18樓雞煲火鍋專門店

营业中

休息中

難得約左一班舊同事聚會，梗係要搵好野食啦，同事大家都住新界，就建議去荃灣，跟住上openrice 睇到呢間18樓雞煲嘅評分好似唔錯，一致通過後就打去book 枱啦。餐廳環境唔錯，由於係高層，窗外係望到荃灣嘅夜景。店員安排咗我地坐卡座，好闊落。一黎就食左雞煲先，有同事唔食辣，所以我地揀左唔辣，試下佢個秘制醬汁。另外，火鍋配料選擇都好多，有幾樣一定要order, 花膠，海蝦，鯇魚片。花膠都幾多大大件，海蝦新鮮，鯇魚片好爽脆。蔬菜類可以係自選區自己拎，都有5-6款可選。自選區仲有飲品同埋甜品，飲品選擇算多，有枝裝烏龍茶同罐裝汽水。總結：雞煲個汁唔錯，雞件份量都足夠。火鍋配料選擇多，可以再幫襯⭐️⭐️⭐️⭐️自選區

嚟到荃灣搵食 好多人都知大鴻輝入面有好多正嘢食😏😏 今次我就試咗18樓雞煲 見佢地叫自己做專門店 就去睇吓佢地整既雞煲有幾勁👅👅雞煲我哋叫左小辣 醬汁好香 見到好多辣椒、洋蔥、花椒 係麻辣style 😋😋食落個嘴會有啲痺痺地 但越食越過癮 佢哋既雞件切到size啱啱好 、雞亦好嫩 我地未食完雞已經加左湯 但係臨尾再食啲雞都仲係嫩滑唔鞋☺️至於任食配料就係一份或半份咁計 一份為4件極度推介墨魚滑 墨魚既鮮味好重😍😍😽嘢飲我就揀咗細細枝既鴻福堂飲品 咁就唔驚大大枝飲唔哂👏🏻👏🏻甜品有乳酪雪糕 有四種味道 仲有啲椰果、爆爆珠加落去😻😻

荃灣大鴻輝多嘢食就係人都知啦，今次輪到食呢間位於中心18樓嘅18樓雞煲。呢度嘅雞煲真係好抵食架，逢星期一至四任飲任食先係$178一位， 而星期五六日都係加$10咋喎。另外仲有宵夜時段添。想講一下呢間餐廳真係好大，坐嘅地方都好多，咁大家就會好擔心會唔會坐咗係一個較入位置而下下搵侍應點餐唔方便， 佢哋呢原來係用QR code就可以點餸十分之方便呀。上菜速度仲要好快添啊任飲方面啦。。。咁可樂個d汽水呀。。。烏龍茶呀嗰啲全部都有㗎啦。如果想飲啲特別啲嘅可以另外加錢嗌亦都唔貴嘢食方面咁當然要食佢個雞煲啦，咁雞煲佢就分咗大辣中辣小辣微辣同埋唔辣嘅， 咁梗係食完個好味雞煲然之後再加湯打邊爐啦。打邊爐料都有好多款，好多唔同嘅種類啊，咁一般你話牛肉佢都有幾款，另外仲有雞，黑毛豬，羊肉， 丸， 豆腐豆製品都有好多選擇， 🥬🥦🌽🍅🥕蔬菜就可以出面自助吧度攞， 重點係佢有花膠食， 因我真係好鍾意食花膠呢。

放工去荃灣食雞煲，識途老馬嘅同事話有一間稱霸荃灣的雞煲火鍋，超強人氣排隊人流不絕，食過果然係返尋味。荃灣大鴻輝是美食的集中地，18樓雞煲風光無限好，一邊食雞煲一邊享受美麗夕陽景色。任食2.5小時，唔使食到盡都已經好飽飽。雪櫃內的飲品任拎任飲，款式選擇多，食雞煲飲返支清涼茶就最爽啦！自助醬料區，今次我破例冇點醬油，皆因18樓高質雞煲個醬汁真係無敵咁好味道，雞肉鮮味，肉嫩多汁，每件雞都吸收了醬汁嘅精華，香而不辣，越食就越想食。食完滑滑雞件之後加兩吋上湯打邊爐夠晒味，果然係真材實料，獨門秘方咁喎！Scan QR code 就可以自助下單，時間快靚正又方便，而且唔怕漏單。必叫新鮮爽白鱔片、陳皮魚蛋、花膠、海蝦、炸魚皮、炸響鈴、五香牛腩、奉送是日海鮮、本地肥牛⋯等等的一連串美食。過百款火鍋配料任點任食，真係花多眼亂，好食到停唔到手。食到最後仲有甜蜜的甜品時間，記得食埋乳酪雪糕咁先至完美啊！

黎到傳說中既火鍋之塔！呢到差唔多全棟都以優質既火鍋而聞名，每到晚飯時間，呢到一定大排長龍。可見可以係呢到立足已經唔簡單。18樓雞煲當然立足係呢到既18樓，一打開門，陣陣既雞煲香氣撲面而來，好彩我地揀5-6點時間入座，先可以避開人群。雞煲香氣十足，一定係炒過炸過，雞件味道超濃郁! 仲有得揀辣度。唔太食得辣既我就揀左小辣，味道岩岩好。一定唔比出面既雞煲差，而且醬汁極多，可以完全將雞件包圍，而且雞既肉質非常滑。可以話係配合得天衣無縫呀就係因為佢醬汁本身好濃味，唔洗再加咩醬汁，已經可以直接用來做火鍋湯底。呢個時候只係需要加少少上湯，味道就已經好好，咩醬都唔洗點點。其他配菜都好有水準，無論係肥牛、海鮮都咁出眾。肥牛：牛味濃，雪花均攤，佳!.海鮮有蝦、脆魚鯇同鱔等等，全部都好新鮮! 好彈牙!總結來講，如果你又想食雞既同時打邊爐，呢到係一個非常好既選擇。不過就要早少少到，因為好野永遠都多人爭，遲來就可能要等下先有得食架啦

久沒約舊同事食飯, 佢平時除左返屋企就只固定係一間餐廳解決. 太悶姐…所以就一於帶佢試返D對佢黎講新奇D嘅野.雞煲放題, 全包人頭$178, 收費大眾合理.除左用電話scan qr code落單之外, 飲品同一般放題店一樣, 放係凍櫃自取~ 而醬料同蔬菜類都係自取嘅.座位方面, 眼見大部份位置都係卡位, 坐得算是舒適.因為同事唔食得辣, 雞煲揀左唔辣嘅, 兩人份量有半隻.唔使10分鐘雞煲就上枱, 同埋已經煮熟哂, 輕輕攪拌下就食得啦食到咁上下就可以加湯打邊爐喇點嘅菜都係以人頭一件去計, 雖然會令相機食先時冇咁豐富滿足, 但係大大減低左浪費嘅機會. 落ORDER時, 見到有個"是日海鮮"揀, 就即管ORDER黎睇睇, 原來係蜆…粒粒都幾飽滿又冇唔開嘅情況, 所以都算係新鮮.有驚喜嘅係連花膠都有!另外, 蝦係大推, 新鮮, 肉質彈牙嘅, 我地REORDER左好多好多次.最後, 飽到上心口都係去食返個yogurt雪糕先可以叫做完滿啦, 最愛都係原味

好耐冇食雞煲，朋友建議試新嘢，見18樓好評多又抵食，一於去試試。之前喺一品食過，麻辣味比較濃，呢間叫咗小辣，更啱我口味，辣得嚟冇咁麻五個人share大煲，份量啱啱好！手機落單好方便，種類應有盡有，我哋叫咗3轉，除咗響鈴唔脆同太厚之外，每樣嘢都有水準臨尾食埋杯雪糕，perfect

終於搬入荃灣，今晚放工後想吃雞煲，於是來到大鴻輝的這家18樓雞煲火鍋專門店，過一過雞煲癮。任飲任食兩個半小時，價錢相對其他火鍋放題絕對實惠，可以先食雞煲，之後再加湯打邊爐。餐廳而地方寬敞，大部份座位都是卡位，坐得十分舒服，平日晚上亦全場滿位，所以記得要先訂位。以QR code掃碼點菜，方便環保，同時避免漏單情況，當晚火鍋料下單後十分鐘內已經送到枱上。不同的蔬菜存放在雪櫃，每份獨立盛載，十分衞生。飲品在雪櫃自取，有多款任君選擇。混醬區乾淨企理，選擇不多因為雞煲湯底已經十分夠味。雞煲一上枱一股麻辣香氣撲鼻而來，一嚐雞件，辣得舌尖發麻，味道令人上癮，雞肉嫩滑而醬汁豐厚濃郁，注意雞煲會越煮越辣。吃完雞煲後，便加入高湯湯底打邊爐。配菜全部由這種可「層層疊」的膠盆盛載，不會放到一枱都係，火鍋料選擇甚多， 而水準亦相當不錯。有多種海鮮選擇，例如白鱔片、海蝦等，當中海蝦更是巨大肉厚，而是日海鮮是蜆。火鍋牛肉沒有將貨就價，脂肪紋路上佳，牛味濃郁，肉質鮮嫩，上乘之作。甜品有多種軟雪糕及乳酪雪糕，軟雪糕的奶味濃郁，有意外驚喜。

係我返工附近都算有幾多好嘢食，尢其沙咀道一帶特別多選擇又集中，難得今日早D走，去食番餐超值雞煲火鍋，一來早食唔駛等位之餘價錢又抵服務都好D啦，今次就來左大鴻輝中心呢間18樓雞煲火鍋專門店食仲可以坐係窗口位一邊食住望遠景，店員先問你雞煲想食幾辣口味，就會落單煮雞煲，至於其他火鍋配料就係用Qr code落單相當放便飲品、蔬菜、自助雪糕同醬油，係出面自助區取終於等到香噴噴雞煲出來可以開餐，夾起件雞肉已沾滿香濃醬汁，又食到嫩滑雞肉味道突出又惹味，真係越食越過癮品嘗完美味雞煲輪到食火鍋時間，已點了多款食物有肥牛、魚、海鮮同丸等等，一定食得飽滿用雞煲汁再倒上湯，先放丸類再落肥牛就最正，肥牛吸左湯汁味道所以咁食已好入味仲帶點香辣唔怪得可以唔使用醬汁食都咁正又繼續食下其他火鍋配料夠晒豐富最後食埋乳酪雪糕已經好滿足一餐雞煲火鍋。

好耐都無嚟到荃灣區，今日探朋友剛出世bb，之後朋友就帶我嚟呢到食，餐廳環境好大好舒適坐底就選雞煲辣度，今次叫了中辣，之後就出去攞調味料及勁多款飲品選擇雞煲上後開爐炒一陣就食得了，雞件比好多雞煲辣汁包住，中辣都都唔算特別辣，食落帶一點甜辣，肉質都好嫩滑又入味食完就加豬骨湯打邊爐了，掃下單上qr code就可以手機點火鍋料除了肥牛外，仲有羊肉及豚肉，肉都算新鮮，仲有多款丸類同埋豆卜枝竹，用嚟吸哂啲辣雞煲湯好正海鮮有好彈牙嘅蝦仲有墨魚都好爽脆最後記得食埋乳酪雪糕，酸咪咪好解膩

一講起雞煲 就會諗起荃灣大鴻輝， 因為食肆都集中左係果到， 而且搭lift上去 出左名麻煩 要排晒長龍先搭到， 起碼預早半個鍾 品係講笑。但為左食好野， 排下隊又算得係d咩今日就同朋友 上去到18樓 去食18樓雞煲。 好易認 連層數都唔洗睇 就知係18樓啦。環境相當大， 而且坐得舒服 兩個人既卡位都有， 話明雞煲 當然一坐低就比人問要食咩辣啦， 我唔係咁食得辣 就揀左微辣。 唔想咁快就孖潤腸。任食打邊爐 都唔洗咁多野叫掛， 款式勁多， 咩都有， 狂叫。 雞煲未到之前即刻行定個圈睇下有咩其他野可以拎黎食。整左個芒果味乳酪雪榚 熱一熱身先， 好好味 又凍又滑 仲好香芒味 無得輸。一食完雞煲就到位香噴噴 熱辣辣， 味道岩岩好 唔會太over， 加埋雞件唔會熟過頭 有汁 而且最重要有雞味，加埋配料同雞一齊食， 屈機。 好彩叫微辣， 唔係會噴火都似。食再打埋個邊爐 連埋雞汁一齊黎。 正樣樣叫小小 睇下邊d 好食再叫。款式真係多 一樣一件都未必食得晒里到真係好細心 周圍都有野飲櫃 方便唔洗周圍走， 十分體貼。有質素既雞煲真係買小見小， 下次一定要再黎， 抵食

大鴻輝出名食肆林立，特別要火鍋店為主。在云云的火鍋店中，有一家以18樓為名的雞煲火鍋專門店。正因為餐廳店名特別，就吸引了我們來試一試～18樓是火鍋仼食餐廳，不同時段有不同優惠，人均消費都不用$200，相當划算，難怪吸引了大班年輕人～餐廳座位算多，不過還是需要排號，建議先致電預約會比較方便。餐廳設有自助醬料區，不過基本上雞煲的醬汁已經夠濃，不需要額外醬料。【雞煲】雞煲份量大，味道濃郁，除醬香以外還帶蔥香。職員奉上雞煲時會幫忙炒香，非常貼心。【火鍋配料】吃過雞煲後職員直接加上湯底，滾起後就可以吃火鍋了。火鍋配料在電話上點單，選擇甚多。肥牛油花均勻，並非廉價貨色。除了肉類外，火鍋配料還有海鮮可選，當中連白鱔片和海蝦都有，而且也很新鮮。蔬菜類的品項一樣有很多，連火鍋放題少有供應的萵筍和鮮准山都有～餐廳又有另一雪櫃放置蔬菜供食客自取，選擇應該有八至十款，客人可以自行挑選喜歡的品項～另外還有炸魚皮和響玲，雖然說不上即點即炸，但至少放涼後依然香脆，也沒有油膱味。丸類方面就大同小異了。【甜品】最後甜品當然少不了雪糕，口味包括乳酪，雲呢拿，朱古力等，旁邊還有多款配料，無論大人或小朋友都會喜歡～雖然價錢親

又到左一年一度既中秋節，大家聚埋一齊食飯就緊係指定動作，今次就搞搞新意思，大家一齊拾下拾下我地一行7人就叫左兩個雞煲，一個辣一個唔辣，雞肉嫩滑，我就好鍾意食辣，而辣果煲仲有齊哂花椒八角，雞肉吸哂d精華，食到個人好熱好high辣得制既話就可以係出面揀自己心愛既飲品，咁多選擇，實有款岩你心水打完邊爐就用返雞煲湯底打邊爐啦，餐廳都好先進，而家用qr code就可以自助落單，既方便又環保牛肉真係好抵食，鮮紅色既肥牛，脂肪較少最後仲出去自助區拎埋杯雪糕添

第一次黎到18樓雞煲～ 係搭𨋢既時候冇咩人，估唔到一開𨋢門滿滿都是人😂😂好彩有book位～ 等左一陣就有得入座喇！同行友人唔食辣～所以要左一個唔辣嘅雞煲...雞煲上枱嘅時候雞件好少，但係唔緊要因為呢度任食㗎嘛⋯⋯可以添加雞件或者其他配菜🤪🤪🤪🤪🤪呢度既雞件略略炒定炸過～而且味道幾香！唔會輸蝕比啲單點雞煲！味道真係幾唔錯，就算唔辣都好唔錯！而且雞件面頭鋪上濃濃既醬汁～ 雞件本身既味道都好足夠❤️❤️❤️但略嫌唔夠紫洋蔥同埋芫荽～ 如果可以多小小就好～❤️❤️❤️其實2個人都夠架喇，其實睇落得咁小既雞煲👍🏻👍🏻之後呢度都煲用電話落單～ 呢度好好，會有半份既野食比你落～ 同埋食物嘅樣可以係電話上面睇到佢哋嘅相👏🏻👏🏻👏🏻咁就唔使擔心嚟到嘅時候唔係嗰樣嘢啦😂😂😂而菜就係出面雪櫃拎~菜嘅款式都幾多㗎其實你都係食物質素大致上都好好，有部份好到連同一般單點嘅都冇乜分別～ 講下最值得食嘅一啲配料啦：海蝦：佢哋嘅海蝦都幾大隻而且夠牙同埋係鮮甜既👍🏻👍🏻👍🏻👍🏻👍🏻自家製響鈴：佢哋嘅響鈴size同一般係火鍋店食到響鈴size有啲唔同而且形狀係菱形！但係佢個內心就比較硬小小，需要多一啲時間去浸魚皮：幾令我surpris

是日出荃灣行街掃貨，行到荃灣出名打邊爐大廈搵食，系眾多餐廳裡面，就揀左呢間雞煲專門店黎食。一入門口已經坐無虛席。坐底無幾耐就上雞煲，雞煲供每3人一煲，煲內有很多香料及配菜，味道濃郁，有得揀辣同唔辣，而雞煲內雞件嫩滑同全熟，即上即食和份量足夠。系出面自助吧有菜，甜品同各式飲品揀，任拎唔嬲。餐廳全都是任點任食，其中以海鮮及肥牛最為突出。甜品就有乳酪，味道有和原味、巧克力、草莓、爆珠、棉花糖及麥片。呢間放題雞煲可以再黎食。