1621
176
78
| 餐厅: | Yadllie Plate 야들리애플래이트 (兆萬中心) |
|---|---|
| 优惠: | 国泰会员凭「国泰 - 亚洲万里通」应用程式內会员二维码，赚高达HKD4 = 2里。受有关条款约束。 |
|
条款及细则:
|
|
|
|
影片
开饭介绍
主打手工炸鸡，采用韩国济州岛栽培的新鲜蔬菜及廿多种天然材料混制秘制酱汁，及韩国空运到港的韩国鸡，口感鲜嫩。
继续阅读
营业时间
今日营业
12:30 - 22:30
星期一至四
12:30 - 22:30
星期五至六
12:30 - 23:00
星期日
12:30 - 22:30
公众假期
12:30 - 22:30
公众假期前夕
12:30 - 23:00
以上资料只供参考，请与餐厅确认详情
有关餐厅
有关奖赏计划
优惠
| 餐厅: | Yadllie Plate 야들리애플래이트 |
|---|---|
| 优惠: | 国泰会员凭「国泰 - 亚洲万里通」应用程式内会员二维码，赚高达HKD4 = 2里。受有关条款约束。 |
|
条款及细则:
|
|
|
|
相关文章
今次同朋友嚟到旺角兆万中心11楼嘅Yadllie Plate，晚市时段真系人山人海，几乎全场爆满！店内气氛热闹，非常适合同朋友聚会。推介必试「惊喜二重奏」，顶级肉眼牛扒煎得啱啱好，外层微焦，肉质嫩滑多汁。原味炸鸡外脆内嫩，配埋虾片同沙律，份量足够，两个人share都够饱。芝士辣炒鸡由店员即席炒起，热辣辣送到你面前，鸡肉嫩滑入味，芝士拉丝香浓，每啖都邪恶又满足。呢个极度推荐👍八爪鱼煎饼用上八爪鱼同大量香葱，外脆内软，送上两款酱汁，一辣一唔辣，点嚟食层次更丰富。芝士蟹籽蛋卷每一啖都系爆满芝士同蟹籽，口感非常丰富。鲜虾沙律用料十足，虾只巨型爽口，配埋苹果、腰果、鸡蛋、蕃茄仔、洋葱、生菜、粟米同芝士粉，口感新鲜又多层次。饮品方面，推介「日落流金」$138，一大jar新鲜芒果同菠萝特饮，果香清新解腻，饮落超正！「孩子的浪漫」估计系俾小朋友食～有芝士肠、菠萝、芝士波波同蕃茄仔，色彩缤纷又有儿时回忆。总结一下，Yadllie Plate无论主菜或小食水准都高，价钱合理，环境舒适，系旺角区想食韩式烤鸡及特色小食嘅必到之选！
继续阅读
呢间韩国菜好耐之前喺荃湾食过一次，觉得佢哋嘅韩国菜非常多元化，好多唔同款式都有，原来佢哋旺角呢边都有分店，所以今次就过咗嚟兆万呢边食啦～首先我哋就嗌咗一个 农家鲜泡菜 $38 同埋 鲜虾沙律 🥗$123 开开胃🤤，佢哋嘅鲜虾沙律都几有惊喜，入面嘅虾劲大只又弹牙，仲要速有五只咁多！沙律菜亦都非常新鲜，酱汁就系甜甜地～另外我哋仲嗌咗几款韩国菜，分别系 半半炸鸡 🍗 $218（蜜味乳酪粉🍯 & 黄金蒜香🧄口味） 、 韩式牛肉蛋卷🥚 $135、烤牛肉水冷面🍜 $135，其中炸鸡我觉得系必嗌嘅食物，炸鸡外皮炸得好香脆，而且里面嘅肉都嫩滑，重点系我今次拣嘅呢两个口味都好好味呀！😋😋喺呢度食饭，仲有好多款儿童餐可以选择，一家大细嚟食都唔使担心小朋友冇嘢啱食～ 我哋今次就试咗迷你蕃茄牛肉年糕面 🍅$73 同埋 迷你忌廉带子年糕面 🧈$73，蕃茄牛肉年糕酸酸甜甜咁非常开胃好食，另外忌廉带子年糕就真系好Creamy，忌廉味好重，小朋友一定食唔停口啊！呢度嘅甜品都好多人叫㗎！因为打卡又靓又好食！我哋就最推介蜜瓜雪冰🍈 $98，蜜瓜奶味好浓郁，味道都唔算太甜，仲配埋一支非常好食嘅蜜瓜雪条 同埋 蜜瓜肉，正呀！饮品方面，我哋就试咗益力多米酒 🍶 $63，益力多同埋米酒呢个配搭都几夹，钟意饮韩国酒嘅朋友可以试吓！
继续阅读
人在旺角，走到兆万中心办公，刚好晚饭时间就想起了Yadllie Plate ，门口的韩籍 oppa ，餐厅的氛围热闹非凡，尤其是晚餐时段，经常人山人海，满座的情况，受欢迎程度很高。等位时期待的心情，也会让人更期待接下来的美食。夏威夷阿努哈 ($228)色彩缤纷，眼前一亮的摆盘让人忍不住想要品尝。结合了原味炸鸡、椰丝虾、洋葱圈和粟米，带来夏威夷风情，一口咬下即感受到热带的阳光。金黄色椰丝虾的虾肉鲜甜，搭配椰丝的香气，热带风味。洋葱圈炸至金黄酥脆，增添口感层次。甜美的粟米点缀整道菜，为味道增添了清新。原味炸鸡外皮酥脆，肉质鲜嫩，保留了鸡肉的原汁原味。黄金蒜香无骨鸡 ($135)鸡肉外脆内嫩，蒜香味十足，让人一口接一口，令人难忘。芝士牛肉煎饼 ($138)芝士融化得恰到好处，牛肉的鲜美与煎饼的酥脆，很完美的平衡。火灸牛 ($98)即席火灸高质牛肉，刚好的火灸牛，肉质鲜嫩，搭配特制酱汁，味道出色，让人回味无穷。鳕鱼干海螺伴面 ($145)鳕鱼干的咸香，采用韩国进口的鳕鱼干，新鲜海螺的鲜味，搭配Q弹口感面条，酱汁口感层次分明，小辣刺激刚好提鲜，一看就食欲大开。苹果清河有气清酒 ($58)微甜清新的苹果味道，口感轻盈，清爽的酸度，清新的清河为基础，加入低温熟成的白葡萄酒，微甜的口感，非常适合夏季饮，十分开胃。士多啤梨雪冰 ($98)新鲜的士多啤梨，口感细腻，甜而不腻。蜜瓜雪冰 ($98)甜美的蜜瓜味道，冰条清凉解暑，层次感丰富，口感滑顺，夏季理想选择。整体来说，Yadllie Plate 食物质素高，味道出色，环境热闹，适合朋友聚会或家庭聚餐。
继续阅读
特登嚟呢间新派韩食餐厅，皆因俾佢哋嘅独门健康炸鸡所吸引，听讲系用韩国空运到港的原只走地鸡，配合秘制腌料及薄层秘制干粉所制，当然要会一会佢！建议大家订定位先，因为一上到嚟就已经全场爆满，好彩我哋早就订定位。餐厅装修有似足西式火车内嘅卡座，灯光柔和得嚟空间感十足。食物选择多之余，每道菜水准都不俗，完全感受到厨师嘅心思。半半炸鸡 $218拣咗首尔酱油味同黄金蒜香双拼，外皮同连锁店嘅油腻感完全两回事，炸粉偏向薄脆，咬落鸡肉仲keep住肉汁。酱油味咸甜交织，蒜香味呛得嚟唔辣喉，伴碟嘅薯条同虾片脆卜卜，邪恶得嚟好难停口！白切五花腩 $298摆盘好靓似一朵大花花，厚切腩肉肥瘦层次分明，本身已煮熟，但仍用小火炉蒸热保持温度。用生菜包住再蘸韩式大酱或蒜泥醋汁，油腻感即刻大减，真系好好食，食多两件都唔觉滞。海军酱油汤锅（八爪鱼）$238汤锅落足料，原只八爪鱼煮完依然弹牙，汤底是店家以自家制酱油汤底所制，有种豉油香，清淡得嚟够晒入味，吸汁嘅蔬菜杂菌仲正过主角！加埋辛辣面落去煮，暖胃又唔会过咸。韩式牛肉蛋卷 $135绝对系惊喜之作，滑溜蛋皮包住香炒牛肉，蛋香同肉味平衡得刚刚好，一件接一件食到唔愿停。日落流金 $138叫咗一大瓶日落流金特饮，芒果菠萝组合清新解腻，两个人share够晒凉快。
继续阅读
好有质素嘅韩国美食，之前喺荃湾已经食过，今次喺旺角兆万一样有咁高质素，所以人流不绝半半炸鸡🐥选了原味及乳酪粉炸鸡，炸鸡外脆内软好好吃，两款味道都各有特色白切五花肉 🥓肥瘦层次分明～烤到金黄脆皮 可以用生菜包山葱+韩式酱+蒜头 味道更出色😋八爪鱼煎饼🫓边缘酥脆中心Q弹 配有两款韩式辣酱超美味火焰牛牛腹肉裹上火焰焦香，锁上肉汁鳕鱼干海螺拌面鳕鱼干丝像黄金雨 海螺肉脆卜卜辣中带鲜甜 面条是超弹牙玫瑰蜜桃果茶手调菠萝啤酒呢度有唔同嘅饮品甜品选择，好有韩国feel🥰
继续阅读