16 Shell (已結業)

上次搵朋友見到呢頭都有唔少餐廳, 今日無聊由維園行去北角, 行到肚餓就黎呢條街搵食。見到度食西餐, 裝飾睇黎唔錯就一致決定入黎。侍應好nice, 係佢熱心介紹下, 我地order左黑蒜麵包平時就咁食黑蒜我覺得太濃, 今次加左黑蒜落個包入面, 好香濃好軟熟。 整開麵包既我知道佢用左高根加低根麵粉, 先會外脆口內軟熟。 仲加左黑蒜粒, 好有質感。 白酒蒜泥煮蜆一上枱就聞到香濃既蒜香加蜆味。 蜆肉肥美飽滿。 吸收左白酒香味同蒜泥既精華。鋒味pizza第一次酥皮整既pizza.有驚喜。 外面脆口、中間有芝士、煙肉、蘑菇、味道不錯。 好match好正。黑松露帶子意大利飯帶子勁厚肉,廚師微煎半生熟, 口感軟綿綿。 好正。 加左黑松露醬就好香口, 意大利正宗煮法軟中帶硬。 飲品ink lemonade係傳統lemonade加左cranberry juice. 冇咁酸, 淺粉紅色, 賞心悅目。mango juice大大既一杯, 酸甜岩岩好。

天后曾為了一個蛋糕而特地去，這次為嚐一餐晚餐也難得再到此地。這間是聽人說鋒之味所以挑起了興趣，來到門前意外地發現店的風格較為樸實優雅。跟想像中有點出入，畢竟以為會浮誇點哈。能選的配搭不少，價錢也是$170開始起，以西餐跟份量來看比較地親親民。侍應也很貼心，服務很親切。累炭黑蒜容包$70 外脆內軟，即使放久了仍是鬆軟口感很好。麵包上邊是一層蒜香，所以很香口。田園沙律$70 沙律菜很鮮上邊加了黑汁非常酸甜開胃。黑松露意大利燴飯配帶子$190 帶子大大件肉絲絲很鮮。黑松露增加了飯的香味，又不會蓋過帶子的鮮甜。飯燴得很香口，又不會覺膩。白汁芝士大蝦$180 芝士超不會太濃讓人讓人覺得太膩口。加了香草使整個意粉味增加清香。大蝦煎得很香口，又彈牙好味。整體這店價錢實在味道好，地方又不吵鬧。很不錯適合情侶約會或三五知己談心。

16 Shell從外到內的裝修以至餐牌都貫切黑色主題，型格味道十足。當然年近聖誕亦有少少聖誕裝飾增添溫馨感覺。星期天下午接近兩點鐘時間，人潮早已散去，難得可以好好享受寧靜優閒的時光。Pink Lemonade and Mango Juice Pink Lemonade乃最新推介，上下兩層不同顏色，很是好看，味道則與一般Lemonade無異，清新少甜。Mango Juice芒果味道濃杰適中，順滑易喝。黑炭黑蒜蓉包黑炭黑蒜蓉包乃餐廳主打美食，當然不過錯過。黑碟配黑炭黑蒜蓉包，貫切黑色主題。黑炭包輕薄酥脆，上面搽上黑蒜蓉醬，蒜味濃甜，很輕易就可以幹掉一整碟黑炭黑蒜蓉包。白酒橄欖牛油煮蜆蜆只要新鮮，即使用最簡單的白酒牛油煮法，即已經可以突出其鮮甜嫩滑感。侍應建議可以用黑炭黑蒜蓉包點汁食用，不浪費濃甜蜆汁精華。酥皮黑松露比薩批此批很像一個大型酥皮盒，四四方方，中間放著餡料，酥皮輕薄酥脆，黑松露帶出點點幽香。黑松露帶子意大利燉飯意大利飯煮得al dente，很有咬口，黑松露的氛香當然有畫龍點睛之效。帶子煮得半生熟，肥嘟嘟的鮮甜嫩滑，令人回味。

店內好多霆鋒既合照，原來餐廳係由霆鋒助手開設，菜式都有幫手設計。店鋪環境唔算大，但裝修以型格既黑色為主，座位係梳化皮，坐得舒服。black garlic bread($70)，有6塊好香既黑炭包，外皮脆，麵包軟熟，包入面已經藏左餡，甜甜地幾好味。fresh clams($130)，蜆肉用左白酒煮過，食落有淡淡酒味，仲有蒜蓉牛油更加香口。truffle pizza($160)，餅底用左酥皮製作幾新穎，焗得好鬆脆，至於中間餡料有幾種菇類，加上白色煙煙韌韌既芝士，同埋靈魂既黑松露。alla scampi style($160)，青口大大隻好飽滿，檸檬汁可用作提升鮮味，意粉係天使麵，用牛油煮過又香又滑。mango juice($45)。sex on the beach($75)。

港島區有很多特色小巷，這條貝殼街全都是食肆。今日跟朋友來了一間浪漫而且好有情調的西餐廳，他雖然是屬於天后區，但是還是炮台山站過來方便一些。細看鋪頭的裝修, 發現牆壁上有很多老闆和明星合照,遠處還在黑板上面寫在鋒味披薩。雖然已經入秋啦,但係我見到summer drink~ Pink Lemonade, 叫返過嚟試試先，朋友話冬天要飲返啲熱嘢所以要點杯熱朱古力。食西餐點一個Green Salad做開胃菜，他這個沙律配上一個甜醋，甜味指數爆燈，酸味沒有強烈。沙律菜好新鮮。呢個醬汁有d傑身。白酒橄欖牛油煮蜆,橄欖味唔係好重,反而好多蒜頭味。白酒煮出嚟個湯汁好好味，蜆肉好新鮮，好配合。廚師精選意粉我哋揀咗帶子。香煎橄欖大蒜配埋白酒汁。好鍾意佢哋處理帶子嘅煮法，不會煮得過熟，係可以切開，一個五蚊銀大細嘅帶子，可以分開五六塊一口口放入口中,慢慢細嚼，最岩淑女的我倆。鋒味披薩，Truffle Pizza，一送上來感覺很新奇，正方式的酥皮放上各式的材料。未入口我同朋友都不約而同講好香松露味。酥皮好可愛白白，我立刻卷來食，朋友呢就好斯文噉用刀叉食啦，噉因為啲料呢係放喺中間嘅噉其實我覺得係應該放係係卷出嚟,

很久沒有去砲台山，天后嗰邊食飯。 趁住今日放假過去咗嗰邊探朋友， 記起之前喺蜆殼街嗰間16 Shell 食過晚飯， 今日就可以試下佢 嘅假日嘅氣氛。天氣轉涼， 喺門口有個 小小嘅角落坐低飲杯咖啡睇吓書都唔錯。 假日嘅餐廳由落地玻璃透入嘅陽光， 又有一種悠閑嘅氣氛。一場嚟到當然試嘅Black garlic bread 黑炭黑蒜蓉包 ($70)招牌獨有嘅黑炭麵包， 外脆內軟， 完全冇嗰種麵包嘅酸味， 再加塗上嘅 黑蒜蓉醬， 帶甜之餘有淡淡嘅蒜味， 令人一試難忘。Pink Guava $45Mango juice $45有天然嘅番石榴味， 唔會好甜。另一款芒果汁， 芒果味唔算濃。 兩款賣相亦非常討好。Fresh Clam $130蜆雖然細隻不過隻隻鮮甜,冇沙。 個汁帶微微嘅辣， 惹味非常!意式大蝦意粉$138使用嘅香草醬味道好特別， 更帶一些橄欖味，均勻地包著每條意粉， 非常入味。意粉嘅軟硬度適中， 口感煙韌呈扁狀。 大蝦經過 少許調味才煎， 更能帶出蝦的鮮味。 蝦肉好爽好彈牙!Pizza (Salami Style) $160這個pizza批也是店家嘅招牌菜式。 因為餅底選用了酥皮， 製法

我諗有唔少人都係因為呢個 而黎既，佢就係謝霆鋒了！雖然我同朋友當晚見佢唔到，但就試左由佢設計既菜式！感覺都幾威架啦，雖然宜家周圍都係佢設計既食物入座坐底睇下Menu，特別係Signature Dishes，就寫左鋒味8吋Pizza，呢個亦係店員推介既，真係一場黎到，無理由唔試掛！另外我地重叫左其他食物既，一陣就知係咩了今晚既飲品，右邊係我揀既Lemonade，成枝玻璃樽禁裝住，味道都幾濃厚，都幾酸下架，不過都幾好飲，感覺既開胃開始主菜前，先叫左個田園沙律作前菜，份量都幾多，新鮮既蔬菜，大約有3-4款沙律菜混合在內，都幾均勻，上面灑上芝士粉，碟邊以香草作點綴，食落既口感爽脆，作為開胃前菜係唔錯食完沙律，就黎呢個白酒橄欖牛油煮蜆，一上枱見到個賣相及聞到個味道都幾吸引，眼見佢既份量唔少，除左白酒橄欖牛油汁係碟內之外，重附有一件小檸檬，可以比你再去一去蜆既海水味蜆既體型都算大隻，空殼既比例係極少，而重點係蜆肉並無異味，味道吸收曬白酒橄欖牛油既味道之餘，仍然帶有少量海水味道 ; 當然，白酒既味道係比較突出既，酒精既味道會令你更想食多兩隻，如果當中既汁再多D就更正啦 !其中一個主菜係呢個 黑松露意

姐妹淘生日飯，星期六要訂位，無用餐時限。我地6點半到，當時得一兩枱，諗住咁冷清既，食到7點幾，全院滿坐。 環境都係典型fusion餐廳咁，暗暗的，地方唔大，牆上黑板寫左recommended dishes, 好似餐牌冇架!我地點左個黑蒜蒜蓉包，不同於一般蒜蓉包，呢個甜甜的! 仲有白酒香蒜橄欖油蜆，個湯底好好味，不過d蜆一清晒，侍應就收走左個汁底， 我地諗住點蒜蓉包架主菜點左個烤蟹餅同酥皮pizza, 烤蟹餅真係好多蟹肉，幾香口，但有點鬆散。 黑松露酥皮pizza, 好邪惡，個人嫌toppings 唔夠豐富。飲品就有cocktail 同其他特飲揀，我就梗係飲cocktail啦，味道易入口，同時都飲到酒味!

今晚黎到炮台山比較寧靜嘅蜆殼街, 去左呢間超人氣餐廳開餐｡ 見到呢幅相, 就會明白點解叫超人氣｡餐廳室內裝修都好有格調, 牆上掛左好多星級客人嘅合照｡晚市嘅 Menu 全部都係  A La Carte, 不過款式都幾多｡黑炭黑蒜蓉包蒜蓉包食得多, 但黑色嘅蒜蓉包真係第一次食｡ 蒜蓉包烘到夠晒脆身, 而且加上黑蒜獨特甜甜哋嘅味道, 實在太有驚喜喇 !田園沙律沙律菜款式夠多, 而且非常新鮮, 配上黑醋汁一齊食, 非常開胃｡黑松露意大利燉飯配帶子Risotto 份量略嫌偏小, 但口感煮到啱啱好, 唔會過份淋身, 仲 keep 到有咬口, 同時又好入味, 啖啖都充滿住好 creamy 嘅黑松露香味｡ 帶子經微煎後, 呈半生熟狀態, 無論味道同質感都係 Ichiban 呀｡酥皮黑松露 Pizza第一次食酥皮 Pizza, 超級鬆脆, 而且係好味到會食到成枱 / 成碟都係酥皮碎｡ 中間嘅餡料主要係以蔬菜為主, 但加入左大量黑松露 & 芝士, 令口感同味道都提升,  係必點推介美食｡Pink Lemonade有新鮮檸檬汁, 酸度十足,  唔係用一般濃縮果汁溝, 好睇又好飲｡

由謝霆鋒助手開設的（16shell）位於砲台山，今日去嗰陣落大雨地舖都冇乜人，但係呢間嘢都好多人因為個個book咗枱，門口同埋餐廳裏面嘅牆壁都貼咗好多老闆大廚 明星嘅合照，強烈的明星效應眷顧下，人流當然不少而食物質素應該都好好。今日我六點已經去到餐廳當然係第一個去打卡啦。田園沙律採用帶甜味的黑醋。竹炭黑蒜麵包，本人甚為欣賞，麵粉自帶小麥香，中間有淡淡黑蒜肉，清新的配搭， 夠創意。海鮮雜燴意粉，意粉汁略為多水，但勝在蒜香味充足，原隻大帶子煎得鮮嫩甜美，五成熟夠幼嫩爽滑。優質紅茶底，篤一篤檸檬，特別醒神充滿回甘香。

又同大帝過海搵食，book左6點，準時到達，我地3個人點左左白酒牛油煮蜆，黑蒜包，大蝦意大利飯，帶子扁寬麵，一杯紅莓檸檬特飲黑麻麻既黑蒜包第一次見，食落香脆帶少少黑蒜甜香，好特別亦好味。白酒牛油煮蜆，蜆隻隻都好肥美加埋幾滴檸檬汁更鮮甜，個汁我地當湯咁飲大蝦意大利飯，大蝦爽口彈牙，有d香料好香令隻蝦更加好味，意大利飯有香濃既菇菌味大帝都好鍾意食帶子扁寬麵係欖油香蒜白酒汁，帶子肉質鮮嫩，扁寬麵個汁好清爽唔膩一杯唔記得係紅桑子定紅莓檸檬特飲酸酸甜甜味道唔會假環境舒服，有位帶眼鏡既男士唔知係老闆定員工?好nice,全程笑笑口有同大帝傾下計,大帝期間有少少忟憎，又會氹下佢

上星期個客黎左香港,住左係港島海逸君綽酒店,就約左佢係砲台山見個面,食餐dinner. Um...果面唔知有咩食呢? 等我上網做下功課先! 望落砲台山好多橫街,原來都臥虎藏龍,有好多小店都幾多野食,見到有間西餐叫16 Shell幾好咁,就book左果度食!去到16shell, 見到係間好classic既餐廳,而且有個好長既bar台,好啱靜靜地食飯傾計。我地坐左係靠牆既一邊,sofa對住坐, 原來呢間店好出名,好多明星都有幫襯,似係英皇d friend.頭盤 - 店長話呢度既黑碳蒜蓉包好出名, 一定要試下! 既然係咁,咁一定要試! 個黑碳蒜蓉包又真係幾特別喎,中間好似釀左d蜜糖係裡面,望落好黑,但食落甜甜地,幾好味!食完包包,想試下其他appertizer, 朋友話不如叫個"白酒橄欖牛油煮蜆", 個蜆煮得好香,蜆肉又白又滑,個湯底有好濃既白酒同牛油味,仲有大大粒既蒜蓉!正...食d暖野真係好舒服食完頭盤,就想叫返杯野飲! 我點左杯Pink guava,番石榴汁酸酸地,又唔太甜,好fresh! 朋友仔話唔想飲凍野,所以點左杯Peppermint tea,都好香薄荷味!Main course

意大利餐廳吃午餐，裝修有心思，座位雖然有點窄，但亦明白香港地租金貴，食嘢有質素就可以搭夠啦，午餐套餐包一個湯或沙律，主菜後包咖啡及茶，$120-150一set 午餐不算便宜，分量剛剛好不會太飽。

經過一周的辛勞，星期六特意來到16 shell 食個滿足既brunch chill 一 chill !👍👍👍👍黑炭包烘得好脆口，表面塗上一層甜甜惹味的黑蒜好食過平時既蒜蓉包。👍👍👍👍👍白酒吊出蜆肉的鮮甜，牛油增添香濃度，加上蒜蓉同些少香草，蜆咸香鮮甜，白酒汁更是百搭，用黑蒜包沾汁味道更昇華。 👍👍👍pizza 賣點是鬆脆的酥皮，係其他餐廳好少見，配上新鮮既三色椒，火箭菜，幾有意大利風味，每啖都充斥黑松露香 。👍👍👍👍橄欖油頭香辣椒和蒜頭， 分軟硬度剛剛好， 大蝦煎香口感彈牙，食得出好新鮮。比起咖啡更欣賞酒類，餐後一杯mojito 好清新! 服務亦好周到，適時換上新碟。位置係天后人流唔算多，寧靜地享受美食🍸

聽說天后有家唔落味精的餐廳，今天就帶小米到此午餐。味精MSG monosodium Glutamate，有助食物提昇鮮味，保証＜升鮮＞！可是很多專家都表示這個對人體有害。而個人偏信：食得多味精會引致甩頭髮，和引致黑眼圈。為了小米，和自己頂上的頭髮，就試試這家。周日早上，在中央玩具圖書館玩樂一番後，坐叮叮就可來到蜆殼街口了。中午時分到達，餐廳己有客人。點了二小食二主食，就著小米去清潔雙手。不久，著名招牌菜呈上了。黑炭黑蒜蓉包　　　小米以為是黑松露包包，還食得津津有味。自己當然知道這個包包加了黑碳粉和黑蒜啦！幸好黑色包包較甜身，没有蒜那霸道的氣味，整體是甜中帶酸。而包包很脆身，小米的碟子都是黑粉了！白酒橄欖牛油煮蜆　　視覺：多蒜粒，蜆殼微微張開，底湯較清，没有加入忌廉？嗅覺: 不太刺鼻的蒜香，煮過的蒜蓉。手感：蜆肉頗彈手又微微痴殼。口感和味道：嫩滑的蜆肉頗清甜，除了蒜味，還有酒精揮發後的酯味，甘味。不過鹹鮮帶甘的湯底超好飲，完全感到牛油和蒜的存在。意大利辣肉腸比薩批　　昨天小米在日系超市看到莎樂美PIZZA，心中念念不忘，今天就應其所求。小米認食物英文名，仲快過學校所教的英文。美食，真係可