Around Wellington (已結業)

今日同BB同埋媽咪有嘢做所以出銅鑼灣揀咗好耐又要適合BB食嘅餐廳,最後揀咗呢間好出名嘅Around Wellington.連埋姐姐三大一小食咗好多嘢, 每樣野份量都足夠同埋全部都好好味.夜晚有好多set Menu可以選擇叫咗意粉pasta同埋花雕雞烏冬都唔錯，個烏冬點落個花雕酒度過一過冷河再食非常入味隻雞髀夠大都唔錯如果下次再出銅鑼灣會再嚟，絕對好過啲連鎖舖頭其實有咗BB之後發覺好多餐廳都未必適合佢去至少有BB櫈先可以如果唔係就只可以去連鎖

這間西式餐廳地方不算大，座無虛席，幸好餐桌之間距離頗寬敞，坐得舒適，其他食客吃飯時也沒有高談闊論，環境安靜舒適。我們一行二人，點了黑松露片忌廉意大利飯和全日早餐。價錢說不上便宜，但勝在用料足、份量多。全日早餐的材料很多，份量充足，除了煙三文魚和焗豆外，其他食物都是熱呼呼的，炸粟米餅香脆可口，牛角包也鬆化，滑蛋也做得很好。意大利飯的飯粒軟硬適中，汁料濃稠恰當，放上黑松露片，香濃好味。咖啡也不錯，聞著香濃、喝著順滑。

請同事食生日飯，搵間坐得舒服嘅西餐廳慶祝。朋友介紹銅鑼灣既呢間around wellington, 果然冇介紹錯，午餐每人大約$60~120一位，有湯有嘢飲我就食咗呢個牛扒，真係好抵食， $100之內有扒食。我另外三位同事就食唔同嘅餐佢哋食完都話唔錯，抵到爛。 飲埋嘢之後，因為食得太飽，所以我哋只係叫咗一個蛋糕仔，（cheese cake), 四個人分享。職員真係好好，幫我哋寫字響個碟上面，態度亦都好友善，下次同朋友慶祝生日，不妨試吓呢間小店啦！

我一直bookmark左呢間餐廳，呢日咁岩路經老銅就試埋😝野食價錢親民，日式野好似比較吸引，結果我地就響西餐廳食日式野😂前菜個湯好好飲，用南瓜蓉打成，口感綿滑，蒜蓉多士鬆脆，沙律食落好開胃。>蟹籽蟹肉蓋飯配甲羅燒：爆多蟹籽+蟹肉，仲可以用蟹膏撈飯食，好邪惡呀，不過份量少左d。>招牌花雕醉雞配冷稻庭烏冬：雞脾大大隻+唔肥，幼身稻庭烏冬滑溜彈牙，但d蟹籽唔知拎黎做乜😂，我用黎撈烏冬食，花雕酒汁味道淡淡地，食落清新。>芝士蘑菇釀雞翼：食落似雞翼餃子，雞翼表面烤到脆脆地，肉質鮮嫩多汁。>日本雜莓生芝士蛋糕：個底係海綿蛋糕底，上面好似食木糠布甸咁，味道還好，但打卡幾靚。

呢度主打西餐,走精緻路線 無論賣相與食物水準都係相當出色既新餐廳威靈頓牛柳包到好似一隻元寶咁靚仔每份晚餐都跟沙律,餐湯,麵包多士一份大蝦沙律,食到番茄仔,青瓜粒,秋葵唔同配料,新鮮脆爽多士烘香夠脆口,忌廉松露湯,夠濃滑,入口香又濃松露味主角就係即焗元寶威靈頓牛柳牛扒、鵝肝、松露用酥包住起黎焗,牛肉大約5成熟 外層酥皮酥脆 塗滿左鵝肝味的磨菇醬 未食已經香氣迫人中間位置亦都煮到好粉嫩 肉質很嫩滑 食得出牛肉既鮮香嫩滑口感甜品係黑朱古力心太軟配雪糕一件朱古力蛋糕加3球雪糕份量也太誇了? 足2人份量享受甜蜜之感精緻,味美,份量大碟銅鑼灣登龍街28號永光中心21樓消費$500

呢度係一間特色小CAFE 食物走多國菜風,總之估佢唔到菜式如下花雕雞脾冷稻庭烏冬 蟹籽蟹肉 甲羅焼放係中間 上面有蟹籽蟹肉2邊都放滿 炸釀雞翼,芝士蛋糕慢煮花雕雞脾 大大件雞脾又浸到好入味,食落仲有淡香酒味,雞肉嫩滑美味, 配日本烏冬煙韌彈牙~蟹籽蟹肉 甲羅焼將3者拌勻一齊食,口感豐富鮮味 脆卜卜蟹籽,蟹肉既鮮甜,膏既濃香 一口品嚐到豐富滋味釀雞翼中間係明太肉餡,香辣惹味,炸得香脆!芒果芝士蛋糕 食到有芒果肉粒係蛋糕入面~ 酸酸甜甜仲有檸檬香味! 士多啤梨仲整到好似花咁靚擺碟一流精品咖啡夠濃香有果仁香味平均消費$199評分8/10銅鑼灣登龍街28號永光中心21樓

想試呢間餐廳好耐 有日見完客 就上去睇下有無機會可以食啦 點知有得食 叫左個set 佢個前菜係個湯 個包仲勁好香口 🤝 有質素 我叫左個蟹肉飯 呢個真心 不得了咁好味 😋 真係強力推薦呀 服務都好好 不過份量比較少 男仔可能覺得唔夠飽 原本想試佢個甜品 不過下次先 間餐廳有d bar 枱 我覺得一個人食飯坐個d 都唔錯 唔使咁尷尬 不過當日食飯 我覺得冷氣唔係好夠 可能太多人了 我會再黎 呢間餐廳 因為好想試佢個甜品 同埋仲可以幫襯同理念的餐廳 買少見少了

時代隔籬，好好記。坐窗邊就對正時代，一個人會覺得幾chill。天時暑熱，揀咗個冬蔭公虎蝦扁意粉set，配柚子日式沙律，貪冬蔭公辣辣地、酸酸地咁，幾開胃。上次嚟食，沙律係油醋，今次可能因應「日式」嘅關係，配芝麻醬。個人認為多咗少少醬，可幸有柚子嘅酸甜中和番，令個沙律不至於膩。(張枱好靚)冬蔭公虎蝦扁意粉嚟到，嚇一嚇，大半支香茅插喺度好霸氣，加埋隻大型虎蝦、半個青檸，整體擺盤係靚嘅。雖然唔係忌廉意粉嗰種掛汁，不過每啖意粉都有淡淡嘅冬蔭公味，而扁意粉亦好彈牙。餐飲叫咗齋啡，普普通通，唔苦唔澀又算不上好飲。呢度每個星期都會轉lunch menu，唔怕食悶。不過想翻兜就要望望有無先，唔係就白行一趟。題外話，聞說餐廳遲啲會回歸中環(銅鑼灣店會繼續，唔洗擔心)，咁就多啲機會食到。💛

推介主菜蟹肉蟹膏忌廉意粉🍝蟹肉同意粉嘅比例平均⚖️每啖意粉都肯定會食到蟹肉🦀忌廉汁味道屬於淡薄，質地偏杰身好容易融入意粉，豐富口感🤤，推介主菜pizza🍕 好鍾意佢嘅脆薄底pizza😍味道偏向重口味，蕃茄醬多， 仲多到會漏汁🤣 辣肉腸每塊pizza都會有的，pizza大份得嚟 唔會食完就飽咗🤣，Lunch set 會有前菜，主菜，飲品🧚🏻‍♀️價錢$100 🆙不過好多主菜揀🍝🍕🥩🐟不妨叫多啲朋友可以share食假日人比較多 建議book位💯

平日外賣多，味道ok, 只係會凍咗。今日有老有少，齊齊堂食晚餐，煮完即上枱實在太好味了，掛住食竟然忘記影相分享，現雖然得番幾張，都放出來吧！如果威靈頓牛柳可以控制在7成熟就更好了

心血來潮，好想食餐好少少既餐廳！突然間諗起Around Wellington, 就直接衝上去……第一次去試呢間餐廳，入到去第一個感覺係，好細間呀！但舒服既，不過枱面就細左d……尤其我呢d眼闊肚窄，又食得慢既人，爭d冇位擺食物叫左2個 4 Course Dinner Set沙律＆是日湯(當日係南瓜)黑安格斯肉眼扒 蟹肉蟹籽蓋飯配甲羅燒 Drink Sunshine (右) Drink Strawberry Rose 重點黎喇！重要野要講3次！自家即製窩夫配雪糕 媽咪！勁好食！！自家即製窩夫配雪糕 媽咪！勁好食！！自家即製窩夫配雪糕 媽咪！勁好食！！不枉我飽到就嘔都要食！打完呢篇野……我又想再去食喇！

武漢肺炎返咗佢老家， 我地要出街食多幾餐安樂茶飯呢間around wellington之前已經想食， 但係一直都約唔到d港島friend食， 今次就啱喇，終於可以試吓！！我地book咗位，好彩有book位， 如果唔係都應該有排等, 招呼我地嘅哥哥仔同姐姐仔都好有禮貌， 真係唔錯， 個menu都幾多choice, 一定有嘢啱你食 我地3 個女仔，唔大食， 揀咗個蟹肉芒果火龍果沙律，無花果巴馬火腿pizza同燒西班牙伊比利亞黑毛豬肋骨配烤菠蘿薯條，但係原來都幾飽 個蟹肉芒果火龍果沙律， d蟹肉多到好似唔駛錢咁，好豪咁啖啖都有蟹肉， 芒果夠甜，真係幾好食 個無花果巴馬火腿pizza都好好食， 薄底好香脆，無花果香甜，ham好食， 真係好match!!個rib都好好食，我地叫咗half都夠食呢餐真係幾滿足， 好好食！！

#香辣雞翼雞翼唔會太乾身 用煎嘅方法 自己個人再落辣椒仔覺得雞味更出#火腿法包跟薯片正常嘢 砌得好靚但好似配沙律菜個感覺會比較舒服#悅和醉雞脾烏冬烏冬爽口 彈牙雞脾好入味 雞肉質感唔鞋

💛Around Wellington·牛油果煙三文魚薄餅$148 l 小食拼盤$118 l 燒汁芝士炸薯條$43我自己覺得佢呢度啲小食好食啲 佢個Pizza係薄底嗰啲Pizza嚟嘅 都幾脆身 之後佢煙三文魚份量多就多啦 但係佢係冇咩油份嗰啲煙三文魚黎既 所以食落一般版🍕🤣🤣反而佢個小食拼盤所有嘢都真係即炸嘅 所以都唔錯 尤其係個炸粟米芝士餅唔會話太漏 而且啲粟米好甜🌽佢個炸薯條就麻麻地 唔知係咪因為佢有燒汁嘅原因 佢一上枱已經比較淋 而且佢個燒汁同埋芝士唔係好夾咁🙊🍟·香烤法式杜洛克豬鞍扒配蘋果燒汁$298之後主食方面我自己覺得佢地既risotto好味D既 佢個飯煮到啱啱好 而且調味都適中 不過嗰個我就唔記得咗影相🤣🤣反而個豬鞍扒我自己就覺得一般般 佢個豬肉比較乾身係juicy咁🤭·@eatwithyyy 天使蛋糕同場加映我朋友仔個日買既蛋糕 佢個蛋糕真係整得幾靚 佢入面個戚風蛋糕我自己好中意 佢係超鬆軟 而且唔會好重負擔😍佢面頭仲有超多焦糖脆脆 不過我就覺得佢個焦糖脆脆偏甜少少 有DD痴牙🤔·#rbyeat#rbycafe#rby💛#rby銅鑼灣·📍銅鑼灣登龍街28號永光中心21樓

疫情反反覆覆，數數手指同好友幾乎年半無見面，諗落都覺得有啲誇張。有感要同疾病共存先係新常態，襯疫情緩和約下朋友見面。餐廳閒日晚上入座率有八、九成，建議有興趣都係先訂座。紅菜頭湯拼沙律 (set)好友不愛紅菜頭，樂得獨享。紅菜頭湯味道天然清淡，甜甜地帶忌廉香。芝麻單骨雞翼 $48雞肉肥美多汁，卜卜脆又熱辣辣，惹味非常。招牌花雕醉雞配冷稻庭烏冬 $138 (set)雞脾大隻、皮薄肉嫩，去⻣後啖啖肉，食得過癮；沾汁除咗花雕味外仲有一絲清新嘅話梅香，配上彈牙嘅烏冬，製作用心，幾驚喜。蟹肉蟹膏忌廉意粉 $198 (set)意粉煮得彈牙入味，忌廉香濃，蟹肉蟹膏份量多，水準之上。牛油果朱古力窩夫 $88特意留肚食甜品，窩夫有蛋香但唔脆口，加牛油果感覺有少少膩唔太夾，只有少量朱古力醬灑在上面，食到兩頭唔到岸咁，未算鍾意。良久沒見，傾兩三個鐘仍覺意猶未盡，期待再會。