡配薯條。韓式燒鴨個韓式甜辣醬好惹味，薯條夠粗有肉地，對比意大利飯感覺上好大對比。雖然味道偏淡，但飯無骨，煮得好淋，而且入面有好香嘅蘆筍粒，最估唔到就係有粟米仔粒~好特別，素食人士好啱口味~ （唯獨個大啡菇無咩味）整體都算唔錯，環境同服務都好好，我哋入去坐低時仲會主動畀籃我哋放袋，不過我哋見隔離張檯都無人坐就放咗係櫈上。本身以為加48蚊可以將個餐upgrade做dinner set 跟湯同沙律，但原來只係Dinner 先有得做，呢方面有少少唔靈活，但店員都耐心講解👍對我黎講雖然鋪位較細，但都不失一個拍拖坐下傾計好地方💛💛

雖然銅鑼灣算係好多嘢食嘅選擇，但係食得多總希望有啲新嘅餐廳開張。喺網上見到呢間新餐廳剛在9月15號試業，今天就急不及待要去試一下了。餐廳位於登龍街嘅永光中心，午餐時間12點上到去我哋係第一台客人，所以冇訂位已經可以入座，到到我哋離開嘅時候已經爆場。餐廳樓面唔算好大，坐到大約30人左右，正常唔算逼夾，入餐廳要量體溫同埋會提供口罩袋，餐枱大部份係二人枱或四人枱，四人枱中間有透明夾板，食得可算安心。中午套餐70幾蚊一位，有前菜或湯、主菜及飲品。今日睇午餐只有三個選擇算係少，但單點菜式中午時分都係可以免費送嘢飲。午餐其中一款係喇沙雞扒飯，喇沙汁呢，我又唔覺得佢好垃喇沙，又有啲似咖喱，是但啦。雞扒好大塊，好飽肚，都唔係食到好多飯啦。朋友話個雜菌pizza好好食，仲好味過某啲所謂五星酒店餐廳既pizza。價錢合理，值得一讚嘅係好多餐廳事業事業期間其實錯漏百出，但係事業第二日所有嘢都已經井井有條、食物水準同服務生都唔似新開嘅餐廳亦都冇甩甩漏漏嘅情況，結論係可以覆桌。