龍門冰室 (已結業)

龍門冰室剛在銅鑼灣登龍街28號永光中心地下開了分店，剛在銅鑼灣開完會，梗係要同同事去食番餐啦～佢哋嘅午餐，茶餐同全日早餐，夠大份相當抵食，必食之選【傳統英式早餐】，有炒滑蛋、德國紐倫堡腸、煙三文魚、煙肉、大蘑菇、薯餅、焗豆、多士，配埋湯同沙律，仲有茶餐都係75蚊，簡直好超值!炒滑蛋夠香， 煙三文魚有四大塊， 兩大條德國紐倫堡腸煎得鹹鹹香香，很惹味， 大蘑菇夠juicy，總之 份量十足。同事就叫了茶餐【 瑞士汁雞翼湯公仔麵】配埋3.6北海道牛乳炒蛋配厚多士， 瑞士汁雞翼肉質肥美夠入味，公仔麵正常，加錢配埋杯紅豆冰，perfect !我就加錢要了龍鳳七喜， 咸柑桔加檸檬幫忙消滯，咁多野食，二人加埋140有找，真心覺得好抵食。

而家好多茶餐廳、冰室既質素都高左好多，不論係裝潢、衛生情況、服務態度方面都係有所提升，咁今次我就去左呢間龍門冰室。我叫左個魚柳撈丁，芝士汁上，再叫左杯凍咖啡，食落ok既，份量都夠，芝士汁反而無咩特別，大家可以試下其他汁。埋單60，凍飲加三蚊，還可以。會再尼既！

銅鑼灣新開了一間龍門冰室， 最特別的就是有玉子燒常餐啦！我超愛玉子燒當然要來吃！ 這裡的常餐除了普通炒蛋， 還可以選擇不同口味的玉子燒！這次我選擇了 黑松露雜菌芝士玉子燒配多士 蛋加上3.6北海道牛奶， 還特別用上日本玉子燒的烹調方法， 讓蛋有點厚度， 新鮮雜菌加入黑松露醬， 好香濃！真的好好吃！多士還可以免費轉奶醬多或其他款多士， 聽說是港人最愛～ 平常我很少吃多士， 也忍不住多吃兩口。當然還有湯粉麵， 我選了鮮茄牛肉公仔麵 鮮茄湯有新鮮番茄， 牛肉也不少！最後來一杯港式奶茶！ 完美！另外點了炸雞脾燒汁撈丁 炸雞脾是先鹵過再炸， 所以雞脾很入味再搭配紅豆冰！ 很重的椰奶香， 紅豆也煮很焾焾甜甜的～ 好好飲小食芝士肉醬薯條 這個小食有驚喜到！ 芝士焗得金黃焦焦的薯條用的是波浪形粗條 肉碎用蒜炒過， 不是一般的番茄肉醬喔！ 很香！味道不錯！而且價錢也相當划算！ 可以試試！

原本安排同內子係銅鑼灣睇完戲, 之后去登龍街食飯, 之后再順路行去鵝頸橋底攞車返屋企, perfect!只係未知去登龍街食咩, 打算落到去合眼緣就幫襯邊間.行到龍門冰室被一個菜 ”芝士煙肉薯皮” 吸引, 所以走入去幫襯.另一個吸引我嘅原因, 係個餐牌好鬼多選擇, 鋸扒又有, 韓式泡菜鐵鍋飯又有, 意粉又有, 意大利飯又有, 連玉子餐都有!入去坐底慢慢睇餐牌好過…..當然第一係點個芝士煙肉薯皮啦, 再點咗韓式鐵鍋珍珠飯併牛仔肉+炸蝦, 土匪雞翼, 黑松露芝士焗雜菌西蘭花.再點咗韓式鐵鍋珍珠飯併牛仔肉+炸蝦 : 首先我最最最重視嘅鐵板係熱嘅! 鐵板發出”咋咋”聲嘅! 齋聽聲已經吸引啦! 牛仔肉肉嫩多汁, 炸蝦外皮香脆, 滿意!土匪雞翼 : 點解叫土匪? 雞翼外皮香脆肉嫩多汁入味, 哩碟土匪雞翼絕對做到, 最緊要留意食果時小心辣咀! 好熱!黑松露芝士焗雜菌西蘭花 : 黑松露味濃, 雖然芝士份量比黑松露更多, 但入口被黑松露味蓋過, 正常嘅! 雜菌跟西蘭花份量正常無偷工減料, 唔錯.芝士煙肉薯皮 : 售罄! 天呀! 嗚嗚…. ~~>_<~~ 唔通好正所以一早賣哂? 下次再黎點哩

今晚黎到銅鑼灣既登龍街搵野食發現左間新冰室-龍門冰室裡面既裝修係行 懷舊時尚既冰室風格銅鑼灣新店 晚市期間推出呢個新推介-每位嗌滿$70以上既晚市鐵板餐或精選晚餐可以加$20升級任食蜜糖雞翼🍯椒鹽雞翼瑞士雞翼🇨🇭土匪雞翼黑松露薯條🍟餐湯+餐飲果晚既多士都賣哂 所以冰室都補番一人一條既腸仔比我地鐵板龍門三扒(豬🐷, 牛🐮,雞🐔)男友揀左黑椒汁, 扒量既份量都好大黑松露薯條🍟鐵板鰻魚汁大蝦球🍤炒出前一丁公仔麵四款雞翼各兩隻

話說上個星期日去咗銅鑼灣散步，中午時間已經人山人海，決定食埋野先出去做運動，登龍街一排食肆，CP值最高的新派冰室應該都係呢間龍門客棧啦！唔好睇佢店子小小，食物款式超乎想像的多。我覺得其中一個賣點係早﹑午﹑晚餐都可以自由配搭，就好似叫咗一個主菜之後可以追加唔同款式嘅食物同埋飲品。組合出千變萬化的套餐，果然有新意。《芝士3.6玉子燒餐》龍門冰室我自己的特別推介是限定常餐芝士3.6玉子燒，有4隻口味可以選擇﹐最有茶餐廳風味的應該係咸牛肉芝士3.6玉子燒了，套餐仲送 3.6 奶茶或咖啡認真抵食！《all day breakfast 》估你唔到除咗茶記港式美食﹐龍門冰室還有打咭最愛的 傳統英式早餐。all day 意思即係全日都可以食到breakfast！賣相好吸引，德國紐倫堡腸、煙三文魚質素高而且矜貴，地道風味有有炒滑蛋、煙肉、大蘑菇、薯餅、焗豆、多士；多士仲可以揀奶醬多，可惜我忘記咗所以食牛油多士都好味。《炸雞翼薯條》經典口味雞翼皮脆肉嫩，炸粗薯條熱辣辣脆卜卜，好幸福的感覺。《3.6 奶茶》茶餐廳嘅凍檸茶特別口味，這裏的3.6 奶茶更加是perfect!

上次去登龍街食燒肉發現有間新既茶記前日終於得閒黎試下門口見到佢menu啲早餐都幾平，都係三十幾蚊有晒野飲咁不過今次黎食下午茶朋友無食lunch一黎就嗌左個飯😂龍蝦汁奄列魚柳飯超大份食唔晒奄列係完全唔吝嗇勁大餅魚柳幾酥脆 係個汁有少少偏鹹搭左杯鹹檸七我就嗌左份薯條雞翼下午茶個雞翼好入味😵當時真係好想嗌碗公仔麵黎撈😂只不過太飽驚食唔晒薯條就係普遍見到既薯菜樣 無咩特別不過就熱辣辣 脆卜卜最中意飲凍檸賓～ 因為中意檸檬既酸味中和左利賓納既甜，飲落就啱啱好啦

今日出開銅鑼灣，想搵個地方填飽個肚子，係呢個時候比我見到佢，人氣嘅表現當然就係有人排，等了一陣就有位，餐廳唔算太大，但座位都算闊落，亦有卡位選擇，但可能係搵食時間所以未有卡位安排，望吓餐牌有超抵食嘅午餐$55，有湯有飲品，而且四款口味，唔怪得之咁多人排，始終呢個區嘅消費較高，呢個價錢絕對超值！先上個餐湯忌廉周打栗米湯，材料十足，味道濃郁，完全唔似平時快餐個種好似只有水嘅感覺，入口有栗米粒之餘個湯重好濃！而我就點了個焗咖喱汁牛腩飯，望到餐廳牆上嘅照片，同埋本身兩種口味道都喜歡，上枱咖喱汁同牛腩鋪滿了個焗飯上，而且還有焗得好香嘅芝士，一入口個種濃郁嘅咖喱味道即時充滿在口中，而牛腩入味軟熟，還有啲牛筋超軟熟！同埋咖喱汁同埋啲牛腩入口原全絕配！餐飲加$3轉了杯冬央多奶，多奶後咖啡夠晒香滑！朋友遲來剛好下午茶時間開始，就點了個玉子燒常餐$40，玉子燒選了咸牛肉，沙爹牛肉配公仔麵，加多$16配埋隻炸雞比，咁食都係同個午餐差不多真係食得十分滿足！

平時去開銅鑼灣就知登龍街出左名多野食~今次行完街就諗起可以去嘆翻個下午茶🤤入去就見到成間冰室既裝修都好懷舊一坐低即刻睇下佢本menu先!成本menu好厚😂連下午茶都有好多選擇搞到我既選擇困難症發作 揀左好耐🤧最後終於揀左要公司三文治🥰👆🏻公司三文治成份三文治落到枱個陣真係嚇親，勁! 大! 份!每件都有成隻手指咁厚🤭勁足料又蔬菜，芝士，蜜糖芥末醬，蛋，午餐肉，火腿，真係多到數唔曬😂而且實在太厚喇，一啖真係冇乜可能咬得曬一個人食曬真係會好飽，所以建議2個人share會好啲😌👆🏻瑞士雞翼(跟餐+$14)淨係食三文治好似好寡咁之後聽聞依到瑞士汁好似幾出名，就心思思想試個雞翼原本以為一定要叫餐，就驚會多左杯野飲點知店員勁好人，主動話我知可以就咁跟餐加2隻!雞翼好入味，煮到好淋個瑞士汁又唔會太甜，唔錯👍🏼

旅行完返香港最想去食既就係茶餐廳喇！個幾禮拜無飲奶茶，超級掛著喔！呢間茶記除左奶茶好飲，紅豆冰奶茶都係我最愛。奶茶即使同紅豆冰crossover ,但唔會太甜。同時仍保留到奶茶茶香奶滑既特點呀！晚餐每人惠顧$70就可以加$20升級享受雞翼著條放題，好正呀！雞翼仲有四款口味添...蜜糖、椒鹽、土匪及瑞士雞翼。土匪雞翼對於食開辣既我黎講唔升好辣，辣勁微微的，唔食辣既朋友仔都食到喔！薯條係典型冰室晚波浪形厚切薯，口感一流！配埋味道濃郁既黑松露醬，更加係超滋味！星級雜扒鐵板餐超豐富！岩哂黑洞胃既朋友呀！雜扒餐有牛扒，雞扒，腸仔、炸帶子、煙三文魚...仲可配薯菜、意粉或飯喔！雞扒同牛扒size都唔細，有成隻手掌咁長。仲要厚度唔算薄，份量非常足！鐵板餐仲有餐湯及餐湯喔！呢個羅宋湯材料十足，非常多菜呀！晚市精選套餐同樣有餐湯&餐飲...仲有多士添！多士香脆可口，而且煉奶同牛油均勻塗滿多士上面，好好味呀！呢碟鐵板鰻魚汁大蝦球炒出前一丁炒得幾香口。蝦球外層炸得乾了小小，否則就更完美了！

近年各區都開左好多新式茶餐廳，尤其d旺區。咁岩行去燈龍街睇下有咩食既時候就見到間新開既新式茶餐廳，望落幾光猛整齊就入左去試下。黑松露雜菌玉子燒配炸蝦撈丁去得呢d茶餐廳通常都要食佢既炒蛋，但竟然比我發現到有玉子燒，仲要係配黑松露同雜菌，咁當然要試下啦。一上碟果下就已經聞到好濃烈既黑松露味，原本以爲茶餐廳質素會好似M記d shake shake粉咁聞落好重味，但食落就無味，但又唔係wor。雜菌同黑松露係多到一切個玉子燒就擁曬出黎，而d蛋仲係滑既，玉子燒内部仲依然卦住少少蛋汁。炸蝦粉唔厚，唔會刻意扮大隻而裹上好多炸粉。 撈丁亦煮到恰到好處，食落仲有少少麵既彈性。咖喱厚切吉列豬柳飯分量好充足，男士黎食都無問題。吉列豬柳又真係名副其實既厚切，平時同行號大食既朋友都差d食塢曬個飯。試食左朋友個飯一啖，咖喱係普遍香港人接受到既辣度，唔會太辣。吉列豬柳都食得出係即炸既，味道都唔錯。總括而言，除左個黑松露雜菌玉子燒係貴少少之外，其他都係一般茶餐廳價，性價比都尚算高。

龍門冰室喺觀塘就食得多，但係銅鑼灣呢間新開嘅都係第一次試～叫返個招牌瑞士雞翼撈丁，想講呢度嘅瑞士汁真係好好食，出前一丁煮得又唔冧，口感啱啱好。雞翼煮得好入味，少少偏咸。但係整體來講都係唔錯英式早餐，呢個當午餐都相當之豐富，首先會有一碗蛋沙律，好清新，沙律醬份量有啲多😂 之後就有炒蛋，紐倫堡腸，煙肉，茄汁豆，薯餅等等，呢度嘅炒蛋係唔會令人失望～ 夠晒滑。黑松露雜菌芝士玉子燒，呢個嚴格來講係奄列唔係玉子燒😂 炒蛋包住忌廉汁質感既黑松露野菌芝士，好creamy好重黑松露味。土匪雞翼，呢個土匪雞翼有別於譚仔嘅土匪雞翼，呢個雞翼食落去唔會覺得好油，都好香，有香料味。然後雞翼食落都好嫩滑，皮脆肉嫩。紅豆餡西多士，西多士炸到金黃色，雖然唔係紅豆夾心，但係大大粒紅豆放喺西多士上面，個賣相都係幾吸引，最緊要係紅豆識落唔會好甜，連埋佢本身加咗嘅朱古力醬食都覺得啱啱好

早晨的銅鑼灣, 望上天空發現變陰暗， 忽然下著滂沱大雨 ， 我立即走入茶餐廳避雨 。這間餐開業大概只有三個月是登龍街唯一一間港式茶餐廳, 給我等上班一族帶來一點安慰。我點了沙爹牛肉麵，煎太陽蛋配奶醬麵包， 這裏的麵包可以自由選配醬料 ，實在太自由了😊 。 牛肉麵的牛肉是大大塊的，一點也不吝惜。 我最愛看著切開太陽蛋時，蛋汁慢慢沾到麵包。😋😋 不用多說，咖啡也是傳統茶餐廳的味道，又香濃又滑。一個早餐40元有找， 銅鑼灣算抵食了😊😊😊

是日紅日約左朋友去行山,所以一大清早就出左去食早餐先今日去左龍門冰室沙嗲牛米線加多士同炒蛋沙嗲牛米線-牛都算多都叫做幾好味午餐肉/香腸-煎得幾香口,永遠最邪惡野就最好食奶油多士-夠晒乾身都OK再加杯凍華田

銅鑼灣俾人嘅物價不嬲都高，因為係港島嘅旺區，同兩個fd行過登龍街，突然想食個下午茶，見到有間茶餐廳就入左去入到去，環境不錯，坐得很舒適，地方亦很乾淨下午茶餐可以自己配搭，價錢抵，又可就個人喜好炸雞脾配薯條-薯條粗身，所以好有薯味，炸雞脾外脆內嫩，好多肉汁吉列豬扒配黑蒜一丁-第一次見到茶餐廳有黑蒜油豬骨湯出前一丁，普通出前一丁，也是加$4，黑蒜一丁加$4覺得特別抵，湯底本身已有味，再俾埋包豬骨湯粉我，正呀，我最like重口味另外，吉豬外脆內軟，而且骨細，肉多，厚肉茶餐包左牛油厚多士，而且可以改果占/花生醬/煉奶/奶油/奶占/奶醬/油占，仲可以加$5改脆豬瑞士雞翼配西多士-瑞士雞翼煮得非常入味，入面嘅肉都有少少上色，而且甜甜的，不會太咸，好美味流心芝士西多士-西多士入面仲要有芝士火腿做餡咸牛肉炒蛋-見到加$14可以加配，好耐無食過，所以點左，咸牛肉量好多，一切開就流出多來凍奶茶-甜度剛好熱奶茶-茶香奶滑三個人埋單都只係$150左右，抵，地點方便，得閑可以再去