龍門客棧 (麗豪酒店)

营业中

休息中

前天正日有事忙, 昨天才補祝母親節, 媽媽很好沒有耍脾氣~~~看見這裡有很多好評, 媽媽又喜歡吃上海菜淮揚菜之類, 決定帶家人來這裡慶祝母親節~餐廳布置優雅整潔, 人又不多, 正合媽媽意~它有多款套餐, 有翅有海參有燕窩, 幾抵食, 但媽媽不吃魚翅, 所以決定散叫莧菜河蝦豆腐煲 - 豆腐好滑有豆味, 河蝦爽口但略嫌細隻了少許...小籠包 - 我沒吃, 因為只有四隻, 聽他們說湯汁濃郁, 皮厚薄適中, 肉質就ok担担麵 - 麵質屬於 "林"身, 吸了湯汁後更加有點似麵糊, 但湯底搭救, 有香濃花生味, 不會過咸, 又有少許花生碎混於湯中增加口感, 少少辣好惹味呀!醬汁炆元蹄 - 樣子很漂亮! 一看就知油分十足, 點這味餸時很掙扎, 媽媽不能多吃而我又怕肥, 但媽媽見爸爸和細佬都想吃就叫了。結果選擇是十分對的, 元蹄上肥下瘦, 點汁一起放入口中油香豐腴, 有咬口不會一味的肥膩, 正!!! 就算之後跑3km步都值~富貴雞 - 外表一點都不富貴, 配料亦然, 但將雞切開與淮揚梅菜同吃, 味道出寄的夾! 那個醬汁類似梅菜扣肉的汁, 送飯一流! 梅菜不是吃慣的那種, 而是質感爽口彈牙的。沙窩雲吞

上兩個星期本來已經想試. 但去到門口見一檯客都無, 有D驚. 今日路過見入面都算有一檯客, 忍唔住終於入去坐低咗裝修幾靚. 心形茶杯都幾有心思. 不過因為形狀既問題, 其實有D難用4個人叫咗4個菜:滬江糖醋排骨:　唔太酸, 醋既甜味剛剛好. 不過肉質有D太乾乾蔥牛面額: 好'林'好入味! 好味到想encore乾扁四季豆: 偏咸, 一般 松子黃魚: 唔會炸得太乾, 過得去. 自己同媽咪覺得有少少'聲'. 不過阿爸覺得好好食喎點菜後發現 DBS & Heng Sang 白金卡 每逢星期一有68折!

一行7人8:30pm黎左呢度慶祝媽媽生日, 環境好好, 估唔倒咁好, 氣氛都好好但d 人好快食完, 好早清場咁我地叫左...小籠包4件 x2, 砂鍋雲吞雞, 四季豆, 宮保雞丁, 雞絲粉皮, 膳糊, 膽膽麵, 雪菜上海年糕, 旦白炒飯, 烤夫其實大部份野食都好好食, 水準好好, 以下幾樣一定要講下...砂鍋雲吞雞: d 雞有雪味, 個湯唔好味好澀, 唯一最差o既一樣...小籠包: 媽媽話好地道, 好好味宮保雞丁: 好好食, 有少少辣, 我覺得岩岩好, 怕辣就唔好要呢個啦雞絲粉皮: 我地有幾個都覺得好好食膽膽麵: 冇咩花生味, 岩晒唔中意食花生o既人烤夫: 呢個都好好味有好多張信用卡做緊8折, 唔問都唔知, 好彩見倒水吧上o既promote牌叫左11樣野, 折左都係$920, 好滿足好抵呀

呢間客棧都幾偏僻...環境有點古代色彩.而在酒店服務都有信心保證...茶....好正...味道清而甘香......嫩雞煨麪.如果係一間普通的上海菜店..就好高分.係酒店就普通的....我感覺不似煨麪似湯麪..而雞肉少.湯底都清甜...而小籠飽.汁多..用好得意的容器裝住,防的汁漏出來.而肉都好新鮮...好有心思....雖然唔錯.....但地方偏僻.都唔一定有回頭.......都有笑臉的

上個星期六book左張台食晚飯, 係火車站轉車搭左5分鐘就到啦! 入到去環境好舒服, 裝修設計不錯.,靜靜地幾舒服 醉雞: 好香花雕酒味, 好滑, 一流小籠飽: 個皮好薄, 多湯汁, 都幾好食上海炒年糕: 夠煙 ”un”相當有水準沙鍋雲吞雞: d雞好淋, 好有雞味, 個湯好好味担担麵: 彈牙, 唔夠味,ok松子黃魚: 本身唔係幾鐘意食魚, 但甜甜酸酸好開胃, 酸甜汁好正高力豆沙/擂沙湯圓: 一般 P.S.: Waiter服務態度親切, 佢推薦俾我地個幾碟送都好好食, 下次一定試埋佢地個龍門炒飯

XMAS..2009 每處地方都無得BOOK位, 且要限定你食佢地既SET, SO惟有轉下新意思來呢間好多人贊既地方啦...小籠包..D湯味有D怪, BUT好薄既皮糖醋小掛骨...唔錯雪菜炒年糕...D年糕太UN...要"照"好耐担担麵....唔錯, 幾好味嫰雞煨麵..勁差..D湯同麵都勁唔得酸辣湯....幾好..桂花小丸子.....唔錯高力香蕉豆沙....不太特別, BUT都幾好味環境裝飾都幾靚, 所見地方十分乾淨,WAITER SERVICES也不錯WOR如是想和朋友一起聚下, 慢慢食和坐既, 此處都可算是OK的一餐

好在一早BOOK左枱星期六食晚飯,因為到七點已經座無虛席啲餸細細碟,可以試多幾樣,唔錯。小籠包: 師傅手勢好好,可以用筷子夾住O黎「FING」都唔爛。紅油炒手: 唔太辣,正 上海炒飯: KEEP到水準。擂沙湯圓: 上枱仲熱辣辣, 一口食哂。仲有一個湯,不過唔記得咩名。唔太咸幾好飲。高力荳莎: 唔知點解入面有香蕉..不過都好味。荳漿就細細杯,唔夠喉。

沙田富豪「郵輪之旅」，以龍門客棧的中式午膳作結。作為「客棧」，裝修甚具中國色彩，環境舒服得很，奇怪是星期六的下午，店內竟空無一人，實在有點愕然。指定的二人淮陽套餐，由頭盤至飯後甜品，菜單可算是十分豐富。頭盤分別有四喜烤夫及燻魚，前者的「四喜」分別是鮮冬筍、木耳、毛豆及金針，烤夫入口帶點煙韌，煮得相當入味，水準不俗；燻魚則向來不是我所好，肉質是軟滑的，只是內裡多骨而令人卻步。接著是宋嫂桂魚羹，放了不少筍絲，再加入蛋白絲、魚肉等，不止賣相討好，味道濃濃的十分合我胃口。自選菜式二選一，在鱔糊及蔥爆牛肉之中，選擇了後者，可惜水準卻有待改善，當中牛肉尚算腍滑，卻略嫌醃得不夠盡，入口帶筋，是少少的瑕疵。吃過健康清淡的雪菜毛豆百頁後，就是所謂的「嫩」雞煨麵，雞肉切粒煮得過火，入口極「鞋」，奶白湯底看似像樣，輕啜麵條，卻發現味道十足十「索晒湯」的公仔麵，為這頓午膳帶來反高潮。飯後甜點是桂花榚，甜味拿捏剛好，更散發出桂花的幽香，清新怡人。在繁忙生活中爭取時間去享受人生，讓身心得到充分休息，藉機吃些美食，整個體驗相當不錯，比去澳門更方便呢。

呢間開左咁耐, 今日都係第一次嚟 咋...叫了4人set, 揀左酸辣湯, 烤夫;主菜有蔥爆牛肉, 小籠包等;全都很有水準, 上海籍貫的朋友也說很像樣!炒年糕幾出色, 一讚.服務也ok.每人百三蚊, 好像略貴呢~

同老婆仔兩個人一向都幾好上海菜，而自己住沙田，openrice又有80%off優惠，一於去試一試先。七點鐘到達，唔駛等位，very good。裝修好有中國feel，d座都坐得好舒服。`醉轉灣:雞肉滑，但酒味唔太香囉。雲片白肉:白肉及粉皮夠爽口，個汁點粉皮一流呀!宋嫂桂魚羹:魚肉羹一道，足料，夠清冇魚聲味。南翔小籠包:比一般小籠包優勝，有湯汁外，更有肉汁。走油元蹄:肥肉夠稔，入口溶化，汁唔太甜，兩個人食晒成碟都唔覺溜。整体裝修夠舒服，食物味道中上級，服務細心。用左coupon，盛惠$376，價錢合理。P.S. :晚市套餐，會計當日溫計比折，如當日28度，套餐就72折，我同老婆仔打趣話「下次一於三十幾度先再o黎食過，有六幾折仲抵食D。」

星期三,生日宴,選咗龍門客棧,試過了月光光和河夢,都有一定水準.喜歡佢地友善嘅服務態度,我和我honey都係簡單嘅人,食得安心,放心已好滿足,今日亦唔例外.無論食物質素,服務,優惠,我們都比足101分.涼冸小食三垪 - 挑選了無錫脆蟮,煙勳蛋都做得出色;雲片白肉也不過不失,如果醬汁濃多一點就好.川椒蝦球和豆酥桂魚片 - 啖啖肉竹笙干貝扒津白 - 足料配搭小籠包 - 好味!湯汁好夠,好香嫩肉香.乘出來的工俱可避免湯汁流失,為外地人設想.桂花凍糕及桂花子- 一定要講吓,好耐未食過咁香嘅桂花酒釀丸子,已經好飽,但都享受到嗰種香味..p.s. 上Open Rice列印優惠重有七五折,去到先知,你地下次記得Check咗優惠先去食飯喇!

公眾假期很難找到好吃又有位的地方, 從openrice下載優惠券, 又見到啲食評鬼咁吸引, 便book咗食晚飯。 嘩！七點幾鐘去到, 成個場得三枱客, 如果唔係睇咗openrice有咗心理準備, 都未必會走入去食飯。一行三人點了小籠包 : 好味, 皮薄肉多, 可以再多啲湯汁仲好 烤麩: 好味, 材料充足 葱爆牛肉: OK啦, 啲牛肉如果唔用梳打, 令願硬口小小有返多啲鮮牛味 雲白肉: 幾好味, 如果切得薄啲, 加埋啲汁仲完美 酸辣湯: 好味, 材料切得好仔細, 好久沒有喝過這麽平衡的酸辣湯, 出面食店 不是過酸, 便是過辣 担担麵: 好味, 味道好食過而家紅磡果間, 啲麵可以(綠)短啲時間可以彈牙啲仲好仲好想試埋其他嘢, 但已經好飽, 準備下星期再去食過, 好咪!!!用咗openric

很喜歡龍門客棧的冷盤，很有風味。鎮江排骨細細件，不太肥，酸甜味剛好，很開胃。還吃了侍應推介的燻蛋，果然好正，好濃煙燻香味，配上鹹鹹地既魚子，味道好夾。仲有我最鍾意既糖心蛋黃，俾幾十蚊食隻出奇好味既蛋，其實都極之值得。 仲點左沙鍋雲吞雞，乾燒大明蝦，雪菜炒年糕，鍋貼等等常見既上海菜式，款款都有水準，夠地道。沙鍋雲吞雞好足料。可惜鍋貼煎得不夠脆，但好在餡料夠多啦! 餐廳環境清靜，裝修富古典味，同爸爸媽媽去最啱!

返鄉探親之余﹐因為特別喜歡上海和揚州菜﹐便和父母特為到了這間龍門客棧來試試其標榜正宗的淮揚菜餚。適逢週末12點30分﹐但卻沒有一個食客﹔我們一行人是第一桌。翻開餐牌﹐點了鍋貼﹐干絲﹐蝦仁鍋巴﹐松子黃魚共三菜一點心。買單一共600有找(匯豐信用卡有9。5折)。平心而論﹐鍋貼做到不錯﹐干絲就根本不是正宗的(正宗的應該是從一塊豆腐細細一刀一刀切成比較有厚度和韌度的細絲)﹐龍門的只是用俗稱百葉(上海豆製品)切成的﹐非常得薄。蝦仁鍋巴不是茄汁的﹐蝦仁馬馬虎虎﹐鍋巴做到很脆﹐不過覺得味道沒有其它地方茄汁蝦仁鍋巴好吃。值得推薦的是松子黃魚﹐份量足﹐做工精美﹐味道也很不錯(甜酸味道)。

呢排咁多節日,食自助餐同西餐都食到好悶,咪同女友試下麗豪龍門客棧,反正泊車又唔駛錢.餐廳以紅黑做主題,枱面同座位好寬闊乾淨.食得勁舒服D野食小巧精緻,待應好睲目快捷,一貫四星酒店作風. 魚更,酸辣湯----味濃不咸 小寵包 ----好多湯,肉饀崧軟(正過台灣鼎泰豐) 鎮江骨 ----勁入味~正 油淋雞 ----肉質軟滑,塊皮都好食 龍井河虾 ----爽甜,茶味夠 瑤柱炒飯 ----炒到一粒粒,蘇Good以性價比黎講,真係唔錯,唯獨是附近無乜商場好行.