龍門冰室 (已結業)

近排特別喜愛蒲冰室，繼早兩天喺銅鑼灣新會道試咗間主打星馬咖喱、港式美食和招牌燒味嘅冰廳後，這晚又再次出動，而今次嘅目標就係呢間開業不足一個月嘅「龍門冰室」。翻查過網頁，原來餐廳早兩日喺炮台山又開咗另一間新分店，生意愈做愈大，看來食物應該有番咁上下水準。餐廳位於登龍街永光中心地舖，店面以黑白兩色為主調，牆上掛滿了食物相片，既清晰亦吸引。細看四周，地方雖然不算很闊落，亦沒甚麼擺設，但裝潢骨子企理，加上以梳化座位為主，讓人感覺舒服自在。安頓後先拿起厚厚的餐簿細閱，食物款式不少，有全日早餐、歐陸滋味餐、小食/三文治/脆豬餐、茶餐、百搭自選推介餐、廚師推介餐、焗飯/意粉餐、流心奄列餐、輕型流心多士餐、麻辣麵/飯餐、精選套餐、美式鐵板餐、日式玉子燒餐、意式風情精選套餐、韓式泡菜鐵板珍珠飯餐、小食、飲品、每日精選晚餐、3.6 特濃牛乳芝士玉子常餐等，選擇勁豐富；而且幾十蚊就已經有交易，非常經濟。我哋揀咗檸蜜脆豬、蜜糖雞翼、焗雜菌西蘭花、一客鐵板餐同飲品。點完餐後，店員問我想要甚麼口味咖啡。初頭的確有點摸不著頭腦，原來店員話餐廳依家做緊優惠，凡惠顧餐牌上任何食品，均會奉送精選咖啡一杯。既然有著數，當然

朋友們知我是冰室的愛好者 見到新開的冰室永遠拉著我去試一試今次是新派式的冰室 裝潢比較新潮 以黑白色為主 牆身鋪滿了白色磚 加上擺放了小盆栽 整個感覺有點工業風 牆上掛滿美食相片 相當吸引一直以為冰室只有常餐 想不到這間提供不同國家的款式 有韓式、意式、港式等我點了「傳統英式早餐」 份量超級大！！這份「早餐」有超多的煙三文魚、超juicy 的大磨菇、超香的炒滑旦、我最愛的薯餅、充滿牛油香的厚多士、這麼多的材料 超飽肚 只是$75 還要包括了是日餐湯、沙律和飲料CP值超高喔！而朋友點了「星級雜扒」鐵板餐可選配飯、意粉或薯菜 而醬汁也提供不少選擇 ：黑椒汁、燒汁、龍蝦汁等同樣跟餐配送是日餐湯 今日是羅宋湯 紅紅橙橙有點微辣 相當開胃鐵板餐一上菜 我們已經被份量嚇到 完全真材實料 多到好似一個小山丘超大份牛扒和雞扒 兩者都比手掌還要大！還有超香口的德國腸和帶子和以西蘭花、粟米作配菜整體上食物質素不錯！另外朋友點「瑞士汁雞翼湯公仔麵」欣賞雞翼跟面分開上 可以保持雞翼的瑞士汁味道值得一讚是炒旦超香超滑的 方包充滿超滿的牛油 又軟綿綿另外值得一提服務員服務態度超好 看見我們沒有紙巾主動對上相當貼心

行開銅鑼灣發現有間新開既茶餐廳。嗌每個set都送一杯野飲，我揀左奶茶，都幾滑幾香濃，唔中意太甜，所以只係落左半包糖，已經好好飲。朋友嗌左紅豆冰，我諗住只係試一啖，點知一試愛上，超多紅豆，又夠大粒，唯一一樣缺點係甜左少少。茶餐個通粉一啲都唔細份，好多料，個滑蛋幾滑，睇落單個姐姐講用左明治奶配搭既腸仔同多士就無咩特別但個豬扒就好有驚喜，首先唔油，其次係好香，口感就有啲un，重點係我原本以為佢個炸粉好厚，因為大部分茶記冰室都係咁，但係佢無！佢個粉薄薄一層包住塊扒，咬落去一啲都唔會覺得成口粉。

之前行過銅鑼灣見到呢間新開嘅餐廳 之前都喺紅磡食過 今晚特登嚟試係因為呢間新開張 有個特別優惠 食一個鐵板餐 或者精選晚餐嘅話 就可以加十蚊要個雞翼薯條放題 好似幾抵 所以嚟食😺我地一人嗌咗一個鐵板餐 美式雜扒餐 大件夾抵食 有豬扒 雞扒 腸仔 煙肉 煙蛋 啲扒塊塊都超大 雖然唔算係好厚 但係都好夠飽㗎啦 芝士汁嘅味淡淡地 絕對唔會食到膩👍🏻牛仔骨拼炸蝦炸帶子 本身佢漏咗俾炸蝦 俾多咗兩舊炸帶子俾我地 佢後補咗俾我地 炸蝦幾好食 肉質彈牙 又熱辣辣 牛仔骨唔算好肥 配埋黑椒汁更加惹味🐮近期嘅呢個雞翼薯條放題優惠 可以話係啱晒我呢個雞翼怪 雞翼味道有四款 椒鹽 土匪 瑞士 同蜜糖 我就最鍾意瑞士雞翼啦 唔會太鹹 又甜甜地咁 黑松露薯條就正正常常 黑松露沙律醬都幾好味嘅😛十蚊雞翼放題都幾吸引👻 下次會再嚟

之前聽同事講，銅鑼灣開咗間新嘅茶餐廳，叫龍門冰室，新開張嘅時候仲有早餐買一送一優惠，Wow，成班同事都特登去買個早餐食，仲話質素唔錯！於是今日我走去試吓佢嘅lucnch~瑞士汁雞翼湯公仔麵 ($48)瑞士汁雞翼，由細到大都鍾意食！呢個瑞士汁有啲特別，同平時食開嘅唔同，係自家調製嘅，八角味偏重，雞翼滑滑的，公仔麵係一丁底，足料！跟餐配3.6北海道牛乳炒蛋厚多士最特別係厚多士可以改奶油/占醬多，炒蛋都可以改成炒蛋白，或者芝士腸、煙肉等等，仲唔洗加錢tim！至於味道呢，可能我食親牛乳炒蛋，都係炒滑蛋，所以同期望有d出入，比較似煎蛋餅多d最吸引我嘅，其實係menu上面，我見到All day breakfast，冰室食港式野就多，All day breakfast又係咩玩法？下次試下先~走塑友善Lunch time都幾多人好彩食得早，遲左要排隊Menu都算多選擇，而且價錢都ok，待應動作快手，速食之選

同個妹在銅鑼灣shopping 完，肚仔一點餓，盲舂舂走入去呢間龍門冰室醫肚，叫咗個精選全日套餐、黑椒牛排餐、土匪雞翼、凍咸檸七、龍鳳檸樂，坐下來觀察到環境寬躺，服務員好窩心介绍餐品，牛魔王的我將牛排食個痛快，加上熱熱的薯條簡直大快人心，阿妹果份精選套餐，大大份佢最喜愛的香腸吃個不停，炒滑蛋非常滑多汁，我特別推介龍鳳檸樂，有新鮮的檸檬和腌製的鹹檸檬加上凍冰冰的可樂，不太鹹也不太酸，正合我心意，唔錯唔錯。

Shopping 過後，又到三點三下午茶時段，見到這個龍門廣告牌，二話不說衝進去補充戰鬥力 💪💪。超抵食下午茶，兩款小食加飲品才$38，抗拒不了的價位 😍😍隨心所慾的點了幾款小食，流心芝腿西多士，內裏是咸味的芝士火腿，外層郤是厚厚的糖醬，一咸一甜，雙映成趣。餐肉三文治，平實的餐蛋治，忘了要求底，有點失策，幸好炒蛋夠滑漏，仍然滋味。Q版焗肉醬意粉，半溶的芝士，加上熱辣辣的意粉，肚餓時真的極吸引。炸雞脾，近期大愛的食品，差不多每次都必點，平日食都是有炸粉的，驟眼看還以為出錯了油脾 😂😂香脆魚柳，外層麵包糠香脆，內面魚肉嫩滑，跟沙律醬是常識，味道合乎預期。凍咖啡，咖哩香濃，不怕睡魔急 call 😁😁椰汁紅豆冰，放了椰汁的紅豆冰，多出一層椰香，格外滋味。奶茶紅豆冰，奶茶加上紅豆，紅豆的甜代替慣常的糖水或練奶，還多出幾分紅豆口感，成功的新口味。銅鑼灣來說，有街坊價的食肆真的不多了！

食過返尋味指數：🌕🌕🌕🌗🌑因為前幾日去左香港仔食左一次龍門冰室，今次行開銅鑼灣又心思思想食，試下第D野。完全冇令我失望，見到超多選擇，非常厚身嘅menu，我感到好滿足🤣今次食牛扒都係一樣大份到嚇一驚，味道都算係有返D水準。薯蓉焗青口好creamy 好滿足。今次食左椒鹽雞翼同埋土匪雞翼，都一樣唔錯。因為知道好抵食，今次完全放開曬咁大食特食。最抵讚係鴛鴦檸樂，既有特別嘅鹹柑吉味，亦有鮮檸檬嘅清新口感，回味無窮！成張Menu咁長，都係300+，抵到我想再再再食啊！

登龍街多數都係食拉麵多，竟然係度有茶餐廳，點知都有驚喜！本來以為同普通茶餐廳一樣，但見到menu就發現有好多特別嘅選擇，有別於平時只係得炒麵炒飯嗰一種。最令我有興趣嘅就係玉子燒！而且鐵板嘅選擇都比一般多，除咗各種肉扒類仲有海鮮。今次就食咗牛仔骨拼炸帶子配黑椒汁同薯菜份量足，牛仔骨嘅肉夠哂淋，薯條同帶子都炸得夠脆👍🏼 個黑椒汁嘅味唔算太濃，但又唔會太稀，啱啱好！咸牛肉芝士玉子燒配雞翼撈丁最期待嘅玉子燒！餡料唔孤寒，又唔會太乾，好食！雞翼有得揀要炸定鹵水，我就揀咗鹵水。好入味，而且都好淋，配埋煮得麵質啱啱好嘅撈丁👍🏼野飲方面，除咗一般茶餐廳有嘅，依度嘅咖啡選擇比一般多。依杯mocha都唔錯，夠濃味。總結: 選擇多，有驚喜，值得一試！

放左工好攰😪，同事想飲杯冰凍檸茶🍹同食餐開心下🍝，行過就試下呢間新開嘅龍門冰室⋯⋯打開餐牌選擇都算多，我地點左一份全日早餐 All day breakfast 75蚊同一碟黑松露雜菌炒意粉80蚊加兩杯凍檸茶6蚊。最先上枱一份跟意粉餐嘅粟米蛋白沙律，味道都係一般嘅沙律醬，溫度都夠凍，唔會係放好耐個啲，之後上左兩個雜菜湯，味道就只有酸之外都冇乜特別，茄膏明顯太多，紅卜卜⋯⋯凍檸茶黎喇⋯⋯同事滿心歡喜讚賞佢地用個不銹鋼杯，可以保持到冰凍效果，個頭督完檸檬，呢頭兩杯茶就“反”左🤮（即係茶色唔係半透明而變左奶茶咁嘅色，應該係茶超濃），飲落除左澀之外，仲要諧口嘅，係兩杯都係咁，叫左個店員姐姐過黎，佢唔明杯茶出咩問題，只係幫我地加熱水再加凍水溝返淡，當然味道比之前更加難堪😰！！！！仲好意思問而家ok唔ok？🤭我同同事都唔想麻煩就由得佢⋯⋯個店員姐姐又走返黎話幫我地換過佢😅（頭先應該咁做啦！）換左兩杯返黎⋯⋯天呀！依然係咁反左變奶茶嘅凍檸茶！我地決定放棄！至於個全日早餐除左個炸薯餅、茄汁豆同塊多士係正常啲，其他都係唔好食，75蚊嘅全日早餐係一啲誠意都冇，個黑松露雜菌炒意粉，意粉上面放左啲變黃左嘅紫椰菜

*銅鑼灣劣食*Lunch hour 等野食等好耐最後等左25 mins 先話無 要轉其他 又要再等過D 食物淡而無味 簡單一碗粉 都可以煮得咁難食 仲要四十幾 五十蚊 性價比非常低請好好檢討食物質素 同落單流程唔係個個都有咁多時間係度呆等朋友食既set lunch 都一樣淡茂茂豉油一d 味都無 食完先話個湯整唔切 要轉salad 另外公仔麵都係煮得極差煮到淋哂 太多水落得 麵多係無用架 d 汁無味淨係啪個麵係好難受 野飲方面 杯奶茶都無咩茶味 總括黎講食物飲品服務都唔掂

依日去開times square，午餐想快手食個lunch。聽朋友講登龍街有間茶餐廳啲茶餐唔錯，近近地就去試一試啦。一打開餐牌見到有好多選擇！豬扒飯都好似好吸引咼！諗左一輪，先決定到！叫左個$48瑞士汁雞翼湯烏冬茶餐。平時去茶餐廳茶餐通常轉其他食物要加錢，但依度竟可以轉蛋做香腸/餐肉/煙肉，多士又可以揀醬，自由度好高！咁多choice之下，我揀左我最愛的奶醬多配招牌炒蛋。個蛋整得好滑唔怪得做招牌菜原來真係有原因!! 雖然係茶記但用料講究，個蛋係用3.6北海道牛乳整~~ 雞翼同烏冬係分開上既，雞翼好夠味喔。中意食公仔麵都可以，我想健康啲至轉左烏冬。最後仲加左幾蚊要左紅豆冰 整體我食得好飽好滿足呀依個午餐。平食都有依個水準值得一讚丫！

今日同朋友去開銅鑼灣做GYM, 四圍都係人, 又唔想食譚仔南記, 啱啱做完WEIGHT 有人提意去食TEA~ 我突然醒起係登隆街有間冰室新開, 之前同朋友都食過佢幾其他分店都幾好的~ 今日下午就TEA下試下佢啦~ 入到龍門冰室 ~ 裝修都幾時尚架~ 打卡一流~ 再睇下餐牌, 唔係太貴喎~ 我地4個人叫咗4個茶餐, 有瑞士汁雞翼湯公仔麵 + 3.6北海道炒蛋配厚多士, 瑞士汁雞翼好入味, 炆得好林好好味, 3.6北海道炒蛋滑到不得之了~ 好濃香~ 似係用日本蛋整~ 另外必叫係佢個生炸雞脾~ 真係生炸的~ 外脆內多汁~ 係生炸先有哩個效果~ 炸脾薯條真係食TEA最好配搭~~~ 最後講下杯咖啡可以改善下~ 再濃返少少就好啦~ 值得推介~ GOOD~

下午去到唔洗等位, 入去坐低叫左茶餐A瑞士汁雞翼公仔麵(轉一丁+$4): 雞翼唔夠入味, 麵亦太淋, 無食晒3.6炒蛋配厚多士 : 牛奶味唔夠, 明顯落得少, 蛋有點老, 但可以入口, 多士水準一般, 無特別凍檸茶 : 茶味偏淡以$48+$4+$3=$55 既茶餐黎講, 性價比低

約左朋友去銅鑼灣簡單食個tea又係登龍街食街門面非常得體都幾旺場下因為價錢質素相當不錯以銅鑼灣區來說CP值都高吞拿魚芝士玉子燒是薄薄的一卷看起來似無咩餡料但食落都好豐富芝士都拉到小小絲玉子燒加$4 揀左個黑蒜一丁原汁原味調味粉係另上個麵底煮得恰到好處松露炒蛋多士餐一出場勁濃松露味飄泊入鼻眼看到都好多松露食入口果然無失望松露味回香留齒仲有個炸薯餅真係大滿足多士都好厚下夠哂包肚百搭下午茶粟米碎蛋沙律濃濃既沙律醬配上碎蛋粟米其實仲有些薯仔非常豐富又健康土匪雞翼炸得好香脆瑞士雞翼有三隻輕量級正常體積又可以過下雞翼癮小食多滋味瑞士汁咸咸甜甜龍鳳檸樂是一塊檸檬加半大個咸檸既龍鳳檸樂非常特別檸檬清新咸檸夠咸可樂甜甜的飲落好解渴熱檸蜜檸檬好新鮮蜜不會過甜