A.T.A.S

营业中

休息中

之前見朋友send嚟，見到好吸引好想試，有人要出嚟銅鑼灣做嘢，死跟出嚟就為咗試下個咖椰爆漿嚟到先發現原來係自助形式，落單取餐同搵位，好彩嚟得早，等咗一陣就搵到位由於諗住晏啲再食嘢，所以淨係叫咗2杯嘢飲同最想食嘅咖椰爆漿，但等咗差唔多半個鐘先到😭凍奶茶 $20有人好期待，因為屋企附近有間新加坡野嘅奶茶好好飲，點知嚟到好失望，好似奶水咁，不過唔記得咗影相美綠爆炸$58滿滿嘅美綠味道，加上早餐美祿波波仲有Oreo，好飲嘅，但佢同咖椰爆漿只可以2個揀1個，唔係糖份一定超標🙈咖椰爆漿 $68雙重牛油、煉奶、朱古力榛子醬、咖椰、花生醬，個面仲大量嘅美祿粉，超甜超邪惡，2個人share食已經夠晒飽，好彩無叫其他嘢，唔係就食唔晒

🔸辣椒板麵 ᴄʜɪʟʟɪ ʙᴀɴ ᴍɪᴀɴ $88寬扁條狀嘅板麵有少少似刀削麵，食落有少少咬口口感幾好，配料有流心蛋、滷冬菇、炸江魚仔、豬肉碎炸蒜、蔥，參巴醬辣椒等等，撈埋一齊食鹹香惹味，而且都幾辣吓，重口味嘅朋友必試！🔸板麵 (乾) ᴏʀɪɢɪɴᴀʟ ʙᴀɴ ᴍɪᴀɴ (ᴅʀʏ) $68呢款同樣都係口感煙韌嘅板麵，同樣惹味不過就唔辣嘅，多啲菜心咁～都好好食！🔸咖椰爆漿 ᴋᴀʏᴀ ᴏᴠᴇʀʟᴏᴀᴅ $68咖央多士就食得多，呢款比平時嘅咖央多士更邪惡！香脆嘅多士夾住咖椰醬、牛油、花生醬、煉奶同朱古力榛子醬，表面仲灑咗滿滿嘅美祿粉，啖啖都甜到入心！🔸咖椰多士 ᴋᴀʏᴀ ᴛᴏᴀsᴛ $38呢款係輕量版，表面冇咩特別，其實香脆嘅多士入面夾住嘅係厚厚嘅牛油，入口即化啖啖牛油香，都咪話唔邪惡！🔸美祿爆炸 ᴍɪʟᴏ ᴇxᴘʟᴏsɪᴏɴ $50鍾意美祿嘅朋友一定會超級愛呢杯飲品！香濃嘅美祿朱古力，表面仲撒上一層厚厚嘅美祿粉，舖滿脆卜卜嘅美祿脆脆同一塊美祿餅乾，好滿足！餐廳裝修簡約，座位舒服，有自助點餐機方便客人點餐，不過假日嚟就比較多人，可能要等位呀～

行開銅鑼灣，攰攰地，見到有間Cafe裝璜雪白簡約，感覺闊落又舒服，就入左去，原來呢間係主打星加坡粉麵和小吃嘅餐廳。今次揀咗炸魚片米粉以及麵粉粿乾作主食，炸魚片煙靭米粉柔軟, 麵粉粿乾未試過，入邊用很多不同的配料，包括豬肉、炸江魚仔、冬菇、菜心、還有十分香口的炸蒜和葱，配搭起嚟一口接着一口，很多味道在口腔爆發。仲有一個非常邪惡嘅咖椰爆漿，入面有咖椰、牛油、花生醬、朱古力栗子醬、煉奶，仲舖上10分10分邪惡嘅美祿粉，一咬落去，原來甜都有不同層次，記住要趁熱食，才能感覺到呢種甜得來渾然天成的感覺。

假日食一餐邪惡的~(≧▽≦)/~諗起都覺得係罪過🫢一直都鍾意食咖央多之類香口又甜既野食呢一間鋪成日搭車行過樓下都有望一望咩黎同朋友決定一試因為唔係好餓 叫左兩款食物兩款特飲超期待既咖椰爆槳😍愈邪惡愈喜歡不過實係食一舊起兩舊止係盡晒超！級！甜！好似幾十粒金莎塞入口咁成口糖呢個試過就ok😂甜得太過份～我會揀普通咖央多d辣椒板麵呢個有少少驚喜 都幾好食少油更好🙉特飲分別叫左美祿爆炸朋友點的～甜😌黑粉又名玫瑰露仙草我叫既～點到🫠後悔貪得意再揀會揀斑斕薏米水甚至清水😮‍💨.雖然食邪惡食物真係好開心但總括我點既食物飲品就係甜同油(´･ω･`)適合喜歡挑戰新口味的瘦底人士愛計算幾多卡者good luck 🤫..#唯有食是最治癒的

特色新加坡菜，環境舒服，嘢食都好高質。🍜叻沙 $ 98 香濃椰香味，而且麵條都好有口感。😍我鍾意豆卜，非常入味，🦐可以吸收湯底嘅精華。加上爽口嘅白魚蛋，同埋蝦仁，配料豐富。🍲肉脞麵 $88 幼麵底，配上肉碎，🥟炸雲吞。鹹香菜舖，白魚蛋粒。哩一麵新奇又少見，🥰都非常好食。咖椰爆漿 $68 期待已久的特色甜品❤入邊有香濃的咖咉醬，而且topping仲有好多阿華田粉！🥳甜而不膩，🥥帶有濃郁嘅椰香。🧋斑蘭奶茶 (凍) $30 🍋酸梅青檸水(凍) $30

今日同朋友去完銅鑼灣行街 經過呢間位於怡和街後面要上一樓嘅ATAS新加坡菜度食晚餐晚餐時間嚟到超級多人 餐廳係自助形式 要自己搵位 自己點菜 不過價錢一啲都唔平ROJAK 囉喏 味道非常特別醬汁酸酸甜甜好開胃入面有炸豆卜夠曬脆卜卜 竟然入面加咗台灣特有嘅芭樂酸酸甜甜更加開胃 上面撒上芝麻同埋花生粉 成個配搭好得意炸魚片米粉 魚塊非常大舊 外脆內軟 魚肉嫩滑 魚湯味道濃沃Bak chor mee 肉脞麵 可以自選麵條我揀咗老鼠粉 上面有唔少嘅配料包括貢丸 肉碎 炸雲吞等等 撈埋惹味嘅醬汁 味道唔錯班蘭奶茶鹹檸檬梳打

經過見咁多好評又唔洗等位就去試吓餐廳要上行樓梯一層樓，自肋搵位去到見喇沙要$98就叫個最平魚蛋河 （$58）試吓，味道唔差，但同屋企附近食魚蛋河差唔多😅 $58黎講唔係好抵食。Lunch +20蚊叫咗斑斕奶茶，外表三隻色幾靚，唯一係要少冰都係半杯冰。最後叫左咖椰多士 $38，如果係熱上會推介，可惜係唔熱，但又未去到凍😅 個人覺得未必係即刻整🤔 但都脆扑扑ga最後舖頭由搵位，點餐，取餐同還盤都係自己負責，所以無加一服務費。

上次試完峇里堂之後發覺原來自己都幾中意食東南亞料理，因為好多都好開胃😚而甜辣口味亦都係我杯茶☕️。今日黎到呢間門口睇落以為係cafe，點知原來全名係A taste about shiok，係主打馬來西亞🇲🇾新加坡菜🇸🇬，shiok就係指開心、愉悅既感覺。一開始諗住呢啲cafe風格都係適合打卡多啲，但啲野食到左之後完全打破左我思想🤭。🐒辣椒麵粉粿(乾)💰$88麵粉粿係一片片，on top有隻流心蛋🍳 麵粉粿食落煙韌既口感配埋滷肉冬菇，魚仔同參巴醬辣椒🌶️係我懷念既味道。🐒叻沙💰$98我揀左粗米粉，原來係米線🤣本身仲以為係類似米苔目咁既麵底，不過都無阻佢發揮🍜入面有蝦🦐魚蛋，豆卜，蛋，椰香味重之外都有足夠辣道。🐒印度薄餅配咖喱💰$48+$30配雞搥@4係偏甜既咖喱同埋十分濃郁🍛$30必加，有4隻雞脾仔🍗同咖哩係絕配，而薄餅都好酥脆🫓。🐒班蘭奶茶💰$28🐒酸梅青檸水💰$28班蘭奶茶既班蘭味好突出，so far係飲過咁多班蘭產品最真實既班蘭味🌱而青檸水好refreshing and natural，因為佢無添加糖水🧉

嚟呢間係為左個kaya overload 多士而嚟～ 五層多士入面有兩層係牛油，再加搽滿咖央，朱古力醬，花生醬同煉奶，再嬸爆美䘵粉！！！！睇相就係真係咁痴線，勁好食！！！​​​食呢啲咁多層既多士好多時一咬啲料就喺另一邊爆出嚟，又或者一路食啲醬一路滴，食到勁呢hea，佢兩樣都無！！！好神奇地全部料係痴得勁實even煉奶！咬落去係有小小小小痴牙嗰種質感，無想像中嗰種勁量級甜喎又，係可以一個人啪三件的。​​​另外食埋叻沙，本身就唔係為左佢而嚟，所以無期望過，點知又ok喎。料係好無聊既料，麵可以揀返traditional半油麵半米粉，湯底ok喎！！！個辣係完全喚醒左個胃！！！非常ok！！！​​​​不過餐廳格局明明ok 但佢竟然係行food court路線，自己搵位自己拎餐食完自己執檯，價錢嚟講無service我係無乜complain既，只係好畸呢。眼見有檯係食完，自己執完檯拎個橙出嚟食，好似打算坐返一年半載咁，同隔離啲嚟打卡既人（例如 我）好大contrast下。 就係咁～報告完畢。​​

呢排又有好多post講呢間鋪，特別係佢個美祿多士好吸引，充滿着美祿粉好正🤤🤤所以就約咗朋友去嗰度食，位置唔難搵就係正利園前面，過咗紅綠燈就見到。上到去感覺都算好乾淨，七點幾去到真係好多人，我哋喺門口都等咗一陣先有位坐。佢呢度行自助式點餐，餐具都係自己拎。諗住都試吓唔同嘅嘢，所以叫咗一碗濃味，一碗就健康啲嘅湯底。辣麵粉粿 $88呢款係撈麵，佢啲粉係好大塊，食落好有咬口，面頭仲有啲辣椒醬，配料撈埋一齊食好惹味。第二款叫左炸魚片米粉$98健康啲係有蕃茄魚湯底，如果朋友想食得健康啲就可以叫呢一款。佢個炸魚片都好大舊，係炸魚塊就真🤣🤣米粉都係粗到米線咁！我哋仲好貪心咁點咗個咖椰爆漿$68真係好難唔點見到個個都有點到。三塊烘左底嘅麵包中間夾咗牛油，咖椰，朱古力榛子醬，煉奶，面頭仲要充滿美祿粉。加埋一齊食好滿足，不過女仔食唔到太多。其實係因為前面已經食咗兩碗粉😂😂我食咗兩舊已經食唔落😂😂好飽仙草豆漿$28好少見仙草配豆漿，覺得好新奇就叫一杯飲。飲落佢豆漿唔係太厚，比較薄身啲嘅，所以夾埋仙草就好清新。美祿爆炸$58唔使講一定係非常之好飲🤣🤣🤣 好濃嘅美祿整體黎講都幾好🥰

＜ 又比好評數 同IG相呃咗＞ 🤧現場多人排隊 服務同影相燈光 ok個炸饅頭蟹 ok 但醬同饅頭比例失衡 問過可以另加錢買薄餅同饅頭 但性價比低 ❌💥重點：💥但其他食物味道本末倒置 喇沙唔夠味 （似喇沙味譚仔）而甜品就甜到過份 兩樣甜品完全唔得 一啖就甜到上腦 食完之後有啲呼吸困難 仲會起痰 食唔曬被人問要唔要個盒打包 深感老尷🥴玫瑰露顏色似化學劑 非常特別😰雖然冇啖好食 但食得好歡樂 非常特別嘅回憶 一試難忘PS: 此食評經四人同意 🤣

><餐廳採用自助形式 所以我哋一個去等位一個去落單之後機仔響時拎餐 食完自行放返餐具收集處肉脞面($88)Bak Chor, Pork Liver, Fish Balls, Braised Mushroom,Pork Lard, Lettuce麵底似雲吞粗麵個款 有嚼口炸雲吞 冬菇 魚蛋 豬肝 配料豐富辣椒板麵($88)Pork Balls, Fried Ikan Bilis, Braised Mushroom, Egg, Choi Sum, Fried Shallot, Spring Onion, Sambal Chilli呢款辣辣地幾惹味 粗麵撈勻咗之後上晒色食落又唔會好濃味好膩咖椰爆漿($68)Overload with Kaya, Butter, Peanut Butter, Nutella and Condensed Milk, topped with Milo Powder最想食呢個邪惡多士 三層方包組成塗滿花生醬 榛子醬 夾埋牛油片仲灑滿美祿粉 鹹甜都滋味美祿爆炸($58)/班蘭奶茶($28)食新加坡菜都會嗌嘅signature drink>

一定會再encore嘅餐廳😋當日lunch time去食需要排隊，餐廳係半自助形式，無staff係餐廳幫手帶位同埋執枱，需要自己搵位再去counter買野食推薦咖喱雞配印度薄餅薄餅皮超脆可以淨係叫咖喱，或者+$30加雞鎚咖喱好正宗，啱曬重口味嘅人！麵粉粿第一次食，入面撈左炸魚仔、肉碎、蛋、炸蒜、葱、冬菇同菜心，啖啖都食到唔同嘅配料，好豐富！建議可以同多啲人去食，可以叫多幾個唔同嘅菜share😋因為真係樣樣都好吸引

超邪惡爆醬華田多士🤩🤩餐廳採用自助形式 類近美食廣場 但動線都明確嘅 唔會唔方便餐廳裝潢光猛 有沙發卡位亦有高枱位 幾好座 同三五知己一齊住岩晒Fried Fish Slice Bee Hoon 炸魚片米粉$98-魚片屬於魚柳 好入味 新鮮炸起 表皮都幾脆-粗米粉口感唔錯 偏軟但有咬口✨Mee Hoon Kueh Soup 麵粉粿湯 ＄78-湯頭清淡 加埋冬菇 魚仔 炸蒜-第一次食粉粿 口感特別✨Kava Overload 咖椰爆漿 $68Kava & Peanut Butter Chocolate-螞蟻人必食-超濃柯華田味道-塗咗厚厚嘅牛油 椰漿糖味 邪惡到爆 勁好食！✨Plume Limau酸梅青檸水$30味道清爽 同多士好夾✨Michael Jackson黑白(仙草豆漿) $28啖啖涼粉 豆漿味相對小D 但飲到最尾就有豆漿香氣

A.T.A.S 主打🇸🇬🇲🇾星馬菜餐廳以自助服務，完全凸顯新加坡的一包紙巾占位方式，初初我有少少唔慣，不過很快就融入其中，環境休閒自在，冷氣充足，實在令我好似身處新加坡，的確呢排香港真係太熱，入嚟吹吹冷氣嘆杯野心情猶如煥然一新🤩［是日餐點］👉🏾咖椰爆漿 HKD68佢分別有兩款 一款係有kaya、牛油、煉奶同美祿粉另一款係有晒呢啲再加上花生醬同朱古力榛子醬。我揀咗前者,相信唔會咁肥👀三層多士兩層餡，咬落去啖啖滿足🤤，佢層牛油超級厚🤫🤫🤫你估我一個人食咗幾舊呢？🤫下次真係要搵定朋友share😬👉🏾美祿哥斯拉 HKD50見到已經嘩一聲….充滿邪惡！鋪左好多美祿波波，賣相都好正😻好重美祿好夠奶香，中間入面有澎湃嘅美祿粉，一啖接一啖都唔想停🫶👉🏾麵粉粿乾HKD68我揀咗麵粉粿Mee Hoon Kueh炒麵入味，有豐富炸魚仔，滷冬菇，豬肉塊，炸蒜同蔥星馬特色濃厚，值得一試👏🏻👏🏻👏🏻