18樓雞煲火鍋專門店

营业中

休息中

終於有冬天既感覺，一定同朋友要食雞煲！大鴻輝出名多野食，們次我地食雞煲。任食任食只係百零蚊一位咋！等笠要排長龍，終於上到去，全層都係間餐廳，地方大唔會焗。食物方面，好有驚喜，選擇比想像中多，而且質素高，物超所值。最估唔到有新鮮海蝦大大隻都係任食，menu中有一款叫"是日海鮮",應該係每日不同的，我地食當日係沙白，估唔到都大粒同有鮮味！水餃有兩款，都係寫住自家製，我地兩款都試下，粟米餃，入面有粟米同豬肉，另一款九菜餃，兩款味道都好好，但係餃皮太厚。內藏亦有多款，粉腸，大腸，鵝腸，豬潤等等竟然都有，內藏控朋友就最開心。牛肉有兩款，一款雪花一款特級，前者就口感軟滑，後者就牛味濃，兩款都唔差呢。魚最好食係鱔，啖啖肉，又爽口！脆口野有炸魚皮同響鈴，響鈴亦係自家製，好香好脆！另外有一個叫做麻辣雞粒，真係要試下，原來係好似平時食果d香香雞，炸到脆卜卜，非常之香口，但就唔太辣。丸類比較特別既有櫻花蝦餅，芝士豆腐，各款手打丸，魚滑都好味！d料同平時雞煲放題唔同，款式多之餘d料真係靚d。最後仲有雪糕，係自助形式 ，自己出去唧，乳酪味好食！

呢幾日轉涼，星期六唔想等位所以趁早5點半上來攞位食個雞煲，宜家好多餐廳打邊爐限時得1.5小時食到趕頭趕命，呢間雞煲好闊佬有2.5小時可以慢慢食，價錢仲好抵食$168任飲任食，d食材好企理乾淨仲幾新鮮，飲品都有好多選擇仲要唔係d平價飲品，餐廳環境好乾淨坐得好舒服，大部分都係卡位所以枱與枱之間有足夠空間，呢度係半自助形式，有調味料corner、飲品櫃、蔬菜保鮮櫃、雪糕機同加湯都係自助形式的，入坐時侍應會先問雞煲要幾辣，以便即時安排雞煲，雞好入味好香麻辣香好野味，食到差不多就加湯order火鍋料，推介炸魚皮、櫻花蝦片、黑豚腩片，最後當然食番杯乳酪雪糕，食完出來就見到好多人等位，早食唔駛等位超正🤣

今日天氣真係超凍，未到夜晚6點已經開始好肚餓。同貓貓既貓朋友去左打邊爐。貓貓最近窮，所以最愛任食打邊爐。雞煲呀，好正既雞煲呀。好濃味，但唔會太鹹。小小辣，香料味道好足，雞肉入曬味。雞胸部位又唔會老，整得好好食。西芹，蔥，花椒，辣椒乾等等既香料，簡直係無敵。貓貓食完雞煲即刻order打邊爐食。頂級肥牛食完返唔到轉頭，貓貓encore左好多次。好滑，而且唔洗點醬油都好好味，因為豬骨湯煲左好耐，本身湯底已經夠曬甜。貓貓order左個梅頭豬肉，任食左好多碟。新鮮，而且肉質係高質的，貓貓濕左個嘴。貓貓再order羊肉，聞落去陣騷味已經夠曬邪惡，但煮熟之後唔係好騷味，反而好甜，好新鮮好好食。貓貓就係咁食左好多肉。見到牛骨髓好得意，未試過，就即刻order黎玩下。原來牛骨髓口感彈牙，好似jelly咁，幾得意。貓貓建議點醬油食，會更加香甜。豬皮都好爽脆，食多啲豬皮對貓貓呢個港貓既皮膚有幫助，棒棒的！牛腩呀！正！！貓貓一個鐘已經食得好飽。最尾黎個乳酪雪糕。好乳酪味，估唔到雞煲都有得食乳酪雪糕，而且任食。貓貓第二個味已經滿足到濕曬。

同事提議去食雞煲火鍋，上網睇一個喊都冇，$158就可以任食梗係放工衝過去喇!七點嚟到直接有位，每一枱都梳化卡位坐得舒服，調味飲品蔬菜雪糕全部放出嚟任揀，火鍋配料選擇多，第一次見打邊爐有陳皮魚蛋，煙韌口感I like it!雞煲既醬汁有除咗花椒八角仲加咗辣木子調味，襯未落豬骨湯前加魚蛋落去煮勁有風味!食完出去攞豬骨湯加落個煲就可以開始打邊爐，愛內臟既朋友要推介豬潤同鵝腸，嫩滑爽脆夠晒新鮮!丸類款式多，櫻花蝦片、芝士豆腐、黃金麻吉燒……特級肥牛、厚切鱔片、彈牙墨魚滑，海中蝦必食之選重點推介自家製響鈴個個拳頭咁大，香脆鬆化勁索汁

呢兩日天氣又下降了， 一早一晚特別涼， 放工時候特別肚餓，好想食些熱辣辣的。於是約埋細佬兩公婆去[ 拾下拾下] , 荃灣大鴻輝真係有十分多選擇， 其他都試過了，於是今晚决定去[ 18樓雞煲 ] 試試看!好彩今日係星期二，去到都不需要等很耐，裏面原來全部都係卡位， 位置很闊落， 仲有窗口位望曬荃灣夜景先來了一個小辣雞煲， 辣味剛好， 亦見到有 麻辣子， 不算太搶喉， 但咀唇有發麻的感覺，好high 呀！飲品是任飲的， 仲有Yogurt及雪糕！之後火鍋配料任點任食， 肥牛質素不錯， 海蝦非常大隻， 豬潤好新鮮( 我細佬個老婆係食豬潤專家))， 結果叫咗三四:！每棵菜是放在一個透明雪櫃內， 保持新鮮又可自行選擇不同菜式， 落單時間及上始時間 都很敏捷， 侍應生平均年齡都十分後生，值得一:

夜麻麻喺荃灣想食消夜，見到間樓上雞煲仲未閂門，好似係開到凌晨，咁就啱啱好可以醫下肚148一個人仲要任食都算幾抵一坐低就先來一個雞煲叫咗小辣呢個雞煲偏甜，但洋蔥味夠出，雞肉都算多配料選擇都算多其中墨魚滑10分值得一試 好滑而且都滲到雞煲嘅味入去 彈牙不特止 仲有淡淡的墨魚味 一串串嘅蝦亦都10分新鮮 爽口蝦肉 不會有腥味 黑頭10分多汁不過牛肉有少少太韌 如果切薄一點會更加好 牛肉味都還算出嘅雪糕有兩隻味我試咗乳酪 有淡淡酸味 牛奶味亦有剛剛好可以消一消滯 另外亦都有三款唔同嘅相可以落焦糖味不太甜

天氣轉涼有一種邊爐雞煲嘅衝動，荃灣大鴻輝就係覓食好去處，加上女皇上次嘅姐妹飯局食過講到點正點掋點好料就係它啦。餐廳地方寬濶，座位舒適，職員服務好手腳快，但坐正我們隔離枱有泠氣滴水問題，餐廳入座率高又無得換位有啲麻煩任飲嘅選擇都好多，而且全餐廳最少有5部飲品櫃，更有一部在左右相當方便而菜櫃有5種不同蔬菜唔駛填紙自助任拎(珍惜食物，咪做大嘥鬼)講咁耐主角出場，雞煲可選辣度，上枱時雞肉岩岩熟，鍾意食熟啲嘅朋友就記得煮多陣，肉質嫩滑，入味，我們揀少辣，唔算辣，吔味，如果花椒味重啲就更滿意，我就覺得有4粒星星雞煲後就要自己去吧枱拎湯黎加變身火鍋，唔鍾意太咸都可以同職員拎熱水黎加，(温罄提仕加湯前可以去掉多少油，罪惡感會少啲)睇反火鍋紙選擇多有接近一百樣嘢，個人推介最後嗰part嘅麻辣雞粒，炸得香脆好好食，唔好放去打邊爐。食材新鮮，唔係普通佳*丸雪花肥牛同頂級肥牛，個人就比較鍾情頂級因為牛味濃就係它麻辣雞粒，係咪有啲似kf*,食飽飽仲有自助雪糕，乳酪味加料部份右下角嘅麥皮脆脆同乳酪雪糕好夾雖然係減肥中，但都食倆杯

凍冰冰最愛食雞煲，呢間約埋幾個志同道合FD子食下呢間友人推介話正的雞煲，順便打下邊爐。呢間話最正係呢個十八雞煲，都幾大煲，叫了大辣，因為食雞煲一定要夠辣要試到佢有無料，入口個醬汁真係唔錯，十足那次我在深圳吃過的深圳式雞煲，醬汁帶甜，而且有著濃烈花椒和香料味道，而且雞是有用香料稍為烹調過，所用表面有點焦香香乾身，但出其也人面保持雞的嫩滑肉汁，唔會食到好乾好”鞋”咁，D味係好入，而且有著洋蔥和芫茜的香氣，因為係大辣，會令你食慾大增，有一種越吃越滋味的快感，那就是我想吃的雞煲，呢個雞煲真係最佳男主角，絶對係雞煲放題精髓所在。食完雞煲，點會夠喉，我地一定要食番夠本，反正任叫任食又任飲，我地好狼死架！火鍋食材，大部份也有叫，個花膠雖不是上等貨，但入口軟潤，都好有膠質，食得過。雪花牛都叫可以，起碼不失牛味，但推介係黑豚腩片，入口鬆軟，有肉鮮，好吃。重有黑椒牛丸，好惹味，吸上湯汁好好食。海蝦好鬼大隻，都好鮮。是日海鮮有蜆食，鮮味OK，但好細隻。D菜係出面任取，都好多揀，幾有新意。我地單是飲品都好多揀，另外又有自助雪糕食，我唔好，但班友仔食到盡，重有D朱古力醬、爆珠加，下次帶埋D細路來，實開心死地。三

男友今晚係荃灣踢波，睇完波之後佢就帶我去食肆林立既大鴻輝搵好野食呢排秋風起，火鍋暖笠笠，真係走唔甩我地去左係18樓既十八樓雞煲好香濃既藥膳醉雞鍋，聞到都覺得好補雞件入味而且肉滑，湯底既酒味夠濃，味道一流，正到我唔捨得加上湯色澤鮮明既羊肉，薄薄一塊口感香滑，味道唔會好羶脆骨腩新鮮爽口，略嫌份量較少，要點多幾轉鮮海蝦:見到佢個頭爆哂羔就知幾正～～肉質彈牙超新鮮，好少放題火鍋會有咁靚既蝦，岩哂我呢個海鮮怪秋葵。鮮淮山。萵荀我最愛既三寶:食左咁多肉，都要食番d高纖蔬菜平衝下既火鍋點少得新鮮生菜:呢度既菜全部都放係雪櫃自助任食的，而且選擇好多，西洋菜，唐生菜，西生菜，白菜，菜心苗等等；洗得好乾淨衛生，激讚****重點推介****超美味即炸響鈴:香脆可口熱辣辣，輕輕一淥已經食得；一個人食一碟真係唔過份我去果晚雖然係平日，但都坐無虛席；質素唔錯又抵食，自然多人排隊爭住食，冬天暖笠笠飽肚推介！

話說雞煲人又癮起要食雞煲上電，推完個淋巴就去左附近試下呢間朋友介紹既任食系雞煲一入到去店員即刻幫我地落左隻雞先快到1分鐘係就到左，店員仲話雞已熟可供食用我地叫左小辣，2個人份量都幾多，汁料有好多花椒＆乾辣椒，味道夠濃夠香少少麻。最緊要食到最尾唔會好咸食完雞之後當然加湯打邊爐，餐牌話係熬左好耐嘅豬骨湯自助形式既好處，就係可以拎一壺返去慢慢加啦。蔬菜放雪櫃保持新鮮，可以慢慢揀火煱配料選擇都幾多，仲有Ｄ特別既配料同海鮮任食響鈴好驚喜，仲係脆既連最怕油溢味既我都要ENCORE再拎芋頭夠粉，煮耐左都係軟綿綿墨魚鬚同墨魚滑都幾好本身以為麻辣雞粒係生嘅，原來係熱辣辣既炸雞粒食到中途去左食甜品有乳酪雪糕同普通雪糕，各自都有2隻味揀，仲有幾款配料同醬。試左原味乳酪同雲呢拿雪糕，乳酪唔錯，雲呢拿雪糕比較甜。飲品種類都唔少整體黎講$158加一2小時都幾抵食，食物飲品款式多，可以一試。

環境乾淨，抵食，上菜快，飲品夠凍，食品款式都算多同埋質素唔差(野飲唔係王老吉，係有可樂，道地同樂天,又有稻庭烏冬。。。總之就正)侍應唔係笑容滿面，但有求必應同快手快腳，都值得讚主打係雞煲，但就唔同平時果種有半隻或一隻之分，亦唔係即時煲的 應該係一早煲定，2-7人一煲，8人或以上兩煲，但我反而鍾意咁，因為煲裡面無其他唔想食既野，啖啖肉有大中小辣分，叫左個中辣，味道好夠濃湯仲一支支預備好自己出去拎，菜亦都係，一碗碗好整齊及款式都好咁放响雪櫃自己拎，仲幾靚幾甜，唔係甩頭甩計咁款除左啤酒同埋一d指定食物要收費外，其他都係任點任食，不得不讚佢個自家制响鈴，大卷又厚仲好鬼好味，朋友話乳酪好味，但我已經反哂肚，無本事再食但係咪齋好無野彈呢？咁又唔係，等lift上去等到你痴左線，等成20分鐘，點解，大廈前身唔係用黎做食肆，所以得幾部lift,大排長龍，不過好在，你卜左位，只要佢知你上緊黎都會等你的，第二樣就係冷氣唔夠，食食下會覺得焗，中尤其仲食辣添，著多兩件衫，又除唔到，汗流夾背，有點辛苦星期一至4 $158位，其餘既日子就人頭計加10蚊，2.5小時入座計任食，比一般2個鐘算多，上菜仲咁鬼快，絕無拖慢

依間18樓雞煲火鍋真係人山人海好熱鬧,座位設計成好多卡位,坐得好舒服唔會迫迫挾挾,一行入門口已經好香雞煲味,價錢重好親民,重有海鮮都係任點任食,食物質素亦不差,營業時間又開至零晨二時,今次真係"開心大發現!!滋補藥膳雞煲,陣陣酒香藥材香!!!味道愈煲愈濃郁!!!蔬菜• 蟹籽手打墨魚滑• 脆鯇魚片魚腩羊肉雞件這裏的豬肉片相當美味,豬味濃郁,足足吃了四碟!!這裏有萵荀,鮮淮山,蓮藕,真係多選擇!!!豆卜+鮮腐竹+枝竹,這些配料絕對是火鍋絕配!!!花膠吸盡湯精華,煲至軟綿綿入口即溶!!海蝦不吝嗇的無限供量,對於我這種無蝦不歡既人黎講,真係滿足,蝦肉不黏殼,爽彈鮮甜!

上個月係到等位 去到攞飛 問侍應大約要幾耐 佢話9點鐘上番黎就有位比你 9點鐘去到話比左其他人入座 我地原本已經等左30分鐘 佢話比人入左咁你地等多半個鐘 完全覺得自己無錯 仲要態度極差！完全負評！

兩個人，晚上6點左右，經過荃灣大鴻輝中心，見18樓雞煲，好似幾吸引，便上去睇吓有沒有座位，出乎意料之外，竟然有位，$168 加一後每人大約＄185，食二小時三十分鐘，食物尚算新鮮，座位闊落，有甜品雪糕，汽水任飲，食物任食，坐下有侍應會問雞煲要咩辣，很快便送到抬上，大約5分鐘便可以食，我們叫小辣，(唔食得辣既朋友之選，仲有微辣可選）值得推介的 蟹籽墨魚滑好好食，還有鱔片，海中蝦，羊肉，豬腸，韭菜餃，亦唔錯唔錯 menu自助甜品雪糕🍦雪糕調味架自助醬料自助飲品雞煲

話甘快又到星期一，身為打工仔的朦仔覺得時間過得特別長！係荃灣收工，當然係相約友人出來食好西！天氣凍凍地，友人話要滾一滾食下雞煲打下邊爐，二話不說打開openrice搵下荃灣區的美食😋😋見到有間18樓雞煲火鍋係正好係附近，價錢中等評論高，一於去食下。去到大鴻輝上18樓，入門一眼望去環境不錯，好香的陣陣雞煲味，檯同檯的距離足夠，加上係平日未算好爆場，坐下傾計好舒服！友人因為唔食得辣，所有同侍應叫左小辣，不洗等好耐，雞煲就上到來，雞煲的顏值相當高，顏色好靚，等緊滾的時候已經口水直流！終於等到開動的時間，夾起雞件放入口，陣陣香味滲入味蕾，香料，洋蔥，雞味係口入面爆發出來😌😌一個字-正，好食到停唔到口！食完雞煲之後仲可以加豬骨湯打邊爐！特別提介--響鈴，出乎意料地好吃😍😍擺左一陣咬落去都仲係脆卜卜！肥牛好新鮮，有口感，好味😋😋海中蝦更有驚喜，新鮮得來大大隻，同飲品罐相比，蝦的長度更甚😍😍彈牙爽口，鮮味十足！更開心係有兩部雪糕機，四種口味（芒果乳酪/乳酪/草莓/雲尼拿）可以diy岩自己口味的雪糕，仲多好多周邊配料，麥片/星鑽/椰果/三色q果/朱古力醬，有可以食有可以玩，真係十分滿足😍😍2個人埋單計