世界各地嘅奇珍料理都匯聚喺香港呢個美食之城內，呢度曾經日夜都係燈火璀璨，無論幾夜都總能夠喺街度搵到嘢食。可惜呢幾年受疫情影響，加上多項防疫措施令到呢個美食之城，變成冰封之城。要將冰封之城再次燃亮，除咗靠業界努力外，最重要都係靠大家嘅支持，集合力量燃起「美食之火」！6月15日，一人一票，完成任務，喚醒美食之城！投票支持心水熱店後，更有機會贏取獎品總值超過30萬！
去餐廳食飯最怕大排長龍，有時等位真係等到咩心情都無晒！所以最好當然係訂定座，一到步就即刻有得食喇～今年特別新增咗訂座組別嘅餐廳，入圍嘅餐廳咩種類都有，包括人氣自助餐、西餐廳、過江龍火鍋店、港人至愛日本菜及韓式餐廳，睇下邊間啱你心水：
高CP值自助餐 普慶餐廳 
圖: puddingkk
長期都好受歡迎嘅自助餐廳，皆因佢唔貴食物質素又好，想食真係要訂座。餐廳設有七個美食專區，提供多款唔同國家嘅特色菜，而大家最鍾意嘅冰鎮海鮮都有好多選擇，包括生蠔、龍蝦、蟹腳、日式刺身等，新鮮鮮甜～而且餐廳仲會不定時推出主題下午茶自助餐，如雪糕主題、芝士火鍋主題及冰火甜品主題，啱晒鍾意新鮮感嘅你！
老字號意大利菜 VA BENE Italiano
曾於中環蘭桂芳扎根超過二十年，一年幾前喺九龍塘重新開業嘅經典意菜鼻祖～以傳統意菜為基礎，糅合其他歐陸菜嘅烹調手法，重新設計更合港人口味嘅新菜式，最推薦平日午市嘅半自助餐！除咗每人可揀一款主茶，仲有得任食自助區嘅新鮮海鮮、烤肉、沙律吧同甜品。主菜主要有意粉、薄餅同肉類，波士頓龍蝦扁意粉用龍蝦蝦殼同龍蝦蝦膏製成龍蝦汁，味道香濃鮮甜。薄餅都係每日新鮮製作㗎～
新加坡美顏火鍋店 美滋鍋 (家樂坊)
圖: Cykman
女士們一定啱食嘅火鍋餐廳，因為呢間餐廳主打美顏火鍋呀。裝修以夢幻粉紅做主題，啱晒打卡！招牌膠原蛋白養顏美容鍋，以瑤柱、雞肉、雞腳、豬手豬骨等熬製超過8個鐘而成，豐富骨膠原，建議食前飲碗湯。想食重口味嘅，麻辣火鍋都值得一試，同坊間唔同嘅係加咗好多中藥落去一同熬成，辣味就較溫和，但一樣咁足料。
日式高級餐廳 FUMI
圖: 玩食小瑩
位於中環嘅日式高級餐廳，松葉蟹肉甲羅燒配法包、FUMI 特製太卷及宮崎A4和牛牛肉牛筋關東煮等都係招牌菜～最近仲推出呢個A4宮崎和牛及松葉蟹腳週末放題，無限量供應日式前菜、刺身、卷物、天婦羅、燒物、松葉蟹腳及A4宮崎和牛，每人可選一款主菜，如日本舞茸野菜小鍋及迷你香蔥碎吞拿魚腩丼，啱晒牛魔王同海鮮控。
超人氣韓國菜 Outdark
圖: 都幾有氣氛嘅韓式料理專門店，招牌菜式包括韓式炸雞、芝士肋骨鍋及海鮮煎餅等。韓式炸雞有甜辣及香蒜蜜糖等口味，炸雞外脆內軟多肉汁，配埋醬汁更惹味。芝士肋骨鍋芝士味好香濃，要將豬肋骨捲上芝士一齊食，味道層次更豐富。而海鮮煎餅夠晒足料，好多海鮮，煎餅香脆而唔油膩，都幾出色，難怪咁受歡迎！
另外入圍嘅訂座餐廳店仲包括Glasshouse Greenery、Greyhound Café Galleria、大將、濟州燒肉食堂、十二味 （尖沙咀）、柞木炭家、快樂小羊火鍋餐廳、淥鼎記、茶聊、The Grill Room、Mini Friday （觀塘）、慢煮工業（白楊街）、Dodam Chicken、滿屋日本料理、蠔站、Yadllie Plate、Sodam Chicken、飲茶、Greenhouse、The Optimist、 Espuma、新羅寶韓國餐廳、Velo Italian Bar & Grill、The Place 及花月庭，揀啱就快啲去投票啦，投票有機會獲得豐富獎品，要知道，你哋每個人嗰票都好重要，係喚醒美食之城嘅重要力量！是次投票分為兩個階段進行，共四個投選組別。每完成一組投票/回答問題(簡稱「任務」)皆可取得火炬，累積滿4枝火炬或以上即有機會可獲$100 OpenRice現金券獎賞！完成所有任務並累積滿6枝火炬，更有機會贏取豐富獎品！
想支持心水餐廳，記得注意返投票日期：
菜式組別： 2022年 6月15日 - 6月28日
地區組別： 2022年 6月29日 - 7月12日
外賣自取及訂座組別：2022年 6月15日 - 7月12日
