影片
更多
2017-12-07
7292 浏览
去佐敦見完客都兩點幾，行過見到平時門口排長龍嘅台式火鍋店，唔駛排長龍，即時入去醫肚。呢間台式火鍋店，裝修都幾台灣風味，主打一人一鍋台式臭臭鍋。店內頗闊落，無一般火鍋店果陣味，裝修都幾有台灣風味。檯面放左豉油，蒜蓉，沙茶醬，豆瓣醬等。餐牌後面仲教埋你混醬 3+2+1 完美比例。有9款唔同套餐，除左招牌臭臭鍋以外，仲有牛奶鍋、沙茶鍋、連我最愛嘅藥膳羊肉鍋都有。第一次來試臭臭鍋，唔食臭豆腐，又好似差左啲野。所以先order左藥膳羊肉鍋跟飯同綠茶，再另加麻辣臭豆腐同埋麻辣鴨血。招牌臭豆腐唔係油炸，臭味唔太濃，我覺得做火鍋嘅臭豆腐呢個味道已經好夠，點少少豆瓣醬，非常惹味，餸食一流。麻辣鴨血，上檯仲好熱，鴨血口感滑嫩，少少麻辣，相當好味。再將鴨血放入火鍋滾一滾，食落仲好食。主角藥膳羊肉鍋出場，火鍋入面放滿配料，已經全部加熱，鍋下面再用蠟火慢慢加熱。配料包括豆卜，大白菜， 羊肉片，台灣貢丸，香菇，炸枝竹，粉絲，粟米，鳴門卷等。藥膳味唔算太濃，但都幾香，感覺有啲似淡淡肉骨茶的味道，羊肉片騷味唔算太濃，但我幾鍾意。當火鍋食到一半，湯料濃左，好香嘅藥膳味果時先至出黎。 配料其實都好夠味，唔需要加醬已經好好
店內頗闊落，無一般火鍋店果陣味，裝修都幾有台灣風味。檯面放左豉油，蒜蓉，沙茶醬，豆瓣醬等。餐牌後面仲教埋你混醬 3+2+1 完美比例。
有9款唔同套餐，除左招牌臭臭鍋以外，仲有牛奶鍋、沙茶鍋、連我最愛嘅藥膳羊肉鍋都有。第一次來試臭臭鍋，唔食臭豆腐，又好似差左啲野。所以先order左藥膳羊肉鍋跟飯同綠茶，再另加麻辣臭豆腐同埋麻辣鴨血。
招牌臭豆腐唔係油炸，臭味唔太濃，我覺得做火鍋嘅臭豆腐呢個味道已經好夠，點少少豆瓣醬，非常惹味，餸食一流。麻辣鴨血，上檯仲好熱，鴨血口感滑嫩，少少麻辣，相當好味。再將鴨血放入火鍋滾一滾，食落仲好食。
主角藥膳羊肉鍋出場，火鍋入面放滿配料，已經全部加熱，鍋下面再用蠟火慢慢加熱。配料包括豆卜，大白菜， 羊肉片，台灣貢丸，香菇，炸枝竹，粉絲，粟米，鳴門卷等。
藥膳味唔算太濃，但都幾香，感覺有啲似淡淡肉骨茶的味道，羊肉片騷味唔算太濃，但我幾鍾意。當火鍋食到一半，湯料濃左，好香嘅藥膳味果時先至出黎。 配料其實都好夠味，唔需要加醬已經好好食。最開心自己一人一鍋，真係好豐富。杯綠茶太甜，不過自己加水開稀，即時好飲曬。
仲有原來平日呢度係一個幾好hea嘅地方 ..haha。
张贴
