16 Shell (已結業)

係餐廳撞到明星？我都想呀，可以同佢一齊進餐。🤗原來呢間西餐廳原係由謝霆鋒助手開設，更請來謝霆鋒先生參與菜式設計，所以其菜式更是配搭大膽又新穎。店內裝修優雅，帶出其高尚的格調。每日都會有特別的推介食品，可細看一下。掛滿了不少明星/名人的照片，可惜今日未能見到。煙三文魚沙律煙三文魚既有煙熏的香味，又保留了魚的嫩滑，吃起來相當香口而鮮嫩。意大利辣肉腸比薩批這裡的PIZZA底是以酥皮做成，輕輕按一下，已經碎開，非常鬆脆。餡料方面主角當然是辣肉腸，另外加上彩椒、芝士及火箭菜，顏色更加吸引，賣相更美。吃起上來辣肉腸/芝士味道濃厚，配合彩椒/火箭菜中和一番，令味道更有層次。

一家充滿浪漫氣氛的西餐廳-16 Shell，價位屬中下，但提供到高質食品。黑炭黑蒜蓉包(右）本身係竹炭麵包，面層有秘製黑蒜蓉醬，黑蒜味的蒜香十足，既特別又健康的蒜蓉包。鮮羅勒配意大利黑醋+水牛芝士(左）一款好健康菜式正宗西班牙風味沙律，黑醋配沙律好開胃，番茄同水牛芝士新鮮中帶香濃芝士香。House Special – 黑松露Risotto配大蝦大大粒大蝦，黑松露夠香，Risotto混好多蘑菇。配黑蒜包食，都好match, 好好味!蟹肉意粉配檸檬汁蟹肉&蟹籽十分多，意大利粉夠煙韌，混埋蒜粒&洋蔥粒，好香口。檸檬汁略帶一點點酸，幾開胃，整體上都不錯朱古力好厚一層奶，好香好滑口。Latte 口感亦好香咖啡味！

Chef lemon 🍋 16shell 16 shell 係由謝霆峰設計餐單, 主打意大利菜! 之前已經試過一次，但未寫食評！今日就事隔一年再試16 shell啦!竹炭黑蒜麵包(Black Garlic Bread)真心出色！必叫！麵包夠熱，咬落去好鬆軟，但麵包外圍脆脆的！黑蒜嘅蒜味帶少少酸味，蒜蓉味好夠，好濃郁。白酒牛油煮蜆一上桌就聞到好濃牛油味，用它的醬汁沾著麵包吃，正呢👍🏾👍🏾👍🏾👍🏾 食落白酒味都仲好勁。蜆肉爽口唔霉。另外叫左個Lunch Set! 雜菌松露牛油意大利麵！麵質好彈牙，正！好濃既松露味，雜菌既份量都好多 唯一係淡左小小，加小小鹽更好食👍🏾 跟餐有一個湯/沙律，加一杯飲品！個湯好好飲吖，係蘑菇湯！飲落好creamy好濃！💕總括而言，16 shell可以encore 👍🏾

黎到謝霆鋒助手開既餐廳就緊係想見下謝霆鋒真人啦！前菜 - 蟹餅啖啖蟹肉配上三色椒粒，椒粒唔會太嗆味道，蟹肉真心多，有圖睇無呃人！而且都頗大個，同男朋友一人一個都好足夠！蟹肉好滿足前菜 - 煙三文魚冷盤 將煙三文魚卷成花花，滿足我呢個少女，味道正常，份量都頗多，建議多人先叫呢個！兩個人食真心多呀呢個主食 - 香煎鱸魚鱸魚配上大蝦、帶子、薯仔，用檸檬作點綴，提出海鮮既鮮甜味，大蝦同帶子都好大舊！ 鱸魚又無骨，岩哂我唔會食帶骨魚既人！唔錯主食 - 肉醬千層麵 （推介）千層麵肉醬分明，就禁睇都好治癒！肉醬好多，唔會好酸，不過略少芝士，呢個可以改善一下！飲品 - 檸檬汁香港有賣檸檬汁既地方唔多，呢間就整得唔錯，唔會太甜，不過可以更酸，好鐘意酸溜溜既感覺

朋友介紹話有間餐廳係謝霆鋒嘅助手開嘅，諗住做佢助手對食都有返咁上下要求，所以就去試一試。餐廳環境幾有情調，識識吓都見到好多情侶，孖住入嚟食。店裏亦有好多唔同嘅酒類提供，都幾適合作為約會！呢個頭盤蘑菇爽口，咬落有汁唔會煮到乾晒，加埋芝士、青椒、紅椒，口感更加豐富，係一個作為頭盤不錯嘅選擇。啲蜆比平時食開嘅大粒，十分鮮甜，特別欣賞個汁，有好濃郁嘅白酒味，同蜆非常夾。第一次食酥皮嘅Pizza，估唔到又幾好食。鬆脆酥皮批邊加埋煙煙銀銀嘅餡料，口感滿分。松露意大利飯不嬲都係我嘅至愛，濃郁嘅黑松露同埋芝士再加埋creamy 嘅意大利飯同埋新鮮嘅帶子，成個飯做得相當出色。飲品我點左蕃石榴汁同埋Lemonade, 味道不錯，而且Lemonade嘅份量幾多，建議真係唔飲酒嘅人可以order呢樣。

今晚黎到呢間西餐廳, 佢嘅名氣非常大, 因為話說 Chef Nic 係有份參與菜式設計 餐廳雖然唔大, 但勝任有個落地玻璃, 俾人好開揚嘅感覺, 有一面牆身仲掛滿同明星嘅合照添黑炭黑蒜蓉包黑蒜係養生食品, 用黎整蒜蓉包味道變得甘甜, 少左蒜蓉本身比較霸道嘅味道｡ 麵包烤到外脆內軟, 而且食落去唔會過乾蕃茄水牛芝士沙律用蕃茄、水牛芝士、沙律菜, 再加入黑醋汁, 簡單好味又開胃焗鱸魚將鱸魚、帶子、大蝦、薯仔、西蘭花、車厘茄等新鮮材料用錫紙 & 牛油紙包住拎去焗, 令食材保留到佢地最原始嘅味道, 鱸魚大大件, 又滑好多汁, 大推大推酥皮黑松露 PizzaPizza 邊用上鬆脆酥皮, 材料加入青紅椒、蘑菇、水牛芝士、火箭菜、黑松露, 係零肉嘅 Pizza, 但又估唔到會咁好味, 黑松露 & 芝士完全溶合, 啖啖都係黑松露味, 非常特別Pink Guava有淡淡嘅番石榴味, 非常 RefreshLemonade清新, 檸檬味十足, 味道酸甜, 夠晒開胃

小妹想食蒜味嘅fooddd～ 所以小編就即刻諗起「16 shell」嘅招牌蒜蓉包，梗係要帶小妹黎食好西啦！😏 第三次黎「16 shell」食晚飯，水準一直keep得好好！👍🏻 ⭐️推薦❗️黑炭黑蒜蓉包 Black Garlic Bread 唔好睇佢外表普通，咬開就會發現內有乾坤！😏 麵包烤得外脆內軟， 底層係竹炭麵包， 面層塗左一層秘製黑蒜蓉醬， 味道層次豐富～ 竹炭麵包又夠晒健康！ 黑蒜蓉唔會辣，食完唔會有口氣，但蒜香十足，微甜滋味， 咁特別嘅蒜蓉包，真係只此一家！❤️ ⭐️推薦❗️蒜蓉香椒白酒牛油汁煮蜆 蜆嘅份量毫不吝嗇， 蜆唔算係好大隻，不過勝在新鮮，洗得乾淨，沒有半點沙，鮮甜又有嚼勁！ 醬汁微辣惹味， 蘸麵包一起都好好味！😋 ⭐️推薦❗️黑松露焗釀蘑菇意大利麵 意大利麵軟硬適中，好掛汁， 每一條意粉都沾上香氣十足嘅黑松露醬，好味道！ 半溶芝士覆蓋整個大啡菇，拉絲感十足！ 仲有洋蔥、火腿等配料，增添不少口感～☺️ 意大利辣肉腸比薩批🍕 由「十二道鋒味」主廚謝霆鋒設計嘅酥皮比薩批，梗係唔可以錯過啦！😎 上次食過黑松露味， 今次就試下

今日同好姊妹去咗天后廟一間餐廳，呢間餐廳係謝霆鋒助手開嘅，配答嘅食品都唔差，而且仲幾特別，幾有水準！黑炭蒜蓉包，黑松露薄餅，真係必食！我哋就叫咗4個菜式。。。黑炭蒜蓉包非常特別嘅蒜蓉包，除咗表面係黑色之外，食起上嚟好有口感。蒜蓉味好濃郁！蒜蓉香椒白酒牛油煮蜆蜆肉大大粒，白酒味又夠濃，又爽口。酥皮黑松露pizza一上枱，就有好香黑松露嘅味道，好清新！而且酥皮又香又脆。帶子大蝦意粉帶子同蝦都好大隻，意粉烟靭有咬口，好香。

今晚，友人有啲旅行難題想傾傾，索性不如食番餐，順便聚一聚。3年前曾到訪過蜆殼街嘅「16 Shell」，當時嘅評語喺有讚有彈，但服務嘅印象就非常好，唔知今次再訪，質素有無提升到！印象中，環境就好似無咩點變，但感覺依然新簇。簡約嘅佈置，一室深啡襯白，配以柔和燈光，牆身上有唔少食物相關嘅剪影裝飾，添幾分藝術味。Mojito $75開始入秋，天氣都涼咗，所以友人喜歡涼涼嘅感覺，就揀咗以冧酒、薄荷葉、鮮青檸及梳打混合而成嘅Mojito，一身清爽嘅外觀，入口涼涼清新，配濃味、芝士嘅食物非常夾。Pink Guava $45小弟就揀杯蕃石榴汁，因為，平常都較少飲，而且，蕃石榴嘅味道本身都幾特別。黑炭黑蒜蓉包 $70呢個黑蒜包喺餐廳嘅招牌，一客賣到$70，感覺有點貴，但雖知黑蒜本身價錢都唔平，佢喺發酵過嘅蒜頭，網上摷摷就知有幾好，如抗氧化。除咗加入黑炭成份，令其成為外觀黑色，其實黑蒜味又唔會話特別得好交關，但整體都好香脆，蒜味亦好突出。蒜蓉香椒白酒牛油汁煮蜆 $130睇番個店名「16 Shell」，有個錯覺「蜆」喺另一招牌菜，其實唔喺，但點都好，都想試試其白酒牛油汁煮蜆。上枱時真喺有陣陣酒香，而蜆隻都算

聽聞謝霆鋒助手喺天后開咗一間餐廳。餐單謝霆鋒仲有份設計㗎。今日附近做嘢，見夜晚時間唔算太多人，一於食呢間啦。沙拉。入面有蕃茄，芝士，配黑醋汁，開胃前菜之選。焗釀磨菇，好香芝士味，入面有青紅椒。入口Juicy 。香煎鱸魚用錫紙牛油紙上感覺好特別入面有帶子蝦番茄仔薯仔蝦肉彈牙帶子，嫩爐魚厚肉，醬汁酸酸地好開胃黑松露酥皮pizza，上枱聞到好香黑松露味，酥皮鬆脆，配埋中間配料一流。環境舒服，幾適合一班朋友聚會。

蒜頭這個東西很特別，喜歡它的愛它如寶，不愛的，視它如草。而本人正是它的擁護者，所以每逢出現他的地方，我都會很留意，今晚便來到一間出名吃蒜頭的食肆。Moody$75(vodka,blue curaçao, pineapple juice, cranberry juice)，菠蘿汁的味道比較重，容易入口，不過喝完都會有點酒意。Long Island iced tea$75(Vodka, gin, tequila,triple sec, coke)，看上去好像檸檬加可樂，不過飲落酒味香濃，這款雞尾酒出名飲醉人的。黑炭黑蒜蓉包$70，外脆內軟，黑蒜味道香濃，而帶點甜味，不用加任何東西已經很好味，如果加點牛油，味道層次再豐富一點。白酒橄欖牛油煮蜆$130，蜆不算大隻，不過白酒橄欖味道濃郁，忍不住用黑炭黑蒜蓉包來吸收湯汁，如果蜆肉再大一點更好。鮮羅勒配意大利黑醋水牛芝士$100，水牛芝士，入口鬆軟，有點似豆腐的口感，配合黑醋和蕃茄，便不覺油膩感。白汁黑松露大蝦意大利麵$190，大蝦🍤煎得香氣四溢，而意大利麵吸收了芝士和黑松露的味道，變得非常惹味。紐約芝士餅$50，和其他食肆不同，芝士味道帶點醎，而

10月份好多朋友仔生日， 絞盡腦汁不停搵好餐廳同美食與朋友慶生。朋友係謝霆鋒 Chef Le Mon fans，我記得網上睇過網上有一間由謝霆鋒助手開設的西餐廳叫「16 Shell」，地址: 天后炮台山蜆殼街6-16號寶榮大廈地下B舖。菜式設計配搭大膽新穎，原來由謝霆鋒親自參與同設計。餐廳必吃推介「黑炭蒜蓉包」首間獨創，麵包黑卒卒，味道帶甜，蒜香味濃，非常特別。前菜點了「 鮮羅勒配意大利黑醋+水牛芝士」， 正宗西班牙風味沙律，黑醋配沙律好開胃，番茄同水牛芝士新鮮中帶香濃芝士香。「 白酒橄欖牛油煮蜆」，牛油味極濃，蜆肉甜美，白酒更提升蜆肉香味，加上醬汁可留起點黑炭蒜蓉包，超正!另外新食物推介「蟹肉意粉配檸檬汁」，蟹肉十分多，意大利粉夠煙韌， 檸檬汁略帶一點點酸，比較解膩，整體上都不錯。加杯新飲品「 pink lemonade」 cranberry + lemonade , 超香甜，覺得好健康。朋友生日梗係要來一個Home made cake 慶一慶啦，呢個「 Tiramisu 」幼滑有咖啡酒香，唔會食到好滯，非常好。

今日同一個好耐冇見嘅朋友食飯，佢揀咗呢一間餐廳，而我又未食過就決定試吓。炮台山落咗車行咗一陣轉入小巷行到尾，其實我都搵左一陣😅行到門口見到招牌就入咗嚟啦，呢間餐廳嘅裝修幾靚好多明星嘅相喺度。由於自己早到，我自己就叫咗杯飲品邊飲邊等，我揀咗呢杯Mojito 味道同我平時飲嘅有少少唔同，佢香草味重啲，冇咁甜我哋叫咗呢個黑炭蒜蓉包，味道帶甜幾好食呢度侍應推介我哋呢個白酒牛油煮蜆，佢話配麵包係絕配其實味道真係好夾好好食，呢個值得推介主菜叫咗呢個大蝦雞扒意粉，大蝦好厚肉好爽口，雞扒好脆，不過意粉有啲淡，感覺有啲似中國菜嘅避風塘😅跟住點咗呢個Pizza，個Pizza皮好特別係酥皮，平時對Pizza好一般，但係呢個皮底好味最尾我哋order左個甜品Tiramisu，唔太甜幾好食忘記咗介紹朋友叫咗呢杯blue Hawaii , 佢話椰子比奶較重食完後完全飽到食唔落，最尾要打包左個意粉，因為實在太飽啦份量都好足夠

小妹生日，朋友同小妹慶祝生日揀左呢間星味餐廳係炮台山，由公司出發相當方便同相當近！係木星街落左叮叮，行過隔離街妹易搵到間餐廳！我地叫左個特色小食黑炭黑蒜蓉包加一個白酒橄欖牛油煮蜆，個蒜蓉包好好味，配埋個碟蜆既湯汁點黎食！冇得頂個蒜蓉夠香，個蜆汁又夠甜呢個組合係推介主菜我地揀左個House special 既Olio Combination Pasta, 入面有大蝦同雞扒加Pasta! 個大蝦好爽口又大隻，重要細心挑走左條蝦腸而個雞扒煎得非常香口面頭嘅炸蒜蓉令到個pasta 好惹味！睇下隻蝦係超大隻家另外我地亦叫左個Salami Style Pizza, 呢個幾特別，佢地pizza 餅底係用酥皮做，我係第一次食酥皮pizza! 小妹係十分之鐘意食酥皮既人！所以值得一讚辣肉腸加芝士配酥皮餅底一齊食，感覺原來咁夾家喎！仲好食過原始既pizza 底兩個女人仔叫左兩杯cocktail! 一杯Mojito同一杯Blue Hawaiian! 朋友果杯佢話唔錯！而我果杯 Blue Hawaiian 就好香椰奶味最後share 埋一碟甜品tiramisu！ 係完美既一餐星味生日飯點解我話係星味生日飯！？

位於天后的16 Shell是香港島著名的鋒味餐廳, 亦係老婆最愛嘅食店之一, 當中佢最愛嘅就係餐廳嘅招牌黑炭黑蒜蓉包, 就算返屋企食飯, 佢都會專程買一客返屋企加餸。😆趁聽日係公眾假期, 今晚我地一放工就黎開餐, 由於未到7點, 客人仲未多。我地照舊先點一客黑炭黑蒜蓉包, 飲品, 再揀其他食物。我地點左House Special嘅蟹肉Pasta同店員推介嘅大菇Pasta, 另外加多個檸檬芝士蛋糕, 兩個人share應該好夠食。😁黑炭黑蒜蓉包餐廳招牌嘅黑炭黑蒜蓉包黑蒜味濃, 香脆而鬆軟, 帶有微微甜味, 非常好食。😍蟹肉PastaHouse Special嘅蟹肉Pasta蟹肉非常多, 蟹肉鮮甜, Pasta汁酸咸味適中, 味道層次豐富。👍大菇Pasta大菇上加左好多芝士, Pasta汁味道香濃, 麵質彈牙, 味道唔錯。😁檸檬芝士蛋糕蛋糕唔會太甜, 芝士味濃, 餅底香脆, 食埋呢個芝士蛋糕, 我地兩個都好滿足。😋Mango Juice檸檬汁