【订座感谢祭】快闪$20餐饮券第四弹 激抵亚洲菜优惠
2020-10-09

今时今日嘅香港,样样嘢都贵,连面包都要成$10个,拎住$20可以食到啲乜?

只要你够快手,$20,分分钟就可以食到成只海南鸡,甚至星洲黑胡椒蟹喇!OpenRice由9月21日起,一连8个礼拜举行订座感谢祭,有一连串订座优惠兼抽奖,总之多订就多奖啦。嚟到第四个礼拜嘅$20快闪优惠,系充满风味嘅亚洲菜呀!买$20快闪优惠仲可以获得3次抽奖机会(详情按此),头奖系最新型号Macbook Pro,仲有125份奖等你攞!

即刻睇下有边几间餐厅提供激抵优惠(酒店餐厅都有呀),mark实心水、约定朋友饭局时间,10月12日秒抢$20餐饮券啦!

九龙城铜锣湾   小曼谷泰国美食

$20快闪优惠:泰皇咖喱炒海鲜 $238

由泰国华侨开设嘅泰国餐厅,厨师都系泰籍,食得到地道泰式风味之余,亦有创新fusion菜式。而今次廿蚊快闪优惠嘅泰皇咖喱炒海鲜,啱晒海鲜控,一次过食到虾呀蚬呀青口等多款新鲜海鲜,微辣咖喱香中带有椰香。


北角  Cruise

$20快闪优惠:马沙文咖喱烩澳洲M4牛脸颊  $300

位於酒店顶楼嘅呢间餐厅,拥有无敌海景,主力提供多款现代东南亚嘅美食,摆盘亦见心思。马沙文咖喱可以话系众多款泰式咖喱酱中,相对温和嘅一款,甜中带辣,用佢嚟烩澳洲M4牛脸颊,既能突显肉香,又唔会喧宾夺主。另配印度烤饼,夹埋一齐食又有一番风味。

葵芳  少爷18

$20快闪优惠:下午茶2人餐 $206

只此一间,并无分店嘅呢间新加坡菜餐厅,正宗口味海南鸡一定系佢哋嘅招牌菜,鸡肉嫩滑,份量又多。今次快闪优惠嘅下午茶餐中,都有包到一客海南鸡饭㗎,另外仲有泰式鱼饼、椰汁红豆冰同荔枝红茶。

旺角  Yadllie Plate

$20快闪优惠:海鲜部队锅 (跟辛辣面)  $208

由韩国开到过嚟香港嘅餐厅,以韩国空运到嘅韩国鸡制作手工炸鸡,就连酱汁同蔬菜嘅食材,都系嚟自韩国。暂时去唔到旅行,喺香港都可以食到韩风~ 快闪优惠嘅海鲜部队锅份量十足,鲜虾、青口、蚬,又有烟肉脆皮肠仔卷同午餐肉等等,汤底唔太辣又有阵阵海鲜香,最尾落埋辛辣面,索晒汤汁一定够味。

中环 施心毕老挝餐厅

$20快闪优惠:老挝蕉叶烤鱼  $238

香港有唔少东南亚菜餐厅,但老挝菜就比较少喇。呢间专卖老挝汤粉、小食等老挝地道美食嘅小店可以话系充满特色,值得一试。老挝菜比泰国、越南菜用嘅香料较少,亦较注重鲜味,呢道老挝蕉叶烤鱼,鱼味非常突出!

观塘  哈豆

$20快闪优惠:香酥排骨卤肉饭配腩瘦香菇肉羹  $200

由台湾人开嘅台湾特色小店,最初只系得饮料,慢慢发展到而家有各种各样嘅台湾美食,菜式简单,但就有种回忆中属於台湾嘅味道。舖头内仲有多款桌上游戏提供添。香酥排骨卤肉饭固之然惹味,配埋超足料嘅腩瘦香菇肉羹,绝对系一种满足。

大角咀  乐天经典

$20快闪优惠:星洲黑胡椒蟹  $280

一次过集合晒星马泰东南亚菜嘅呢间新加坡餐饮集团旗下嘅餐厅,以新派现代手法主理经典菜式,选择甚多。但讲到新加坡嘅招牌菜,就点都系星洲黑胡椒蟹,有几个size拣,啖啖辣香,黑椒惹味,蟹钳啲肉仲大大嚿,紥实鲜甜。

太古  Chin Chin Thai Cuisine

$20快闪优惠:海南鸡 (一只)  $238

主打传统泰菜,选用嘅食材亦由泰国直接入口,而餐厅名「Chin Chin」喺泰文系有赞赏人厨艺嘅意思。海南鸡鸡肉细嫩,几款酱料亦各有特色风味,有咸香有酸辣,适合大众口味。

东涌   尚莲越泰餐厅

$20快闪优惠:清迈香柠明炉珍珠斑  $228

东涌嘅朋友仔一样有食神,呢间越泰风味餐厅,装修时尚,仲有户外座位,感觉舒服。清迈香柠明炉珍珠斑同其他泰菜一样,都系加入满满嘅香料制作,香口惹味,加埋清新嘅柠檬汁,既可以辟走鱼腥,亦令成道菜变得更清新。

青衣  Lime Garden

$20快闪优惠:咖喱黄金蛋炒大头虾  $217

位於青衣城嘅越、泰菜餐厅,舖面以湖水绿色为主题,够晒抢眼。锺意食重味少少嘅朋友,或者会对咖喱黄金蛋炒大头虾有兴趣。以咸蛋炒虾,感觉有啲似中式嘅黄金虾,但再加埋香辣咖喱版,送饭最啱。


关键字
订座感谢祭
优惠
亚洲菜
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
5天前
全城抗炎!送上门懒人煮食包及套餐大合集2.0 花胶炖汤/火锅/铁板烧
2020-10-07
牛大人火锅姊妹店!旺角新开台式烧肉吃到饱 任食澳洲 M5 和牛、SRF极黑牛霜降牛肉眼
2020-10-19
【即睇10月生日】酒店半价放题 Tiffany & Co.旗舰店导赏
2020-10-06
高级意大利菜餐厅尖沙咀重开 拥无敌海景 即席炮制经典芝士黑松露意粉+抵食3道菜午餐
2020-10-12