影片
去到已经相当多人, 等咗至少成个钟, 明显人手不足, 亦可能系内部沟通问题所以十问九唔应 饮叫水都要等好耐~落order 𠮶时条友系咁急住催住问 "仲有冇其他?"，唔系急成咁下嘛？之后叫杯水都系唔啋你...至于食物质素, 我个人觉得麻麻地, menu 里面嘅图同实际所食嘅争好远....我明白好唔好食见仁见智，不过P 图都唔好太过份卦~当时所见，其实其他枱嘅食客似乎都遇到我地差唔多嘅烦恼，希望下次嚟会有所改善~
继续阅读
装修靓，环境舒服干净，而且近office笠大堂，系非常就脚食饭时间差唔多做满，好多人自选粉面：牛腩捞檬 $58牛腩睇落好柴，但唔可以以貌取牛，未系高质，但已经有唔错嘅口感，至少唔韧，唯独佢未调味，全靠捞檬个酸甜汁，檬粉够弹牙，加埋少少甘笋、生菜同青瓜丝，清爽鸳鸯猪扒饭 $62饭量超多，鸳鸯猪扒系香茅同胡椒味，两款都好入味，胡椒比较特别同突出。另猪扒肉质靓，唔干唔韧，系爽弹
继续阅读
平日晚上八点几，只有三、四枱客，有一女侍应戴着蓝色手套推住餐车执枱，但上菜时竟然又是同一个人，还把戴住的蓝色手套的手指浸在 我们叫的 5越汤河和海南鸡饭赠送的冬瓜例汤内，唔知佢有冇换过对新手套先送餐呢🤔，汤已唔热亦唔暖，更有少少变味，幸好食完这餐饭之后并没有肚痛或肚疴 ！本来食物不错，海南鸡饭的鸡虽然系冻的，但鸡滑、饭亦好食； 而 5越汤河的材料多亦好食，只是汤底有啲咸。可能系夜晚八点几，全餐厅好似只有男女侍应各一个，没有什么服务可言，如果唔改变服务态度和衞生问题，相信没有下一次。
继续阅读
🐖越式猪颈肉汤金边粉啲猪颈肉好新鲜松化，外脆内软。本身喜欢食金边粉但系出面既金边粉多数系炒既，太干。今次有汤浸住实在系太好了，猪颈肉加埋金边粉真系好好食。♨️越式蒸粉包佢系一块好似肠粉既野包住好多咸料，个面有啲脆脆地既片，咬开啲咸涌哂出嚟好好食既。🦐扎肉脆虾片个面有块扎肉，中间有啲蒙粉，个底有块虾片，口感丰富得嚟又好食。#越式猪颈肉汤金边粉 #越式蒸粉包 #扎肉脆虾片 #5越越南餐厅
继续阅读
📍#5越越南餐厅 #MFJ荃湾 #MFJ越南菜人均消费: HK77中染大厦有一间门面十分大嘅越南菜，太耐冇食越南菜，就去试一试！餐牌选择都算多，价钱中等唔算太贵！🆗生牛肉汤河🐮$58成日觉得食越南菜，第一时间一定要试一试佢嘅汤河😂 佢嘅set lunch系拣一款肉类加一款粉类！我就梗系拣生牛肉汤河！饮第一啖汤，感觉比较淡，但味道OK嘅👌🏻生牛肉都有四大片左右，味道唔算太香，但可以接受！河粉反而唔错，比较挂汤！不过整体感觉唔算话特别出色，份量比较小⭐️糯米鸡翼🐔$48比我想像中细只，里面嘅糯米都塞得几饱满，有微微嘅糯米香，但唔会抢过鸡翼嘅味道，而且鸡翼都揸得几香口！食物质素唔算超出色，整体表现一般！服务就麻麻哋，眼见各位店员都充满怨恨嘅表情，真系好想同佢哋讲一句，香港人放松吓啦😂😂#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #tsuenwanfood #vietnamesefood #vietnamesecuisine #pho #相机食先 #荃湾美食 #越南菜
继续阅读