18樓雞煲火鍋專門店

营业中

休息中

口痕痕又想想雞煲， 荃灣真係多選擇， 今晚就試試18樓雞煲火鍋專門店！睇到價錢表， 真係平到笑， 食完雞煲仲有任食火鍋， 平日加一後都唔洗$200! 星期五六日和公假及前夕就只係比多$10! 好彩我地早到， 好快就有位， 遲左少少外面已經好多人排隊！ 入坐前店員會問要幾辣， 我叫左小辣﹐ 佢地雞煲只有一種味， 但一種味做得好好， 已經夠做！坐低後， 就去睇睇有乜飲， 當然係任攞！ 蔬菜也是！ 食完雞煲後， 自己加火鍋湯就OK！ 自助醬料區，基本配料都有。 飯後甜品 - 乳酪雪糕！ 回到坐位， 很快雞煲就來了。 基本上已經煮好可以即刻食唔洗等！ 秘制醬汁好濃好惹味， 辣到剛好！ 雞肉也不錯！ 話咁快食完雞煲， 就落單叫火鍋料， 是用手機落單的， 既方便又環保又有圖， 要睇返點左啲乜都好方便！ 第一輪點的： 滑牛肉和滑雞柳 我們是吃完雞煲後不加湯直接用雞煲醬汁煮來吃， 超濃超好吃！ 等於多吃了一份無骨雞煲和滑牛！ 啖啖肉真係正！ 大家也可以試試！ 不過只可以一次， 因為雞煲醬汁已經食曬！ (太好吃忘了拍照!_!

萬聖節和友人來到荃灣大鴻輝18樓雞煲食雞煲，安排坐在卡位，座位寛闊，坐得舒服。雞煲選了小辣，入面有 辣椒、洋蔥、花椒，香口惹味。雞肉充滿醬料，肉嫩多汁， 食得出少許麻和辣，夠滋味﹗餐廳用QR Code點,配菜，環保方便，更隨時可以加單。自行隨時加入上湯火鍋配料選擇多，雞煲湯底已香口惹味，不需要點醬料都夠味。當中最推薦墨魚滑，上面有蟹子粒，墨魚彈牙鮮味，口感多層次。最後將泰國粉絲加入湯底，吸收精華，粉絲有彈牙咬口又入味。飲品有鴻福堂多款滋潤涼茶，可以清熱解毒﹗更有四款口味乳酪雪糕，吃完大滿足﹗離開時見到有不少人在外面排隊等候，所以要品嚐的朋友要早點來取飛。

天氣開始涼涼地，食返個雞煲真係特別有風味。荃灣呢間18樓雞煲次次嚟親都全場爆滿，而且要等勁耐先有位，當然可以理解成好食自然多人。18樓雞煲最吸引我嘅優點就係雞煲嘅醬汁超級惹味，我鍾意食得辣啲，所以叫咗大辣雞煲。..食哂啲雞就加湯打邊爐，基本SOP啦。肉類選擇都好多，豬、牛、羊、雞都有，牛都有幾款。我最鍾意將一大秋肉一次過放入個煲一鑊熟，豪氣一啲先覺得個放題回到本。.由於我好大食，所以我冇浪費食物。

最近有無感受到冬天開始接近？即係話又係打邊爐，食雞煲嘅好季節！講到荃灣食雞煲，你一定對呢幢大廈唔會陌生，今次我地就幫襯咗呢間位於18樓嘅「18樓雞煲火鍋專門店」，典型任飲任食嘅，要讚嘅係呢度雞煲嘅醬汁做得唔錯，夠味夠濃夠香，而食完又唔會話好口乾！.食完雞煲加湯打個邊爐就基本野啦，追上點菜大趨勢，掃 QR code 電子下單，環保又快捷啦🤞 配料都算多類型揀，肉、海鮮、菜類樣樣齊！趁住個雞煲湯底夠濃就當然點返個響鈴吸盡個汁，再嚟就係加湯食肉食到飽，肉類款式都唔算少，質素算中等！.飲品方面選擇都幾多，基本汽水同茶類都齊全，喝多兩罐解解渴又可以開懷大食！鐘意甜品嘅記得食埋呢度嘅乳酪雪糕，自已斟到幾高幾大杯都可以！性價比嚟講呢度算唔錯，所以都真係吸引到唔少人夜晚嚟幫襯😋

約左朋友行街，因為大家都只係食左早餐，5點左右就上荃灣嘅大鴻輝覓食，朋友話18樓雞煲好食，咁就聽佢講試下啦。評分：🌕🌕🌕🌕🌗價錢：$178/位（任食）🔻先講個雞煲，我地叫左小辣，雞肉都幾嫰滑，而且都唔少肉，而最最最重要係佢夠惹味同重口味🤤真心正呀！如果鍾意辣嘅朋友可以試中辣，我唔係特別食得辣都覺得小辣唔夠辣咁😹🔻佢嘅餸屬正常水準，而且任食之餘好多款揀，另外特別要提到「響鈴」，佢係自家製，好大舊同好脆，黎到係必嗌嘅餸黎🤤🔻除左飲品有好多選擇外，呢到仲有雪糕比大家任食，環境仲好唔錯，夠晒闊落同乾淨呀👍🏻👍🏻👍🏻📍 18樓雞煲火鍋專門店 (荃灣)地址：荃灣眾安街55號大鴻輝(荃灣)中心18樓

不久前在這裏食過雞煲火鍋，覺得幾抵食，今次再同朋友嚟，貪呢度地方大，坐得舒服。好好彩坐到窗邊卡位，可以一邊食一邊欣賞外面的夜景。雖然雞煲好夠味，無須添加調味料，但都係要按個人喜好調一碗醬油打邊爐用。呢個雞煲一如以往，好夠味，加入小小上湯更加好食。食完雞煲，可以用手機落order點火鍋食物，非常方便。特級肥牛肉一定係主角，仲有滑牛肉軟軟滑滑的，同樣好食。好大隻的海蝦，食落彈牙的，夠新鮮！自助區有蔬菜，丸類，香腸，腐皮炸物，飲，雪糕，甜品 .... 等，食物種類都不少。我哋order咗出前一丁麵，侍應完整一包麵上，別的餐廳通常會剪開包裝，以防人客拎走的。總括呢度都算性價比高，值得再次幫襯！

夜晚同女朋友去咗荃灣行街，行到咁上下又係時候搵晚餐嘅地方，突然間想食雞煲，於是即刻上 openrice 搵，就搵到呢一間食雞煲同埋打邊爐佢個雞煲除左啲雞好鮮嫩有雞味之外，佢啲醬真係一絕，非常之濃郁，好夠味，我超鍾意！個雞煲食到咁上下就叫店員幫我哋加湯開始打邊爐，嗰啲醬汁好濃郁，就算之後加咗湯用來打邊爐都係好夠味因為食完個雞煲都幾飽，所以我哋就淨係叫咗少少嘢打邊爐。打邊爐方面，都係正常水準，不過佢個響鈴係幾好食嘅下次要食雞煲嘅話會再返嚟！

18樓雞煲大大話話食左好多次 不過原來一直無食過食評 今次再去食 轉左scan QR code落單 野食亦有得揀要半份定一份 對於我地呢d倆口子去食既 方便d又環保d久經訓練既我地 雞煲當然中辣起跳啦小胖男友成日都話 食咁多間雞煲 18樓既辣味係數一數二好食雞都亦好滑努力地食完成個雞煲 就即刻點到成枱都係打邊爐配料肥牛有雪花同特級兩款 個人就比較鐘意特級 少d脂肪之餘 肉味都濃d海蝦係小妹每次黎都必食既 size有返咁上下大隻 肉質新鮮另外響鈴同花膠都唔少得 響鈴質素仲好過出面某d非任食既火鍋店 而花膠就任食黎講算大件同軟滑仲有芥末魚丸都推介 唔太辣既wasabi餡加彈牙魚丸 味道獨特過癮 同埋係其他舖頭比較少見蔬菜係放係雪櫃一盤盤自己任拎 一盤盤 綠油油驟眼望落去好似盆栽咁

今日約左朋友食飯，經過荃灣的大鸿輝，有多位阿姐阿哥派食店傳單，正在考慮中，就望到大廈頂層有一幅大廣告招牌，是十八樓雞煲火專門店，任飲任食2個半小時。朋友和我就揀左呢間食雞煲。餐廳卡位坐得舒適，飲品、蔬菜、上湯、雪糕都是自取的。其他火鍋配料就用QR CODE 落單。雞煲有辣度，走辣至大辣都有。小辣就啱我們口味，雞煲用左香料和醬汁煮，肉質鮮嫩入味。食完雞煲，就可以取上湯加入煲內，濃郁的醬汁混在上湯內，又成了一鍋惹味的湯底，用來食火鍋，食物可不用點醬油也好夠味！火鍋配料都好新鮮，海中蝦鮮甜彈牙，鮮魚頭雲好滑溜，脆鲩片、白鱔片爽口冇腥味，薄切頂級梅頭豬肉鮮嫩，龍蝦味沙拉丸、炸魚片角、脆皮芝士腸、午餐肉、蔬菜類等都是火鍋好材料，好好味！最後食返杯雪糕做甜品。

今日夾完band夜晚九點幾想搵嘢食， 有啲肚餓所以成班人諗住去食啲任食嘅嘢， 行到去好多雞煲放題嗰棟大廈是但搵一間上去食啦， 見到依間雖然貴十蚊但係有雞煲食就試下。 上到去人唔算多環境都幾好幾闊落， 落單而家用電話就可以亦都送齊曬啲嘢呢， 冇話叫三碟肥牛， 淨係呢得一碟嗰啲情況。 飲品種類都算係ok唔算好多， 但都有唔甜嘅清茶。 個雞煲都幾夠味， 食完家啲湯就可以打邊爐， 可以揀嘅嘢食種類都唔少， 當然最開心就係啲肥牛 都幾靚， 食完仲可以食甜品雪糕 ， 魚皮都幾趣幾好食。 兩個半鐘真係算係咁啦。 下次有機會再過嚟食啦

成日都聽到朋友講十八樓雞煲，前幾日終於試左，真係聞名不如見面！荃灣大鴻輝成座都係雞煲火鍋或者放題，要做得出眾，真係唔容易。$178一位，仼飲仼飲兩小時，相比起其他雞煲，價錢都幾優惠！餐廳環境闊落，坐落去都好舒服，行出行入拎野食野飲唔會話好逼唔怕撞到其他人！另外餐廳用QR Code點菜，環保方便，又容易睇翻自己叫左d咩唔怕漏單！又唔洗左等右等等待應嚟落單，隨時想加單就加單！落左單好快就有野上枱，唔洗十分鐘就全部野齊曬！所有火鍋配料上枱都擺放得好好，好乾淨好衛生，唔會唔同類嘅食物放埋一碟！魚皮亦好大碟，唔會放到淋曬！嚟到主角雞煲，我地兩個人叫左小辣，份量大概有半隻雞左右！味道好惹味，麻而不辣，唔會辣到食唔到。而肉質亦嫩口。不過份量唔算多，亦無得加🤣🤣火鍋配料亦好多，蔬菜就放曬係出面嘅櫃到，有4至5款可以揀！全部望落都好新鮮，亦都好衛生！肉類全部都好新鮮，唔好出曬血水，亦唔會一舊冰咁硬！最推介嘅係鮮牛肉，好嫩口，亦好鮮牛味！飲品方面，亦都比同類型店舖多選擇，有幾款涼茶同滋潤飲品，好似百香果蜜等等！最後唔少得嘅一定係乳酪雪糕！配料唔算好多，但有四款口味嘅雪糕，唔會好似某d食店咁整出嚟融曬，好硬

朋友話呢間雞煲火鍋專門店一向都好有人氣，成日都有人排隊，在荃灣區歷史悠久，非常有名氣。佢講到咁吸引，今日陪佢食一次。 呢度用手機QR code點餐，快捷方便 環保，又唔會漏單，讚。先來一個雞煲，真係好惹味， 個秘製醬汁好食到暈， 果然名不虛傳。原來食完雞煲，啲醬汁會留返用，只要加啲湯，就能用作火鍋底，又可以喪食了。雖然我都自製咗火鍋醬汁，由於個火鍋底味道濃郁惹味，最後我都不需要點我的醬汁。話時話，火鍋配料有肉有海鮮，種類多不勝數，還任點任食。我顧住食，無暇影相。我最鍾意自己整軟雪糕，可以自癒自娛一番，食埋杯乳酪雪糕，一個完美嘅句號。

🐽雞煲雞煲揀左小辣，真係微微辣同麻，醬汁好惹味、好濃稠，啲雞都非常入味同嫩滑，食完雞煲之後就可以加湯打邊爐🤤呢度既火鍋配料都幾多，有唔同既肉類、丸類同蔬菜👍🏻講下食左既款式🔸特級肥牛➖牛味濃，唔會好韌🔸響鈴➖好大舊，索哂啲湯汁好好味🔸蝦➖新鮮彈牙🔸花膠➖夠淋同有膠質🔸豚肉➖有啲韌🔸牛柏葉➖爽口，唔好煮太耐🔸豬紅➖正常普通🔸豬潤➖腥腥地，不太推薦🔸紅薯粉➖吸哂湯好味😝🔸墨魚滑➖有墨魚粒，幾彈牙，好味🔸魚皮➖又脆又香🔸蜆➖大隻肥美另外飲品都有好多選擇，仲有可以自己整乳酪雪糕，整體黎講好抵食，鍾意食雞煲同打邊爐既朋友仔可以試下😋

又到雞煲火鍋時間！唔知幾時開始興起 食完雞煲加湯打邊爐呢個idea真係好好😂👍🏻好有港式既感覺。.男朋友話要食飽肚既嘢我即時諗起雞煲+打邊爐雞煲點左微辣 唔會好辣的 好濃味一上枱已經可以食 唔洗等 炒兩炒真係好香👍🏻食完雞煲就可以自行加湯落煲 呢個時候就可以用手機嘟下個QR code落單啦~.呢度必食既係鮮蝦 墨魚滑同芥末丸啲蝦真係好新鮮 大隻 啲肉好爽 食得出係新鮮蝦墨魚滑就偏淋身 黏滑彈牙 食到粒粒墨魚 加烏冬一齊食不錯芥末丸就有少少辣 好得意❤️🤣男朋友最愛芝士豆腐都好食 食既時候有芝士香 雖然無拉絲但都好正！.食完正餐仲可以去雪糕bar度吱雪糕/乳酪食原味乳酪最正😗加埋脆脆麥片一流呢～

係大鴻輝，想食咩都得，今日就揀左雞煲，又可以打下邊爐，冇甘dry!好，坐底睇下有咩好食先。呢度係掃QR code 落單，幾好吖，夠環保。首先黎個麻辣雞煲，要左小辣，雞煲好香，有好多雞肉，雞肉都滑滑。食完雞煲緊係未夠喉啦，轉個火鍋打邊爐先，任點任食兩個鐘。食物都新鮮既，蔬菜都好翠綠，最欣賞係佢既丸類，墨魚丸食落好彈，好有口感，呢度仲有台灣腸，好好味！飲品係自己岀去攞，都係任飲。打邊爐打到熱熱地，要岀去酙雪糕食下啦，仲有乳酪呀！