龍門客棧 (麗豪酒店)

营业中

休息中

今天剛剛到車公廟還神後,到河畔花園想揾東西吃,特然看見麗豪酒店有間龍門客棧,以前到新機場都有試過,唔想到沙田亦開左一間.唔知係咪新開張,地方好企理,座位舒適但光線較暗.我點了個2人餐,有頭盆,酸甜辣羹,但唔夠辣.清炒河蝦仁非常鮮甜爽口,百合小堂菜很入.但甜品酒釀丸子略為淡口.但共有八款菜亞式埋單用白金信用卡亦有78折.服務非常殷勤快捷,唔洗自己沖茶,值得一間ENCORE之餐廳.

繼河夢、月光光之後，這次的目的地，是這間主打淮揚菜之龍門客棧....店子名稱很有江湖意味，但裝修卻是十分的高貴典雅，古味盎然。當然價錢也是眾麗豪餐廳之最la...偕同太座及友人一家，可以叫多幾味來吃吃，也是樂事一樁...前菜來個烤麩及燻魚是例牌動作。這裏的烤麩弄得碎濕濕的，很有手掰的味道，而且味極甜極濃，頗對小弟口味。但很奇怪的是，吃上口是熱辣辣的，感覺很怪；燻魚吃不出甚麽"燻"味，卻只是一味死甜。跟烤麩相反，這個卻是凍冰冰的，奇怪葱爆牛肉也是在水準以下，關鍵是那個被梳打蹂躪得體無完膚的牛肉....火腿津白普普通通；粗炒不夠油也不夠甜，可幸麵條已上哂色，還吃得過.....小籠包內的湯汁是足，但肉不算特別鮮。湯雖多，又有何用 ?生煎包底不算煎得很脆，肉也是跟小籠包的一樣是不太夠鮮，是一個不太合格的製成品....環境佳，服務也算貼身，但食物卻是平平無奇。七五折後還要每人百五大洋，就自己來說，是有點不太值了...

上兩個星期去沙田玩本來打算之後去regal riverside 間意大利0野dinner可惜門面裝修得勁唔吸引所以冇入去之後去左龍門客棧由於得2 個人食, 所以只係左叫左幾樣送小籠包, 排骨麵, 走油元蹄同埋樟茶鴨小籠包真係唔講得少, 小油多汁皮薄 ... 正!但最重要ge係溫度因為小籠包最緊要熱食元蹄個樣好似屎不過我最欣賞ge係個汗甜甜用來點伴菜岩哂而且個元蹄炆到岩岩好淋唔駛點咬都可以食到,又唔係好肥.樟茶鴨可能係煮法ge問題所以好乾爭爭不過好入味仲有d 似西餐既煙鴨胸而今餐最難食,係個排骨麵,原來簡單ge係最難整..個麵好淋可能係太熟,又冇過冷河而d湯清淡,仲要清到好清..........不過建議大家多幾個朋友一齊去因為太少人好多野都試唔到下次一定會去試埋佢地ge 醉雞

今天跟朋友聚餐, 網上見呢間新開，試下先~之前book 了枱, 但可能後午巿(1:30), 同地點比較偏僻(入口位幾怪下), 所以都有位的, walk-in 都應ok。入到去, 個feel 幾雅置, 很舒服, 地方少少, 但都唔會有咩局促感，好有古典風味。但係可能因為地方少, 所以唔好諗住一大班人來食囉。今天四人, 唔諗lu, 叫了個每位138的四人午餐唔記得菜名, 都係一般京滬菜的名啦, 食過就知都係那些「准揚風味」前菜三碟：醉雞--嘩！比我想像中大碟, 兩隻雞脾做醉雞, 少有呢~幾香鎮江肴肉--唔差, 肴肉正常咁既feel囉, 但係有三排, 所以都係幾多下脆皮素鵝--幾脆, 唔係唔好食, 但唔夠有特色湯：招牌酸辣湯-- 唔辣, 帶酸, 分到約六碗小菜：蝦仁--幾好味, 少少鹹, 餸之後個炒年糕幾好炒年糕--淡淡地, 唔會太滯, 但食完當然會好飽桂花魚塊--很脆, 很入味, good!!上海白菜--清甜^^整個餐味道都不錯, 清清地, 唔油膩, 份量多, 所以真係幾飽下, 完全覺得自己好似在食晚飯。服務很好, 食個午餐個幾鐘都換了三次碟呢~環境古典幽雅, 靜靜地, 幾個朋友慢慢食傾下

星期日同朋友到此店試上海野，我地叫左小籠包 ：皮薄多汁，唔肥， good醉雞 ：花雕好香、 最正d 雞皮，好脆口鎮江肴肉：足料唔咸樟茶鴨半隻：呢隻野唔掂，好肉 "un" ，上枱唔似有半隻奶油津白：一般京醬肉絲配薄餅：ok整体滿意，尤其是坐得舒服，環境清靜仲用左openrice d coupon 有折，每人只需百幾元！如果冇折就貴 d 了

龍門客棧是麗豪酒店既新餐廳, 試過水準不錯, 而且有酒店服務。坐得舒適。宋嫂魚羮好好味, 足料有魚肉, 好有鮮味, 我也吃過上樓既宋嫂魚羮, 是很咸很咸既生粉水。担担麵好辣, 好麻, 很有特式。蜜汁火方很獨特, 淡淡花香, 不覺得是人造香味, 不過得果幾塊, 嫌少得濟啦! 醉雞都好好味, 好滑!

麗豪酒店呢間新既上海菜館, 好寧靜舒適。點了走油元蹄, 好夠醬油味, 唔覺肥膩。担担麵味道好獨特, 很麻辣, 同其他好多麻醬的担担麵不同, 愛辣的朋友值得一試。還有酒釀丸子, 好清甜, d丸子軟綿綿, 煙煙韌韌, 口感極佳。整體來說, 有上海風味。

見有新餐廳開幕，急不及代同老婆黎試下 小籠包 - 雖然小籠包皮乾了少許，但勝在夠薄而且包住滿滿清甜既湯汁，且肉質鮮嫩稔滑，難怪係招牌之一。 元蹄 - 份量大，醬汁濃稠帶甜，元蹄肥美，唯凈肉既部份唔夠稔，伴碟既還有小棠菜。 服務殷勤貼心，地方裝修典雅，暫時人唔多，可以慢慢坐下傾下，食得舒服。 現在數間銀行既白金咭都有78折優惠，普通咭則有88折。

上個星期見麗豪酒店新開左一間新嘅淮陽菜,於是叫埋三個朋友去試食。十二點幾去食飯,間舖冇乜人。點左一個餐,四位起。$128有....南翔小籠包: 四粒。熱辣辣。(聽講可以將個小籠包盪鞦韆)。不過唔記得試..煎煱貼: 煎到脆卜卜, 不過燶左啲..銀絲卷: 好味,不過不失..上海春卷: 煎到脆卜卜,好薄,多餡。雞絲粉皮: 個皮好味囉...火腿津白湯: 有金華火腿,冇味精。我啲同事飲到一滴不留...崧子雞米上海簿餅: 一般..百葉小棠菜: 一般..青菜煨麵: 個湯淡左啲.不過幾好味...至於精選甜品就係桂花糕: 勁淡...淡到冇味。

一向都好鍾意食上海雞絲粉皮, 前幾日去麗豪酒店地下既龍門客棧食上海菜都有點, 點知其他幾個friend都話好想試多幾款冷盤, 我們3人一口氣總共叫了7個冷盤 (雞絲粉皮, 醉轉彎(即雞翼), 鎮江排骨, 四喜烤夫, 餚肉, 脆鱔, 素鵝), 多得好誇張。我們另外只多點了一碗上海麵同一客饅頭, 主力勁擦冷盤,,,味道好傳統, 個鎮江排骨同素鵝無肥淋淋喎! 所有冷盤d汁是靈魂所在, 好好味。

試過麗豪酒店的龍門客棧, 餐廳環境及設計不錯, 裝修用色比較沈, 好有"客棧"feel。座位幾舒服,可以靜靜地傾計。由於餐廳新開業, 好鬼乾淨企理。食物走高檔路線, 碟碟都堆砌得好靚。份量係少d, 不過標榜賣相既靚菜式就係咁啦!點了鎮江小排骨, 醉雞, 蜜汁火方, 小籠包, 嫩雞煨麵, 酒釀丸子。好味道, 不油膩, 食得出正派上海菜味道。

呢排鬼死咁熱，梗唔想去街市迫，唔想煮，一於要做無飯主婦啦。知道麗豪酒店新開左幾間餐廳，前日一於同老公去採場。果間龍門客棧個裝修好懷舊，所以就揀左。菜式好傳統上海feel, 點左蜜汁火方, 宋嫂魚羹,小籠包, 乾燒大明蝦, 津白, 香蕉高力豆沙, 樣樣都好美味, 好地道, 我好buy呢d style!要讚既係蜜汁火方, 入口清香, 清甜, 非常有花的清香, 好得意, 並唔係度度有得食。個場真係唔錯，好寧靜舒適，好古典，可以好好品嘗食物。

上海菜係本小姐心頭愛，每月都會約班朋友周圍食。今次揀左係麗豪酒店新開既龍門客棧，指定必吃有小籠包、元蹄、醉雞、酸辣湯、酒釀丸子. 味道吾錯，特別係元蹄，用來送飯就最好，價錢當然比市區平D，酒店水準，食得都好滿足。