Amour Corner (已結業)

今日放工约左朋友落mk食飯，，旺角平日都好多人,所以唔一早諗定去邊食飯,係無可能搵到地方嫁,於是女仔傾計緊係數揾個細細聲既地方,去左一間樓上餐廳見到門口甘骨緻，令我對內裡食物更有信心我地叫左個尊貴2人餐，前菜就係田園沙律，切碎三文魚加芝麻醬沙律味道確實不錯,酸甜味道令人胃口大開主菜係羊肉架薯菜，估唔到依度d羊架味道唔錯，肉質鮮嫩，一d羶味都無,口感和味道都是一流的薯條都非常香脆可口,薯味充足茄汁和芥辣，你愛那一樣最後甜品係木康布甸，外觀一百二十分，廚師的畫丐相當不錯,味道則甜度適中，入口鮮嫩，高質享受食完仲可以玩一陣飛機鏢下次會試試黎包埸開party

今日一個做完嘢，身心疲累之下，唔想應酬公主，想一個人靜靜哋食個飯，飲杯嘢！打開《開飯》app，見到依間酒吧餐廳，原來上次已經同公主食過依個集團喺砵蘭街嘅分店，所以今次好奇上嚟試一試！依間樓上酒吧餐廳，環境十分寬尚，室內設計都有心思，而且設有兩個飛標機俾客擲標！另外，仲有個大露台可以自助餐式燒嘢食！其實自私食喺人生最大的樂趣！所以今晚就叫咗《精選晚餐》《法式香煎羊架配薯菜》，餐湯喺《香草龍蝦湯》！先講依個《香草龍蝦湯》，味道都幾濃郁，而且都幾 creamy，味道適中，唔會太鹹！喺旺角同區比較，都真喺做得出色！《法式香煎羊架配薯菜》個羊架雖然唔算太大嚿，但有三嚿都算喺咁！賣相擺都幾有心思，無多過華麗不切實際嘅伴碟！味道方面，三舊羊架煎得啱啱好，因為太熟就會變得”鞋”身，砌開中間見到少少紅色！羊架嘅羊羶唔算太重，不過我個人就鐘意吃得羶多少少！最後自私飲叫咗杯《Long island iced tea》，《Long island iced tea》喺咩味道真喺唔駛多講！但對於我依個蒲過幾年嘅人嚟講，都深明酒水最好一定喺蘭桂坊，其次喺尖咀，第三次喺旺角！但旺角區嘅《Long island ice

頭盤係 buffalo wings, 相比外面的 buffalo wings, 呢度較辣， 口味比較獨特， 似乎加入咗 English mustard， 配啤酒一流!! 另外有個煎鵝肝， 鵝肝本分配多士， 鵝肝油流在多士上，非常香口丶惹味。 特別值得一讚既係羊扒，medium 就 medium, 無 overcook, 無 heavy seasoning, 無精美嘅併點， 焦點完全放在羊扒上，juicy 中還帶點香草味，估計是 Rosemary丶lemon grass 之類.... 同行既友人盛讚該鋪嘅墨魚麵，個底夠 creamy, 唔錯， 但始終都係羊扒好食!!

團購左朱古力雪糕火鍋本來打電話去預約,聽電話個個女人把聲頹到好似三日冇訓過教咁,問佢野佢都係“下?”返我轉頭,所以對佢印象都唔係好好睇左d評論好多人話呢度既服務好差,原來係真既今日去到原來發現去錯左時間,1點半去到,之後個店員就好冇禮貌同我講冇可能係約左呢個時間,叫我自己睇返團購個條款,最後先知係2點半,記錯左時間. 其實佢可以禮貌啲講返係2點半先開始囉講返野食先,首先佢上左一盤野食有生果有窩夫有棉花糖,整體上都唔錯但個雪糕上到黎已經溶左差唔多一半！唔好話點d朱古力,我連吉都吉唔起！最後都係拿拿臨食晒d雪糕就算啦真係唔知佢搞團購係吸引d客再黎定係趕d客走

因公作關係，我的晚餐通常會在深夜食堂"解決"; 今晚，我便來到這家 amour corner.無酒不歡的我平常都會先叫一杯生啤酒 有我最喜愛的德國啤酒。德國啤酒來說，Paulaner 的麥味不算很重，入囗很smooth, 有一點回甘，真的會令人喝上引呢！喝一囗冰凍的啤酒真的能令人舒一囗氣，輕鬆轉鬆。餐廳會隨啤酒附送小食，今天選了蝦春卷。天啊！這簡直是驚喜得不能形容。竟然是原隻蝦包上春卷皮。 雖然不是大蝦，但亦很鮮。味道有點像熱的馬來蝦春卷小食(手信那一款)平常晚餐我都會吃得比較輕盈一點。 今晚我亦點了Carser salad, 生菜上加了一煙肉和芝士碎，很經典的沙津， 不過不失。總括：晚餐水準: 不錯， 4/5。服務：很好，不會特意"hard sell"， 4/5環境：舒服，不會很噪吵，是一間有晚餐 提供的清吧，4/5

之前同朋友去咗砵蘭街嘅鳴橋食日式烤肉，等位時見隔離嘅Amour Corner幾旺咁，再八啩吓門外嘅餐牌有咩食，原來喺間改咗個法式名字嘅西式小店，套餐定價唔貴喎，二人晚餐平均每人唔使$150，所以，幾星期後同老婆過嚟食餐晚飯。店內環境較似一般西餐廳店，但利用燈光做得有情調多啲，同埋近門口因為樓底高，空間感唔錯。先嚟嘅清水都好特別，樽內放有一束蘿勒 ，啲水飲落變得陣陣香草味，不過，唔喺個個人都覺得朕味OK，因為確喺有少少草青嘅感覺。晚餐有二人（$268 + 10%）或四人套餐（$498 + 10%），當中嘅二人晚市套餐已包兩款小食（頭盤）、是日餐湯或沙律、兩客主菜、兩客甜品同餐飲，非常抵食。而主菜有數款選擇，跟上次見到嘅已經轉咗款。巴馬火腿哈蜜瓜第一道頭盤就喺巴馬火腿配哈蜜瓜，喺鹹香中帶清爽嘅前菜。火腿選料不俗，鹹香而油潤，哈蜜瓜口感爽口清甜， 喚醒一下味蕾預備品嚐以下落嚟嘅菜式。青蘋果鵝肝多士下一道菜喺濃膩嘅煎鵝肝，其實晌餐牌所見，散叫一客都要成$88，但依家二人晚餐已包咗，喺咪好抵呢！鵝肝切得頗大件，有種賣大包嘅感覺。煎得外層非常香脆，而入口好有即溶嘅口感，油嫩甘香；中間輕煎暖嘅青蘋果

同公主喺旺角睇《復仇者聯盟》睇咗差唔多兩個半鐘，我都要為自己個肚復仇一吓！由朗豪坊行落油麻地，砵蘭街不知不覺由紅燈區變成一條食街！同得公主食飯，唔食浪漫西餐，佢又點肯放過我呢？好彩，由朗豪坊行落嚟，不倒十分鐘左右，遇見一間西餐廳！依家小店，環境浪費，裝修佈置都幾有心思，公主都話幾吸引！我自己覺得最吸引喺門口棵聖誕樹，雖然同節日無關，但都幾有藝術感！近來公主鐘意食蠔，咁啱又買五送一，就咗佢哋兩種主打生蠔《Noimoutier》同《Carlingford》！聽返待應哥哥講《Noimoutier》原來攞咗《2015 法國金蠔獎》！嘩，我同公主都冇諗過可以喺砵蘭街依頭嘅小店可以食到咁豪嘅生蠔！除咗因為海水較鹹外，蠔身都比較鹹而味濃，爽口又富有口感！第二種喜出望外嘅喺《Carlingford》來自愛爾蘭，相對較長身，較淡身同嫩身！兩種提供嘅生蠔我都鐘意，但較欣賞《Noimoutier》！享用完咁豐富嘅生蠔餐外，都喺時候入正餐！我哋兩個人叫咗個《二人晚市套餐》，其實我個人建議叫《二人浪漫套餐》，咁會比較立適合！不過名稱嘅嘢都唔重要，最重要啲嘢好食！前菜我哋選擇咗《青蘋果鵝肝多士》同《巴馬火腿哈蜜瓜

跟朋友食團購，完全無得講服務態度，差到唔識形容， 訂咗 20:30, 但等到 21:10 先坐低，要水無水，要自已出去攞，想落單又無人，用尊貴訂嘅，杯紅酒係細杯子，重要係只有三分一叫做一杯，等食物等咗差不多一小時，一催再催先出個湯嚟飲下，個餐湯稀到都飲唔出係咩嘢！如果唔係朋友話俾咗錢，乜都無食過就走，係蝕咗架話，已經走咗！但替 CHEF 可惜，確實煮得一手好菜式，但服務態度真係唔掂！因為眼見唔係用團購嘅客人，食物快，叫又有人理！我哋團購嘅好似乞飲乞食咁！既然唔歡𨒖，點解要做團購，驚人唔知服務差？！CHEF 個魚煎得剛剛好，他他醬亦味道豐富！牛柳略為過熟.........

早幾天和老公到旺角朗豪坊買東西,肚餓了便找地方食飯我本來想到朗豪坊頂樓食西餐,剛剛遇上年輕不知名歌手在上面落力演出中十分噪吵,實在不懂欣賞便馬上離開Amour Corner就在朗豪坊不遠的地方,我們見店面很精緻,而且不貴,便決定試一下~餐廳入面燈光偏暗,氣氛不錯,感覺像酒吧天氣太熱,無酒不歡的老公當然想啤啤佢一大杯的生啤才$49PAULANER麥啤我們是第一次飲,一如傳統德國啤酒味道,麥味很濃,又不會有如黑啤般的苦,天時暑熱最解暑,不妨一試而我則點了Somersby就是近年大熱的蘋果酒酸酸甜甜,女士必定喜歡令人感到放鬆的空間,座位十分舒適經店員介紹下我們點了二人套餐包括頭盤、餐湯/沙律、主菜、甜品及咖啡/茶$268頭盤巴馬火腿哈蜜瓜其實$268一個餐的價錢我們不會期望可以食到什麼很高級的食材,但這片巴馬火腿味道很好,咸淡適中,氣味濃香,沒有油溢味青蘋果鵝肝多士,鵝肝很大片,而且是厚切的煎得外脆內軟鵝肝下面放了一片青蘋果,我倒是不太喜歡因為青蘋果有點酸,本身濃味的鵝肝多士變得有點複雜後來我自行弄開青蘋果,鵝肝味道會比較突出什菜沙律,份量很多,用黑醋調味,很醒胃鵝肝雜菌意大飯加入了很多雜菌

食物不太差但如果你好趕時間/好肚餓/無耐性就千祈唔好去了，但大前提係你記住要訂枱😓星期五晚上去到，叫左個2人套餐，比散叫係抵啲同埋吸引啲。是日例湯磨菇湯，略嫌太稀，唔得creamy。小食巴馬哈密瓜同鵝肝多士都ok。亮點在牛扒，叫左5成熟，上到枱又真係剛剛好👍🏻而且份量都唔細，可一試👍🏻菠菜三文魚意粉都唔錯，忌廉落得好夠，如果可以分番啲忌廉落個湯度中和番就好喇。甜品各叫左tiramisu同牛奶布甸，一般。整體黎講其實食物唔錯，但等候時間實在太耐。當落完單後你預10分鐘上小食，食完預番10分鐘上湯，飲完湯再預10分鐘上菜。。。原本話8:15分前埋單有折，但係我地未夠8點叫佢上甜品，落埋野飲同埋單，結果搞到8:17分先有野飲黎但佢唔記得幫我地埋單。所以係8:15分前食完同埋單係好難做到的。另外，人手方面十分不足，得3個樓面，其中1個做埋水吧。雖然侍應都好有禮貌，但要搵佢地落單各樣野都要等。所以如果你唔等得既就唔好去，去都要訂枱，基本上都無得walk-in。試完無乜興趣去多次囉。完。

是晚約了好友於旺角閒逛，為了發掘新美食，特意沿著較少到訪的砵蘭街尋找用餐地點。途經 Amour Corner ，門面格局較附近店舖富格調，菜式價錢又頗合理，決定一試。餐廳裝潢是一般西餐廳格局，部分餐桌放置了燭臺以添氣氛。一行二人簡單點了一客二人餐，內含頭盤、餐湯/沙律、主菜、甜品及咖啡茶五道菜，定價$268，其實都幾抵。頭盤青蘋果鵝肝多士拼巴馬火腿哈蜜瓜，先吃較淡味的巴馬火腿哈蜜瓜，火腿鹹香度合預期，哈蜜瓜雖爽口，但甜度水頭稍遜。鵝肝味道都算濃郁，但油份稍高，配上酸爽青蘋果剛好用來減卻那份膩感。最底層的多士沾滿鵝肝油份，亦固然少吃滋味。餐湯沙律二選一，淺嚐一口南瓜湯，湯質很薄，口味很淡，瓜香甜味給力不足，有點失望。雖未嚐好友的蘑菇湯，但評價都是差不多，味道很淡，看餐廳要加把勁改良餐湯出品。主菜醬烤全份豬肋骨，二人享用份量不算少，醬汁食味調較都算不錯，豬肋骨烤得幾腍幾上色入味，倘若肉汁更豐碩會更佳。配上的薯蓉頗香滑，不俗。另一主菜菠菜汁三文魚意粉，餸料份量明顯少一點，三文魚味道OK，醬汁濃稠口味都算對辦，但菠菜出力不明顯。意粉掛上醬汁都見滑口熱辣，咬下富嚼勁。甜品提拉米蘇，芝士咖啡香味皆

每次問起身邊的朋友，油麻地有甚麼美食推介，得到的答覆唔係叫我去食煲仔飯，就一定是提議我試吓那間位於廟街的港式懷舊冰室，不過近日友人發現，原來砵蘭街近登打士街交界，有間水準唔錯的西餐廳《Amour Corner》，據說店裡的二人晚餐，非常抵食，只是 $268，另收加一，就已經包兩款小食、是日餐湯或沙律、兩客主菜、甜品同餐飲，十分超值。見友人力推，反正兒子這天不回家吃晚飯，就一於拉老公兩口子去試試看。來之前特意上 OpenRice 查看前往方法，原來由港鐵油麻地站 A1 出口步行過去最近，只是大約 3 分鐘路程，交通實在非常方便。由於來到時時間尚早，餐廳入面只有一檯食客，正好可以四周拍吓照，也不怕打擾別人。安坐後先翻閱餐牌，原來除了友人推介的抵食二人晚市套餐外，散點的 Menu 都有唔少選擇，主菜方面，比起套餐，當然更加豐富，由安格斯肉眼牛扒、加拿大自然豬胺、烤焗雪魚扒，以至烤牛柳扒拼大虎蝦等都有，不過見個二人餐咁經濟抵食，而且兩客主菜，加埋都有成 6 款揀，當中包括烤澳洲牛柳扒、紐西蘭香草燒羊架、醬烤豬肋骨、忌廉海蝦墨魚麵、鵝肝意大利飯、菠菜汁三文魚意粉，就一於不作他想，試試它的水準如何

試想想 : 兩個人的晚市套餐，有齊頭盤 (而且還是兩種)、餐湯、沙律、主食、甜品及飲料，每位索價竟然只是約百五大洋而已。其中頭盤內有鵝肝及巴馬火腿可點，另外主菜也有牛扒供應的....試問這樣還說是不抵食的話，也就真的沒有甚麼道理可言了....打頭陣的巴馬火腿夾哈蜜瓜，火腿片雖偏鹹但配合著爽甜的哈蜜瓜一同咬下去，鹹味馬上便被中和了....整體上仍是感覺良好的....鵝肝多士內的多士實際上是可再烘焦多點但現在做出來紿也算夠脆囗；鵝肝則沒苦澀味且沒帶筋，油份十分充足而不覺很膩。以如此便宜的價位去換取這般水平的foie gras實已是賺凸了；至於中間夾著的青蘋果片加入的用意是蠻明顯 ---- 當然乃在於減輕肝之油膩。但對於我此等天不怕地不怕的饕客來講，肝油滲進去多士表面後再咬一口，這才是真正不羨仙呢....蘑菇湯味雖稍淡及稀身但勝在真的有濃烈菇香....沙律內用的菜夠爽口而小蕃茄亦算多汁。添上去的黑醋汁量亦足，酸咪味的的確起了刺激味蕾之作用....兩款主菜一麵加上一扒。前者的一道忌廉海蝦墨魚麵，麵帶有少許煙齦韌勁是處理得比料想中的好；蝦沒有全被"喇"至只爽身而一點味也沒有，吃下去囗腔仍是有感到

最近，去完星馬旅行後，我便忙於把手信分給朋友們！ 當晚，約了一位好幾個月無見的朋友出來！我跟她分享星馬之旅的樂事，而她則告訴我，即將出發去澳洲探望家人！ 她在九龍灣返工，我在上環返工，中間點不是旺角，便是尖沙咀！於是，我們相約到旺角食飯，晚飯後又可以行陣街！ 如果，走到大商場的食肆未必會平！一於走到街上碰碰運氣吧！  沿砵蘭街行，原來有不少餐廳，有些更是有特色！  當中，我見到有間供應龍蝦湯飯，嘩！好正咁！  她卻嫌重口味！好的繼續行，接著，見到有間酒吧西餐廳 Amour Corner！供應二人晚餐二百多元有交易，相當抵食！  二人晚餐 $268/ 2位包括: 頭盤小食、餐湯或沙律、主菜共兩款，配咖啡或茶甜品！ 當我們二人走入間餐廳，見到只有一位靚女侍應，  她忙於為食客落單，待她落單後，才招呼我們！樓面實在太少侍應嘞！先入為主，給我們第一個印象已經打了折扣！  後來，較多食客的時候，才有一位男店員出來幫手！至於，環境方面，這裡是酒吧西餐廳格局，燈光昏暗！頗有情調！  除了有一張梳化之外，其他椅子是木椅子，舒適度一般！  給人感覺食完就走，不會坐得太耐！

看到餐墊上的簡介, 訴說著浪漫的故事:建立師艾菲爾設計了當時世界最高的鐵塔, 為的就是能在最接近天堂的地方讓愛人說句Je T’aime.Amour Corner座落旺角區, 以大眾化的價錢供應優質的意法料理, 而且店內裝潢簡單而溫馨. 浪漫這玩意, 原來不是遙不可及的事.Noirmoutier 努亞爾生蠔 ($58/ 隻)是法國的得獎名蠔, 即叫即開, 蠔殼內仍然滿載海水, 蠔肉算是肥美飽滿, 入口鮮甜沒有腥味, 嚐到了淡淡的海水鹹味.除了可以點set dinner外, 點主菜都可以加錢轉set, 非常有彈性!主菜另加$60即可享餐湯/ 沙律 + 鵝肝多士/ 巴馬火腿密瓜 (兩件) + 蒜香牛油帆立貝 (兩件), 我覺得是必加點的, 因為物超所值!餐湯是磨菇湯, 湯內是滿滿的磨菇碎, 甚有咬口, 除了菇菌的味道外, 沒有多餘的味道, 蠻好喝!附贈的蒜茸包, 細細件, 但我很欣賞它的蒜蓉牛油塗至麵包的邊位, 做整塊麵包都帶蒜蓉牛油香!巴馬火腿密瓜- 沒有期待下的驚喜! 巴馬火腿油脂適中, 質地軟腍沒有筋, 而且鹹度都適中, 味道鹹香, 密瓜清甜而不封喉, 一併放入口中, 兩者像渾然天成般