Amour Corner (已結業)

跟朋友食團購，完全無得講服務態度，差到唔識形容， 訂咗 20:30, 但等到 21:10 先坐低，要水無水，要自已出去攞，想落單又無人，用尊貴訂嘅，杯紅酒係細杯子，重要係只有三分一叫做一杯，等食物等咗差不多一小時，一催再催先出個湯嚟飲下，個餐湯稀到都飲唔出係咩嘢！如果唔係朋友話俾咗錢，乜都無食過就走，係蝕咗架話，已經走咗！但替 CHEF 可惜，確實煮得一手好菜式，但服務態度真係唔掂！因為眼見唔係用團購嘅客人，食物快，叫又有人理！我哋團購嘅好似乞飲乞食咁！既然唔歡𨒖，點解要做團購，驚人唔知服務差？！CHEF 個魚煎得剛剛好，他他醬亦味道豐富！牛柳略為過熟.........