18樓雞煲火鍋專門店

营业中

休息中

三個friend喺荃灣篤完波，行下街正諗緊食咩嘅時候，經過大鴻輝三、四個阿姐傳單遞過嚟，又放題、又火鍋、又雞煲咁介紹，都唔知隻手接得邊個，我哋左揀右揀終於揀咗食雞煲！因為貪佢經濟又夠多款選擇！齊齊排隊上搭 lift 上18樓，呢幢大廈長年累月都係咁樣，一到食飯時間就排隊！一出 lift 就已經聞到佢嗰浸雞煲嘅味香噴噴，我哋因為冇book位，所以要喺門口等一陣好彩唔係等好耐！佢除咗雞煲之外，仲有其他湯底可以選擇，不過寫明18樓雞煲梗係要叫雞煲啦！啲雞份量都好多好夠食，雖然小辣不過佢嗰種風味都仍然存在，對於我哋唔太食得辣真係啱啱好！佢隻雞都好入味，Keep住保溫嘅狀況下可以保持鮮嫩香滑，如果要加湯嘅話就要自己出去拎啦！飲品款式種類都好多，不過飲啤酒就要收錢。食完雞煲可以打邊爐，呢度嘅配料都好新鮮，特級肥牛牛味好濃，用雞煲個湯來滾佢，真係連豉油都唔使點！！個汁入晒落個牛肉度，同佢嘅廣告一樣！！頂級梅花豬肉食落口軟淋淋，而且佢切到好薄好快熟！ 我哋都叫咗好多嘢食有，手打墨魚滑、芝士腸、午餐肉、魚蛋每一樣都好新鮮，因為我試過去啲雞煲放題，佢可以拎啲結左冰嘅丸出嚟俾我哋，今次好靚！鮮鯇魚頭雲係我比

即興同朋友吃雞煲, 打個邊爐! 一搜尋雞煲+荃灣第一個就是18樓心想為何這麼多yummy沒有dislike決定一試新野! 我們很早六點半就上到去樓下的升降機的人龍不算長很快上到去不過同的人大部份都早出去某間打邊爐到達店家, 沒有book位 直接都可以walk in眼看很多位 但到快八點發現門口有人等位值得一讚店員效率很快一坐下就問雞煲要咩味上菜都算快 漏單情況少發生收碟極之快總括而言, 這間店算少有高質一般雞煲店的打邊爐比較差但它的雞煲好吃之餘, 火鍋的質素都不錯而且雪糕都算美味 有蜜瓜, 乳酪, 士多啤梨, 雲呢拿 推薦士多啤梨加雲呢拿 中間拉出來是兩溝飲品都有道地, 樂天等牌子 推薦冬瓜茶

前幾日夜晚九點幾突然想食雞煲，於是就叫男朋友帶我去，佢帶我食呢間話又抵又好食 本身我都幾食得辣，今次我挑戰大辣！你個雞煲幾香，唔似平時食嘅重慶雞煲，但係好好食，隻雞入晒啲味。一開始覺得隻辣好過癮，但後來一路打邊爐一路加水都係咁辣有點唔係好頂得順 但又好想食。下次都係叫中辣啦！ 食完雞，我依家湯 打邊爐啦！呢度肥牛呢有兩款，以下係其中一款個人覺得比較重牛味同嫩口鮮牛肉都唔錯，滑！是日海鮮係蟶子 雖然細細條，但都抵啦！白色係花膠，煮完會再細少少，但幾好味，岩女仔食我好鐘意食魚，呢度有魚雲、脆脘，仲有白鱔片！！白鱔片唔記得影相，但我好鐘意，又爽又有魚肉味又無骨脆脘腩，好爽 ，都算切得厚魚雲：響鈴，個外型令人感覺佢好脆口，食落還好，但香嘅仲叫左d蟹柳呀、丸呀， 勁飽！粟米餃幾特別，甜甜地我加左$18任飲凍檸茶， 又ok 喎！

星期五同老公落左荃灣食雞煲，我地只係喺OpenRice search 到18樓雞煲有好多好評，所以就去試啦😋我同老公6:15pm 入座，8:30pm要還枱。我地得兩個人，唔係大型聚會，兩個鐘頭多少少夠哂啦！我哋一開始就叫微辣雞煲，因為我老公唔係好食得辣，而我平時喺譚仔只係食開糊辣五小。所以我哋都揀咗最低辣度🌶雞煲十分之好味，好出色！微辣對我地來講啱啱好，十分惹味! 老公話個雞煲辣得來有少少甜味。食完雞煲之後就係打邊爐，我哋揀咗豬骨湯底。嘢飲就係自己攞嘅，湯底都係自己攞，打邊爐嘅材料呢就要喺點單上面叫啦！佢係按你嘅人數而去比份量嚟嘅！食物質素都OK！醬料亦都係自助嘅。仲有咩係自助嘅呢？ 無錯就係甜品！有雪糕機同埋乳酪雪糕可以俾你揀，總共有四個味道，仲可以自己家配料添！最後，我同老公準時買單食飽飽走人！

依家18樓雞煲係見到雜誌介紹所以想嘗試依家雞煲開到成行成市僅有一間係左近依間雞煲有幾樣野我都幾欣賞第一就係去啲清湯自己倒第二就係佢有個雪櫃放蔬菜d菜唔似平時打邊爐爛爛黑黑第三竟然有我最愛嘅嘢飲沙示 介紹得當然汽水係任飲啦依度環境都坐得幾舒服好多卡位啲侍應收碟都收得好快都係講返個雞煲雞煲又麻又辣依度個墨魚滑值得推介依度仲有脆肉鯇 啲脆肉鯇魚如其名真係唔似出面嗰啲一啲都唔脆未係冬天都有脆嘅脆肉鯇抵讚浄少少係d脆肉鯇有d泥味仲有就係你唔好對啲肥牛有太大期望因為始終都係任食嘅緣故其他嘢食都算中上我都會再嚟食多次

約咗D friend去咗荃灣食雞煲同兩個friend慶祝生日，佢哋話呢間雞煲開咗唔係好耐好抵食。去到樓下已經排晒隊搭lift啦！呢幢大廈好多食肆，雞煲就喺18樓，佢個名又係叫18樓雞煲，去到門口新裝修果然企理入邊都坐滿左人，好彩我哋book咗位唔使等！我哋5個都食得辣，叫左個出名大辣雞煲，雞煲原來係人頭計，啲雞好入味而且好嫩滑，佢個醬汁教到好惹味食到有麻辣感覺，好過癮越食越想食，分量我覺得啱啱好，唔會食得雞食唔到其他野！食完雞煲加水打邊爐，呢度嘅侍應生會自動走埋嚟幫你加第一輪湯因為第一輪湯好緊要唔好加太多因為會溝淡左個醬汁食起嚟就冇咁惹味啦！幾條友梗係咁嗌肥牛，佢肥牛都好靚食起嚟都好新鮮牛味香濃，可能佢去得好快所以冇乜雪藏味！脆鯇魚骨腩我就最鍾意食，爽脆彈牙其他嘅火鍋店都未必有呢間咁靚，好彩呢度又唔食我可以係咁點！炸魚皮同午餐肉都絕不馬虎，魚皮脆卜卜新鮮爽脆，唔會擺喺度好耐流晒氣軟晒，午餐肉嘅擺切拎出嚟都好靚有心機我同班friend食到呢度已經差唔多捧住個肚 食埋個甜品就啱啱好，有雪糕機同埋乳酪雪糕機，我就鍾意蜜瓜乳酪雪糕，好香蜜瓜味而且可以自由創作，好多野比你加入去，我都食咗兩大杯！

冇book枱...6pm 去到有位唔洗等! 雞鍋有幾種味道可供選擇. 我哋揀咗多數人都會揀既麻辣鍋. 職員話有大, 中, 小辣可以揀, 我哋就揀咗小辣. 但係原來小辣都經已超超超辣. 鍋裡面既紅椒多到嚇儍咗! 不斷取出辣椒...不斷加入清湯都掩蓋唔到啲辣味! 見到隔離大枱叫咗兩鍋小辣...結果太辣食唔到被迫要放棄成煲雞!!! 鍋裏面雞件足夠兩人份量, 但係冇得refill! 其他食物種類還算多, 但切到非常非常細件! 放在鍋裏滾..好快已經縮曬水溶掉! 感覺有點小家! Order食物既等侯時間比較耐..有待改善喔!

朋友講好想食火鍋雞煲，於是便選擇去了位於荃灣沙咀道及眾安街口的「18樓雞煲火鍋專門店」品嚐火鍋樂趣。最初揀了四川麻辣雞煲火鍋，在麻辣雞煲火鍋上來時，熱騰騰的湯料，令當中食麻辣雞煲好大香味，其中有切雞肉、麻辣湯底，並配洋蔥、蔥菜、紅辣椒及蒜蓉粒等...... 食到滿口麻辣味覺厚感，尤其醃味切雞，番尋味十足！當食完雞件之後，快快手開始火鍋，特級肥牛滲滾後吃落自然香滑無窮，食了好多肥牛。海鮮款式如鮮鯇魚頭雲、鮮脆鯇骨腩、海中蝦和白鱔片等，都好新鮮又肉脆，由於是任食火鍋，更係要加快手再食多D 野。

朋友講好想食火鍋雞煲，於是便選擇去了位於荃灣沙咀道及眾安街口的「十八樓雞煲火鍋專門店」品嚐火鍋樂趣。最初揀了四川麻辣雞煲火鍋，在麻辣雞煲火鍋上來時，熱騰騰的湯料，令當中食麻辣雞煲好大香味，其中有切雞肉、麻辣湯底，並配洋蔥、蔥菜、紅辣椒及蒜蓉粒等...... 食到滿口麻辣味覺厚感，尤其醃味切雞，番尋味十足！當食完雞件之後，快快手開始火鍋，特級肥牛滲滾後吃落自然香滑無窮，食了好多肥牛。海鮮款式如鮮鯇魚頭雲、鮮脆鯇骨腩、海中蝦和白鱔片等，都好新鮮又肉脆，由於是任食火鍋，更係要加快手再食多D 野。

今晚去荃灣食雞煲，餐廳係大鴻輝所以要早D去排隊搭𨋢上去，因為訂左位既關係一去到就即刻有位唔使等☺️一坐低點員就問我地雞煲要咩辣，我唔食得辣所以我朋友陪我食唔辣雞煲。雞煲一黎，見到佢既醬汁好濃郁，花椒八角味好勁，好香噴噴，店員話等多一陣就可以食😋

香港人不論夏天或冬天都係咁鍾意打邊爐，所以大家都想搵間好食嘅打邊爐地方， 上星期約了朋友出嚟食飯， 又想食雞煲又想打邊爐仲要去荃灣區， 最後上openrice就搵到呢一間火鍋店，又有雞煲又可以打邊爐， 而且這間店舖的好評十分多, 當然我們便即時訂位了， 這裡158蚊任點任食任飲可以食兩個半鐘， 我們到了店舖可能時間尚早還未坐滿， 坐下後侍應即時問你要什麼辣， 因我們不食得太辣所以點了小辣， 滿滿的芫茜，紫洋蔥，蒜頭，蔥，辣椒等的香料醬汁夠濃稠，帶點麻而且微辣， 亦能深入嫩滑雞件裡。 食完雞煲後就可以打邊爐了， 湯，菜，飲品，全部都是自助的， 所以食完雞煲便可自行加湯打邊爐， 我們點了肥牛，午餐肉，丸類， 山根，粟米，烏冬，竟然有秋葵同花膠。雞煲味道濃郁菜是自助的也非常新鮮肥牛本人覺得一般， 炸魚皮好食， 其他食物都還可以甜品也是自助的上湯真的是無限供應有不同的醬料給客人選擇

接到樓下阿姐傳單，本來十五十六唔知食咩，比佢吸引左叫左個雞煲小辣，上枱後開爐滾一滾，陣陣雞香噗鼻，雞件好份量十足，好多下，先吃了雞先，之後可以再下湯打邊爐雞件滾完仍然肉質保持滑漱，鮮味可口，小辣ok, 不會搶去雞的鮮味，辣辣地好惹味加湯後，可以任叫其他食物，好多選擇呀雞湯味滲入雪花肥牛中，牛鮮味加雞的精華，好味又好甘香鱔片滾完帶著辣雞精華，鱔片脆口香滑，鱔香十足墨魚滑和鯪魚滑，鮮味一流，好有墨魚味和鯪魚味，入口好滑嫰腐竹好滑溜，鮮豆味原來秋葵也可以打邊爐，味道清新，內裏黏著而豬大腸好乾淨，鵝腸好爽口，芋絲淸爽另外蜂巢炸腐皮好特別，好脆口内帶軟，鮮豆味豐富

呢日放工又入荃灣搵朋友食好西喇！我地嚟到有好多好評既18樓雞煲火鍋專門店。佢位於大鴻輝中心18樓，可能就係因為咁而有呢個名啦我地果晚差唔多6點半到，大鴻輝入面好多食肆既關係搭𨋢條隊排好長，都排左差唔多5分鐘。大家可以留意時間到達呀👍🏽我地book左六點九，上到去既時候都好多位，過冇幾耐就坐滿曬喇，好旺！店內裝修都好紅，燈光夠猛，夠warm！我地好好彩兩個人都係左人地六個人果d卡位，變相闊落左好多～另外，佢每張檯下面仲會有一個几仔擺食物，唔係搞到張檯冇位擺～ very good坐低左就開始點野食喇。呢度係任食既雞煲。首先點左你想要要辣定唔辣既雞煲，再點火鍋配菜。等上菜既同時就可以出去自助醬料區斟左豉油先喇！除左醬料之外，呢度仲有好多野都係自助既，包括雪糕、飲料，甚至菜都係出去自己攞既。飲料值得一提既地方係，除左普通既汽水之外，水都係自己出去斟，另外仲有茶包可以沖茶飲！食到咁上下可以沖杯茶消滯呀過左冇耐個雞煲就上左喇。因為我唔食得辣既關係，我地叫左個唔辣雞煲，而我個朋友就叫左碟辣油過下口癮。佢話碟辣油都夠辣，唔錯！我自己好中意食雞胸，而呢煲野入面都有幾多雞胸下，而且雞肉好滑好嫩，我好滿意本

這晚到訪的是在荃灣大鴻輝的十八樓雞煲~ 一到埗、在排隊等候時，已經嗅到陣陣食物香氣，完全十分吸引!入座後店員送上餐單，選擇種類極多，先選擇雞煲的口味、後再選擇其他食物本來自己喜歡吃辣，想選辣的雞煲來點🤣 但朋友不能吃辣，只好選個不辣的店員跟我們說即使點了不辣的雞煲 但也會提供辣油給我們的聽到後本來對辣油沒有什麼期望 因為一般的辣油都很普通 跟辣雞煲相差甚遠但！這個辣油真的大力給讚！！！真心給我口味！！十分出色的辣油 為雞塊添加了不一樣的味覺(˶‾᷄ ⁻̫ ‾᷅˵)（喜歡吃辣的 推薦大家要去問店員拿辣油👍🏻除了雞煲，其他配料/食物也不錯點了幾盤牛肉，不錯吃朋友點了豬肉，比牛肉更好吃！我們也吃了超多蔬菜比較有特色的是可以自己擠雪糕！！口味好像有二至四款 (忘了)味道是好的！像坊間那些乳酪雪糕店一樣 有很多款自選的配料 但自己則較喜歡原汁原味 所以沒有加上太多的配料。清清淡淡的也同樣好吃 正好清清口腔~另外 這家雞煲的環境我也覺得挺好各枱不會很擠迫 空間很充裕 可以和親朋好友慢慢一邊享受食物 一邊聊天，也不會說搔擾到隔壁枱的~

今次是第二次到大鴻輝商場18樓雞煲火煱專門店，因食過覺得價錢合理，食物質素也滿意😋，朋友們也很喜歡食雞煲，所以今次朋友生日特來慶祝🎂，想不到服務態度這麼差😠😠，一夠鐘即叫走，生日蛋糕已放枱面，我們說可否即給义碟我們，比5分鐘時間，切埋蛋糕即走，我諗這個是經理，他說不可以，要我們即刻拎蛋糕走😓，不可在此停留，語氣相當不友善😡，我們已說你浪費這段時間與我們理論，倒不如即比义碟我們，但他都是堅決不比，要我們即走😖😡，雖然其他待應服務態度是良好的😊，但經過今次咁掃興，下次都不會光顧。😡😡😡食物方面：雞煲美味👍，蔬菜新鮮，尤其是芥蘭和菜心苗，大碗分成一份份放入雪櫃，亁淨衛生，雪糕乳酪也好好味😋，雪花肥牛個樣幾靚，但沒有牛肉味😯，不建議食，粟米不夠鮮甜，冇乜味道，其他食物一般，啤酒要自費。地方乾淨程度總算滿意，但冷氣不夠，感覺熱，並且出汗，可能是座的位置問題。價錢抵，計埋加一，每人不用$200。