龍門冰室 (已結業)

又到拍拖日，行街行到肚餓便黎到香港特色冰室，而龍門冰室同老公都係第一次食，6點幾餐廳🍴都算多人🤪🤪🤪🤪🤪女仔通常都唔食得多，見到呢個全日早餐，仲係全日供應👍🏻超正.叫左個雪菜米線套餐都算不算的 不過我叫煉奶多士如果煉奶可以多番少少就完美啦而來叫左個鐵板套餐，超大既一份套餐 有好多醬汁配搭 老公呢個叫左個黑椒汁 鴨胸煙肉 雞排同泡菜.個雞排幾好味，不會好*鞋*呢個同老公都讚好 韓國炸雞 外脆內軟 又不會乾身，甜甜啲 ，好吃😋叫左咁多樣野都咁底🤩🤩

龍門冰室係我屋苑內都有間。今日行過見到銅記有。好有親切感, 更係試下有沒有太大分別。同honey 一齊看看內裡裝潢差不多。連餐牌都係一樣所以搵些平日少食的食物。honey 叫左個晚餐秘製咖哩厚切吉列豬柳飯有湯，沙律同飲品。沙律不是什果。反而用粟米及雞蛋碎好味之餘。又醒胃豬柳不細，而且口感帶柔軟。沒有骨扒有肥膏，不是太厚身。但入口鬆化味道剛好。 咖哩味道不會太辣味配上香脆吉列豬柳食慾自然大增，再混入熱飯。停手較難。我選了傳統英式早餐個。好似早餐有炒雞蛋，德國紐倫堡香腸， 煙三文魚，大蘑菇，薯餅多士，煙肉。因為不太肚餓德國紐倫堡香腸 皮脆肉味濃，煙三文魚 造型 好像一朵花 ，特別吸引唯一薯餅不夠熱。如果夠熱。仲脆。入口更美味。食了太多肉。加個芝士焗 西蘭花減少油膩感。如果芝士味再濃。更覺惹味。短短一個晚餐時間已經飽飽，好有滿足感。其實自己晚餐一向少食的我。加上餐廳價錢好合理.所以今晚都破例食餐好同份量較平日多。

今晚老婆約左朋友，唔人煮飯😫 為有落街搵野食啦，食啲經濟飯，叫左個鐵板飯，比想像中還要大份，有雞排泡菜同煙肉 ，個雞排煎得黎唔會好*鞋* 都有啲肉汁 ，可以自選醬汁，還有杯野飲. 咁就過左一個人既晚飯啦

黎到銅鑼灣搵一間食鐵板既餐廳都會好貴，小編行街經過一間平民價鐵板餐廳～～龍門冰室。首先環境方面，餐廳以黑白顏色做主題，座椅一半是卡位型式，一半用方枱砌成長方形，整齊簡潔，店舖光線充足，整體觀感很好！其次食物方面，小編點了兩個鐵板餐，先講牛扒炸蝦鐵板餐，牛扒好大，食落去軟軟的，煎得岩岩好，肉汁好多，配合埋濃濃既龍蝦汁，味道更出，加上炸蝦即叫即整，鬆脆可口，相當好食！另外，鐵板蝦球公仔麵，蝦球肉質鮮美，食落有蝦既甜味，而且爽口彈牙，好新鮮，配合埋麻油味公仔麵一齊食，熱辣辣，大大滿足！再者價錢方面，合理高質，兩人食只需200蚊就可以埋單，而且份量十足，依家仲有優惠，凡惠顧鐵板/晚餐加20蚊就有雞翼放題，當中有4款雞翼食，當中包括瑞士汁，椒鹽，土匪，蜜糖，每款各有特色，無限添加，優惠期去到12月31日，喜愛食雞翼既朋友唔好放過！最後服務方面，店員面帶笑容，和藹可親，而且主動推介食物俾客人，好有禮貌又親切，小編必定再到訪！

今天放工和老公到銅鑼灣逛街，銅鑼灣大部分都是偏貴又人多，經過登龍街看到這間冰室價錢相宜餐牌又多選擇，便決定試一試我們點了一個鐵板餐和撈丁餐周打魚湯 - 鐵板餐的餐湯，熱辣辣的，餐湯多菜粒而清淡，十分適合餐前喝燒汁紐西蘭羊架拼香草腸配薯菜 - 店員主動幫我們倒醬汁，服務加分羊架啖啖肉而不有羶味！香草腸帶有微微香草味，十分特別，而且份量多，十分抵食！看到餐牌叫了鐵板餐只需加$20便可任食雞翼！雖然已很飽但不叫真的對不起自己我們只叫了我們最愛的蜜糖雞翼蜜糖雞翼 - 熱辣辣的，雞翼肉質香嫩又帶微甜的蜜糖味，真是令我吃不停口！瑞士汁雞髀撈丁 - 雞脾啖啖肉而且肉質很滑！再配上微甜的瑞士汁撈出前一丁，是我的最愛餐飲點了熱檸蜜和凍朱古力，是茶餐廳必點！在銅鑼灣都可以找到抵食而且份量多的餐廳，下次真的可以再來！

去冰室/茶記最愛叫常餐，銅鑼灣呢間新派冰室仲有限定常餐🍳「3.6特濃牛乳芝士玉子常餐」$40/48佢個芝士3.6玉子燒有4款，包括:🔸吞拿魚芝士玉子燒﹑🔸香辣肉醬芝士玉子燒﹑🔸咸牛肉芝士玉子燒﹑🔸黑松露雜菌芝士玉子燒，而我就選了咸牛肉芝士玉子燒🐮🧀🍳，玉子燒用上3.6特濃牛乳，奶味特別重，加埋咸牛肉同半溶的芝士，超香的😝另外配上湯麵，湯麵選擇有成十款，比平時食到的常餐更多選擇，真係多到有選擇困難😂🙈最後選了蜜汁叉燒湯意粉﹑叉燒肉嫩香甜，還不錯，套餐配半份多士，牛油/果醬/煉奶/花生醬任選，跟餐仲送3.6奶茶或咖啡！😉亦可錢加多d配菜，令成個常餐更豐富，就加$16要多個炸雞脾，炸雞脾都炸得不錯，熱辣辣，皮脆肉滑，可以試試😉

登龍街一向是試新嘢嘅好地方，由一開始的拉麵鋪，到現在居然有冰室，筆者估計佢一定有其個人之處先夠膽在那兒開鋪。Lunch時間人很多，不斷有人排隊，好彩今次早左踏出公司門口，轉枱嘅時間亦快。看看餐牌，食物的確有趣，並不是一般冰室有得點的。二人進餐，朋友點了卡邦尼意粉 (係咪估佢唔到先，賣相不俗嫁)，仲有餐湯跟沙津送。味道方面，沙津很有自家制的味道，雞蛋粟米，很自然；試了少少意粉，芝士粉在面頭，溶在口中，菇亦有其香口味道。筆者點了流心奄列蛋飯配雞扒及茄汁。雞扒好大塊，亦不油膩，味道中規中矩，抵食。本以為奄列蛋飯的飯，會夾在炒蛋中間，可惜的是飯還飯，蛋還蛋，沒有了驚喜的感覺。還有其他食物都挺吸引的，有機會要試試筆者最愛的玉子燒。其實，筆者也很喜歡此餐廳的懷舊地磚。

返工前一定要食返個豐富既早餐既先食個餐,叉燒面,多士,腸仔,午餐肉,凍奶茶叉燒面個味都仲ok但是鞋口左一d,如果半肥瘦會好食好多多士如果再乾身一d會比較好午餐肉同腸仔煎得幾香唔錯凍奶茶茶都算夠味,有冰都唔會太淡都算唔錯

龍門冰室剛開業已經吸引不少人排隊、餐廳走懷舊路線、餐牌亦有多款不同選擇、常餐、扒餐、午餐、晚餐、焗飯、小食等。花了好一陣子才想好究竟要吃什麼、點了這個3.6 特濃牛乳芝士玉子特餐 $48、有湯麵、玉子燒、多士和飲品、非常豐富。鮮茄濃湯牛肉通粉 牛肉片幾多、份量不少。香辣玉醬芝士玉子燒、在平常炒蛋中夾了層辣肉醬、味道幾等別。多士還可選牛油、果醬、煉奶、花生醬。。真的好少常餐都可以選這些。果占多烘得香脆、果醬均勻塗在多士上、好好食。加$7 加配菠蘿冰、不是菠蘿蓉、反而是大大件菠蘿🍍友人點的瑞士汁雞翼湯公仔麵 $48 雞翼幾入味、另配油占多和炒蛋。熱檸蜜也有好多片檸檬～

龍門冰室剛在銅鑼灣登龍街28號永光中心地下開了分店，剛在銅鑼灣開完會，梗係要同同事去食番餐啦～佢哋嘅午餐，茶餐同全日早餐，夠大份相當抵食，必食之選【傳統英式早餐】，有炒滑蛋、德國紐倫堡腸、煙三文魚、煙肉、大蘑菇、薯餅、焗豆、多士，配埋湯同沙律，仲有茶餐都係75蚊，簡直好超值!炒滑蛋夠香， 煙三文魚有四大塊， 兩大條德國紐倫堡腸煎得鹹鹹香香，很惹味， 大蘑菇夠juicy，總之 份量十足。同事就叫了茶餐【 瑞士汁雞翼湯公仔麵】配埋3.6北海道牛乳炒蛋配厚多士， 瑞士汁雞翼肉質肥美夠入味，公仔麵正常，加錢配埋杯紅豆冰，perfect !我就加錢要了龍鳳七喜， 咸柑桔加檸檬幫忙消滯，咁多野食，二人加埋140有找，真心覺得好抵食。

這晚經過銅鑼灣登龍街，發現開了一間新餐廳，名為龍門冰室。餐廳裝修以黑白為主，連地磚也是黑白的，有點懷舊茶餐廳的感覺。餐牌厚厚的一大本，選擇頗多，晚市套餐，各式常餐，焗飯焗意粉，以及鐵板扒餐都有，價格實惠。很快已決定要來一客美式鐵板餐，選了紐西蘭羊架拼香草腸，鐵板夠熱，最愛聽下醬汁時發出炸炸聲，其他餐廳醬汁方面通常只有黑椒汁及洋蔥汁選擇，而這裡有龍蝦汁，比較少有，一於試試龍蝦汁吧，羊架很夠份量， 羊架肉質嫩滑，帶點羊臊味。至於另一主角香草腸類似司華力腸，不過多了點香草味。小食點了土匪雞翼，雞翼炸得香脆，帶少少辣，很惹味。到冰室一定少不了吃公仔麵吧，所以點了一個撈丁餐 - 公仔麵+雞翼，哈哈，忘了已點了土匪雞翼，又重覆點了雞翼， 雞翼同樣炸得香脆， 公仔麵煮得剛好，最怕吃到麵條淋身的質感。到冰室另一常吃的食物是奶油脆豬，脆豬鬆軟香脆，配上香甜滑溜的奶油，美味!

陪新同事見完客賽後檢討，一登龍門。當然要 一杯 3.6 特濃奶茶啦， 茶膽夠濃，亦帶奶香。瑞士汁雞翼三隻 ，瑞士汁太正雞翼亦煮到好腍，後悔只加錢換三隻吃實在好吃得不太夠喉。早知直接單叫一碟更爽!這個套餐 L 覺得抵食的地方就是可以一個餐滿足多個願望 (有玉子燒、奶茶、蕃茄牛及多士)。花生醬多士很香很惹味、而主角 3.6特濃牛乳黑松露雜菌芝士玉子燒送來的時候驟眼看是一碟奄列， 切開後黑松露雜菌芝士破殼而出。 香氣四溢與滑蛋很夾。鮮茄濃湯牛肉米粉則是吃一個時代巨輪的情懷，但 L 仍然覺得鮮茄濃湯牛肉應該配通粉較恰當。 鮮牛固然嫩滑、蕃茄湯底亦都濃郁。友人餐飲則選熱柚子蜜，不過不失。鮮茄汁豬扒焗飯 厚切豬扒炒飯底很香口、濃濃的番茄芝士汁很正。

時代廣場附近新開一間茶餐廳，假日下午茶時段逼滿人，不過等左一陣就有位🙌🏽餐牌食物選擇多，淨係下午茶都有咁多種揀，英文+數字各選一款，附送餐飲先$38，銅鑼灣區唔洗50蚊真係抵到爛😝😝😝就算係午餐都只係$55，真係難得👍蠔油仿鮑魚絲撈丁下午茶餐唔可以冇嘅撈丁，而且表明係仿鮑魚絲非常老實！Q版焗肉醬意粉+瑞士雞翼🤤🤤雞翼一客有三件，瑞士汁煮得入味。意粉即點即焗，雖然是Q版，但份量唔係少到得幾啖就冇！不鏽鋼杯奉上嘅凍飲，夏天消暑必備🤩

放工買左戲飛睇戲，所以就搵左一間冰室食下，貪佢多選擇同埋快!今次黎到呢間位於登龍街既冰室，平時lunch經過見到好多人等位的，夜晚就冇咁多人唔駛等位，但都滿座的。茶餐廳通常都有好多唔同的食物選擇，今次我跟友人分別點了all day breakfast和玉子常餐。傳統英式早餐($75)，初初以為只有一碟早餐，但點知原來呢個餐還有餐湯、沙律同埋野飲。餐湯為雜菜湯，非常多蔬菜，酸酸地幾開胃。沙律什果碎蛋沙律，夠大碗同埋冇出水，碎蛋切得夠細粒!英式早餐包括有炒蛋、煙肉、雞肉腸、煙三文魚、薯餅、大啡菇、茄汁豆同埋多士，炒蛋炒得夠滑而且有蛋汁，煙肉唔會煎得太燶，整體份量多而且都整得不錯!3.6特濃牛乳芝士玉子常餐($48)，呢個餐有粉、芝士玉子燒、多士同埋飲品，份量都好多!湯麵我揀選了榨菜肉絲通粉，通粉係用中型size那種！芝士玉子光餡料有幾款可以揀，而我就揀選了咸牛肉，咸牛肉很多，連埋芝士蛋一齊食味道剛剛好！多士既醬亦可以揀，我揀選了奶油多，煉奶很多！奶茶紅豆冰，如果跟餐只需加$9就可飲到！紅豆都幾多，連埋奶茶一齊飲又幾特別！黎食個快飯也是個不錯的選擇！

今晚去銅鑼灣上堂，上堂前同同學速食～我地揀左龍門冰室，貪佢平靚正，而且近我地上堂既地方！！一人叫左一個餐，我要左個瑞士雞翼米粉常餐，有炒蛋，奶醬多士，仲另加五香肉丁～瑞士雞翼好入味，嫩滑，五香肉丁辣而香，炒蛋好多蛋香！同學叫左個白汁蜆肉意粉，意粉份量好多，食落好彈牙，蜆肉都鮮美！最後仲叫埋２杯野飲，一杯熱檸水，一杯熱北海道牛乳鮮奶！熱北海道牛乳鮮奶又香又滑，OVERALL 每人平過$100, 真係好抵食！