龍門冰室 (已結業)

紅磡依頭多平民美食就係架啦，行經見到依間茶記有少量人等位，好似幾受歡迎咁，望入去見到裝潢幾得意，就試一試佢首先叫左瑞士汁雞翼（五隻）用上大量醬汁，味道濃郁黎得茶記必食常餐叉燒意粉用上唔少叉燒，值得讚，湯意粉並無太腍，整體算唔錯配上煎蛋同厚多士，煎蛋叫左熟蛋，而多士入面既醬係任揀，我地揀左占醬多不過不失餐廳飲品選擇好多，跟餐加兩蚊要左熱檸蜜，放左都幾多塊檸檬落唔少本另外叫番碟時菜，清清個肚，揀左西蘭花，尚算新鮮，不錯我叫既依碟真係推介佢叫韓式鐵鍋珍珠飯吉列豬扒配香草腸單睇賣相已經既吸引又邪惡白色既醬係芝士汁，佢仲可以配多款其他醬汁架塊吉列豬扒的確炸得很不錯，鬆脆多汁配上芝士汁食仲好食而且仲好大塊下架佢個芝士汁做得唔錯，偏稀而不太流，放上鐵板上有助散發焦香味淡淡既芝士味配肉黎撈飯食幾我跟餐就加錢要左甘吉蜜，都不錯整體黎講，餐廳質素可以，而且提供既食物款式算多，有啲仲係非一般茶記揾到架tim

雞翼炒烏冬雞翼完全冇味咁難食嘅餐廳都會有人食要讚 等 候 時 間 四 十 五 分 鐘 5出品非常求其今次已是第三次去幫襯最後一次了去三次每一次都係失望而回很奇怪仲會有咁多人去食嘢比普通茶餐廳仲差嘅出品

三位友人點玉子燒：黑松露玉子燒拼炸帶子：嘩！係細個媽媽會炸嘅雪藏帶子呀！友人請我試咗啖黑松露玉子燒，味道有驚喜，蛋好滑，有啲菌香味吞拿魚玉子燒拼雞翼走菜：友人又請我試啖吞拿魚玉子燒，吞拿魚就罐頭吞拿魚嘅味道，相比之下味道好寡。其實個餐比較腬，女友人食唔哂。我自己點黑椒汁雜扒配薯菜走薯($75)：黑椒汁味道 OK，肉質好普通，勝在多！雜扒餐嘅餐湯都好大碗，無茄膏，好有茄鮮味。木糠布甸(跟餐加$8)：友人加咗個甜品，聽聞每日限量，八點後多數無，友人話係佢鍾意食嘅硬身。結論：大件夾抵食

朋友介紹於紅磡的龍門冰室不錯，是他紅磡「平靚正」的三甲之一，今日就試下。 沒想到種類非常多，有all day breakfast，雜扒餐，意粉、甚至窩夫等甜品。 熱朱古力 套餐飲品點了熱朱古力。 粟米沙律、餐湯套餐更有粟米沙律為前菜，羅宋湯為餐湯，份量不少而且非常開胃。 香蒜牛油帶子意粉 意粉帶有牛油香，不過帶子如果煎香更好，味道還可以，但賣相差了點。 星級雜扒鐵板餐雜扒有西冷扒、雞扒、英式腸、煙三文魚和炸帶子。可選黑椒汁、龍蝦汁、蒜蓉汁、茄汁、芝士汁、咖哩汁。可配飯、意粉或薯菜。選擇非常多，份量大足。最喜歡雞扒煎得外皮焦脆，但內裡肉嫰，不錯。 藍莓布丁 跟餐加$10點了藍莓布丁。 兩個人有前菜、餐湯、主菜、飲品及甜品，平均只是$82，的確幾抵食。

這天與朋友在紅磡相約想吃個紅冰下午茶，我到達的時間是530pm，怎料530pm後就沒有了。因此我們唯有轉陣去其他餐廳。行過一條街見到冰室兩個字嘅餐廳就衝了進去，可能因為太餓了，又見還有下午茶餐，而且通常有”冰室”兩個字的餐廳都不錯。一坐下，我們便急不可待地看下午茶menu，結果朋友點了茶餐，我則點了廚師推介的卡邦尼意粉+滷水雞脾(百搭下午茶)這個茶餐的蕃茄通非常一般，蕃茄味不濃，製作不精緻，送上時只見清湯上面有一pat蕃茄醬，感覺十分隨便及求其。而配料都是水煮的，我們還期待煙肉會是煎的。至於我的百搭下午茶餐則不錯，雖然意粉的份量少得可憐，但味覺還可以。值得一提的是滷水雞脾，十分有誠意，滷得十分入味，也把肉煮到十分鬆，連骨都煮到十分淋。

黃埔開咗地鐵之後，餐廳多咗好多，想搵野食一啲都唔難。今次試一間冰室，地鐵站行幾分鐘就到。我同朋友兩個人喺週日嚟到，好好彩唔使等位。餐廳嘅佈置有特色，有啲公仔擺設，懷舊得嚟又有幾分時尚感，同普通嘅冰室感覺有啲唔同。坐低睇睇個menu，都有幾多款式，甚至有all day breakfast，可以話係中西合璧。另外，吸引眼球嘅係雜扒餐，應該話係鐵板雜扒餐，仲有啲沙律小食。1) 粟米沙律、餐湯 (⭐⭐⭐⭐💢):作為前菜，點咗粟米沙律。除咗有粟米粒之外，仲有啲菠蘿粒，味道甜甜地，加埋沙律汁，幾清涼。至於餐湯，係羅宋湯，非常開胃。2) 星級雜扒鐵板餐 (⭐⭐⭐⭐⭐):雜扒有西冷扒、雞扒、炸帶子、煙三文魚同埋英式腸。汁方面可以揀黑椒汁、龍蝦汁、蒜蓉汁、茄汁、芝士汁、咖哩汁，配搭自由。當然仲可以揀飯、意粉定薯菜啦。呢個鐵板餐超具分量，可以兩個人開心share。而且非常香口，肉質鮮美，啲飯有少少燒焦質感，非常喜歡。呢個鐵板餐連埋湯都係一百蚊唔使，非常抵食。3) 芝士豬頸肉撈丁 (⭐⭐⭐⭐⭐)撈丁嘅熱潮雖然近年好似冇咁興旺，但係由於唔係好多餐廳可以食，所以今次見到都覺得幾特別想試。豬頸肉撈丁配搭一流，加上

今時今日叫得做冰室既，其實都係一啲新派茶餐廳有日行經依頭搵朋友，諗住搵間餐廳坐係度短聚一下，就試下依間龍門冰室，聽講佢有幾間分店架除左有經典鐵板扒餐，還有奄列餐，可以揀飯或麵，配埋唔同既肉類作配搭最特別係有玉子燒食真係無咩茶記會出依款食物當然碟頭飯同撈麵係實有供應啦另一個特點係餐廳提供既小食係好有西餐廳/cafe 特色飲品選擇算唔少依味咸牛肉芝士玉子燒配炸蝦，我揀左配撈一丁好豐富玉子燒很不錯，入面既咸牛肉同芝士都足料，份量夠多又厚身，不錯友人就叫左奄列配豬扒飯，質素可以，驚喜就唔多。茶餐廳有得叫凱薩沙拉一於叫個試下，除左啲麵包粒腍左少少之外，其餘既都做得唔錯，兩個人share就不錯依味椒鹽雞翼做得幾好，佢採用既椒鹽粒做得比一般既大粒，味道十足，新鮮烤好係好食既餐廳提供既味品主要得兩種，就係提拉米蘇周埋藍莓奶凍甜品味道算不錯，有一定水準整體來說，依間茶記比起一般茶記黎講有更多食物款式選擇，有一部分更係西餐廳提供既食物黎，算係一種茶餐廳新體驗黎既

今日同朋友嚟到黃埔呢邊食lunch 我哋呢就選擇咗呢一間龍門冰室 環境唔錯幾靚好闊落 但係飯市呢就有啲逼嘅lunch set嘅餐牌係幫埋線一餐湯同沙律嘅沙律係粟米配鮮果 酸酸嘅沙律醬 仲有雞蛋㖭 粟米甜甜地 水果酸酸地 陪媽一齊酸酸甜甜好開胃 而且份量好多 覺得好抵是一個餐廳呢就係羅宋湯 有新鮮嘅番茄同埋蔬菜仲有少少辣辣地嘅味道 唔錯我選擇嘅lunch就係呢個香蒜牛油帶子意粉 意粉嘅份量好足夠 原本以為茶餐廳嘅意粉份量應該會好少 但原來佢嘅份量都冇令我失望超過大半碟都係意粉 食落鹹鹹哋可以食到香蒜嘅香味 想望落去 好似只有一粒帶子咁 但係其實佢有好多大仔 大概有五六粒 因為我一麵食意粉 一面就會搵到大字所以原來佢大仔分量都唔少 因為二分係鹹嘅所以佢配上一啲嘅沙律菜去中和返呢個鹹味小食嘅menu好吸引 有勁多款因小食我就叫咗我最愛嘅蜜糖雞翼 雞翼見面有好香濃嘅蜜糖味 佢考得好香好脆 連雞翼都熱得好入味 我最鍾意就係呢個啦我好想選擇花茶 但係lunch冇得叫 所以我就轉咗揀其他嘢飲呢個就係咸檸檬七喜鹹檸檬配七喜都唔錯㗎

因為某D原因所以黎到呢頭，早上10點半已經來到，當然要食返個早餐。龍門冰室夠係大店，分店有幾間，質素應該不差吧！沙嗲牛肉麵配北海道3.6牛乳炒蛋+奶油多士 $29同區來講$29算係幾抵👍🏻 不過呢，價錢抵唔=可以比👍🏻👍🏻👍🏻首先講下個北海道3.6牛乳炒蛋，沒有炒滑蛋既感覺，火喉太過大了，個蛋都開始燶了。味道方面真係一般般喇！不過不失最想講既其實唔係佢個炒蛋，而係佢地呢個沙嗲牛肉麵。完全沒有茶記果種感覺了。真的... 其實我到底食緊咩？我自己都唔知...事關呢個沙嗲牛肉麵既牛肉係有用辣椒調味😅😅😅 味道其實唔算係難食，只能說完全唔可以同「沙嗲汁」呢個味道扯上關係，咁又為何叫做沙嗲牛肉麵呢？真正既港式茶記味道已經開始式微了。。。香港情懷只能存在我腦海裏了

來到紅磡工作的第一天，人哋話紅磡係美食集中地一條美食街已經有好多美食可以選擇。開來波多穩穩陣陣就搞咗間冰室坐坐。你返個全日早餐全日早餐大大份， 可以話係大件搭抵食。叉燒意粉叉燒好爽脆仲有細多張多落足料不計成本，個番茄湯都好有熱誠好鬼多料。重頭戲全日早餐先來頂蘑菇大大嚿仲有兩條德國腸好鬼好味過北海道牛乳炒蛋蛋味濃郁而且好鬼亂畫三文魚有＄4你都咪話唔抵食仲有個香脆炸薯餅炒落蘇秦亂畫重頭戲全日早餐先來頂蘑菇大大嚿仲有兩條德國腸好鬼好味過北海道牛乳炒蛋蛋味濃郁而且好鬼亂畫三文魚有＄4你都咪話唔抵食仲有個香脆炸薯餅炒落蘇秦亂畫 呢個價錢配上呢個質素可以話係無敵冇得輸

今日難得係紅磡呢頭出沒，經過見到有英雄既餐廳，就入去欣賞下，同嘆下喇！冰室黎講，整左個復仇者既裝飾牆，都算係幾新穎，哈哈！白色瓷磚都算幾乾淨！入黎果陣得返最後一張卡位，鋪頭原來都幾受歡迎。餐牌都算整潔，而且好大本，選擇多。我同朋友兩人加埋就叫左兩份主食，外加左兩份甜品。「不容有失」之前試過自己整既咸牛肉炒蛋，覺得比較普通，炒果陣可能個火開太大，蛋就好快熟，而咸牛肉未算好熱，而且同個蛋唔係撈得好勻。不過呢個玉子燒就似乎唔會犯呢個問題，佢用一大份咸牛肉做餡，夾住係蛋既中間，蛋皮咁厚，上下受熱，中間做餡既咸牛肉都一定夠熱，而且食果陣仲出哂煙！主食要左配撈丁，汁另上，食果時先自己撈，煮得算中上，唔係食落感覺爛爛的，有嚼勁。跟餐仲可以加配十蚊五隻雞翼，同埋一份油菜，成份主食黎齊之後，就覺得好吸引同豐富！「流奶與蜜」朋友話佢唔算好肚餓，只係叫左份奶油多加炒蛋。咁我就偷食左佢一啖奶油多，完全做到外脆內軟，牛油係半溶狀態，加埋甜奶真係一流！不過要提既食，如果鍾意食蛋既話，一定要點玉子燒，蛋既份量大份勁多！！！「馥郁豐富」甜品有兩款，同樣跟餐加幾蚊就有得食。我食既係提拉米蘇，底層既手指餅有濃濃既咖啡味，

今日放假我特登出去黃埔搵我朋友一齊食lunch 行行下見到龍門冰室 就入去食 食飯時間坐滿晒人 店舖仲擺咗好多Iron Man跟住因為太肚餓叫咗都幾多嘢食首先叫左瑞士雞翼，原來一個得3隻，雖然份量有啲少，但味道唔錯。之後仲有黑松露炒蛋多士，好滑，黑松露唔會過份搶味。正餐黎啦：就係香蒜牛油帶子意粉，幾特別，係冰室食西餐我都係第一次，而且帶子都幾多，配埋杯凍mocha， very good!我朋友就叫左蔥油雞扒撈丁，一上枱，爆香咗嘅蔥油，聞到都流晒口水，見到d雞扒煎得香脆，公仔麵撈埋啲豉油再加埋啲薑蔥 ，真係一流

餐廳主人應該10分喜歡Marvel漫畫，整間餐廳都用漫畫人物佈置，而且有不少模型在櫥櫃上擺設。🤖作為一個Marvel粉絲，對擺設完全不感到陌生😼。食嘢期間，都不停有啲後生仔入嚟幫襯👀英式全日早餐茄汁豆、炒蛋、蘑菇、炸薯餅、煙肉、白肉香腸、煙三文魚，以及牛油多士，樣樣皆全！高豐富嘅餐，最啱晒同男朋友一齊分享一下😋另外仲有一個粟米薯仔沙律🥗！一個人都未必食得晒🍽吞拿魚玉子燒🐟🍳咁大份玉子燒，一上碟就嚇親你先😆！玉子燒入面放吞拿魚，味道非常配合！ 外表是燒香的雞蛋，上邊淋上了一些日式醬汁。咬下去嘅時候，每一啖都係吞拿魚肉碎，而且混合了流心滑蛋👀，口感非常細膩，啱晒夏天嘅時候食。餐廳原來都好多客人，叫玉子燒餐。我嚟到嘅時候，黑松露口味已經全部賣晒！這道菜，比較原創又好味道，客人絕對值得一試！油菜🍀加＄10碟蔬菜，均衡飲食好重要喔！😌大吉嶺紅茶紅茶香味濃厚☕️，口感醇滑。大吉嶺茶 （ Darjeeling ）本身也不是便宜，冰室也放了兩個茶包，確保足夠兩人享用。個人不會加奶，這樣才能感受到茶香及保留其深紅褐色。好多茶可以揀，唔少幾鍾意飲茶客人都專登過嚟休閑一下凍檸茶

紅磡有唔少冰室茶餐廳選擇，今日就揀左門面唔太差嘅「龍門冰室」入去食lunch。餐牌裏面嘅食物種類都幾多，all day breakfast, 甜品都有。但正值中午時段，我同朋友一人揀左一個推介嘅精選午餐。咖喱味道正正路路，同普通茶記個啲差唔多。但薯仔只得一舊，牛肉一係太韌咬唔開，一係只得肥膏。唔推薦大家嗌呢個，$42相當唔抵食。睇得出廚房求其淋啲汁，放塊雞扒加啲蔥油就上碟。味道得一個字，超咸。塊雞扒只食得出豉油味，食真啲啲飯，發現個底係浸滿啲豉油架！！！真係好嬲，如果你話呢碟食30幾蚊我都算，但佢一啲都唔值$42。食完呢餐飯覺得走去隔離地食麥記仲好過佢。食完對呢間冰室印象太差，應該唔會再返兜幫襯佢。

食過呢間好多次 真係幾抵食！由其係佢個鐵板餐！！個個嗌完見到佢拎出黎個下都會嚇親 因為真係好大碟！！我次次都兩個人share 就咁嗌雞扒都有兩大大磈 同出面d雜扒餐比呢個真係算有誠意 性價比高！