5越越南餐廳 (已結業)

行IKEA無意發現美食！容BB早兩日收工同女朋友去行IKEA，行完發覺都差唔多到食飯時間，點知女朋友話想食啲酸酸辣辣嘅嘢，話口未完即刻見到眼前呢一間五越，睇過Menu賣相好似都唔錯就決定入去試試。先叫個椰汁冰，超級有椰味，凍冰冰非常消暑！跟手叫個越南最出名嘅朦粉，嘩簡直掂啊一試難忘，豬扒超級嫩。😗😗😗😗😗女朋友就叫個豬頸肉朦粉，又係一流，環境又好下次一定再試！唯一美中不足就係份量比較少有少少失望。

豬頸肉湯檬粉- 湯底清甜滲出淡淡牛骨香，芫茜、洋蔥及九層塔為湯底添上不同香氣- 蘿蔔吸湯清甜無渣，芽菜爽脆- 檬粉滑溜吸湯- 豬頸肉呈粉紅色，腍滑肉味濃。油蔥鹹香，炸蒜香甜煙韌，惹味

31-7-2018一家三口吃晚飯，食品一般，埋單時發覺唔係好啱數，我地有九折卡，理應全單九折後再加原價加一，但唔知點解個鲜茄檬粉收原價，check單時個待應話由於個檬粉係特價喎，我覺得佢地D手法有問題，其實之前都試過埋單時有爭議，一時又話有九折，一時又改星期一至五，依家又話特價無九折，如果真係唔想比九折就索性取銷佢，唔好鬼鬼鼠鼠，在十元八塊上做手腳，令人覺得唔老實，無謂令客人不滿。

平時都不會寫食評，但今次實在不吐不快。食物不過不失，但餐廳帶位及埋單個經理態度奇差。叫埋單前取出商場8咪半張會員卡，他很不滿說我們以後要落單前要話有會員卡，今次只是免為其難幫我們做折扣優惠，下次唔會再幫我們。還說會員卡背面已清楚列明，其實只寫著"享用優惠時請先出示此卡"，真的不能理解埋單前出示有何不妥。以前我們都是這樣做，從來無人說不可以，現在改規例，就說我們不是，試問你門口沒有寫清楚，落單前侍應又沒有問，那我們這些食客怎會知道你們公司"新"規矩。其實個經理只要態度好少少，解釋清楚就沒事，但卻不停說我們不是，食完餐飯那麼受氣，還會有下次嗎???

今日成個8咪半都好多人食飯，見到呢間越南野無咩人等，咁我地都肚餓，就等呢間，我地叫左個二人餐，d 野食好快就上哂（15分鐘上完），太快有樣野唔好就係d野好快凍哂。先講下d 南乳吊燒雞，個南乳醬完全無味，隻雞個皮都脆嘅，就咁食仲好食。大蝦膏鮮蝦炒飯個味道唔錯，但我哋懷疑漏咗隻大蝦，點解咁講，因為我地隔離枱個d 都係叫餐，但個個都有隻大蝦係面，但係我地個碟就無，咁可能佢地個餐個飯係有，我地無啦 。 鹹魚炒芥蘭，個菜都甜既，不過一d 鹹魚味都無， 成碟菜得個一舊鹹魚, 唯有當食得健康d . 雞牛豬串燒個沙嗲醬麻麻地，個人認為可以多啲花生醬，咁嗰醬會再香d . 最後要投訴既係個甜品，唔係個甜品好唔好食，係我地叫左4-5次話上甜品，個個職員好似發緊夢咁，上左20分鐘都未上到，我以為係d 咩甜品要焗好耐，原來只係黑糯米飯，唔知係咪d 飯未煲熟總括而言，呢間餐廳可以一試，但唔會再有下一次

5點半便和媽媽二人去食二人套餐，10分鐘內黎哂4樣野。二人套餐有咸魚炒介蘭，串燒，炒飯同南乳雞。咸魚炒介蘭是最有驚喜，介蘭靚，不鞋口，不會過咸。串燒，不夠香口，不過這是大部分香港串燒的通病。炒飯夠乾身，不錯，配料有扎肉，甜椒等，略嫌不夠惹味，落扎肉做炒飯做配料有越式風味，不過我自己還是喜歡淨食扎肉多一些。南乳雞夠juicy,有些肉滑有些肉鞋，不過全都夠入味，本身對雞無什麼期望，食後也覺有水準。食不完打包，問侍應，佢地都肯主動俾小盒子裝沙嗲醬同南乳醬，服務都ok 呀。Coffee 同甜品都唔錯。

平日星期三下午點幾鐘去食。。帶住小朋友。見到甘大間。。又有位。咪入去幫襯。。叫左三個午餐。一個生牛肉河。一個生牛肉金邊粉。一個牛柳粒紅米飯。。好快到齊野食。。屋企人諗住先餵小朋友食今邊粉先。之後再自己食。。小朋友食完一碗仔粉後。。大人先食。。當時才發覺金邊粉有一陣益既味道。。諗住叫工作人員問過究竟。工作人員態度惡劣。。隔住幾張枱問我乜野事。我叫佢埋黎。。佢又叫另一個同事過黎。。我當時問佢點解碗粉又陣味。。佢問我係甘既。。我問我可以換過嗎。。佢話可以。甘我就換左河粉。。河粉乜事都無。。但當新既粉到時。另一職員好不滿甘同我講，下次唔該唔好食左甘多先出聲。。我解釋比佢知。。我地係先餵小朋友食。。大人才食。。佢仲講到我好似呃佢碗粉甘。。我同佢講。。我覺得你地啲金邊粉有問題先要求換。你有權話唔換比我。但如果你換比我就唔好甘怪責我。。我話我食甘多越南野。。未試過金邊粉係甘既味。。佢竟然仲答我。。佢地係正宗越南金邊粉。係甘既味。。真係恕我見識少喇。。算啦。。最後一肚氣，自己食唔落。。家人覺得比人甘話唔開心。都食唔落。。想去試既真係要諗諗。。服務差。。食物差。。。。

1. 個帶位完全唔識帶位，有單邊二人枱唔帶，帶人去搭枱。我未坐低就主動要求轉去單邊枱，竟然同我say no。2. 有客人地有個細細既B，就唔帶人地去有B櫈既枱，反而帶去卡位（冇B櫈），本來明明有吉枱，攪到人地要自己轉枱!3. 食物質素就……蝶越式春卷層皮炸到變哂形，黑過炭，好似大亞灣運過黎既!4. 其他野（要左兩碗湯河）完全冇味5. 叫埋單就叫左幾個字，埋左單多謝都冇聲!(•̀へ •́ ╮ )今時今日咁既服務態度!? 一個字，劣!

今日2點左右去左食lunch, 問題黎啦，成間餐廳勁多位，有個老老地既男人係都要指我地兩個人去答枱，面對面果隻，成餐飯我地同對面果兩個眼望望，感覺勁尷尬，非常糟糕，唔明白點解間餐廳咁多位係都要我地答枱，好，算，我初頭以為佢留位陸續fill人落黎答枱，就將就一下叫野食，點知坐到埋單都無再叫人坐過來，右邊12個位全程吉係度！啲野食黎到，食物質素又差，服務態度又差，侍應黑口黑面，仲唔掂過茶記，貼錢都唔會再黎，正垃圾！

星期六去食，落左order(撈檬，沙律，凍飲)。等了二十分鐘，唔見有野食，只有野飲。問侍應先有撈檬。再等多五分鐘，未見沙律。問主管，'係唔係無沙律'，佢話未黎姐。跟住才見沙律。黎間係唔係唔問就唔洗有得食食店?味道尚可，但服務就麻麻。

去了中國染廠大廈的Five Spice 5越食下午茶，點了豬扒撈檬，豬頸肉湯檬，紅豆椰汁冰和龍眼冰。#豬扒很“鞋”，港式醃肉方法，醃到冇豬肉味。#豬頸肉醃到粉紅色的，醃過龍，湯檬的湯淡而無味，要求調味料，只給了青檸和辣椒調味，再要求下才提供了甜豉油，但味道都是怪怪。#紅豆椰汁冰，紅豆好硬，好稀不夠椰香不夠奶。#龍眼冰，好淡。服務員態度一般。唯一可取的是樓底高，環境舒適。可是食物質素不行一句講晒=>>>冇下次

約咗人食lunch ， 有老有嫩， 要搵間位於市中心， 交通方便大家嘅餐廳， 又要照顧唔同年齡嘅人嘅口味，食完附近仲要有地方行。 最後 表決選咗呢間餐廳。呢間餐廳lunch有set $ 85，包湯河、小食同飲品 ，都算幾抵。我叫咗個香茅豬扒湯河， 豬扒好夠味， 河粉都幾大碗， d河粉都幾夾口。小食我揀咗炸春卷，好脆、好好味。餐飲叫左熱咖啡 ，都幾香滑，ok 。商場樓上係宜家傢俬 ，有兒同部。 隔籬商場係愉景新城 ，都有好多兒童設施， 幾啱帶小朋友嚟。

This is one of my favorite places for Pho in Tsuen Wan. Come here with my colleagues every now and then for lunch. Believe the restaurant opened for less than 1 year only. The restaurant is nice and clean with many many seats. Presuming they can serve about 50 customers.For lunch they have lunch sets. Range from $50-$70. Each set comes with a free hot drink (cold drinks add $3).Overall, I’ll rate this restaurant 4.5/5 Pork Chop Pho:- can choose type of noodles you want, with big portion of

今日約咗人食午餐， 我哋一共有五個大人、兩個小朋友 ，大家想食啲唔肥利嘅嘢， 越南河都幾啱， 地點又要方便 ，於是揀咗呢間餐廳，佢喺中國染廠 (而家叫 8咪半 )。我哋十二點半去到 ，嗰陣時仲有位唔使等 。我哋叫咗五個set lunch 黎share。每個set lunch包左 一碗湯河、 小食、同埋餐飲。湯河我哋揀咗 牛腩湯河 ~ 牛腩有啲un生牛肉湯河 ~ 牛肉正常不過， 冇甜醬、辣醬， 有啲唔開心豬頸肉湯河 ~ OK河粉~ 都幾大碗 、味道 ok 、啲粉都幾爽小食我哋揀咗 炸春捲 ~好食扎肉 蝦餅 ~ 蝦餅淋咗蒸粉包 ~ OK餐飲揀咗 奶茶、咖啡~OK不過食完大家都覺得口渴，應該有味精。食到尾聲時出面開始多人等位。 我哋盡快食完埋單交枱， 費事阻住人做生意。食完一齊上樓上去宜家傢俬。

好耐冇寫食評了，呢間真係吾寫吾得。見屋企附近新開呢間越南野咪去試吓，我同朋友係晚上食，我叫咗碗鮮茄牛腩湯河，朋友叫咗碗美國肩胛肥牛湯河，再叫咗個牛肉沙嗲。滿心期待個湯河，點知個鮮茄牛腩河一上枱我望落碗野巳經覺得個湯好稀好吾濃郁，再食入口認真(中伏)，個湯淡而無味，一D蕃茄味都冇，似滾水，再試吓朋友個牛肉湯河都係淡而無味，一D牛肉味都冇，非常垃圾。仲話係越南野，連湯河個湯都做吾好，真係好差。至於個牛肉 沙嗲不過不失。至於服務態度就一般般，大家真係吾好中伏。