龍閣極上火鍋料理 (已結業)

今日下午我們去咗旺角嘅「龍閣極上火鍋料理」飲下午茶！我們叫咗鮑汁鳳爪燜得好腍好入味，醬汁嘅味道唔會好鹹！鮮蝦松露菜苗餃嘅餃皮好晶瑩剔透，入面嘅菜苗好鮮嫩，松露令到味道更加芳香！露筍鮮蝦粉果嘅賣相好似一個鮮黃色嘅福袋咁，入面嘅餡料相當豐富！菠菜襌院上素腸粉嘅腸粉係加入菠菜汁造成，質感好煙煙韌韌，味道好清新！山藥魚肚扎嘅魚肚燜得好軟滑腍身，山藥亦好爽甜！原隻鮮蝦餃好大粒，餃皮非常晶瑩薄身，蝦肉嘅份量超多，而且相當爽甜彈牙！頭抽蔥花叉燒粒炒飯炒得好乾身，而且粒粒分明，叉燒粒嘅味道好香甜！斑頭腩煎脆米嘅米粉煎得好香口脆身，斑頭腩嘅肉質鮮味彈牙！

we got our food really late and some of the stuff we ordered didn't show up until much later after we asked the waiter twice. We sadly did not get our water until the very end of the meal which is quite ridiculus. the staff was disorganized and did not deliver. We really had a hard time communicating with them. that being said, the food was good. Not worth the price but was still good. Though the service completely ruined it.

與舊同事飯聚， 天氣涼涼地大家決定打邊爐， 行過見到喱間望望menu，ok wo,10:30p.m左右入座， 原來有優惠！就上去試試 有點奇怪，火鍋醬料每位$20（通常有d後加先會收）食物方面都不過不失👌🏻 鍋底較遲上，食物上左鍋底都未😂 鍾意食響鈴既您必試，好鬆脆牛粒，味道就一般（有根）4色拼手打丸，吾夠彈牙，味道ok響鈴好味，好鬆脆（即叫即炸）

這天來到旺角的一家中餐廳，非常熱鬧，book左位，完全不需要等。這裡的點心選擇非常多，單單係燒賣，已經有好幾個變化。食物方面，水平可以。環境就比較吵雜。服務呢...人手應該唔夠，長期無人幫忙點餐及加水。至於衛生... 洗手間有「生化危機」的感覺

想食新鮮長腳蟹好耐終於約到腳啦但去邊食呢朋友介紹呢間💗唔係大集團但係旺角咁方便🚄都試下啦原來新鮮長腳蟹係咁嘅鮮味㗎😲再來一隻大閘蟹🦀三送一剛剛好四個人分🐏🐒🐩🦄好食⚘一隻巳超滿足烤豬豬🐷🐷四分一隻生炒糯米飯再加豬肺湯一大碗 🐏招呼唔錯👧地方坐得舒服🐏 🐺但上菜時間配合得再好D就更正😺食完大餐超滿足一天緊張工作後我又再充滿力量啦💪

朋友們生日會，選左呢間食飯，位置非常方便，就在旺角E2出口左手邊的大廈，初頭以為是一間普通的酒樓，入到去坐低後，細心留意周圍的裝修，原來都幾有氣派，環境舒適，仲有2層樓之大，又有好多卡位，係一個唔錯既選擇，下次要試下黎飲茶，因為見到點心既圖片都好吸引，多個選擇比自己嘛！【龍閣燒鵝皇半隻】盛盤下面有2個蠟燭仔，令燒鵝保持溫熱，亦唔會令油份變油膏，非常細心，燒鵝皮仍然有脆身，皮層下有一層肥膏，少少遜色，味道香濃，整體算唔錯，但不是最好。【風味黑椒豬手煲】睇見都感覺到骨膠原啊！切開後，除左皮之外，冇多餘既肥脂，全部都係瘦肉，皮層嫰滑，非常入味，雖然係黑椒，但一啲都唔覺得辣味，$88這個價錢，算係幾抵食了！【鮮露筍蝦球玉帶】原本可以攞5星星，但我比分較為嚴格，蝦球頗為大隻，非常非常之彈牙，好味極了。當中有4隻蝦、4粒帶子和露筍，我扣分是蝦隻太少了，我們8個人怎分配4隻蝦呢？所以有些人不能享受到鮮蝦既彈牙美味，而露筍……我厭佢稍稍淋身左少少，唔夠爽口，雖然份量攞唔足滿分，但值得推薦這道菜式。【脆米安格斯牛柳粒】入面有牛柳粒、雞脾菇切粒、冬菇切粒和少少脆米點綴，牛柳粒好稔，一啲都唔韌，菇粒配搭好夾

終於試左呢間火鍋，食物係夠份量但價錢真係偏貴，牛肉無叫，海鮮無叫，菜無叫，麵食無叫，又無叫飲野，食左啲普通野，每位除番開都要成280幾蚊，唯一既好處就係坐得舒服，唔限時，但真係貴唔抵食所以無下次！

久違了的姊妹晚飯局，召集在7月4號晚上，「龍閣極上火鍋料理」，人齊點菜，小W不愧是食家，之前試過就推介我們：$38一隻特價美國龍蝦，我們六位美女，要六隻，三隻蒜茸開邊蒸，三隻上湯焗加一份伊麵$40龍蝦肉質爽口彈，三個字可以形容：平、靚、正。$148特價燙手醬烤乳豬半隻件上，噢！熱石按摩就試過唧，有熱石暖著烤乳豬上枱，我真係大鄉里，第一次見識，咁就事不宜遲，動筷啦！皮脆肉滑又大大件，真係無得頂！$26脆皮皇子鴿，要三隻都只不過是$78，真係仲抵過食炸子雞喎！$78濃湯鮮蝦浸時蔬，雖然比較平淡罷，但起到平衡作用！$138猴頭茹粟米燉豬展（四位用）但我們六位都夠飲喎！咁高興，梗係要啤啤佢，特價法國K1664五杯其$210，酒精成份低，茉莉花香味撲鼻，很喜歡這份酒香。飯後甜品是：楊枝金露、焦糖燉蛋。我的楊枝金露，奶味較重，尚可！平均每位姊妹$222

今日中午我們去咗旺角嘅「龍閣極上火鍋料理」飲中午茶！我們叫咗迷人小水母、蟹籽燒賣皇、鮮竹鯪魚球、野菜鮮蝦米網卷、鮮蝦炸雲吞、銀芽肉絲脆麵、午市孖寶：金銀蒜蒸斑頭腩飯同上湯浸時蔬！迷人小水母係可愛版嘅蝦餃，賣相好精緻吸引，餃皮好煙煙韌韌，蝦肉好鮮甜！蟹籽燒賣皇嘅肉質好爽滑彈牙，蝦肉亦好鮮甜彈牙！鮮竹鯪魚球嘅肉質相當爽口彈牙，而且鮮味十足！野菜鮮蝦米網卷嘅米網紙炸得相當香脆，餡料非常惹味豐富！鮮蝦炸雲吞炸得超香脆，蝦肉好爽口彈牙！銀芽肉絲脆麵嘅脆麵炸得超級香口鬆脆，肉絲係另上，唔係平日嗰啲將肉絲放上面，所以唔會令到脆麵變腍，真係超正呀！午市孖寶：金銀蒜蒸斑頭腩飯嘅斑頭腩嘅肉質極之鮮嫩彈牙，魚皮非常煙韌彈牙！上湯浸時蔬係溫室豆苗好青嫩，但草青味比較濃，但份量就相當多！

週末早上相約親友到旺角茶聚，親友説這家龍閣水準不錯，而且就在港鐵出口旁，十分方便。酒樓面積不大，分設上下兩層，卡位比大圓桌多，適合三五知已嘆茶。電梯旁的卡座人流較多，窗傍的卡座最為舒適。 正值午市時段，小點$14，中點$19，大點$23，雖然下午茶跟午市點心同價，但下午茶有$22自選兩款點心優惠，相當抵食。在點心紙上發現有鳥籠點心之外，好些㸃心賣相也相當精緻，選擇亦多，比傳統酒樓特別！ 漁家艇仔粥($19)粥底挺綿滑，配料細碎，只有魚片和肉粒，清清淡淡的，味道還好。 野菜鮮蝦米網卷(中點)內餡豐富，有不少菜絲、蝦肉、蟹柳，鮮甜爽口，只是米網紙略為厚身。 大良炸鮮奶(午市優惠/$21)外層是薄麵包，牛奶摻了粉，味道不算正宗，即炸的關係金黃香脆，但奶香不算濃。 原隻鮮蝦餃(午市優惠/$23)一客四隻相當飽滿，皮薄而且蝦肉不少，最驚喜的是蝦汁多，咬下滿口鮮美，不錯！ 花膠瑤柱灌湯餃(午市優惠/$23)湯鮮料足，灌湯餃外皮厚薄適中，內有鮮蝦、豬肉、莞茜等，結實飽滿，還有原片花膠，物有所值。  清甜薑汁糕(午市優惠/$16)薑汁糕太軟身，不夠煙靱，薑汁味黃糖香蓋過，可以更好。  田園叉燒腸粉(下

良朋知己喜相逢 有時最可以訊說心底話既未必一定係你最親的人有時同你於不同時間經歷不同的事物的人 可能表現得更真更到POINT相約幾位相識數年的朋友 談天說地 由內到外 再由外到返內 無所不談 談正經 談風月 無一不講 真暢快!!!正經事當然要醫好五臟廟先啦!! 唔係有力氣講高講低 手打四寶丸 豬肉 牛肉 墨魚 貢丸 喂!! 勁大粒 勁彈牙 手打真係唔同 入口有種膠感彈到我地差啲唔知點去應付佢手切鮮羊肉片羶味都幾重 但若然你鐘意既話我覺得絕對唔差我自己就普通啦 肉質唔UN 簿切既功用就係想佢快熟同無咁多肉組織痴住算係入到口咬兩啖就吞得 鮮肉有個好處就係少左陣雪味 食到真味道 手切鮮肥牛 厚切既形式 雪花編排都相當唔錯 比例唔會太差份量都絕對多 唔會食你唔飽 一淥即熟 即使你淥到佢WELL DONE都絕對唔UN牛味重 彈牙肉質有咬口 基本配置就緊係芝士腸同水餃啦芝士腸一咬即爆芝士 味道正常無偏差 水餃波簿饀料都算合格 豬肉白菜餃 翠綠白菜配肥肉又幾好味松茸麵 講堅真係第一次食細細個唔知佢有咩咁特別 但朋友們話要試所以點左松茸麵既成品 望落有啲似深色左既粗麵但松茸味極重 令到個煲成個都係呢隻

呢晚我地８點４去到等位，等阿等，等到８點９有其他人來等位問係咪９點入座有半價，知客話係啦，伊~ 我地都得左咁耐，如果８點55分有位唔抵？所以去問下知客我地９點入座係咪都有半價，佢又答係喎，咁我地就慢慢等啦，到2105終於有位喇。其實呢到前身都係一間酒家打邊爐嘅，雖然價錢平Ｄ但環境比較污穢，仲有蚊咬添；而家轉左另一間，雖然同一位置，但環境好得多，座位也較舒適寬闊添，雖然各樣食品價錢係貴嘅，不過的確係新鮮且份量算大，如果９點來有半價都算物有所值嘅！！火鍋醬料都有好多選擇，且可以不止拎一次，試過係出面食只可以拎一次，會唔夠喉架嘛，呢到幾好。9時後入座全單半價① 菜乾豬肺湯 ($148)② 灌籃達人(野菌蔬菜籃) ($138)③ 鮮炸響鈴卷 ($48)④ 芋絲 ($48) x 2⑤ 原味香豬仔午餐肉 ($38)⑥ 鮮炸魚皮 ($48) x 2⑦ 招牌手切肥牛 ($298)⑧ 台灣香菇貢丸 ($78)⑨ 自選雙拼餃(花膠雲吞餃)(鮮蝦水餃) ($88)⑩ 長腳蟹棒 ($88)⑪ 花枝片 ($98)⑫ 稻庭烏冬 ($48)⑬ 華昌滑雞件(半隻) ($108)火鍋醬料每位 ($20)Total =

今日下午我們去咗旺角嘅「龍閣極上火鍋料理」飲下午茶！我們叫咗蟹籽燒賣皇、田園叉燒腸、香芋蒸排骨、鮮竹鯪魚球、滬式小籠包、懷舊臘腸卷、上海菜肉包、南乳豬手、荷香糯米鷄、白灼唐生菜同地魚沫炆伊府麵！蟹籽燒賣皇嘅蝦好爽甜，肉質亦好結實彈牙！田園叉燒腸嘅腸粉好薄身同嫩滑，叉燒嘅味道好香甜！香芋蒸排骨嘅排骨唔會好肥膩，而且肥瘦都幾平均！鮮竹鯪魚球嘅鯪魚肉非常爽口彈牙，鮮味十足！滬式小籠包入面嘅豬肉軟滑鬆軟多汁，湯汁嘅味道好鮮甜！懷舊臘腸卷嘅包質好鬆軟，臘腸嘅味道好香甜，而且唔會好油膩！南乳豬手炆得幾腍幾入味！荷香糯米鷄嘅餡料超多，糯米亦好煙煙韌韌！地魚沫炆伊府麵唔算好乾身，但味道幾惹味！

相約在好友在旺角飲茶，要我找地方。馬上求救於飲食黃大仙-開飯網。只有此店的食評是沒有哭臉的，就這間吧。星期一，十點半左右，等了五分鐘左右才有卡位。 黑松露蘑菇包，賣相一流，個子很大，包的部分很鬆軟，餡料略嫌不足。 潮州蒸粉果，用料十足，味道很好。四隻粉果非常痴纏，拉拉抯抯，無一可原整分離。如果這剪不斷理還亂的局面不會令你的飯局尷尬的話，此款點心是不錯的。 濃湯海皇鮮竹卷很值得推介。整個製作油份比較低。無被芶芡包圍的鮮竹卷，浸在清湯裏，更能嚐到鮮竹的真味。 潮式糯米卷做得很雅緻。薄薄的包皮裹著厚軟的糯米芯，味道不過不失。 黑松露帶子腸只有淡淡的黑松露味。帶子絕不欺場，有咬口，值得推介。 黃金脆豆腐的脆漿很薄。值得讚的還有跟上的醬汁，帶點甜，令脆豆腐的味道更上一層樓。 原味紅棗糕不甜，是一款健康甜點。我們還要了一份班蘭千層糕，賣相和味道相當不錯。此款點心比較特別，不容易在其他地方品嚐到，可惜混亂中無拍到照片。

今日下午我們去咗旺角嘅「龍閣極上火鍋料理」飲下午茶！我們叫咗潮州粉果、醬皇蒸鳳爪、黑蒜蒸排骨、脆皮鮮蝦腐皮卷、蠔皇叉燒包、車仔豬腸粉同紫薯煎堆仔！潮州粉果嘅餃皮好煙韌彈牙，餡料亦好豐富惹味！醬皇蒸鳳爪炆得還算腍，醬汁都幾惹味！黑蒜蒸排骨嘅賣相唔係好吸引，芋頭嘅份量比排骨多！令本人有啲失望！脆皮鮮蝦腐皮卷炸得相當鬆脆，鮮蝦亦好彈牙！蠔皇叉燒包嘅包質非常香滑鬆軟，叉燒嘅味道亦好香甜！車仔豬腸粉相當嫩滑彈牙！紫薯煎堆仔嘅口感超煙韌彈牙，紫薯嘅味道非常香甜軟滑！