18樓雞煲火鍋專門店

营业中

休息中

難得可以早啲收工返到荃灣同個friend行去大鴻輝諗住試下起十八樓既十八樓雞煲去到大約6點幾唔洗等位一坐低staff已經問我地雞煲定係打邊爐選左雞煲 食完後都可以加湯打邊爐要左唔辣既雞煲 5分鐘都唔洗就上枱啦上枱既時候都算熱 可以直接食唔洗等雞都幾多 仲要係雞脾肉 味道都幾濃架正！食完雞自己出去攞湯同埋菜仲有個自助調味吧 自己揀鐘意既配料Order左既火鍋料好快就黎啦雪花肥牛好嫩響鈴同出面食既唔同 係一個花卷狀 幾特別蘿蔔都好甜 好食！丸類有好多款 每樣試啲都夠哂飽最後緊係要食埋個乳酪雪糕夠哂滿足百幾蚊食到咁多野真係好抵仲要服務都幾好落單全部都冇漏單推薦比大家！

Girl’s night with my bestie, 18樓雞煲火鍋專門店 (seems like no English name). We arrived to the building and need to wait 20mins to get up, the line is crowded with people. The chicken pot has 4 level of spice, we ordered the medium spiced, for not good at eating spice food, non-spiced and mild spiced to choose. There is also hk style hotpot to choose.Since I’m not a big friend for chicken pot, but this chicken pot sauce is so deliciousAfter the chicken pot you need to add pork soup stock and will bec

星期日下午，窩夫與蝦子餅逛完葵涌廣場，蝦子餅想吃雞煲。荃灣大鴻輝(荃灣)中心有多間火鍋店，窩夫與蝦子餅選擇試試18樓雞煲。下午5時左右入座，任食2.5小時，7時30分前離座每位可減10元。坐下來要做的第一件事是決定招牌18雞煲的辣度，可選大、中、小、微或不辣，窩夫與蝦子餅選了微辣。不吃雞煲的朋友則可選其他特色湯底。等待雞煲之際，先去取醬料，但原來這裡主張不用加豉油的。飲品方面，除了雪櫃裡的凍飲，還可以拿個茶包泡茶。汽水方面，有窩夫愛喝的西柚汽水，也有較少見的沙示。菜類要在雪櫃自取，窩夫與蝦子餅取了西洋菜。微辣的招牌18雞煲非常惹味，雞件的肉質不錯。吃完雞後，加入豬骨湯便可打邊爐，任飲任食的火鍋配料選擇很多。窩夫與蝦子餅點了雪花肥牛肉、特選黑豚腩片、冰豆腐和炸魚皮等，窩夫推介豬肚。蝦子餅喜歡吃豬肺，所以要安歌。甜品方面有四款不同口味的乳酪雪糕和軟雪糕。窩夫吃了一杯加了椰果的蜜瓜味乳酪。

嚟幾日寒流襲港，天氣特別凍！所以夜晚我同阿媽決定去食雞煲然後再打邊爐！最後揀咗荃灣呢間叫18樓雞煲火鍋專門店！不過唔知係咪天氣特別凍！有好多人都打邊爐，搭電梯人流由大堂排到大廈後面公園！好彩上到去我地都好快安排到座位！因為我地勁肚餓，所以立刻叫咗個二人份量既雞煲（大辣）總係覺得雞煲要辣先好食！佢地d雞肉好嫩，好有口感，啖啖肉，而且有洋蔥做配料，味道好濃郁，我地好快食完d雞，開始叫配料打邊爐！店員極力推薦佢地湯底係煲咗十幾個鐘既豬骨湯，我試咗一啖，果然名不虛傳！味道好濃郁，鮮甜！之後打邊爐都唔駛點豉油，直接煮完就食得，我地叫咗雪花肥牛片，水魷，牛柏葉，海中蝦，脆鯇片，龍蝦沙拉丸等等！佢地肥牛片好正，肥瘦均勻，肉質軟滑，入口即溶！加上水魷同海中蝦都非常新鮮，肉質鮮美，就好似啱啱釣上嚟一樣！只需煮一陣就食得！搞到我地最後叫咗共10碟水魷和海中蝦！但我重點推介係龍蝦沙拉丸，佢真係好正，咬落去𥚃面沙拉醬流哂出嚟，酸酸甜甜，非常有口勁惹味！而且佢地蔬菜都係自助形式放係雪櫃，所以鐘意食菜既女士就好方便，唔駛下下要落單！有需要就自己出去拎！佢地仲有部自助雪糕機，有蜜瓜，雲呢拿兩種口味，小朋友一定喜歡，

今日想同大家推薦一間荃灣既火鍋店叫”18樓雞煲火鍋專門店”早幾日同細妹一齊收工，見天氣凍凍地！就諗住去打邊爐！諗起之前有個同事介紹過呢間火鍋店，話佢嘢食新鮮，上菜又快，所以今晚決定去試一試！點知去到發覺排隊人龍由商場一直打蛇餅去到出面公園，從來未見過咁誇張，好彩佢有幾部lift！所以都唔駛等咁耐！去到餐廳門口發覺已人山人海，我地入座之後就嗱嗱聲叫咗個大辣雞煲，嘩！一咬落去，就不得了，肉質鮮嫩，雞味濃，多肉少骨，係我食過最好既雞煲！食完雞煲我地就開始叫配料打邊爐！佢地配料選擇勁多，而我重點推薦有以下幾款！水魷，好新鮮，鮮味十足，而且條條都好大條，過足口癮，但記得煮一陣就可以食得！佢地魚皮餃都好受食客歡迎，我見好多人都有叫，皮薄餡靚，咬落去湯汁都流唒出嚟！好似食緊上海小籠包既感覺！另外佢個蟹爪肉棒都係一絕！啖啖肉，又新鮮，入口即溶！佢地所有蔬菜都放係出面冰櫃，想食幾多自己出去拎就可以！完全唔駛等！抵讚！所以大家行經荃灣記得上去試一試！

我同另一半鍾意火鍋既程度，應該已經達到瘋狂既級別。如果無咩特別既餐廳想去，我地最後都會去左打邊爐 or 食雞煲。今次黎開荃灣，咁岩雞煲癮起，就openrice下，見呢間排名甚高，就決定去呢間係大鴻輝既18樓雞煲喇另外，餐廳設有預先攞位服務，大家可以係the gulu先攞位，咁去到就唔洗等咁耐喇我地因為有預先攞位既關係，去到都只不過係等左大約5分鐘既時間就入座，餐廳有2.5小時既任食時間，我地一坐底就即刻叫左個微辣雞煲喇。如果大家唔想食雞煲都無問題！因為佢都有其他5重既湯底比大家選擇係等雞煲既同時，我地就梗係把握時間tick其他配菜喇，其他配菜既種類都算多，基本既野佢都一定有！另外就特別推介響鈴，櫻花蝦片而且，菜單上係無任何蔬菜比你選擇，因為佢d菜一兜兜咁放係出面，任君選擇，眼見出面都有大約四種唔同菜比你揀，其實都好夠食！言歸正傳，雞煲終於上菜啦！份量唔算好多，因為都要比d空間你食其他配料，但係夠哂多汁，個汁又夠惹味，咸度適中，略嫌d紫洋蔥唔夠多。雞既質地唔錯，亦都無雪藏味，配埋d汁就真係一流。因為我地唔係食到好辣，所以叫左微辣，而佢亦都對得住個名，唔算太辣，唔係好食到辣既朋友，絕對可以

成棟大廈嘅放題都食過曬啦就覺得呢間既雞煲就最好食嘅我哋叫咗大辣辣得黎有夠香又夠野味d雞就好入味另外的自助吧雪糕都好好食自助嘅肉都算唔錯無限任食算係咁上下啦另外仲有呢個香蕉班戟就麻麻地啦

係香港搵食實在有太多選擇，就係係荃灣大鴻輝中心都已經有好多火鍋放題，日式放題！心血來潮想食雞煲又想打邊爐，所以就揀左18/F雞煲，滿足哂我既願望以$158既價錢哩到既雞煲好高質而且足料，份量唔會hea,d雞入味唔會‘鞋’，醬汁甜甜帶麻辣，好惹味，仲有洋蔥同芹菜味道更香，真係好唔錯～今次食完d雞我地就冇直接加清湯去打邊爐，因為我同我朋友仲想試埋佢既火鍋湯底，所以就加左$48轉左四川麻辣湯底。見到佢個樣好似好辣咁，但食落又另一番風味，比原本既雞煲再麻小小，好過癮～講到火鍋料真係冇得彈架啦！有新鮮海鮮，肥牛係小不了既，而且丸類選擇都多芝士魚腐台灣腸自家餃，仲有一個蔬菜雪櫃任你揀，鐘意打邊爐既你一定鐘意，響鈴都係即炸會令人想encore！而且仲有飲品任飲，同乳酪雪糕任你添～ 講真性價比真係好高好抵食！同朋友仔諗唔到食咩哩到絕對係唔錯既選擇！

服務員態度極致差，未見過西面西足成晚，遞張紙係搶咁濟，叫成晚都冇人應機。由一開張冇咩客就對你好好笑容，到而家，多左人識間野，吾係要你服務到盡，起碼吾好搶紙呀。唉。失望😞問職員有無xx飲料 ， 竟然回應有就有 無就無😐

18樓雞煲位於荃灣大鴻輝入面大鴻輝真係N咁多間野食排隊上去足足用咗我四個字呀我就排排排排到呢個位再慢慢兜返入去都幾誇張咁我地BOOK咗位既 去到都遲到啦因為等LIFT好彩朋友早過我地到 上去拎定位咁其實我都好期待食呢間雞煲既因為見到係無劣評得好評 連OK都冇就有啲期待食呢間野朋友話佢個雞煲個底料好味過一品喎評價都唔錯問我既話我覺得任食黎講佢都算幾多雞喎我覺得多過重慶任食個間先同埋佢個底料真係幾好味濃味惹味好過重慶任食雞煲但同一品比既話呢個仲有個好處就係任食喇又有嘢飲任飲佢仲有雪糕食喎所以呢間既質素真係唔錯啲雞都幾惹味好食火煱料都唔差佢都有少少既海鮮可以食到有蝦有蜆食我非常之滿意間呢任食雞煲仲要食兩個半鐘VERY GOOD唯一唔好只係地下好滑有種痴痴泣泣既感覺

約左班中同出黎食生日飯, 天氣凍又一班人, 最岩就打邊爐, 荃灣既大鴻輝成棟都係食野咁劑, 好多間可以揀, 見呢間平平地, D comment 又唔錯, 一於去個度搵食.佢個位置都好易記, 18樓雞煲就係係大鴻輝18樓喇______________________________🔹任食雞煲火鍋 $168 加一一入到去已經聞到好香雞煲味, 未食都已經醒一醒, 有朋友唔係好食辣, 所以我地叫左個無辣版, 原本怕咁樣會無咁好食, 點知一D都唔會, 佢個雞煲既秘制醬汁搭救, 依然好惹味.雞件食落都無雪味同幾嫩下!! 個雞煲堅好食唔好講笑! 佢伴住既紫洋蔥同西芹掛哂D醬汁, 但因為唔係煮左好耐既關係仲保持爽脆, 都好好食!.食完雞煲就到加湯打邊爐既時候喇, poster度寫話佢加既湯係煲左10幾鐘既豬骨湯, 一D都唔hea, 店員亦一D都唔吝惜, 落左好多湯, 個湯又有哂頭先雞煲既精華, 好濃郁!!.叫完佢好快就執齊左D料送過黎客人台邊, 所有食材都好新鮮, 亦無漏單情況!! 佢每份既比例都唔算好多, 想食既人就叫多幾份, 減少叫左一份又食唔哂既狀況出現, 例如豚肉片一客都係得3片.望下佢張點餐

冬天咁凍一定要打邊爐亂翻個身有見呢間平平哋又有得任食又可以坐幾耐傾吓計，所以然後入咗去六點幾入去都唔算太多人所以唔使等位。雞煲上台嗰時已經熱辣辣只要開火彈返佢滾翻就可以再食雞煲都幾足料入面見到有好多洋蔥乾蔥辣椒花椒一個因為叫咗只係小辣唔算太辣， 反而個汁都夠咸同好香。雞嘅份量都幾多每一舊都可以食到好多肉唔使成日吐骨。而且雞肉都幾亂畫同埋好入味所以食到後期會有少少覺得辣要飲下飲品先得。雞肉嘅份量如果淨係兩個人食已經會飽左一半。雪花肥牛方面每一碟剩係得四塊， 一啖就食完所以每一次可以大多少少一定會食得晒而且牛肉嘅油脂分布都幾平均而且多不過就略嫌有少少，一次食兩塊先夠喉。牛牛食落口都幾稔同牛味幾香，好香油香味。而其他丸類味道差唔多，份量可以叫重手d都得。打邊爐點少響鈴同生根，嗰度嘅響鈴一份有兩件而且全部係新鮮即炸所以一上枱都好香脆，而且吸汁力極強，可以完全索晒雞煲的湯再食，味道一流。而且識落唔會太油膩可以食多幾條。如果到咗生菜係自己係菜櫃度拎而且每一份嘅份量都幾多兩個人食一份會啱啱好而且生菜幾爽脆，同埋唔會有爛嘅情況出現。最後最出奇嘅的地方係有乳酪，有芒果同原味選擇芒果味唔會太重而乳酪質地亦

上星期book左平日夜晚7點去食雞煲...由於遲到左半個鐘，所以要重新禁飛等位，好彩都唔係等左好耐。我同男朋友兩個叫咗個BB辣既雞煲，因為我哋兩個都唔係好食得辣。雞煲非常足料，雞肉亦都好滑，食完雞之後，加左湯再叫其他嘢食打邊爐都非常夠味，基本上完全唔需要點其他調味料。最欣賞係佢係落單嘅時候可以寫返人數，就會出返適合你人數嘅食物比你，又唔使驚叫多咗食唔晒，同時又可以試多幾款唔同嘅嘢食。嘢飲方面可以無限添飲，仲要有埋雪糕食，買單兩個人都係三百幾蚊，真係抵食到不得了。

那晚，小肥話去打邊爐，我話又去嗰間酒樓D任叫任食，D野又遲來，又無甜品送，任飲無野揀，又唔係平過人，咪攪！點知佢話帶我去荃灣食間好野，叫雞煲放題，話一定會食過番尋味。信佢呢次試下啦，入到去係十八樓成層，嗅到D好香雞煲味傳來，成間店好似放題店格局，同老土式酒家一D都唔同，D位好寛倘，卡位又大，座位舒服，最啱慢慢嘆打邊爐。招牌十八雞煲話咁快就到，好香，叫左少辣，食落去係帶甜，麻辣味在味蕾直沖到頭部，加上D雞肉好滑嫩，還有洋蔥和香茜的香氣，D雞入晒味，好味到暈。食完個雞煲梗要打邊爐，點了芝士豆腐、響鈴、台灣一口腸、鮮淮山、粟米餃、韮菜餃、山根、蟹籽墨魚滑、雪花牛….其實好多野揀。芝士豆腐，芝士味淡淡的，豆腐味較濃，滑滑地蘸埋D雞煲汁食會好正。響鈴好大，吸汁力一流，吸埋D雞煲汁食唔好浪費。麻辣雞粒原來係炸起左架，齋食好香口惹味。另外D餃子好足料，又不會太多味精，好食，蟹籽墨魚滑都唔錯，好彈牙，有墨魚鮮味。牛肉都OK，牛味不錯。無晒D雞汁，外面會有自助上湯自取，真係方便又抵死。D蔬菜係自選，一個個高碗整齊盛著任選，好乾淨，唔似有D酒家自取嗰D，又黃又亂又核突。出面重有好多野飲揀，道地出品D果茶、

到左冬天又係時候去一去火鍋之塔啦！今天d朋友唔係想打邊爐咁簡單！想食埋雞煲！所以就要去18樓啦！D座勁好坐！係卡位啊！夠哂闊落！坐足兩個鐘都唔覺累！有人唔係好食得辣！雞煲就下佢叫左微辣！點知微辣都好好食！本身以為冇咩辣！但佢個辣又正！辣得黎唔會太chur!係勁香口！唔食辣果個人都話ok!雞夠多！又夠大舊！入味又滑！有質素！係肉啊！牛肉羊肉豬肉都齊哂！牛肉都有兩種俾你揀！好好食！叫左個墨魚滑同蝦米鯪魚滑！墨魚滑好彈牙！粒粒既魚籽卜卜脆！鯪魚滑就唔係好彈！不過係味道取勝！一食落又鯪魚味同濃濃既香蝦米！好正！仲有花膠食！班女人勁開心！個豆腐好似有千層咁！放落去個湯度就吸哂所有精華！仲有湯汁流出黎！好好食！自助雪糕機有四種雪糕！我就整左個抹茶雪糕俾自己！雪糕比想像中高質！有陣陣茶味！少甜唔膩！好 refresh ！