Amour Corner (已結業)

好似好耐冇撐枱腳食西餐，喺旺角搵到呢間小店，環境舒服，都有唔少人好似我哋一樣黎拍下拖。我哋食咗一份尊貴二人餐，一人一杯house wine白酒，甜甜地易入口。前菜可以揀三款，帶子鮮甜，外面煎得好香，內裏軟熟。鵝肝多士細細地一件，配青蘋果，食落口感豐富。迷你德國腸有兩款香腸，用香草香煎，味道唔錯。食完前菜，仲有湯同沙律。西冷牛扒幾大塊，牛肉重牛味。香煎羊架肥瘦比例適中，入口軟熟帶有少少肉汁。飲完杯白酒，仲有餐飲同甜品。

突然好想食靚生蠔，就親有時間去食下。老公話依間好耐以前黎過，但唔係食西餐，咁我哋一於去試吓啦！生蠔6隻都係$128 超低，有三款揀，我地緊係三隻都要試曬啦，侍應細心地介紹，仲提我地由淡到濃食，強調建議大家食唒三款真係唔同享受。加拿大會帶甜味，美國係creamy 蠔味較重，法國海水味重啲，先咸後甜，一定要食哂三款由淡到濃，超正！超滿足！唔識食，都可以講到自己好識食😂之後叫左個經典二人套餐頭盤 青蘋果鵝肝多士 加巴馬火腿蜜瓜，鵝肝煎得好香，有齒頰留香主菜 澳洲牛柳扒 夠淋香草煎封羊架仲有甜品同野飲

👍🏻環境:幾有氣氛的西餐廳，座位寬闊坐得舒服，加上燈光浪漫，好適合約會傾計，近門口位較熱，晚市都多人出出入入。🍚食物:頭盤[👍🏻青蘋果鵝肝多士]鐘意食鵝肝必叫，有青蘋果片整體上不會油膩，鵝肝煎得十分香口。[👍🏻迷你芝士拼盤]有三款芝士六塊餅乾，一次過可以試到三款芝士，正！[👌🏻迷你德國腸拼盤]一共2條德國腸，同出買超市買一樣無咩特別。[👌🏻香煎帶子配檸檬油醋汁]帶子都算大粒，但食得出係冰鮮帶子。🍚主菜:[👍🏻烤澳洲牛柳扒]醬汁普通，牛柳扒大約200g大小，配菜每次都不同的，如果係薯蓉會較飽肚。[👍🏻香草煎封羊架]羊架共有二件，羶味不重，喜歡食羊的人可以一試。[👌🏻澳洲黑安格斯肉眼牛扒]中規中矩，有三五七成熟簡。[👎🏻鵝肝意大利飯]有點失望，首先好重洋蔥，鵝肝又好細舊。

今晚約了親愛嘅表弟，決定到公司附近的餐廳食飯。每天都會經過這間餐廳今日終於有機會來品嚐一下。整間餐廳的燈光很暗，枱與枱間的距離充足，氣氛浪漫。想不到這小小的餐廳有生蠔供應，我們二話不說點六隻生蠔，每款兩隻，再加一份二人餐。今晚供應的生蠔分別來自加拿大、美國、澳洲。有選擇困難症，決定每樣點兩隻。生蠔入口順滑，單配檸檬汁感覺新鮮，好味！二人餐頭盤有西班牙火腿蜜瓜、鵝肝多士。鵝肝下加入一片青蘋果片，中和油膩感。烤澳洲牛柳扒，三成熟煎得剛剛好，煎得香口。香草煎封羊架，上碟時香噴噴。一吃就吃得出是羊的味道。最後還有一道甜品，士多啤梨牛奶果凍，冰凍新鮮今晚吃得很滿足！

呢間餐廳主打浪漫佈置，燈光比較暗，每張枱都擺左「杯」蠟燭係到。點了份生蠔，中規中矩。而牛扒主菜就非常有驚喜，七成熟，外脆內軟，又有肉汁，我同朋友都食得好和味。如果想約會即巴絲打，可以考慮黎呢度喔！

站在店外的街道，對晚飯一d idea都冇，恰好一抬頭，望見呢度。店員走出與望餐牌的我們講解菜式，於是決定試下。果然未有失望，無論色、香、味俱全。還會再幫襯，試下其它今次未點的菜式。

今次黎左呢間叫Amour Corner食晚飯，呢度應該主打西餐同oyster,同埋酒類（可惜我唔太飲酒😂），店面有d似清吧feel，座位亦闊落舒適，係度食野大多數都係斯文客，唔會有嘈怨巴閉既感覺，係旺角區算係難得！講下叫左咩先我地叫左1set6隻生蠔（$128），佢有3款生蠔比你選擇，每一款各叫左2隻，送到過黎既時候，侍應叫我地順時針由淡味食到濃味，分別係美國·加拿大·愛爾蘭，跟佢咁食又真係食得出個分別/層次，幾過癮另外叫左一set二人餐，有好多選擇比你配搭青蘋果鵝肝多士-鵝肝煎成外脆內軟，配上多士非常香口！巴馬火腿蜜瓜-簡單既頭盤。鹹鹹甜甜幾開胃凱撒沙律-蔬菜夠新鮮，芝士碎份量剛剛好燒醬烤原味豬肋骨-個醬幾惹味，肉亦都好嫩，但個醬好似搞到蓋過左d豬肋骨既味道烤澳洲牛柳扒-個扒好厚身！外面好似烤得乾左d,但入面d肉仲係好嫩，可能個扒太厚😂仲有餐茶/甜品同湯，328$ cp值幾高，亦足夠兩人份量去食💪🏻

在砵蘭街逛逛期間 發現藏著一家西餐廳😏決定進去食個晚餐試試 裡面的環境寧靜涼快期間愈來愈多客人進來 很多也是訂了座位呢幸好我們去的時候還有桌子 不用等位挻好🤣·生蠔拼盤 HKD$128 拼盤可以任選6隻生蠔 有南非/加拿大/愛爾蘭我們選擇每款2隻 職員送餐時會指引怎樣食法由淡味到濃味順時針地食 可以食到其鮮味😋😋·經典二人餐 HKD$328 ~頭盤3選2 : 巴馬火腿蜜瓜+迷你芝士拼盤~餐湯/沙律~主菜7選2 : 烤澳洲牛柳扒+香草煎封羊架這個二人餐份量也不錯 肉質挻新鮮挻有咬感間中與親友一起過一個不錯的晚上挻開心這頓飯性價比不錯 價錢中等 主菜挻多選擇呢~

完了一天工作，終於可以休息一下，女朋友生日，就破費一點帶她去食西餐。一間細少又滿情調但又輕鬆不拘謹的西餐廳，很適合年輕人。點一個二人餐，輕輕鬆鬆同女朋友享受。一來就兩杯紅酒，女朋友想食牛扒，牛扒配紅酒必然組合。點了一個五成熟的肉眼牛扒，牛扒充滿光澤，嫩綿且富有肉汁的牛肉，非常香濃。除了主菜，還有前菜鵝肝多士，大大塊鵝肝，肉汁豐富的鵝肝配上香脆熱騰騰新鮮多士，一定不會令女友失望。還有三文魚和帶子，不會令前菜單調第二道主菜就係我的鵝肝黑松露忌廉意大意飯，厚切鵝肝，配上香濃黑松露意大利飯。食完就到女朋友最愛的⋯甜品牛奶豆腐味奶凍，見到女朋友笑容，所以說話也不用說了。

本來喺旺角唱完錢，諗住去油麻地食晚飯，行行下就俾門口呢塊精選生蠔推介嘅廣告吸引咗入去食。只係$128 就有半打，絕對係必嗌精選。 揀咗來自美國嘅生蠔，食落鮮甜又有鮮味。除咗生蠔 ，仲嗌咗個經典二人晚餐。首先係頭盤，揀咗青蘋果鵝肝多士同埋巴馬火腿蜜瓜。 估唔到塊鵝肝咁足料，而且入口即溶，食落滋味。 巴馬火腿蜜瓜件蜜瓜一啲都唔馬虎，非常鮮甜脆口，配搭火腿一流。之後分別係凱撒沙律同埋南瓜湯。忌廉海蝦墨魚麵海蝦充滿鮮味，而且已經剝咗殼，方便易食。 墨魚麵軟硬適中，墨魚汁嘅比例啱啱好，唔會令到整個墨魚麵太濃味。香草煎封羊架羊架特登揀咗五成熟，肉質有相當嘅水準，食落鮮嫩特別淋，又充滿肉汁。最後嘅精選甜品，係士多啤梨奶凍。

平時收工經過呢間餐廳都覺得幾有氣氛，想試好耐，上星期趁住中秋節前夕，就同老公嚟試下~入到去，環境同氣氛都同想像中一樣唔錯👍🏻慶祝中秋節，當然要乘機食豪少少啦😆最後叫咗個‘尊貴二人晚餐‘~餐前飲品：老公揀咗紅酒，對酒興趣不大嘅我就要咗杯無酒精特飲-紅桑子特飲。清清地，酸酸甜甜，都幾開胃~前菜6選3，我哋揀咗：1. 青蘋果鵝肝多士青蘋果酸甜開胃，啱啱好中和咗鵝肝，完全唔怕油膩~2. 迷你芝士拼盤有3款唔同嘅芝士，一隻比一隻濃，啱晒鍾意芝士嘅我，可以一次過試晒3款唔同嘅芝士😋3. 香煎帶子配檸檬油醋汁帶子煎到好香，配上黑醋汁，好開胃~黑松露菌意大利飯：好足料！有好多不同菇類之餘，黑松露菌超香濃，飯上面仲鋪咗一層芝士，更加香~😋澳洲黑安格斯肉眼牛扒：一上菜嘅第一感覺：好大塊啊！仲大過手掌✋🏻啊！😱😱叫咗5成熟，煎到啱啱好，好juicy，唔洗點醬都夠濃👍🏻是日精選甜品：牛奶布甸配士多啤梨果醬，幾香牛奶味，唔錯👍🏻凍檸檬蜜：以為係蜜糖水，點知係菜蜜，第一次飲凍檸菜蜜，都幾驚喜😆平時飲開嘅檸檬都係一片片，第一次見係1/4件咁掛喺杯邊，都幾特別，擠檸檬汁都幾好玩😆總括而言，整體環境食物都唔錯，值得一試

係旺角鬧市中想搵一個浪漫小空間，呢度係其中一個幾好嘅選擇，既可與朋友談天說地，又可以與愛人共進美食。以經典凱薩沙律作為頭盤，不但味道可口，又增強食慾，使胃口大開，食完再享受之後嘅主菜岩岩好。先來了三款小食，分別係鵝肝多士、帶子同埋煙三文魚，每一款都味道香濃，而且坐低後咁肚餓，食返兩啖再同朋友繼續傾計，chill~到主菜方面，一大舊安格斯肉眼扒，少少血水，生熟剛好，入口不會太難咬，大大塊食完已經有點飽。這道大蝦墨魚汁意大利粉麵身小硬，味道配合面頭的芝士碎碎十分美味。價錢不貴，為二人世界增加一份額外浪漫，果然是情人的角落。

好耐無食生蠔啦！終於約埋個fd嚟太子呢間Amour Corner，生蠔套餐都只係$126(6隻)，唔係平時住食個啲細細隻㗎！食生蠔當然未夠飽，所以我哋仲嗌多個二人餐食！#精選生蠔(六隻) $126有Namibia、Galiano Bay同Ireland Newry Bay三款生蠔可以揀，一次過嗌晒三款，就可以試晒！個人偏好嚟自加拿大嘅Galiano Bay，蠔味偏甜，唔會太鹹。經典二人晚餐 $328#巴馬火腿蜜瓜#迷你芝士拼盤揀兩個前菜～唔限食一款啱晒豬太郎呢啲心大心細嘅人，仲會跟返份簡單嘅沙律菜，平時好少食芝士拼盤，跟埋梳打餅嚟食，鹹鹹哋又易幾口。蜜瓜配ham都好常見就唔特別講啦！不過件蜜瓜都幾大件㗎！ #黑松露菌意大利飯識豬太郎嘅朋友都知豬太郎有幾鐘意食意大利飯，今次一樣有嗌嚟食！黑松露香味好出，意大利飯應該有再落高湯燉煮，食落好creamy，加上份量都好多㗎。#香草煎封羊架有飯食當然仲有肉，前排食西餐揀咗牛，今餐就揀返羊肉嚟食啦！7成熟上到枱都唔會太乾，肉質軟腍，羊味唔太騷，羊存啖啖肉，食得好滋味呀！最後仲會今日嘅跟餐甜品—奶凍。

好耐冇見嘅舊同事剛剛去完泰國說要給我手信，約了去吃西餐😋這間餐廳在油麻地地鐵站附近，數分鐘路程並不難找✌🏻看見生蠔正在做優惠價$128/6隻👍🏻生蠔有三款不同種類，我們點了每款各兩隻，有較清淡的，也有海水味較濃的。我們各有所愛😎生蠔新鮮而且沒有蠔殼碎👍🏻我們還點了經典二人晚餐😎青蘋果鵝肝多士: 鵝肝入口即溶充滿油香，配上微酸青蘋果和鬆脆多士，口感很豐富👍🏻巴馬火腿蜜瓜: 瓜很爽甜，巴馬火腿唔會過鹹，配搭一流👍🏻傳統凱撒沙律:菜新鮮爽脆，清新開胃☺️是日餐湯: 雜菜湯略為鹹咗少少😂燒醬烤原味豬肋骨:肉質嫩滑，醬汁惹味，讓人想一吃再吃😋忌廉海蝦墨魚麵:蝦肉爽口彈牙，意粉硬同鹹左少少但鮮味十足😉士多啤梨醬奶凍:奶味濃郁又香又滑，配上微酸士多啤梨醬很滿足❤凍檸檬茶;凍檸檬蜜餐廳環境不錯，坐得舒服！很適合情侶約會或者姐妹談心❤️

朋友喜歡吃生蠔，之前試過這間，覺得環境寧靜，價錢亦合理，便決定卜Amour Corner 再食。我們點了一份生蠔拼盤和經典二人餐。生蠔拼盤有加拿大，美國，和法國雖說不上非常肥美，但勝在夠新鮮，鮮甜而且creamy!頭盤就選了鵝肝多士和巴馬火腿蜜瓜多士香脆，鵝肝甘香，配上清新蘋果片，減去油膩感，哈蜜瓜很清甜爽脆，配上咸咸的巴馬火腿，味道真的很夾。每人還有一碗餐湯，今日是羅宋湯，熱辣辣，味道亦剛好，挺醒胃。凱撒沙律，蔬菜脆綠爽脆長通粉份量頗多，硬度適中，沾滿酸甜番茄醬和碎芝士，不錯👍🏼牛柳點了七成，看似過熟，但其實切開肉色呈粉嫩，火喉剛好，牛味濃郁，肉質腍滑。再加上伴菜和綿滑薯蓉，士多啤梨牛奶布甸，質感軟滑有奶香，加上士多啤梨醬，香甜又清新。