8鍋臭臭鍋 (金巴利道) (已結業)

情人節正日，街裏愛人一對對~~諗住6點幾應該會好多人，所以提早5點幾就入左依間位於尖沙咀嘅餐廳到食飯。果然一如所料，入到去得個兩三枱人，任揀位緊係揀個正位。兩個人，點左兩個鍋，一個臭臭鍋，一個牛奶芝士鍋，再加兩杯野飲。==============================登登~登登登~~~野食出場嚕~~~我本身好鍾意食臭豆腐，但依個鍋堅係好臭！至於個臭豆腐，麻麻地好食，可能我期望太高。入面好多料，腐皮、蕃茄、貢丸、豬紅、臭豆腐、娃娃菜、豬肉..............(我都唔記得左嚕~不過張餐單就有寫哂出黎嘅)一人一鍋黎計，係堅飽~因為你仲可以選擇配飯 / 粉。依個就真係比想像中好食，牛奶同芝士夾到岩岩好，仲好濃郁添!!!平時打邊爐配下啤酒、汽水、酸梅湯，冇諗過配奶茶、奶綠都咁夾，綠茶味清得黎生津解喝，識飲一定係飲涷嘅，一個字－「正！」==============================總括黎講......8鍋－名副其實８種鍋～臭臭鍋未試過嘅朋友可以試下，值得一試嘅~下次再去仲叫唔叫?? um....只能說臭臭鍋唔係幾岩我口味，應該只會叫番牛奶芝士鍋唔知可唔可以只係叫一個

天氣繼續寒冷，一行幾人都提議打邊爐，有人提出試過一人一鍋未，我話唔係快餐店果隻掛？友人話唔係，係台式火鍋，即時令人期待。我自己點左香蒜牛肉鍋，未食已經聞到果陣香蒜味夠濃我鍾意，侍應捧過黎之前成個鍋已經半熟，佢地會幫手點著個火，一路滾一路自私食，係冬天至寶。先食當然係主角既肥牛片啦，脂肪分佈均勻，入口口感夠滑，味道香濃還帶點香蒜味，爽。當然點埋佢地提供既沙茶醬，味道就更惹味。除左牛肉片，仲有要食先既係沙白，細細隻肉質滑之餘，味道又夠甜。另外仲有丸類一樣咁入味，尤其蟹籽丸，丸夠彈性外，蟹籽餡口感特別而且蟹籽味濃。牛丸就夠彈牙，食得出牛肉比例高，不是只有麵粉的丸。唔夠飽仲有粉絲添呀，成個餐包埋既。粉絲滾一滾就食得好方便，而且仲索晒個香蒜湯汁，喜愛蒜味既朋友一定好似我咁滿意。最後打邊爐又點少得飲凍野，叫左杯泡沫綠茶，綠茶味清香帶點甜，正好為這餐邊爐宴消一消劑，因為唔經唔覺已經食到肚腩都突埋。

呢一間8鍋臭臭鍋好受歡迎，每一次經過呢一間餐廳，都見到好多人等位，平時都好怕等位，所以咁耐都未食過，咁岩今日經過見到無人等位，就即刻入去試吓。入到去，全餐廳滿座，都要等5分鐘到先有位，好彩有人啱啱埋單，所以只係等5分鐘就有位，終於可以試吓呢一間台式火鍋。台式麻辣鍋（少辣)麻辣味好香，我叫左少辣，所以都唔算好辣，而且個火鍋係一人一鍋，又有火燒住，可以一路食一路保持鍋嘅溫度，冬天食真係啱晒！而且呢個喎非常足料，肥牛又滑又薄，又有牛肉味，娃娃菜爽口鮮甜，而且有啲菜食下健康啲，麻辣餃細細舊，裏面嘅肉有啲啲麻辣味，非常特別，非常台式，米血糕非常有台灣特色，味道同麻辣味好夾，比較有咬口煙靱，亦都有大腸，好爽口，好好味，魷魚圈好彈牙，魚蛋亦都好彈牙有魚味，仲有炸枝竹、粉𢇁，索哂湯底，好惹味。盆栽奶茶盆栽奶茶即係朱古力味奶茶，再加一層口口嘅Oreo碎，朱古力好香濃，又滑，非常非常好飲！唔怪得呢一間台式火鍋店咁多人排隊，因為火鍋料好有特色，而且火鍋湯底又好味，連飲品都好好味，就算要排隊都值得一試。

完左假期, 出街食飯就冇咁多人排隊, 可以同朋友一齊出街食飯吹水。聽到人地介紹八鍋, 而且台式火鍋係香港平時又冇乜見開幾間, 就膽粗粗去試一試。未入去就見到好多少男少女係門口排，好彩同朋友傾一陣計就入得座款式有唔少嘅選擇，相比起平時食開嘅任食邊爐有多啲新口味﹑菜式。除此之外,  湯底都好吸引！我就試左個香蒜牛肉鍋, 估唔到會咁特別奶白色嘅湯底, 令我諗起係日本食嘅蒜蓉豬骨湯, 有好香嘅蒜味，配搭起牛肉，食落香口好多。以後除左豉油加蔥配牛肉，仲有多個新選擇。每人會分配一個小鍋，大家可以揀自己鐘意嘅味道，可以一次試好多種，仲唔怕成班人爭食，食得休閒好多。望落個鍋好似好淺咁，開頭都怕食唔飽，之後發覺冇睇清楚，會每鍋配一碗白飯，最後仲食淨少少。不過，如果真係唔夠飽，都可以加菜式，唔洗叫個鍋新。另外，仲有台式飲品柯打，成餐以台式食品作結。雖然間嘢要行遠少少, 但係值得去試一試!

連續幾星期都見到入榜"餐廳排行榜 - 每週最高評分"一早就book mark左，就係等個機會去試試當日收工就即刻去，18:45左右到，餐廳仲有位未full，有限時，所以就等埋朋友先入座啦剛好有張2人梳化枱，因為眼見全場都會搭枱，梳化位就可以擺下野，始終冬天又有袋又有外套，建議穿戴得方便d去食，另外我地坐近門口位，但食完都係全個人都好有"邊爐味"，所以唔好著d咁吸味既衫啦佢有8款鍋可以揀，每款鍋湯底同配料都唔同，所以要睇定menu好好揀定自己要邊款，好彩得8款，因為有選擇困難證真係要揀好耐另外都有d小食同埋飲品可以選擇，如果肚餓同埋3個人以上就可以叫，因為淨係食哂個鍋都好飽menu上有教可以調配沙茶醬或者豆瓣醬，仲有埋比例，可以試試看，但其實湯底味道都好足夠，就咁食都已經好好食飲品不會太甜，百香果味不重，反而茶味好重，導致飲落有點苦味道岩岩好，就算冇叫少甜都唔會好甜，奶味茶味並重，都幾好等左一陣，主角終於出場啦有火熱住個鍋，同平時見到既粒芯火唔同，一舊睇落似膠既透明物體燃燒，個鐵座都好重，唔怕好易唔小心撞到倒瀉野一黎到，好香既蒜味，一食入面既野，都係滿滿的蒜味當中甜不辣好好食大部分食物都

同朋友喺紅磡唔知食咩晚飯好，最尾都係行咗去尖東美食街，但係美食街平時食好多次，所以又行咗去尖沙咀，經過韓國美食街見到呢間台灣火鍋店。由於時間尚早，人數不多，我就最愛吃酸辣食品，所以選擇了平時很少吃的酸辣羊肉。酸辣羊肉鍋＄108原來裏面已經有粉絲，真的有點後悔選擇了粉絲，所以選擇食品之前一定要看湯底有什麼食物，否則就好似我咁重複左！其實係可以選擇普通白飯或者加錢轉做肉燥飯😭裏面有好多嘢食，有一種糕係好多地方都無得食，食落去口感好得意軟林林，不過真係口味見仁見智。酸辣嘅味道亦正合我意，不過對比朋友嘅牛奶火鍋我就覺得牛奶好味啲，因為好似冇咁容易飽？裏面亦有豆卜，魚旦等等，最主要係羊肉比較薄切，有少少so味不過味道亦唔錯，有少少肥膏，係我心水。當然裏面亦都有啲菜減少肥膩感。粉絲比較爽口，唔係嗰種太軟嘅粉絲。盆栽珍珠奶茶＄35珍珠奶茶本身甜味都唔錯，再加埋盆栽表面有一啲朱古力脆脆，好有口感好似食緊盆栽甜品咁，可以中和一下辣味！

約舊同事聚舊，一行6人，見呢間呢排有啲人氣，所以黎試下。叫左香祘牛肉鍋、藥膳羊肉鍋同沙茶牛肉鍋，另加了臭豆腐同小食炸花枝丸。食材：只有粟米夠甜好味，牛肉同羊肉都冇咩味，其他材料好普通，不值一提。臭豆腐就真係好臭，我地麻麻，食剩了。最好味係自己溝的醬，食醬多過食野。湯底：祘鍋冇祘味，沙茶鍋可以，藥膳鍋淡味服務：6個人去，得兩張6人枱，要我地等足90分鐘（食野限時90分鐘），都過左十幾個no, 都唔會留2人枱同4人枱合併，同同事耐冇見吹住水先等，真係唔會有下次！

又返風了，朋友說想吃火鍋，近來興起一人一鍋，於是來了這家一試。晚餐有8個鍋可以選擇，花多4亂，愛吃辣的我點了台式麻辣鍋，材料很豐富，有大白菜、牛肉片、麻辣餃、福州魚蛋、豬紅、沙白、米血糕、大腸、魷魚圈、凍豆腐、金菇、炸枝竹、泡麵、鳴門卷、青豆角。可以選配飯或者粉絲，我挑了粉絲。湯點了中辣，個人覺得不算辣。最特別的是福州魚蛋，中間有豬肉的餡，咬落去有豐富的醬汁。欣賞餐廳的彈性，因為最近不可以吃牛，餐廳可以將之改為豬肉片。另一個是蕃茄蔬菜鍋，湯底是很香濃的蕃茄湯汁，還有蓮藕、粟米、香菇，新鮮美味，最正是一邊喝湯一邊吃粉絲。旁邊有沙茶醬、蒜蓉、辣椒和醬油作配味。

最近天氣無啦啦突然間轉涼，咁就當然要食下啲熱野，暖下個身。放左學之後，我地就去左韓國街個邊搵野食啦，最終就俾我地見到呢間臭臭鍋。 我地就各自叫左一個鍋去分黎食，我地分別叫左一個照牌臭臭鍋以及一個牛奶臭臭鍋了。首先，講一講個照牌臭臭鍋先呢個鍋有大腸，豬紅，米血糕，而且仲有豚肉片，貢丸，材料十分豐盛，而且臭豆腐味道十分香，入口好好食另外，點左粉絲左主食，味道一般，不過不失，不過勝在份量十足。 另外，芝士牛奶鍋配有不少日式的食材，有心型魚豆腐，蛋餃，豚肉，而且仲有少量的烏冬。 湯式的奶香味好濃郁，味道鮮甜，少數覺得想飲晒既湯底呀

8鍋臭臭鍋尖沙咀金巴利道77 號地鋪一間食台灣打邊爐既食店 只有一個menu就係88 蚊包一個打邊爐鍋 一碗飯or麵or粉絲 加5 蚊可以有杯28 蚊樓下既野飲 貴過28 蚊就補番差價招牌臭臭鍋 大白菜 豬肉片 臭豆腐 大腸 台灣頁丸 米血糕 豬紅 沙白 蕃茄 鵪鶉蛋 炸菜絲 金菇 鳴門卷 粉絲 九菜 用明火爐點住火食 熱辣辣 外表美觀 而且勁多料 同咪食得出材料既味道好台式 個湯底味道有一種臭既香味 就好似臭豆腐甘 醬汁偏濃烈 全部食物都好有特式 配搭得宜 好似豆腐 係台式臭豆腐 夠臭又軟熟 其實材料都好味 而且可以點側邊既自製醬料 好似蒜蓉 吵嗲醬 都好好味鹵肉飯 加12 蚊 白飯轉鹵肉飯鹵肉飯既豬肉好肥美又不失口感， 十分彈牙 醬汁好濃又夠香 要黎撈飯一流臺式麻辣鍋有大白菜 牛肉片 麻辣餃 福州魚蛋 豬紅 沙白 米血糕 大腸 魷魚圈 凍豆腐 金菇 炸枝竹 泡麵 鳴門卷 青豆角同上面既鍋一樣好有特式 好似台食物 米血糕 豬紅甘 而最正係湯底 麻辣鍋 少少麻 辣度越煲越辣 但係嗰種食落唔會好辛苦嗰種 夠哂惹味但又不會蓋過食物既味道 再點埋粉絲食 正！飲品點左鮮奶綠茶28熱飲 鮮

身為火鍋愛好者的我們，試過台灣無老鍋之後想找回這個味道，在OpenRice 找到這間餐廳的名字很特別，而且有一人一鍋，所以來試試看！原來這間只限walkin ,適逢星期六，我們晚上六時入席，不用排隊！餐牌只有八個鍋可以選擇，由於我們不太好臭豆腐，便點了其他人氣鍋。等了10分鐘便上鍋了。芝士牛奶鍋一上鍋便嗅到很香的芝士味，垂涎欲滴。湯底味道偏甜，只有淡淡的芝士味，配料很多，很豐富，配料未有沾上芝士味。令人喜出望外的是貢丸， 十分彈牙，而且味道與普通的很不同，但其他配料就普普通通。臺式麻辣鍋湯底有辣味但不夠麻，配料豐富，朋友說配料普通。藥膳羊肉鍋湯底有甘甘的藥膳味，不算蘇。不知道為什麼這個個鍋的爐火很快就熄滅，可能不想煮太久？但我們認為火鍋要長期保持沸騰才有它的味道，所以我們不停叫店員加火。荔枝綠茶很喜歡這杯，本身以為會很甜，但並沒有！這是茶味偏重的飲品，帶有淡淡的荔枝味！由於很多人排隊，我們坐了90分鐘便要離開了！

年初4 諗住係尖沙咀同朋友聚聚，點知出到韓國街 d車位爆晒間間野都好多人最近簡左間比較近泊車位既火鍋店佢打到名係台式既臭臭鍋即是臭豆腐 d frds 全間鋪都好多人我地等左大約15分鐘啦就有位喇🤗🤗🤗🤗🤗睇下佢個menu sin 有8種湯底 選擇 1-8 任簡一款之後要簡跟飯 定 粉都係$108如果唔夠飽 就可以再extra 加野係後面睇我地就叫左3個鍋芝士牛奶鍋香蒜牛肉鍋同埋藥膳羊肉佢3個湯底都好唔同黎個陣 好大煲入面料都好多再跟粉/飯。 其實都係超飽🙈🙈🙈🙈🙈跟本食唔晒 都唔洗點加野😂😂😂另外我地叫左野飲佢黎個陣係外賣杯錦 好大杯呢個係百香果綠茶😝😝不過其實個湯底仲要好飲 可以淨飲湯都得所以係超值！👍🏻👍🏻👍🏻👍🏻每人埋單 連野飲飽住出番去都係150$好抵！

呢排天氣涼涼地，就好想打邊爐，朋友介紹新開既8鍋就決定黎試下。一共有8款鍋揀，同朋友一人一鍋，咁就唔怕大家口味唔夾，可以揀自己鐘意食既野啦。呢排食得多辣野，所以想揀個唔辣既。最後揀左芝士牛奶鍋。見到賣相已經覺得超吸引，奶白色湯底，面頭有塊芝士同雞蛋。趁佢開始滾時攪勻左湯底，急不及待試飲左啖湯先，係好濃好滑既牛奶味，可能因為加左芝士所以更加香，唔會太咸岩岩好。呢個湯底配既係豚肉片，好滑好嫩，點少少沙茶醬同辣醬食真係好夾。另外每個鍋免費配一碗飯或粉絲。其實湯入面本身都有少少烏冬，但始終慣左打邊爐配麵食，貪佢地可以吸收曬啲湯既精華。成個鍋份量好足夠，食埋粉絲已經好滿足。同朋友貪心叫多個小食，炸花枝丸，炸完外脆內軟好有水準，最出色係加左甜酸醬，係令人食上癮既醬汁啊。野飲散叫左杯蜂蜜綠茶，加$5有彩虹寒天，好新鮮好開胃。整體黎講，性價比真係高，埋單平均每人$170，份量好足夠，質素高於水平，下次黎會再試埋其他湯底。

乍暖還寒的周末，最啱就係打邊邊。難得我家那位說看到一家挺有特色的火鍋店，雖然是在下午吃火鍋，我也樂意跟她周圍去吧。雖說這天吃的臭臭鍋是台灣名物，但對於從未踏足寶島的我來說，添上了一份既神秘又緊張的感覺。甫進店內，撲鼻而來的已是一陣陣的臭豆腐「香」氣。叫得8鍋臭臭鍋，餐牌上就有8款鍋，每款均配飯或粉絲及飲品，均一價盛惠$88。當中的招牌菜自然是臭臭鍋吧，對臭豆腐有點抗拒的客人也不用怕，其實還有豬、牛、羊、蔬菜鍋以供選擇。招牌臭臭鍋8款鍋物均是在大白菜、金針菇及炸枝竹的基礎上，配襯不同配料而組成各具風味的一人鍋，而我家那位首先選的便是招牌臭臭鍋。大腸、豬紅、米血糕都是呼應臭豆腐而設，再添上豬肉片、台灣貢丸、沙白及鵪鶉蛋後感覺甚是豐富。我就是對臭豆腐有點抗拒的客人，可惜對於我家那位夾過來的臭豆腐，卻是沒法抗拒。第一次吃臭豆腐的我表示，豆腐雖臭，入口卻不是很臭，總算入了口吧。芝士牛奶鍋不嗜臭豆腐的我還是選了有賣飛佛的芝士牛奶鍋吧。除了因為芝士，選這鍋的最大原因要算是鍋裡還有烏冬~心型魚豆腐與麻吉燒爽彈十足，饀料滿滿的蛋餃也算可口。沾了芝士的豬肉片軟腍之中更添一份香氣！至於藏於鍋底的烏冬掛起混了

天氣咁凍就打個邊爐先得！本身想去吉仔！但朋友請就食好d啦！叫左個藥膳牛肉鍋暖下身！個湯底好濃！但唔會話太重藥材味！材料好豐富！有好多好食既牛肉！仲有吸哂湯底既粉絲同菜！豆腐卜都吸哂湯汁！好正啊！好鐘意食個爽口既薄片！叫左個蛋餃加料！蛋餃入面包左豬肉！豬肉餡好香濃！個皮就吸哂汁！滷肉飯！好正啊！！！滷肉夠哂肥又多汁又濃味！配飯一流！好想食多碗！滷蛋又係既入味勁香濃！入味到入面既蛋白同出面一樣色！好食啊！叫左個黑糖薑紅棗茶飲！好足料！有好多桂圓！味道又甜又有薑味！正！