18樓雞煲火鍋專門店

营业中

休息中

哩間野原來位於大鴻輝中心18樓🤰🏻所以先叫18樓雞煲！佢果間格好年輕！黃昏時間去食出面個景都好靚！好舒服！ 有晚霞睇😍哩個係任食雞煲加邊壚！ 出面有上湯、菜、調味料同軟雪糕食！仲有好多雪糕配料啊！醬都有！ 怕肥仲有乳酪雪糕🤑吾同口味自選 芒果 原味 咖啡等等⋯⋯佢既野飲都超級好🙌🏻選擇好多！ 但如果叫啤酒果d就要另外加錢啦！佢d雞煲都好多肉！全部都好入味！ 就算叫小辣都好麻好香！味道好濃！兩個人真係食吾哂成隻雞啊！ 雞肉一d都吾會好*孩*！食果陣可以叫花膠同豬皮！！ 食完個口張住張住😂食完先再加湯先係真理😍😍佢叫既配料好快就上碟！每碟試小小都好飽！佢既菜都好新鮮！望到好干淨！吾會帶好多蟲咬既印！有西洋菜 生菜 蛙蛙菜選擇！佢d配料仲要有蝦！係新鮮果隻！完全要同人推介哩間店！果日去平日6點幾都已經好多人！

好彩我地一早用app拎定飛， 一上到去已經有好多人排隊。等左一陣子，一入到去已經俾陣味吸引左，好香好邪惡！我地點左個小辣雞煲後，就巡下個場拎醬拎野飲。場地幾闊落，座位亦鬆動唔太迫。野飲選擇都ok, 一般任飲任食果幾款。每次見到啲菜好整齊咁排，我都會好想食😍等左唔係好耐，我既小辣雞煲就到喇！佢既配料非常多，有我最愛既芫茜，同埋蔥蒜等，仲有唔知咩醬汁，令到隻味好有層次。我地一路食一路流汗，加上冰凍既飲品，非常爽皮！D醬汁上晒去雞度，好夠味！！而且雞既份量好夠之餘又夠滑，唔會得番d頭頭尾尾俾我地。食完雞我地就叫左d野打邊爐了，雖然都唔錯但最好味都係隻雞😂佢地有上湯提供，可以加落去打邊爐，材料方面都幾多選擇，有少量海鮮提供，不過呢d都係綠葉，真正既主角始終係雞煲😍唯一既問題係食完成身味要即刻番屋企沖涼。

去完葵芳掃街之後，朋友話想食雞煲，就帶左我黎呢間試下。夜晚時段$158再加一，價錢還好，中等價錢🤔但呢度同一般雞煲店好既係地下乾淨唔油，唔大油煙，枱與枱之間都大隔離，唔迫👍🏻👍🏻今晚食既時候安排左我地2個人坐卡位，非常舒服！一坐低就會問你想要咩辣，唔太食到辣既我食小辣都冇問題。呢度既雞煲十分高質，首先雞肉滑入味零冰鮮感，食落味道甜甜地再加上麻辣十分正！之後食完就加湯打邊爐，由於同朋友怕眼闊肚窄會浪費食物，就先叫左肉海鮮同蔬菜。全部食材都十分新鮮，如果只想要一件可以寫係紙上就唔怕佢俾多。⭕️海蝦十級surprise!!!!有膏又新鮮，咬落彈牙，必食！⭕️響鈴呢度響鈴係自家製，好大件，食落爽脆，推薦！⭕️黑豚肉片冇雪味，咬落有小小油香，唔掂醬都冇問題，必食！⭕️蟹籽墨魚滑一來新鮮，二來食落十分彈，同樣可以唔掂醬，必食！⭕️台灣腸，芝士豆腐，冰豆腐都好味，掛湯力不錯⭕️新鮮蔬菜可以係雪櫃拎，超級新鮮！烚完食到甜味，又夠爽脆⭕️乳酪雪糕唔似出面個d甘水，勁有texture，芒果味都ok飲品選擇都幾多，仲有得自己沖果茶👍🏻

姊妹聚又黎啦，天氣涼左，我地都換哂秋裝，食雞煲放題暖下身就岩哂，著住外套肥肉收埋哂真係食多d都唔怕由中學時代我地就中意係大鴻輝唱k同揾食，以前仲叫英皇既...時間過得真係快，慶幸咁多年我地既情懷都不變今次我地揀左18樓算新開既18樓雞煲~價錢好平二百蚊有找，但質素好過好多貴價任食邊爐，食物種類多，飲品多選擇，仲有乳酪雪糕任食，食物質素一d都唔差，帶比我地好多驚喜~整潔既自助醬料區~飲品選擇唔少~雪糕有4個味道任唧任食~仲有醬料同配料diy~亦有提供茶包比大家解膩，相當細心~碗裡印有餐廳logo,好趣至~先食雞，後加湯打邊爐~我地揀左小辣，真的好輕微的辣，下次要揀中辣，相信會更惹味~雞肉嫩滑，味道剛好，唔會太咸，我地差唔多清哂先加湯~食物選擇堅係多，而且唔係平價貨，有唔少食材都相當出色同驚喜~窩荀~姊妹們一見到即興奮話要，其實即係油麥菜既心，又長知識~非常之鮮甜同爽脆~蘿蔔~又甜又無渣，姊妹們一再encore~自家製粟米餃~雖然皮比較厚，但好有內涵，食到粒粒粟米，而且粟米味好香，驚喜魚腐同芝士豆腐都係必食~而牛肉方面，主要有兩款，普通肥牛同特級肥牛，兩款都唔算出色，但特級肥牛係放題來說好

今晚同行4人到18樓食雞煲，其實係大鴻輝中心入面都已經有好多間火鍋店，所以係晚飯時候在地下排電梯上樓都會十分多人，好多時都會在商場外已見人龍。當晚一早已訂座1830，4位，一半人數已可被安排入座，1830入座，2100交桌，全餐廳都是以卡位形式，惟靠窗邊的卡位需以6人座。一坐下，朋友未到齊，店員已這在旁邊，說即時幫你落雞煲，本心想雞煲應該都要等10-15分鐘上桌至熟，而朋友亦在樓下等電梯上來，所以便即時下單，時間應該剛剛好，誰知一分鍾後雞煲已到，而店員更告訴你所有雞件已全熟，可即時食用今次叫左小辣，但完全沒有辣味，感覺下次可試中/大辣，雞件雞身較乾，細舊，骨大，但係汁料好濃味，份量可能因為比較細舊，所以食到差不多都會想加湯，不想再食雞件。加餐廳建議加到2吋高度，而湯需自行出蔬菜雪櫃旁邊取，不是清水，可讚一點見到菜單上，有數款較特別的食物，例如：芝士豆腐，台灣一口腸，麻辣雞粒等⋯而最最最令我感到驚喜必定係白鱔片，雖然很簿切，而每碟只有三塊，但是入口很爽，又不會太油脂的感覺，正，我自己一個人已經食左三碟每次出菜的份量不會太多，你預四人的話，便是每人一粒/一份，我覺得都幾好，因減少出現叫左，

又係每月一聚姐妹飯局 今晚終於唔再韓燒轉場食雞煲 呢間18樓雞煲 完全有驚喜喎我地叫左少辣 材料十足 洋蔥芫茜少不了 雞肉入口嫩滑 一開始就咬到麻辣 爽爆😑食完雞煲就開始打邊爐 款式都幾多先黎兩款肥牛 唔可以話勁好食 不過以放題黎講 已經相當唔錯時日海鮮拼盤 原來係細隻聖子喎 有沙⋯花膠仔好食 入口好有張力 骨膠源十足啲蝦都幾大隻 入口鮮甜彈牙打邊爐又點少得丸同腸呢 重有魚腐同餃子款式多到唔知㨂邊樣好 好在份量少少的自家制響鈴係必叫的 浸5秒食得 食飽重可以去甜品吧 有乳絡同雪糕供應

$138食雞煲連打邊爐 秋風起 夜晚晚食下雞煲暖下身先😛*雞煲份量按人數而調整 我地呢個係2人份 點了中辣 麻辣雞煲 個辣汁不能看輕 濃烈花椒八角味 雞完全吸收哂個辣汁👄個雞汁正👅 唯獨雞不算嫩滑 始終一分錢一分貨 這個價錢 算係交足貨仔 而且食完雞煲 仲可以自選湯底 打邊爐 有6款湯底任君選擇 四川麻辣 粟米蘿蔔豬骨 蕃茄湯 鹹菜胡椒豬肚 花鵰藥膳湯 簡單d 可以加個豬骨湯都唔錯🤘🏻.仲有任點任食邊爐料 食得哂，先好嗌。自助蔬菜櫃同自斟雪糕 乳酪雪糕 最岩小朋友 食完雞煲 再食甜品😛==============================三個90後吃貨會不斷開心share美食💓💡Facebook:三個90後吃貨 3bad_foodies🚩Instagram: 3bad_foodies📍OpenRice: 3bad_foodies📬Ublog:三個90後吃貨 3bad_foodies 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_荃灣美食推介 =======

好朋友一直都好中意"烚下烚下"，可能覺得咁樣似佢份人啦，haha所以佢牛一就梗係要打邊爐架啦!! 一直都想再去一鍋堂架，可惜無得book位而且又長時間full，結果千挑萬選之下就揀左呢間新店，中意佢新開乾淨、有雞煲又有邊爐、最點係有得book枱!! GOOD同朋友兩個人6點半去到，安排坐2人卡位 (呢度有唔少2人卡位)去到果陣都仲見到有吉枱，但之後發現原來係留枱，仲要過左一個鐘先有客坐!! 比著其他店估計已經比左其他人坐左先嚕其實呢度除左雞煲打邊爐之外，仲可以選擇其他湯底；不過一心想食雞煲既我地就梗係二話不說叫左個小辣雞啦唔駛五分鐘已經上雞煲!! 好有效率雞煲(小辣)每件雞件都沾滿啡黃色既醬汁，加上少量既芫茜同洋蔥，香氣撲鼻~~本人好中意食芫茜，特別係當雞煲加上芫茜，可以增添香味又解膩!!之前食過荃灣一間好出名既雞煲，但唔中意佢太鹹，由第一件鹹到最尾果件，啖啖都似食梗一羮鹽…但我覺得呢間調味岩岩好，鹹甜適中，雞仲保留到D汁，感到比之前食果間更優雞件分量好多，兩個人食既話有少少吃力…不竟想留肚打邊爐嘛，結果都要浪費少少佐料選擇就普通D，都係D大路野，不過無我中意既芫茜…但其實雞煲底個湯已

天氣開始涼涼地喇 係時候約埋朋友仔打邊爐 去我最鍾意食嘅雞煲 我地約咗去大鴻輝到揾食 最後揀咗18樓雞煲7點嘅大鴻輝通常都大排長龍等𨋢先上到去入座後 我地叫咗個微辣嘅雞煲 醬料 飲品 上湯 蔬菜都係自助嘅 雞煲到咗己經係熟嫁喇 可以即刻食 吾算太辣 都可以接受到 雞件都好嫩滑 吾會好（鞋）2個女仔 食完個雞煲都已經飽飽地喇 食完啲雞後 倒咗d豬骨濃湯就可以打邊爐喇 我哋都唔係叫咗太多嘢食 食物都算不過不失喇打邊爐吾係吾食牛啊 佢有2款牛可以選擇 雪花肥牛肉同埋特級肥牛 牛肉切得好薄淥一淥就食得啦 牛肉好有牛味 唔使點豉油 都好鮮味

呢排天氣開始轉涼，成日都好想打邊爐，今日收工難得同事都有時間，於是一齊就決定去食個雞煲開心gathering同事帶咗我哋去荃灣眾安街呢一間18樓雞煲，佢之前食過話覺得好抵食同好好食，既然有人帶路，一於就做個無腦星人跟食就算😂呢間雞煲佔地超過廣， 18樓全層。閒日仍然全場爆滿，你就知道一定係人氣勁旺超好食嘅雞煲。一坐低先上咗一個雞煲，雞煲沙嗲味濃，入面嘅花椒落得勁重，食落好香花椒味，我哋叫咗中辣，超級惹味食完雞煲之後就自己出去拎湯加湯，難得嘅係加左湯之後湯頭都冇變淡，基本上之後食任何嘅火鍋配料都係唔需要點醬，不過如果你需要點醬嘅話，出面都有自己任拎嘅醬料區，醬料款式選擇亦都好齊全。食完就可以自己叫你想食嘅火鍋配料火鍋配料好新鮮，而且仲有好多海鮮都係任食。最難得嘅係佢居然有豬肺，啲豬肺索晒啲湯汁， 10分好食飲品全部都自己出去攞，款式選擇都好多。但我怕太甜，成餐飯飲咗佢四罐呢個無糖茶😂最後仲有自助雪糕添，有乳酪雪糕，朱古力雪糕，同雲呢拿任揀雪糕仲可以自己揀配料添總括來講，呢度火鍋配料新鮮，選擇甚多，買單圍反每人＄180 ,性價比真係好高

收工果時忽然好想食雞煲，咁岩今日返工果幾個都係好腳，即興落左全灣搵，上網見好多人都話18雞煲好鬼正，尤其係天氣凍凍地，我地即刻踩上去，嘩嘩嘩！好鬼多人排隊，其實個肚已經響哂零，但係咁多人話好食緊係排隊啦，排左45分鐘終於有得食半自助形式嘅設計 餐廳提供醬料區 自選蔬菜 無限任拎任飲飲品雪櫃 仲有自助乳酪雪糕機 火鍋配料是畫纸形式 選擇非常多一坐低即刻嗌左一大煲雞煲，開頭諗住又要餓下，因為太多人既關係實有排等，點知勁快係勁快即刻熱辣辣放左係我地面前，本身嘛嘛地食肉既我都被佢D雞吸引住，吾怪得咁多人食，🤤🤤🤤仲有仲有勁多好令滑牛雪花肥牛，勁簿好有口感。鍾情於食魚既朋友仔更加岩，呢間竟然有幾款魚比你揀跟住重點係我一個人食左差吾多20隻蝦，好長好大隻好鬼彈牙丫救命😱😱 其實佢樣樣都好好食，勁多野嗌黎食，食到停吾到，所以下次再食果時真係晏就開始吾好食咁多野，因為真係要留肚，哈哈！我地幾個飽到嘔都係咁隊入口粟米超甜多汁炸雞小食 亦都非常出色 外皮香脆 帶點微辣最後緊係要食佢無限供應既雪糕嗌🤤🤤🤤無得輸😂

雞煲整得好食是非常有難度的 如果醬汁夠惹味 雞肉夠嫩滑 簡直可以食到人舐舐脷 回味無窮今日嚟到18樓雞煲位於荃灣嘅鬧市中心 地段非常方便餐廳位於商場嘅十八樓全層 大量座位 有圓枱 或者卡位 座位非常闊落 仲有無敵大玻璃窗 可以欣賞外面嘅風景分兩個時段收費 放題形式 本人覺得呢個價錢簡直係超值 兩個半鐘頭無限任飲任食 食到捧住個肚離開配料仲好多元化 除咗一般嘅丸類 肉類 火鍋配料外 仲有海鮮 海蝦 白鱔片 鯇魚片 全部任點餐廳總會提供 是日精選新鮮時令海鮮 都是任點的 啱曬咁鍾意食海鮮嘅我雞煲內嘅雞 全部都被香濃嘅醬汁沾滿 可選大中小辣或者唔辣 隨你個人口味而選擇叫到一枱都係嘢食 款款都好新鮮而且質素一啲都唔差 食得曬先好嗌 千祈唔好做大嘥鬼加湯係自助形式 食完雞煲裏面嘅雞就可以加湯打邊爐蔬菜都係自助形式 放喺雪櫃入面 保持新鮮最後還有自助乳酪機和雪糕機 原味乳酪超級好味 夠曬凍 而且質地較結實 乳酪香滑 又酸又甜 極力推介有美食 有靚景 嘆住冷氣吹住水嘆雞煲打邊爐 這些機會你都可以的 有機會嚟18樓雞煲試下 本人誠心推介

荃灣除左搵食去路德圍之外，仲有大鴻輝，上樓有好多間食肆，今日約左個男仔fd食飯，都係任食抵啲架啦，我地揀左18樓雞煲，食完雞煲打邊爐，正呀應該係岩岩開左無耐，地方好乾淨整齊，卡位好闊落，梳化櫈好舒服。一坐低侍應會問你揀咩辣度既雞煲，我地揀左小辣，雞煲好快就到，雞件砌到大舊好多肉，雞又嫩，最緊要有肉食丫。。醬汁好惹味，甜甜辣辣，好正。。兩個人點幾野，份量岩岩好，唔會好多，食哂再點，可以樣樣都叫啲黎食，好過大大份食唔哂又唔好意思特別花膠都好大件，牛骨髓好滑，仲有好多特色既丸類，貪得意叫左幾樣黃金麻吉燒，入面包住左 麻薯， 煙煙靭靭 芝士豆腐，好濃既芝士味，少少豆腐味龍蝦沙拉球，入面爆漿沙律味另外叫左 雪花牛，特級牛 ，梅頸豬肉，黑豚腩片都好好味，牛有鮮牛肉味，唔似其他鋪咁無肉味腩片半肥有啲油脂味，正，又唔會太肥膩另外有個自助雪糕吧，有雪糕同 乳酪雪糕，可以任食，仲可以自己加爆珠啦，可可粒，果凍粒，朱古力醬。。。等等食完仲有軟雪糕食真係開心滿足一定會再黎幫襯。。。推介

日本放題， 任食火鍋就食得多， 雞煲放題我都係第一次, 係荃灣至旺嘅大鴻輝18樓， 呢到出名多人排隊等㗎。 星期四平日7點幾已經差唔多坐滿喇， 好彩有訂枱。 叫咗個唔辣嘅雞煲， 好快就送嚟。 雞煲配料都好豐富， 雞肉又嫩， 味道又濃郁。 飲品櫃內有好多選擇， 而且幾張枱就有一部喇， 幾方便。 水吧嗰邊仲熱飲俾你選擇。 食完雞煲邊夠㗎， 緊係要打埋邊爐啦， 自動形式出去水吧拎湯底就得喇， 要讚嘅係俾湯而唔係落水囉, 另外仲有自助式醬料區, 但佢地好強調唔使點豉油, 哈哈。 睇睇火鍋料選擇都唔少㗎， 我地先叫咗 d睇睇份量有幾多先。第一轉當然唔少得肥牛豚肉緊係唔少得， 我地叫咗雪花肥牛同特選黑豚腩片， 肥牛又腍又有肉味。 當然唔少得海鮮類有海中蝦， 爽脆墨魚鬚， 是日海鮮係聖子， 脆鯇片， 特別 d就叫咗雞子， 花膠。 少少地一碟， 唔夠再叫， 唔浪費。 海蝦真係好大隻。 當然要叫粟米同蘿蔔， 粟米真係超甜， 要再 encore, 炸魚皮都係好脆， 特別 d嘅就係蜂巢炸腐皮， 同出面有 d唔同。要食蔬菜就出去蔬菜櫃自己揀自己拎。 最後當然係出去食勻乳酪雪糕同軟雪糕啦

荃灣大鴻輝中心現有多間大型食肆進駐。這間是其一，打著雞煲火鍋自助任食的旗號，令本想食樓下雞煲的我特意前去一嚐。雞煲2人的份量都不少，而且件件雞都食得，唔會全部都係骨，味道小辣，香則欠了一點。可能是叫了小辣的原因。看圖最實際餐廳環境：乾淨而抽風不錯亦有卡位主角雞煲：醬汁挺厚，貌似不錯。食物種類不算太多，但每樣都不錯，好味。炸雞粒好香，另外推薦魚皮、響鈴，好脆，不是隔夜貨。最後可以自己玩乳酪機，好搞笑而且乳酪不太甜，食到乳酪味。