8鍋臭臭鍋 (金巴利道) (已結業)

一嚟到鋪頭就被一陣香味吸引，店員好快就攞咗餐具同埋餐牌俾我。鍋物有八款，我同友人分别揀左沙茶牛肉鍋同埋蕃茄八豚肉鍋，另外再加多左一隻滷蛋同一份貢丸，飲品方面就揀咗抹香綠茶同埋青蘋果綠茶。兩款飲品都幾好飲，隨鍋附送嘅餸亦好多。我升級左個滷肉飯，分量不太大，配合埋啲餸啱啱好。味道方面，番茄湯湯底好濃，沙茶湯亦都好沙茶。白豚肉唔算太肥，呢個幾欣賞。值得一提嘅係隨鍋附送嘅粉絲好好咬口，我哋都忍唔住追加多一份粉絲。已＄108嘅價錢就可以有咁多款式嘅餸，性價比算高，值得一試。