5越越南餐廳 (已結業)

生牛肉河，要等15分鐘。室溫湯，味道一般。招呼差。水都冇杯唔駛講，點咗杯青檸梳打，又要10分鐘，水吧做好冇人去拎，最後好似自助餐咁自己去拎👍🏻👍🏻。零服務，但係要收加一👍🏻👍🏻👍🏻

食物質素一般，完全冇服務，仲要加一服務費，但更差是送上熱檸茶時附上的糖盒內藏有一大群甴曱仔，糖盒放低一陣甴曱就從盒內走出來，叫咗好耐都冇人理，後來經理只叫人拿走個糖盒，然後把盒內糖袋倒入收碗碟車內，當冇事發生就算，太可怕。

疫情回穩期間，中午同同事出去食lunch。今次因為食開果幾間都搵唔到位，同事又話想試吓新野，所以就去食。餐廳環境舒適，內籠闊落，飯枱超巨型，椅子又好好坐。空間感十分大。同事食咖喱牛腩飯，我就食豬扒湯河粉。我個河粉粉嘅份量超多，豬扒有一大舊，厚切，味道正常，若略嫌肉質又小小煙un，不過豬扒本身嘅脂肪都好平均，搭救返。河粉上有芫荽有蔥，湯底少少鹹味好飲，有少少越南口味。整體上我是滿意呢間餐廳，無論係環境食物質素都對得住呢一個價錢。希望餐廳可以增加人手，幫輕下員工嘅工作量啦，因為我見到佢哋走來走去，好似唔夠人手喎！

Lunch唔知食咩好，有時食下酸野提神好。荃灣有間5越係8咪半果邊，裝修不錯，成間酒吧咁，地方寬敞，不過Lunch 時段都好難搵位。我地差不多10個人可坐長檯，比較舒適。午市多選擇，但係等餐時間要快D。叫左信香茅豬扒撈檬，不過醋汁唔係好夠，要叫人加。唔食酸野，可以叫湯檬，湯河，見到同事叫，一樣大大碗。女仔食份量都算多，味道不錯無呃秤，附飲品一杯，可以食到飽飽返工，好滿足。價錢52蚊加一，大約60蚊左右，唔洗成日食茶記，不錯選擇。

睇佢門面，位置，價錢，以為質素又返咁上下，點知失望到🤦‍♀️🤦‍♀️🤦‍♀️ 我後悔無睇下open rice先，原來咁多bad comment!!有幾難食？ 你望下呢碟野就feel到架啦係，佢上碟時無咁樣衰，但佢呢個樣先可以表達到佢好難食！好dry! 得粉味！98蚊無d料到！咪以為得上面碟粉難食，呢粒河鮮炸豆腐係伏中伏！ 豆腐呀~~~~我order嘅係豆腐呀~~~! 點解廚神你咁叻，整到粒豆腐硬到,咬到我牙骹都攰埋，真係要學鄭嘉穎大聲嗌一句 ..... 呀~~~~! 😫😫😫虎蝦米紙卷，總之難食。。無心機再打了。。。3樣野，一共$257

早幾日臨時先約食團年飯，太遲所以好多餐廳都full booking諗住喺八咪半求其揾間walk in點知幾間連walk in都唔得，因為我地一行12人臨急臨忙俾唔到大枱我地呢間唔使排隊就入得，雖然見食評麻麻，冇乜人又驚有伏，但肚餓又有大有細費事再周圍揾就照入啦點知有驚喜最好食係南乳吊燒雞(半隻), 雞外脆內嫩，南乳汁調得幾好，我覺得好食過去婚宴果種燒雞班蘭海鮮焗飯，個汁都幾特別，好食鹽燒魚，幾香口椰香南瓜豬肋骨，撈飯一流，豬肋骨都多，抵食海鮮沙律，料多，酸度適中幾開胃而其他粉卷、炒飯、炒通菜都ok不過冇咩特別最緊要兩老食得開心呢餐我係滿意既(太肚餓，食到一半先記得影相，唔好意思)

今日相約友人於荃灣一聚，午餐時段兼要傾談一些公事，所以希望找一家可以坐得舒適一點的餐廳，可以荃灣港鐵站一帶選擇似乎不多，於是就決定去8咪半碰運氣。8咪半的一樓共有3間合適的餐廳，友人最後選擇了越南餐廳。本來想吃凍檸或者濱海，可是兩者都不在套餐的餐牌上，最後點了咖哩牛三寶配法式蒜蓉包和越式雞翼肉醬牛腩飯。牛三寶有牛筋牛腩和牛肚，老老實實，就是多了牛肚的咖哩牛腩飯，似乎沒有特式，至於越式雞翼肉醬牛腩飯，就是炸雞翼加有點像台灣肉燥再加兩片牛腩，牛腩有一半是肥肉，吃不了。餐廳坐得舒服，食物味道正常，份量亦很大，只是沒有越南特色。

今日特別想食越南嘢，行開見到呢間餐廳，就入左去。地方都算闊落，環境唔錯。叫左一個酸辣鳳爪，炸蔗蟹，同生牛肉河粉。酸辣鳳爪幾好食，份量都多，值得推薦。炸蔗蟹就麻麻地，出面唔夠脆，入面蟹肉不夠彈牙。生牛肉河粉就正正常常，普普通通。不過以晚餐黎講，勝在價錢便宜，預算有限的話，都可以一試

今天跟家人一起去荃灣IKEA，出發去Shopping 前先在中染大廈找個吃，因為想吃一點清爽點的食物，所以選了5越越南餐廳吃越南菜。入門口前看了餐牌，相對一般的越南餐廳，它是偏貴的，但因為見裡面都幾寬敞，又可即時入坐，而且還有Set Lunch 可選，所以都決定試一下。 Set Lunch 包一款小食，主食及一杯飲品，所以我們叫了2份Set Lunch。先點了我想吃的青木瓜雞絲沙律，然後因為不知道札肉蝦片是什麼，所以也好奇點了這個。青木瓜雞絲沙律來了，比我想像中大份，有差不多滿出來的效果。吃後果然沒點錯，青木瓜加甘旬絲非常爽脆，再加酸酸甜甜的沙律汁，非常清爽開胃。札肉蝦片就是炸蝦片上加一些沒調味的檬粉，再在頂上放上一片札肉。炸蝦片非常鬆脆，而檬粉雖然沒調味，但蝦片及札肉本身都鹹鹹的，所以三者一起吃都沒遺和感，而且口感非常有趣。主食的話，我自己點了豬頸肉撈檬，份量也很足夠，豬頭肉很大片，聞上去都煎得很香。加了檬粉的酸辣汁之後，便更加開胃，味道上酸比辣多，如果可以另外加辣醬就好了。豬頸肉的表面的確煎得很香脆，而且肉都比較瘦，完全不覺得油膩，很不錯。家人點了生牛肉湯檬，因為我不吃牛肉，所以只

今日，我同2個朋友一齊去食dinner, 有個店員落錯單，落錯左1碗麵。我發現之後，同另一個店員講嘅時候，啲食物已經出左黎。我好有貌咁問可唔可以換返，其實個店員想幫我換。但係佢問完人之後，佢話，店長同佢講要我地硬食，店員冇過濾咁講返，但錯不在佢，佢服務好好。我唔想為難店員，所以依然好有禮貌咁唔該佢。我覺得落錯單，唔緊要，我地上菜之前要求換返，咁大間餐廳換一碗麵都咁難。。。

去宜家傢俬之前想搵個地方食嘢，見呢間餐廳唔使排隊，所以就同先生去咗食。不過唔使排隊都有原因嘅，就係食物普普通通冇乜驚喜。五越湯河：五越湯河入邊有生牛肉、牛扎肉、牛肚、牛腩片、牛丸。河粉比普通份量多少少，所以都幾飽，牛札肉和牛丸有d肥膏，牛腩片唔夠淋，味道一般。因為我唔食得生野，所以兩碗河粉都走哂洋蔥、芫茜、香葉等等，唔知會否因爲咁，所以影響左河粉既味道。香茅雞中翼湯河：香茅雞翼炸得香脆入味，河粉都係普普通通。

諗唔到lunch食乜就會嚟，貪佢近近地，質素都可以叫左越式炒飯，有蝦有扎肉，幾大碟足料，味道就一般啦另外揀左香茅豬排撈檬，豬排好大塊，而且好香好鬆化，非常好食，檬粉就正正常常整體嚟講，間中去開飯幾唔錯

晚飯時間同朋友諗住去宜家傢俬行下，見到一間越南菜個名幾得意又冇乜人排隊我入去坐低食野叫咗一個河粉一碟豬頸肉同埋一個馬拉盞通菜豬頸肉切得都幾大塊，以為會好硬好難咬會唔好食，點知食落口又好易咬口，我覺得最特別就係佢側邊用米粉整成既一舊野，好似叫海賓，點酸甜個啲泰式汁都幾好食雞翼河粉就冇乜特別，雞翼就好脆口熟度岩岩好，河粉就普普通通馬拉盞通菜都夠入味但係如果辣啲就會更好呢個椰青諗住同我朋友一人一個，點知佢話賣剩一個，咁就照要啦，都幾甜同鮮買單就230幾蚊，咁都OK嘅！唔錯嘅越南菜

環境舒服，味道一般。值得推介是菠蘿串， 超大塊又多汁。是將整個菠蘿開邊切開8條， 可以再切片， 方便進食。反而個香辣金邊粉真係強差人意， 估計用左桂林辣椒醬， 整碟金邊粉只有辣味， 同埋用左冰鮮蝦仁， 所以無蝦味。不過金邊粉有一隻烤蝦， 味道都ok.

朋友即興約食飯，大家都係荃灣友，自然約係荃灣啦。約左去中染覓食，中染有好多食肆，食過的都只有兩三間，中染環境夠大，所以各食肆的面積都夠寬躺同朋友唔夠六點就到咗，去咗一直想試嘅越南餐廳5越，因為時間尚早人唔多，入去前問咗服務員有冇限時佢話冇所以我哋就直入了其實入座時都未肚餓㗎，不過見佢哋嘅下午茶做到六點就拿拿林叫左一個tea set 兩個人share先雞翼配越式沙律跟杯熱飲 $45雞翼配上酸辣醬，雞翼新鮮炸起外脆內嫩同朋友一年冇見面啦，好多嘢傾所以我哋係食完一樣先再叫一樣嘢食，最後食咗四個鐘先離場，難得服務員完全冇打攪椒鹽軟殼蟹（3隻）$128新鮮炸起熱辣辣，不過就唔覺有太多椒鹽味，個人口味覺得佢唔夠鹹，不過朋友就食得好滋味最後叫咗個蝦餅湯河粉 $70