Anchor’s Seafood and Beer House (已結業)

一點半到達，有3小時免費泊車，到達後立刻去到餐廳食半自助午餐。點了兩份午餐一份是牛扒，一份是豬肋骨，牛扒＄198真的不太值，兩份午餐都只配了少許炸薯條。其他任食的包括沙律、少許壽司、湯、餐茶，整體感覺還可以但如果服務員(不知道她們是不是實習生) 能帶點笑容及不要黑口黑面，整體感覺會良好很多。只能說，一試無妨。

值得一讚的是荃灣有住戶專車直達餐廳門口，晚餐自助餐有日落浪漫靚景，不過留意回程半小時先有一班車。 食物擺放清潔整齊美觀，味道真的一般一般，生蠔好咸，熱食凍硬干，湯甜品食到中場就加滾水味變淡，期實有改進空間可令餐廳不會因位置問題而令客源增加，職員服務態度一般，恰吓恰吓。最奇怪是這間食自助餐是沒有甜品匙羹的，曾向職員查問是真的沒有，餐廳沒有預備茶匙，所以係一隻湯匙食到完場不論咸甜湯飯汁甜品雪糕！ 如果食物味道有改進一定會再約親朋好友再來的！

1. 環境幾舒服，唔似其他自助餐咁多人2. 野食正常，但種類少，有即開生蠔，少量魚生3. 都算抵食4. 揸車去就ok ，但搭車唔就腳5. 員工好nice6. 個景幾靚，最好喺太陽未落曬山去

環境優雅寬敞, 食材質量佳, 選擇不算太多或花巧, 但味道滿意, 對於我們年過50的來說, 是足夠有餘， 食物款式足夠 、冷熱 、中西區備， 以呢個價錢的性價比來說 ，並無其他嘢可以彈的 ，總結來說偶然一餐晚飯來這裏吃 ，看看海、吹吹風， 一樂也。

有時間會再嚟睇睇日落影下相， 再食個豐富嘅自助晚餐 ，食生蠔飲白酒睇海景， 最正係呢度仲有免費三個鐘頭泊車， 三百幾蚊有啲咁嘅質素，我都非常滿意， 下次一定再帶多啲朋友嚟一齊嘆， 好嘢梗係要同朋友分享！

第一次在 openrice 訂座，方便我在晨早訂座；會收到訂座確認通知，感覺很實在。環境清優，大部份位置在窗邊，可飽覽海景，在這個環境下享用晚餐特別舒服。今次帶埋兩個小朋友去，冇影到相。食物種類不算多，但勝在有即開生蠔，是晚有法國及南非生蠔，很新鮮，個人喜歡南非蠔，鮮甜好味。開蠔的員工非常貼心，我手抱嬰兒去取蠔，他主動幫我添加檸檬及茄汁，很細心，值得一讚！熱食選擇不太多，燒 rib-eye 不錯，不過每次很快便供應完畢，要等候頗長時間才補上新的。反而拉麵頗有驚喜，口感彈牙，平日怕吃麵太飽，但我也可一整碗吃下呢！甜品一般，但有 movenpick 雪糕提供，更有四種味道 以優惠價 75 折，性價比算是不錯了。

因為媽咪嘅生日同母親節相近所以我就book咗一間自助餐去試吓小狗公主嘅預算係＄400以下而有生蠔食嘅自助餐見到OpenRice 介紹呢一間都幾好所以就book去試吓啦停車場都好闊落泊車都好方便如果唔係自己揸車佢都有穿梭巴士到達交通都好方便小狗公主Book咗海景位咁所以坐嗰個位置都近海呢一張就係我地坐嗰個位置望出去嘅風景之前openrice有食評講呢哩度嘅員工態度好差好串但係我暫時都未覺得佢哋態度有啲乜嘢問題好多都好nice 只係無咩笑容但叫佢地幫手既時候都好樂意每人都會有一杯啤酒或者果汁 係免費既開始左無幾耐就會有侍應走過來問你地飲咩咁小狗公主就開始影相俾大家睇下有啲乜嘢食啦總括來講佢嘅嘢食唔算多同埋味道都一般不過打折之後大約＄380算係有有海景睇有海鮮有生蠔食有movenpick雪糕食但係對於海鮮黎講 佢嘅味道就偏鹹生蠔就比較細隻 雖然d枱已經坐滿哂人 但拎野食都唔洗排隊小狗公主最滿意就係食野岀面有一條長廊食到飽一飽岀去行下 睇下汀九橋 好舒服同埋自助餐入面有一個兒童室 d小朋友可以入去玩食完飯又可以同小朋友去長廊嗰度行吓感受下海風如果你地想平平地又想食海鮮 味道又唔係追求高質素既

毫無工作熱誠，工作態度不入流。我從openrice订台，用餐前3小時有电话同我confirm.但，我去到，佢地揾极都话冇，我出示电话来电，佢地先致肯定，期间，比D街客入座先，重有，佢地比街客七折，open rice ,75折，我话，既然揾吾到记录，又有位，當我街客，又吾得，一定要生割我。到我埋单，收作张credit card,放埋台面，我都睇到，叫我幾次，冇人肯同我追，攪左成40分钟，到我嘈，先到埋我張单，事后经理承认有人攪错，但拒绝道歉。以后吾去

同朋友去食自助餐，佢成晚講"好難食"，應該講咗超過10次😅，大部分時間在坐位都不是食嘢，是玩電話。主打生蠔: 紐西蘭/法國/南非若你一心諗住只食生蠔，都唔好以為好著數可以回本，因為每次排隊只給你兩隻，而且，如果你平時都會買生蠔食，這些生蠔你唔會覺得好食，可能會覺得唔好食添，我在吉X島買40蚊隻都好食過佢多多聲。凍海鮮:蟹腳: 唔講鮮味，但佢又咸又無蟹味，一食落去，一口咸水。難食蝦: 都可以青口: 好細粒，食唔到咩味壽司: d飯勁難食，好似糯米飯，漿糊咁，食落去會漿住個口。熱食: 咖喱雞，鴨胸 叫做OK 啦避風塘炒蟹，好難食，好唔新鮮，d肉好"梅"鮑魚雞粥: 味道可以，但個粥的質地好怪，見唔到有米，好似細個時，曾經有超市買過的食即粥，即係用水開等一陣就食得果d，好怪。生果: 菠蘿，西瓜 都甜好食。哈密瓜無甜味。甜品 味道款式都好一般。雪糕: movenpick

開初感覺幾好，生蠔方面有美國蠔及法國蠔兩種，每次一人可以攞兩隻， 個人感覺法國蠔太鹹，美國蠔比較肥， 可惜攞完兩次，美國蠔已經無再refill. 再講講長腳蟹，重來都未食過咁鹹既長腳蟹，蟹肉唔覺得有鮮味，只有重鹹味，食多兩隻已經怕左唔想食熟食更唔想講，無樣吸引， 大多數人都無咩點食，搞到d食物over cook, 睇見都作嘔準備去食甜品，點知原來要早d去攞先多d選擇， 到我地去攞既時候得返幾款咁既價錢，加埋一差唔多4百蚊食d咁既野，你諗下去唔去啦

本來想同父親慶祝生日，點知去左間超級超級難食的自助餐廳，交通不方便，生蠔細過的對眼，仲咸到阿媽都唔認得。海鮮全都好似浸水好耐後淡而無味，三文魚鮮經典，全都比爭鮮仲要廉價，新鮮到嘔，這間餐廳的回憶，永無下次，唯一可取，得個海景。我食左幾件生果就走人了。

復活節假期沒有外遊，留港消費。之前跑步經過汀蘭居發覺環境很舒服，所以就book 了星期日的brunch 有即開生蠔的buffet 而價錢只是$300 多一位，超值啦！我book 了window seat, 在陽光那麼好的日子嘆着白酒（另外order 只是$178）加生蠔真的感覺良好。Mini BBQ, 之前有在戶外的，現是户肉有些失望。喜歡熱葷或魚生的朋友會失望因爲選擇不太多。坐位頗鬆動，合一家大小因爲在餐廳裏有小朋友corner, 大人吃得舒服。復活節期間可免費做小手工; 裝飾復活蛋或cookie. 亮點是一盒盒獨立的movenpick 雪糕

出發之前睇左好多食評，話無野食，蠔又細，所以都有諗過去唔去，但最後都決定試一次。去到個環境真係好好，熱野真係無咩，但我不嬲食自助餐都唔好熱食，所以我唔介意，因為有最喜歡的蠔同長腳蟹，蠔係細細隻，但新鮮唔腥，好味仲有我最喜歡的燒牛排，都好味，旁邊的pizza就普通，無咩特別總括食物種類雖然唔係太多，但對得起個價錢，同埋可能我平日去唔係太多人，攞蠔都唔駛點等，廚師叔叔開得幾快，服務都幾好，收碟收得好快。

第一次去,坐低之後睇下有咩食,熟食就已經唔期待,主要我都係想食生蠔,但完全唔掂,d蠔勁有海水味,慘過飲海水。唔知道拎貨返嚟個主廚有冇食過定係味覺有問題,全程想食蠔但個開蠔佬西圍走,長期唔會stand by係度等,埋單我當你300蚊都算 ,個經理掛住洋腸係咁同條鬼佬吹水。最好嘅我就只係記得壽司位個女仔,有冇人拎野食都好好笑容,行開左知你等都會講句唔好意思。認真,冇下次,呢世都唔會落去比佢搵多次笨。

第一次來呢度食自助餐因為上open rice click 自助餐，第二間就係呢間酒店，琴晚見到佢午餐自助餐有生蠔，打電話去預訂嘅時候佢又有七折，所以我琴晚好快就決定咗今日約媽咪過嚟呢度環境好好，臨近海邊，淨係食個環境我都已經覺得值回票價甜品同主食佢分開咗左右兩邊一方面增大左空間另外可以分開人流抵讚雪糕方面亦都係名牌雪糕而且又任食（雖然通常都只係食咗一個）甜品方面其實全部都麻麻地個龍蝦湯非常不錯，好香好香我飲咗半碗食品方面都幾多而且擺設都擺得唔錯我係為咗生蠔而來既值得讚嘅係佢即叫即開法國同愛爾蘭都好好味法國嘅比較甜，鮮甜美味可口愛爾蘭嘅creamy D，亦都香濃啲不過就真係好細隻（ 新鮮但係細隻）三隻先等於平時我食一隻不過自助餐來講佢質素算好其他地方嘅自助餐生蠔通常都唔新鮮（ 不過大隻）俾我揀我都想要新鮮如果唔新鮮嘅話大大隻我都唔食