龍門冰室 (已結業)

登龍街新開左一間冰室，上網睇過先知係其他地區都有佢嘅身影。未够八點來到，餐廳已經坐到9成滿。個人覺得呢間冰室同其它最大唔同嘅係，佢實在有太多選擇。一般冰室有嘅包括炒飯、 意粉、 茶餐、扒餐等，連玉子燒、意大利飯、韓式美味等等呢間都有，完全配合唔同人士口味選擇。鴛鴦汁焗雙扒飯思前想後，最後決定咗叫一個鴛鴦焗飯。鴛鴦包括左鮮茄汁同埋芝士汁，豬扒同埋雞扒。鴛鴦汁焗得有點微焦，反而更帶點風味。兩塊扒不但夠厚肉而且好大塊，另外唔會被焗得過乾，所以两塊扒食落肉質好滑，抵讚。榨菜肉絲出前一丁配3.6牛乳炒蛋厚多士加錢轉左出前一丁，榨菜肉絲嘅份量絕對比前面其它冰室為多，配上黑蒜出前一丁冇得抗拒。牛乳炒蛋嘅外型同平時食開嘅炒蛋有少少唔同，食落唔算很嫩滑，不過係充滿蛋香！而厚切方包食落好鬆軟，好有麵包嘅香味，加左牛油，特別好食。土匪雞翼土匪雞翼外層有少少微焦，雞肉好嫩，帶點少少甜味，當然離不開孜然粉嘅味道，很不錯嘅小食。北海道3.6牛乳另外係可以加錢轉北海道3.6牛乳，即刻覺得呢一餐健康左。銅鑼灣又多咗一間冰室可以經常來幫襯！

一坐低店員就比左份好厚好多頁的餐牌我地，估唔到呢間冰室食物都幾多元化。.最後叫左個鐵板餐，T骨的份量好多，配埋黑椒汁不錯。不過我更欣賞炸帶子🤭炸粉唔會好厚而且好香口！.跟著再叫左個肥仔comfort food!!! 五香肉丁加雙太陽蛋瑞士汁雞脾撈丁！其實呢個組合本身已經冇得輸，呢間冰室的五香肉丁超足料，每啖都食到五香肉丁，好正🤤我唔鍾意食質地比較林的麵，好彩呢間個麵都煮得幾爽口。.最欣賞係奶茶紅豆冰！唔係一般冰室都有呢d特色飲品，紅豆份量都唔少，甜甜地的紅豆配埋奶茶的甘味，不錯的配搭！建議大家一定要叫呢個飲品😀

同朋友去銅鑼灣 shopping，唔經唔覺已經到咗食飯時間，行行吓見到呢間幾多人嘅冰室，所以決定試吓先。行咗咁耐，又熱又喝，所以叫咗杯檸檬可樂降降溫先，酸酸甜甜，好解喝! 朋友就叫咸檸檬七喜下吓火，咸檸檬醃得夠，咸得嚟又有啲檸檬味，正! 難得冰室有傳統英式早餐，於是叫咗set試吓，呢個餐有炒滑蛋、德國紐倫堡腸、煙三文魚、煙肉、大磨菇、薯餅、焗豆、多士，樣樣都有啲，啱晒我呢啲樣樣都想試嘅人，當中最鍾意炒蛋，質地好滑溜，好香蛋味，紐倫堡腸彈牙得嚟又鮮味，磨菇好 juicy，用多士夾住啲煙肉、焗豆、炒蛋食，又係另一返風味。跟餐嘅沙律係雜果撈沙律醬嗰種，很清爽，兒時去冰室食嘢嘅回憶即刻出晒嚟。另外仲有跟餐湯，白湯濃稠適中，不錯。牛乳炒蛋吉列豬扒黑椒汁撈丁嘅吉列豬扒真係叮一聲，外皮炸得鬆脆之餘，豬扒仲 keep 到好 juicy，炒蛋滑滑，加上香辣黑椒汁，撈丁真係好惹味，食完一啖又一啖，撈丁份量頗多，真係好抵食。

今晚約咗同女朋友食飯，四周圍排隊都好多人，但呢間都坐滿人不過好快有位，同埋見到門口個餐牌好吸引，我女朋友最鍾意食all day breakfast，所以一於入去試吓。佢哋有好多選擇，有好多麵餐、茶餐、飯、扒餐等等，我哋兩個人食，叫咗一份全日早餐同埋一份集扒餐，另外仲叫咗份蜜糖雞翼。先來兩個忌廉湯。我個扒餐連埋一份沙律，佢哋係鮮果蛋沙律，我最鍾意食。蜜糖雞翼好入味，新鮮整起出嚟好好食。all day breakfast好吸引，個炒蛋炒得好滑，份量都算幾大份。個雜扒餐好大份，其實我哋今次叫多咗，呢度嘅份量應該可以三個人食，最特別呢個餐就係佢可以配龍蝦汁，個汁好濃郁，淋想去熱辣辣嘅甜品一流。

銅鑼灣出名食野貴，又難搵位。同朋友行完時代廣場，上Open Rice 搜尋到登龍街新開左間龍門冰室，決定行過去食個晚餐。6點半左右已經坐滿九成食客，餐廳以黑白兩色作裝潢，時尚中帶點懷舊，空間感寬闊，感覺舒服。顏色鮮豔嘅餐牌提供形式多樣美食，真傷透選擇困難症患者.....最終我哋點左蠔油生菜沙嗲鮮牛肉湯麵(全日早餐)至尊海鮮餐鐵板餐走左"油"嘅蠔油生菜，少一分油膩感，多一分蔬菜嘅原味道同健康，依舊爽脆清甜。沙嗲鮮牛肉湯麵配3.6北海道炒蛋加$5改配花生醬脆豬，全日早餐亦包咖啡或茶，加$7改紅豆冰。沙嗲湯底香濃，牛肉味道鮮美，令滑身且彈牙嘅公仔麵增加多層口感；外層酥脆嘅豬仔包上搽滿邪惡又香滑花生醬；紅豆冰够冰凍，紅豆粉腍超多，又吾會太甜。成份餐真係超好食！至尊海鮮餐鐵板餐羅宋湯酸甜中帶點辛辣，增加食慾。海鮮鐵板餐份量十足，有大大隻青口、 Q彈魷魚圈、彈牙蝦球、爽口帶子同金黃龍利柳，再配上爽甜嘅粟米粒、青綠西蘭花同鮮紅蕃茄，淋上芝士汁，紅紅綠綠視覺跟味覺同樣豐富。鐵板餐配有咖啡或茶，加左$7改配熱鮮奶，鮮奶濃中帶滑。最後倆人食到飽....飽....飽....估吾到係銅鑼灣區食到咁劃算晚餐，而

上網見到銅鑼灣有新開既冰室，仲要有雞翼放題，梗係諗住去試下啦。點知嗰日去到，先知原來個雞翼放題係要叫個鐵板餐或者係晚餐，先可以再加配😢我呢啲雞仔胃食得晒個晚餐已經好叻，仲點會食得到雞翼放題呀🤦🏻‍♀️本身好興奮，一盤冷水淋落黎，咩mood都無晒，嗌番啲general野算數。常餐啲friend，諗住應該無死既。點知個公仔麵係無味既，個雞翼唔係瑞士汁，只係得個鹹字。唯一可取係塊多士。呢個仲離譜，明明睇menu係碟上，黎到竟然係鐵板上！早知係鐵板上就唔會嗌芝士汁，嗌番黑椒或者蒜茸啦😰個芝士汁仲要無味，條腸既味又怪，係塊豬扒好少少。只係放pat泡菜就叫韓式，真係九唔搭八🤦🏻‍♀️

依家周圍都開到好多冰室， 多左好多去冰室的機會。今日做完運動， 一離開就係登龍街見到呢間新開嘅冰室。佢嘢食方面都幾多選擇，除咗正路的常餐仲有扒餐焗飯意粉，連全日早餐都有。裝修係懷舊風格， 座位系梳化都坐得舒服。我一坐低見到呢個3.6牛乳套餐就決定揀佢，套餐包左3.6牛乳炒蛋丶湯麵同埋飲品。鮮茄濃湯烏冬 加4蚊鮮茄味道 都幾濃郁， 牛肉仲畀咗好多。黑松露芝士雜菌玉子燒雖然餐牌寫住流心玉子燒， 但實際上佢嘅質感並唔係流心而係蛋皮包住黑松露，但都無損害到佢出色的味道！清淡的黑松露味加埋雜菌，好味！3.6牛乳奶茶用3.6牛乳溝成嘅奶茶比平常奶茶更加幼滑香口。土匪雞翼土匪雞翼香料吾算落得多，味道熱辣辣丶皮香脆焗飯鮮茄汁牛扒等咗大概十分鐘就有得食， 一嚟到就有好香嘅蕃茄味， 佢哋嘅醬汁都幾多下食落去較juicy

今日喺銅鑼灣要做野，時間好趕一定要食個快嘅午餐，求其喺永光中心附近一間茶餐廳食下午茶不過可能銅鑼灣地方所以間冰室有啲迫同埋有少少嘈，不過都可接受。咁啱我嚟到嘅時候已經係兩點，就叫咗個下午茶食，叫咗麻辣肥牛米線，本身個湯底係清湯，上面畢左spoon Ge 嘅蠟辣油，肥牛大概有五舊左右，我食嘅時候係下午茶所以份量會比較細$35野飲嘅話我叫做一杯抺茶latte，有d甜，抹茶味唔太出，係偏奶味重啲。因為唔係太夠飽嘅關係我另外叫多咗個黑松露炒蛋多士，黑松露嘅味道幾香，連埋雞蛋都幾滑，建議叫黑松露炒蛋多個麻辣米線。買單下午茶一個人大概食咗$77

今日咁啱出開銅鑼灣有少少肚餓，見到龍門冰室，應該新開不久，就同朋友入咗去試吓食。食物選擇比一般茶記更多樣化！我揀咗一個星級雜扒餐，當中包括西冷扒，雞扒，英式腸，煙三文魚同埋炸帶子。汁方面我就揀咗黑椒汁，配菜我就揀咗薯菜。除咗扒餐之外，佢都包左一個餐湯同埋一杯熱飲。扒餐係鐵板上，當黑椒汁林上去嘅時候仲會有吱吱聲。而西冷扒肉質鮮嫩，其他腸同三文魚亦都10分新鮮。以呢個價錢來講係物超所值。除此以外，朋友叫咗一個芝士蜆肉意粉，意粉用料十分充足，而且口感彈牙，拍得上一般西餐廳嘅水準。餐飲方面我哋就叫咗熱檸賓，檸檬冇澀味係一般茶餐廳嘅水準。侍應做野好快手，又好有禮貌，總括嚟講呢間茶餐廳嘅質素係中上值得一試！

環境4分：環境光猛，比一般茶記光鮮，卡位最闊落，但其他Ｄ散枱都唔係好迫，可以畀四分。衛生4分：餐牌有膠套套實，唔會黐立立，枱面Ｄ汁醬調味刀叉都好企理好乾淨，可以畀四分。服務 5分：樓面夥記好鬼好人，點菜會自動介紹招牌食品，叫晚餐食又會提埋客人另加十蚊雞可以升呢食埋雞翼薯條放題，响冰室食飯都係第一次有服務員會主動換乾淨碟同跟進食物，細心到呢，唔畀滿分唔得。味道4分：1)    凍檸茶夠凍夠檸檬。2)      牛仔骨拼炸蝦炸帶子配薯菜，鐵板真係好熱好熱，Ｄ肉放响Ｄ薯菜面冇熟透所以唔會韌，Ｄ燒汁另外上可以自己控制加幾多，好有頭腦。牛仔骨肉好軟淋，個燒汁甜甜地都好好味。3)      紐西蘭羊架拼香草腸，條香草腸非常非常之大同長，差唔多去到鐵板嘅長度，同平時早餐食開果Ｄ簡直冇得比，份量十足。羊架有兩塊，切落去應該有medium，唔騷，咬得到，跟個咖哩汁有少少辣，點意粉食就一流。4)      晚餐餐湯只有羅宋湯一款，湯一上枱熱辣辣，有多款蔬菜响裏面，好足料。5)      三款雞翼有瑞士汁，椒鹽同埋蜜糖，非常快上到枱，任叫任食非常之抵，瑞士汁炆到超級淋，蜜糖雞翼就感覺上冇咁熱氣。6)    

最近同朋友去銅鑼灣shopping，路經登龍街，估唔到除左拉麵之外仲開左一間龍門冰室，於是同左朋友入去試試。入面地方幾大，正常冰室格局，但侍應比一般冰室既有禮貌好多。我地叫左鐵板餐(羊架拼香草腸)龍蝦汁配薯菜，忌廉配帶子意大利飯，土匪雞翼($45)同埋椒鹽雞翼($45)，涷朱古力同埋latte(跟餐+$3)。由於我同朋友個日都好肚餓一開始都驚唔夠飽，但係上左野食之後我地立即改觀。因為呢到D野食係十分大份，例如個鐵板餐係有超多薯條同埋個意大利飯有超多飯。味道方面，鐵板羊架煎到個羊好香，食落唔算多根而且唔會overcooked，水準唔錯，而香草腸有香味得來唔會太咸，配埋龍蝦汁同埋粗條既薯條食到好滿足。帶子意大利飯既帶子煎到出面金黃，而飯充滿忌廉味十分邪惡，雖然係好肥但係真係好食。而兩個雞翼都十分多汁，我地兩個人食左十幾隻咁多。而且涷朱古力同埋latte都夠香濃，比一般茶記既好飲。埋單用左$280幾蚊，呢個價錢係銅鑼灣食到咁多野而且味道不錯性價比十分高。

今日係銅鑼灣做野，到時左食飯時間當然要搵野食。見到2:00「龍門冰室」開始下午茶就決定食佢啦！我叫左《公司三文治》，餐飲叫咗凍奶茶。 個餐都幾抵食$44。我另外加咗$16要《滷水雞髀》。公司三文治材料很豐富，有火腿，午餐肉，芝士，雞蛋，生菜。樣樣都有d, 口感豐富，不太油利，味道亦不錯。性價比高！鹵水雞髀都唔錯。肉質幾滑唔會鞋。鹵水汁都幾入味。杯凍奶茶都幾好。有茶味，甜度適中，港式味道。同事叫左《北海道牛乳芝士玉子燒，配沙爹牛肉通粉》， 餐飲叫左熱咖啡。里個餐好抵食只須$38。 另外加$16要左炸魚柳。 玉子燒佢揀左鹹牛肉。同事話個蛋好話好香奶味。而且又有芝士味又有鹹牛肉。口感又複雜又豐富，好正咁話。 吉列炸魚柳味道亦不錯。很香很脆。熱咖啡味道香濃，用來提神很不錯！

雖然平時帶飯，有機會都會同同事係銅鑼灣附近搵食。見到登龍街有新餐廳，就想試下。玉子燒常餐（$38）上面係一個餐既野，可以話係非常十分抵食了。同事表示好滿意，通粉番茄味濃，俾左塊牛我試，都幾軟，唔會韌奄列雞扒意粉 配黑椒汁（$60）奄列入面包住黑椒汁 XD 不過黑椒汁係無得輸既，配住雞扒同意粉幾惹味，咁啱肚餓，我都好快食曬，哈哈和風沙律（跟餐$14）同事加左份沙律，都幾大份下，同我一人一半，菜幾新鮮整體來講，可以話性價比好高，因為係銅鑼灣食lunch，60蚊樓下，可以話真係好抵食。而且食物又幾好，環境、服務都唔錯，銅鑼灣午餐恩物 

This Chinese restaurant has been expanding quite quickly recently. Their signature omelette and steak drive my intention for a visit so we ended up going there after gym today. we ordered a chicken in pepper sauce, added their special add ons of unlimited chicken and truffle fries. For drinks, we ordered cold lemon tea & they also recommended flat white. The chicken came with four different flavors - honey glazed, pepper, original and salt. All tasted yummy and the size of the wings were big too

經常到屯門龍門居覓食的我，對龍門冰室早已不陌生，和家人都會偶爾去進餐。難得銅鑼灣開了分店，放工時間去試一下。冰室環境很有地道港式風味，店面又比一般茶餐廳乾淨企理。餐牌上有很多選擇，一眼便被星級雜扒吸引住，食材種類非常豐富。餐湯是羅宋湯，帶微酸和黑椒的辣味，很開胃。星級雜扒超級足料，以鐵板盛載，趁鐵板還熱把黑椒汁淋上，香味撲鼻讓人食慾大增。西冷扒和雞扒都很大塊，三文魚捲成花型別出心裁。還是第一次晚飯時段吃All day breakfast，大啡菇肥大肉厚，菇味濃郁，牛油配啡菇真的是絕配。其他食材如三文魚，煙肉都很美味，炒蛋有奶香非常嫩滑。All day breakfast還配上沙律，很清新。焗雜菌西蘭花有很多芝士鋪在上面，淡淡的黑松露香氣令西蘭花味道提升到另一層次。晚飯前買了凍肉但沒有冰袋，冒昧問店員可否把凍肉暫存到廚房冰箱，離開時再取回，想不到店員有求必應，樂意幫忙，服務態度100分。