龍門冰室 (已結業)

同friend睇完蜘蛛俠，行咗去登龍街，沒有特別想到要吃什麼，見到龍門冰室，就入去醫醫肚！職員都好友善！冰室都幾大，所以坐得幾舒服！餐牌入面食物嘅選擇都幾多，焗飯、石鍋飯、意粉、鐵板餐等等，連all day breakfast都有！因為我地都想食鐵板餐，另外都想點個菜食下！點咗一碟蠔油生菜，加錢可拼小食，我地揀咗吉列豬扒！豬扒炸得好鬆軟，唔會好實好硬，外層脆裡面仲keep住肉汁！鐵板餐揀咗黑椒香蒜牛扒拼炸蝦同紐西蘭羊架拼香草腸！可以由6款醬汁：鮮茄汁、芝士汁、咖哩汁、黑椒汁、燒汁、龍蝦汁入面揀。我地都跟薯菜！跟餐係粟米忌廉湯！鐵板嘅好處係一嚟到熱辣辣，我個牛扒揀咗龍蝦汁，d汁倒落去鐵板到發出嘅「吱吱聲」真係好治癒！仲超級香！超豐富，有四大隻炸蝦，蝦肉彈牙，牛扒有咬口！羊架有兩大件，好嫩滑好淋，加上惹味黑椒汁更吸引！香草腸口感很好，不會有膩感！跟餐嘅飲品點咗熱檸賓同熱檸水！

今晚去銅鑼灣看電影，可是下班夜了故沒有太多的時間去吃飯，本來是打算吃個拉麵可以快一點，但是看到了這裡居然開了一間港式餐廳，更有鐵板餐便跑了進去。因為時間不多，一進去就趕快點餐，我點了一份爵士西冷扒拼香草腸，另男朋友就點了流心奄列豬扒意粉。茶餐廳當然上菜速度很快。看到我男朋友點的意粉，有點後悔了，流心奄列看著十分吸引，而且我嚐了它的咖喱汁，味道很香濃，配著意粉吃十分搭配，而且豬扒也是合我口味，因為我怕比較乾及肉質很柴的，可是這間卻是嫩口又多汁，相對來說，這個比鐵板餐更是我愛的。接著我點的鐵板餐也來了，其實整個套餐真的很合理，一百塊也不到就有餐湯、主菜及飲品，而且肉也很大份，其中最特別是醬可選龍蝦汁，從來沒有試過牛扒可以配這個醬但原來兩者也很搭配。整體來說，食物價格在銅鑼灣的地區來說是很便宜又大份，而且快速，時間不多的話是一個很好的選擇。

今天到了銅鑼灣辦完事，走咗入靜中帶旺嘅登龍街，順道在龍門冰室吃過午餐。我揀咗廚師推介餐「秘製咖哩羊架撈丁」$80，羊扒肉質嫩滑，外皮煎得很香脆，賣相已經十分吸睛，咖哩汁撈出前一丁好味到停唔到口，真的是茶餐廳價錢西餐廳品質，我餐飲改特飲凍奶茶紅豆冰+$9，凍奶茶配紅豆冰，口感豐富又消暑，雙贏呀！朋友選擇咗每日午餐的c餐「焗芝士汁豬頸肉飯」$55，我看見芝士汁很滑溜，朋友說好味道，羅宋餐湯則有少少嘅辣味，改特飲加$3熱檸檬利賓納，醒胃呵！

我同朋友  放工經過呢條街覺得有啲肚餓 行行下比首黎明既 今夜你會不會來吸引咗 咁就入去睇下有啲咩食七點鐘入到去 起碼有8成滿 地板用上舊階磚 餐廳播放住廣東歌感覺特別港式 望一望餐牌特別多選擇 由大至全日早餐細至三文治小食都有 價錢又貼地種類又多元化  我朋友就叫咗個 星級雜扒（$110) 佢有西冷扒雞扒英式腸三文魚  包咗一粟米蓉生餐湯同埋一杯嘢飲佢用粟米唔係罐頭嗰隻 加咗薯仔同埋雜菜粒粒口感更上一層 西冷扒同雞扒有手掌嘅size 食起黎唔會特別乾 淋上龍蝦汁配上雞肉嘅肉嫩多汁 已經分唔清係雞汁定係龍蝦汁 西冷扒一啲都唔煙靭 唔會太難咬仲食到牛肉味 英式腸又唔會過鹹 攞嚟送意粉一流 煙三文魚更可以中和食肉嘅油膩感而我就叫咗個至尊海鮮($105) 入面有青口 魷魚 帶子 龍脷柳同埋蝦球   吉列龍脷柳好厚身 粉又唔會太厚 食洛淡淡魚肉 表層炸得到脆口青口好新鮮 有兩個五蚊銀咁大 另外帶子同蝦仁又夠爽口彈牙 伴碟有西蘭花同蕃茄 食番呢啲蔬菜可以中和油膩 意粉亦都好夠份量 小食方面叫左 個黑松露雜菌焗西蘭花($35)好重本嘅芝士同埋雜菌 芝士同埋黑松露味滲入曬去西蘭花到 好夾好味道叫埋佢

諗住有好多好評啦，放lunch就試下。伏到爆炸。1.芺蓉蛋飯似煎蛋+叉燒飯咼邊到芺蓉呀？啲叉燒重要凍既，出哂事問佢咩事，話係呀獨有做法，獨有既難食呀。2.沙嗲牛面無沙嗲味，面無味最後，啲侍應態度寸到爆，又西又唔想理你咁。真係無下次。

是晚相約友人放工一聚，隨意入了這間冰室晚餐。我們二人被安排坐在卡位，座位空間非常充足，坐得很舒適。友人看見餐牌有玉子燒就馬上order了吞拿魚芝士玉子燒，非常吸引！送到來時，份量比想像中多，玉子燒樣子比較像蛋包飯的模樣，有點期望落差，但水準不錯，芝士與吞拿魚的配搭非常開胃！伴菜炸帶子亦是熱辣辣、卜卜脆，正！主食還點了羊扒鐵板餐，淋上醬汁後羊味撲鼻而至，肉質有彈性。薯菜份量亦非常足夠！隨餐送的羅宋湯較稀，但味道不會太淡，可接受。另外還order了土匪雞翼和焗西蘭花，雞翼肉汁鎖在裡面非常有驚喜！西蘭花正常水準！共order了四樣食物食到「攬住個肚」走，抵食！

1/7登龍街唯一一間本地茶餐廳，下午茶時間就即管試吓佢喇。叫咗乾炒豬扒公仔麵，賣相有誠意，但略嫌重手咗，鹽同埋油嘅份量都太多，奶茶就keep住一貫水準，茶奶嘅比例好，茶香奶滑，至於瑞士雞翼，多士同埋牛乳炒滑蛋水準不俗。總結黎講，喺cwb算係一間cp值不錯嘅茶餐廳，值得再試。

前牌經過銅鑼灣食咗個下午茶覺得好唔錯！！..........3.6特濃牛乳芝士玉子常餐$48個蛋超好食！！！好香奶味又夠滑另外個餐會有多士同一碗湯麵夠晒飽肚👍🏻👍🏻👍🏻..........流心奄列餐$60呢個我哋叫咗魚柳配飯個蛋就更加大隻 都係一樣咁滑咁好食另外加咗瑞士雞翼佢啲瑞士雞翼好入味🤣🤣..........整體而言冰室來說質素不錯👍🏻惟人太多 坐位較為逼龍門冰室地址︰銅鑼灣登龍街28號永光中心地下

來到銅鑼灣，想搵個地方食個便飯，於是乎就人左呢間茶餐廳，入面都幾大，而且地方寬闊，係門口完全睇唔出係茶餐廳。同友人各自叫左美式鐵板餐，一個叫左海鮮鐵板餐，一個叫左雜扒；個餐包左2碗湯，係主菜來前已經飲曬。至尊海鮮伴意粉 - 有青口，魷魚圈，蝦球，帶子同龍脷柳。3件蝦球大大件，好好味，有好多魷魚，仲有龍脷柳經油炸過好脆。加上意粉，份量岩岩好。星級雜扒就有煙三文魚，西冷扒，雞扒，炸帶子同英式腸，份量好大份，雞扒好入味，薯條好脆。另外仲叫左杯奶茶同埋凍檸茶，茶味濃，奶味重。

前兩日出銅鑼灣睇戲，睇戲前快快食個晚餐，見到登龍街呢間新開嘅茶餐廳都幾多款嘢食，咁就試下啦！啲餐單真係好多款式，中日韓，甚至英式食物都有。上Openrice 見好多人推介英式早餐同埋玉子燒，咁我同男朋友就一人叫一款傳統英式早餐同埋日式玉子燒餐。傳統英式早餐超級豐富，個餐包咗羅宋湯同沙律！除咗有炒滑蛋，德國腸，煙三文魚同煙肉，仲有大蘑菇，多士，薯餅同焗豆！樣樣食物都唔錯！最推介嘅係大蘑菇，超多汁！個薯餅都好有驚喜，外面炸到脆卜卜，好香口！日式玉子燒雖然外貌同張相有少少出入，但食落都幾特別，係港日fusion，我揀咗鹹牛肉芝士玉子燒，鹹鹹嘅牛肉配埋芝士同玉子，味道出乎意料咁夾！個撈丁都唔錯，個豉油汁幾好味，應該係瑞士汁雞翼啲汁！我哋另外仲叫咗個小食，大推蜜糖雞翼！雞翼煎到好香口，調味有啲似土匪雞翼加蜜糖，好惹味！因為天氣好熱，所以男朋友叫咗鹹檸七，鹹鹹甜甜好開胃！龍門冰室雖然價錢中上，但都好多款式，待應熱好友善，下次嚟登龍街除咗食拉麵，都可以試吓呢間！

天文台近來起勢話會落大雨，結果兩星期都時雨時晴，大胃梗係唔理，照約胃民出嚟去沙灘游水，游完水脫水又脫脂，又渴又餓，喺銅鑼灣平平地咁食個茶記就至啱喇茶記上菜快就梗㗎啦，其實水吧更快手奶茶依然好有茶記水準，紅豆都幾腍夜晚飲奶有助安眠，我估咋第二快就係上湯，嗗一聲飲晒落肚雜扒果然唔係惹小，層層疊咁，頓時冇乜信心清得晒𠻹玉子燒好有黑松露味碟意粉又幾多海鮮㗎喎估唔到冰室都有雞翼放題，呢個世界真係咩都有可能

冰室如雨後春筍，梗有一間係左近。冰室比茶餐室光亮乾淨，價錢如果是差不多，要揀的一定去冰室。登龍街最近開設了一間龍門冰室，環境和服務好，價格親民，值得推介。鐵板牛扒炸蝦餐以包括餐湯和飲品。忌廉湯味道濃厚，還有蔬菜粒增加口感。鐵板牛扒炸蝦熱呼呼，吱吱發響。黑椒汁另上，方便按自己喜愛加減。牛扒質感軟熟，牛味濃郁。炸蝦炸得不油不膩，可惜漿衣梢為厚了。奶醬多無論什麼時候都適合進食。厚切的麵包烤得脆脆，跟奶醬的配搭yummy yummy呀！

跟朋友做完運動又是醫肚既時候，行下行下就黎左登龍街，中日韓西乜都有，但由於時間有點夜，都係食番港式茶餐廳，快靚正😬見到呢間龍門冰室，沒有一般的炒粉麵飯，有的是一堆中西合壁的fusion 菜...座位與座位的間距頗闊，冷氣充足。流心奄列餐配豬扒咖哩汁初時在想什麼是流心奄列？原來是奄列內包含了咖哩汁😆飯的份量極多，豬扒也煎得不錯👌🏽茶餐A-瑞士汁雞翼公仔麵餐配多士炒蛋一間茶記好唔好食睇佢個茶餐就知...份量算大，選擇亦多，麵的硬度剛剛好，瑞士汁雞翼都好入味紅豆冰，紅豆煮得剛好，不會好硬又不會太爛，有口感北海道3.6牛乳

近日去冰室食嘢係潮流,  今日同朋友去銅鑼灣人氣地點, 登龍街的 龍門冰室.這裏座位闊落, 有卡位, 裝修得好清潔整齊, 侍應招呼都好好,  一坐低就送上彩頁餐牌.我們大家 share, 首先叫了個全日都可以食嘅英式早餐, 包飲品及湯. 飲品我點了凍檸水.  湯是忌廉粟米.  十分鐘便送到, 先飲凍檸水涼一涼.   湯我自用, 因為忌廉粟米湯是我至愛.接著送來主角英式早餐, 好大碟, 夠豐富. 有煙三文魚, 擺設像朵玫瑰花, 入口好香煙燻味.三角炸薯餅,  鬆脆好食.大大個啡菇, 爽口又多汁.   香草雙腸, 味道適中.  每人一條.煙肉和滑蛋炒得香. 茄汁豆, 烘麪包夾有牛油, 好美味, 感覺超值 !!另一個午餐:   秘製咖喱羊架伴有意粉,  及凍檸檬茶.凍檸檬茶, 清涼解暑. 羊架煎得剛剛好,   有三件, 肉質稔滑,  咖喱味濃, 調味唔錯.意粉軟硬度適中.   烹調非常好.  朋友叫了 粟米沙律, 有菠蘿, 椰果, 粟米好甜稔. 做得好.這冰室環境好, 我們坐一會, 又叫了 瑞士雞翼 有三隻, 瑞士汁醃得入味, 雞翼肉滑香嫩, 好滋味.精選晚餐有多個選擇, 我們下次要再來.結

唔知點解今日街上面冇乜人😗，經過呢間龍門冰室，竟然冇人係門口排隊！之前都想試下，不過個陣見咁多人等，所以就冇去到。😂今日就入去試試，佢食物種類都幾多。好特別有+20升級雞翼同黑松露薯條任食。😳⭐️星級雜扒餐🥰餐湯 -樣麻麻，但粟米味又幾重，又幾好味。好少會有咁多款野食嘅雜扒餐，都幾特別。👍🏼⭐️日式玉子燒餐 - 吞拿魚芝士玉子 + 炸蝦撈丁唔知係咪我重口味，😂我會想佢多d芝士同多d汁for 個撈丁。咁本身個味係唔差嘅，不過都有改善空間！💪🏼⭐️黑松露薯條⭐️雞翼 - 每款叫左兩隻試下隻味先。😋