龍門一番 上海·紫砂燉湯 (已結業)

去荃灣行ikea，行到攰攰地又想食下中菜，睇下openrice 附近有咩好食，見呢間龍門一番好似幾熱門下，價錢都算抵食就揀左佢黎食。 侍應安排我地坐外面梳化卡位，感覺好寬敞，可以順便聽埋隔離音樂餐廳啲音樂，但如果張梳化墊可以硬少少更好。睇餐牌見到個魔鬼天使小籠包好特別咁款，所以叫左試下。魔鬼小籠包有黑蒜肉，豬肉，海膽，味道比較重岩晒我食。天使小籠包就有帶子，豬肉同魚子醬，食落似傳統小籠包，無咁重味岩我朋友食。值得一讚就係叫完好快就有得食，仲要好熱唔會搞到個皮好易穿浪費左啲湯。之後叫左糖醋魚塊開下胃，佢啲粉唔係太厚唔會搞到無晒魚味，而且酸個程度岩岩好。$72價錢黎講同出面茶餐廳差不多，但質素明顯高二班。我地仲叫左個帶子粒粒炒飯，啲帶子size唔大唔細，一口食岩岩好，仲吸晒炒飯啲精華好惹味。最後仲叫左個蒙古手撕雞卷，外表顏色烤到金黃色賣相好靚。雖然雞既份量小左啲，但勝在自家調製芥末醬夠晒風味補救翻。另外一提呢到啲茶係獨立包裝，比茶樓個啲靚好多，幾特別一人一小壺，唔會沖淡晒。食物種類亦都多不勝數，有啲食物仲有圖你睇

前排食得太多燒肉放題同火鍋，係時候回歸清淡少少養下生。上網見龍門一番既燉湯好似幾正，加上好想食小籠包，所以就黎試一試。荃灣地鐵站只要一直沿天橋行便能到達8咪半，依到大部分餐廳面積都算大。龍門一番亦都唔例外，環境闊落，樓底高。舖面以淺木色及少量瓷磚做主調，走田園風，有設計感。少了一份上海的傳統，卻多了一份cafe的溫暖。配以暗黃燈，坐得非常自然舒適。入座後可自選茶葉泡茶。(人參烏龍、鐵觀音、茉莉龍珠、普洱) 每包茶葉以真空處理，份量都已經分配好，倒進茶具便能自行泡茶。個人就揀了人參烏龍，這味道外面比較少見。(店內有售茶葉)食物方面上海菜其實都好多類別：由冷盤開始(花雕醉豬手、雞絲粉皮)、養生燉湯、小炒、海鮮、燒餅/鍋包、飯麵類、點心、創作甜品。每個類別既選擇都好多，相信有選擇困難既你係需要啲時間揀😂因為我都揀左好耐！______________________________🔸花膠螺頭干貝燉雲呑雞湯 $198以紫砂湯盅清燉，份量夠四至六人份，十分足料。雲吞另上，唔怕浸到淋哂。湯入面既材料原汁原味上，無添加味精，仲可以食埋湯渣。入面有半隻雞、響螺、干貝、瘦肉，而花膠早就溶化在湯入面。花膠含

去完上海旅行返黎一個星期之後，仲好掛住上海既野食，咁岩睇完傢俬經過8咪半既”龍門一番．上海紫砂燉湯”就決定試一試。一入到去覺得環境唔錯，裝修唔錯，樓底仲好高，感覺都幾舒服。坐低左就可選擇飲咩茶，我最欣賞佢就有個茶盅係到焗下D茶葉，真係特別好飲。點左個雞絲粉皮，的確有D上海既味道，再點左個魔鬼天使小籠包，上海味道得黎帶D新派元素，值得一試。再點左個孜然羊肉配叉子，比上海更出色。最後點左個炒年糕，味道就偏淡左D。不過整體上，都令我搵得返上海既味道。最後最後不得不讚下，佢地服務態度，笑容又好，一定會再黎。

👎🏻與別不同的水煮魚方法都係第一次食到？其他餐廳用的是新鮮魚，唔會話所為的走油(炸）方法去處理，走油代表條魚唔新鮮囉！問過所謂經理佢話水煮魚一定係要走油喎，冇可能唔用走油方法去煮🙈👎🏻👎🏻👎🏻👎🏻👎🏻👎🏻👎🏻👎🏻。。。。。。。。。。。。。。。。。。。。。。。。。。。。。。..............................

每次經過龍門一番，都覺得名字非常特別，看真點，原來主打新派上海佳餚，紫砂燉湯，水煮桂花魚，麻辣美點及特式甜品...等，非常多菜式。今日午餐終於來到龍門一番，試嚇那水煮桂花魚。平時經過看入去隻感覺不是很大間，原來裡面都很大，真是別有洞天，裡面裝修非常精緻優雅，令人感覺一個上午的辛勞都沒有了，感覺非常舒適。每次經過，都心思思想試那水煮桂花魚，終於可以一嚐心願啦，坐下隻覺服務員態度熱情，有一種賓至如歸的感覺。水煮桂花魚$238。水煮桂花魚上枱，見到真是令我由心底嘩一聲，大大盤，先聞到的是一陣麻辣香味，見到面上那麻辣紅油，那桂花魚肉雪白透滑的，見到真是忍不住要先嚐試那桂花魚，先夾一件桂花魚，入口已先感覺到麻辣味及魚的鮮味，廚師拿捏得很好，桂花魚剛好熟，帶著麻辣味的桂花魚，肉質嫩中帶滑，超贊。湯底下還有芽菜，雲耳，寬薯粉及扭扭薯粉，帶著麻辣，吸收了桂花魚的精華，非常好味哦。魔鬼天使小籠包$58。見到隔離食魔鬼天使小籠包，忍不住又要多一個魔鬼天使小籠包，一黑一白真是非常吸引，𥚃面肉汁非常多，非常鮮，分2啖食剛剛好。飬生紅棗茶$16。 我喜歡這個飬生紅棗茶，不會太甜，有營養又健康。今個午餐真是感覺美

朋友新居入伙，陪他到荃灣宜家傢俬購買用品，到了用餐時間，便在附近選擇餐廳，見到這間新派上海菜，便想試試。見到門口提到有免費派飯活動，又再加分，增加好感。一坐下，待應便讓我們選擇茶包，我選了人參鳥龍，朋友選了茉莉花茶，一人一盅，各有所好。看到餐牌，包羅萬有，樣樣都想吃。選了差不多10分鐘，我們決定了要上海小籠包，紅燒豬手拌麵和紅燒粉皮魚頭鍋，甜品選了豆沙窩餅配雪糕。先來的是上海小籠包，熱騰騰的，一咬下好多汁， 皮薄餡靚，好好味。然後來的是豬手拌麵，配上一碗湯，D汁配麵剛剛好，麵又好彈牙。再來是沙窩魚頭煲，煲內的汁顔色好深，以為好咸，但吃落又ok喎，D魚ok, 最好味的是粉皮及豆腐，有小小辣，好嘢味。最後是甜品時間，豆沙窩餅熱騰騰，好鬆脆，配雪糕，好夾好味。最後由朋友請客，真係大滿足。

難得放假，就打算陪屋企人去飲茶，點知平日都係好多人，見呢間上海野岩岩開門就決定食呢間～一坐低staff就拎左盤茶包過黎，$9位茶，選擇多仲可以一人揀一款，自己中意飲咩茶就揀咩呢度仲有人蔘烏龍揀，清香不鞋口，但無咩回甘。午市可以揀客飯或湯麵，價錢包茶芥，唔一定要散嗌，但因為媽咪想食點心，所以決定揀個麵其餘散嗌點左兩款前菜，出菜快，落單後五分鐘就上枱，隨碟附上乾冰，煙霧效果增添視覺上既享受～平時食燻魚最怕係噎骨，又食得唔過癮。呢度既無骨燻魚真係一啲骨都無，啖啖肉，而且好淋好入味，酸酸甜甜好開胃山藥新鮮爽脆，配埋藍莓醬甜甜地更易入口，底下仲有南瓜蓉，不過無咩味。呢度既麵打得唔錯，彈牙有嚼勁，湯汁夠鹹香惹味。牛展燒得好淋，入口即化+$15可以揀一款小食，我地揀左蒙古手絲雞卷。wrap微微烘至金黃，口感似蔥油餅，中間夾左青瓜、雞絲同沙律醬，餡料唔算多，但青瓜絲好fresh。一客五件好抵食，包皮煎得好香口，外脆內鬆軟，牛肉餡飽滿多汁，忍唔住食完一個又一個去到尾聲當然要整返個上海經典甜品－－香芋鍋餅伴雪糕～～媽咪話未食過唔係豆沙既鍋餅，就叫香芋口味俾佢試試，比起豆沙味道無咁甜咁漏，中間仲有芋頭粒雪糕

荃灣有好多好西，今次去食上海野。其實成個中國染廠大廈都好多野食，呢間就係中國菜為主，可以去歎個靚茶。一入去可以自己揀咩茶葉，人人不同。之後自己沖黎飲。餐牌好多野食。四川擔擔麵$52好香花生味，擔擔麵麵質爽口。都有Ｄ　SPICY架!鱔糊粗炒$78粗炒好夠鍋氣，鱔魚入口爽滑,都幾大碟。蟲草花醉雞$78超濃郁酒香味，真係好重酒味，滲入肉質鮮嫩的雞件，但唔係好凍，推介椒雞肉鍋巴$56鍋巴好香米味，勁香脆，加埋雞肉係面頭食有多重口感OVERALL都係食左300蚊兩個人，覺得都幾抵食又大碟，又有SOFA坐。

和朋友來見面，選些感覺的餐廳朋友見呢間餐廳有燉湯飲就決定來呢度一坐低，侍應就帶來茶葉給我們選我要了人蔘烏龍，每人有個小茶壺，可以自己泡，有趣！不過飲到尾就覺得不夠，因為每次只可沖一杯，就常要加水😅先要了一個花膠螺頭干貝燉雲吞雞湯，有雲吞六粒連湯料一齊送上湯料足，雞湯清甜！前菜要了無骨燻魚，魔鬼天使小籠包同山東一口牛肉包無骨燻魚，賣相幾特別，乾冰帶來燒燻感覺，味道就甜甜地魔鬼天使小籠包，試了天使，可吃得出干貝在內，但湯汁不特別多，包皮應更薄一點山東一口牛肉包，朋友說味道好，我就覺得肉汁不夠，肉餡可更濕潤一點帶子粒粒炒飯有蠟腸粒，感覺像糯米飯的味道火腿津白有菜下飯，味道不過不失甜品有驚喜！要了紅棗糕同香芋鍋餅紅棗糕煙煙韌韌，不會過甜，好味！香芋鍋餅也比一般的紅豆餅少了一點甜膩，但芋香更出！好味！

是日放假，孝順的我決定做乖乖女，同爸媽食午餐。陪兩老食野，當然要揀返佢地的口味，於是找來了這家龍門一番，品品茶，吃點上海野。這家店朋友介紹的，我第一次來，樓底很高，空間很開揚，枱與枱之間有一定距離，私隱度不錯，格局以木系為主，整體感覺很舒服、舒適。朋友說這家店是品茶好地方，果然一坐下，就有店員端上一系列茶包，有綠茶、普洱、龍井等，每人有一個泡茶的小茶壺，所以大家可以根據自己口味沏茶。先來一個前菜，蒙古手絲雞卷($48)，皮薄且脆，餡料有雞絲及各種切條的蔬菜，很爽口，附上一個醬料，酸酸甜甜，很開胃，作為前菜實在不錯。古式燒烤羊腩($148)，這個聽聞是招牌菜，所以點都要試下！羊皮烤得很香，口感脆卜卜，腩肉被感覺被燒到分開一層層，咬落去非常鬆化、腍嫩，但外邊也不忘帶點烤香了的微焦，口感很豐富，可以說是又脆又腍。附上三種醬料，為羊腩再增添三種味道。高力豆沙配雪糕($52)，外皮造得軟綿綿，餡內充滿幼滑的豆沙，熱呼呼，襯上旁邊冷涷的雪糕，一冷一熱口感也是令人驚艷。店內環境我十分喜歡，和家人吃著美味的上海美點，喝一口茶，聊聊天，過一個美妙的下午，實在不錯！

呢間位於荃灣愉景新城既上海菜店，係地鐵站行過去大約7-10 分鐘。今次自從旅行番尼後，第一次出街食大餐。其實本人對上海菜冇特別感覺，只知小籠包，今日叫既菜式改變左我對上海菜平平無奇既印象。一入到餐廳，桌上除左有中式碗碟瓷勺，仲有小小的茶壺， 侍應一盤五六款既茶遞左上尼比我地簡，一人一壺茶，我簡左鐵觀音，仲有普洱，香片，菊花等。茶十分甘香清澈，飲得出係上等茶，菊花都唔錯。麻醬腐皮卷———————一共六件既麻醬腐皮卷，個麻醬十分有上海風味，木耳絲爽脆可口，，餡料全素，毫無肥膩感，跟腐皮卷呢個配搭十分搭配。為保持食物溫度，側邊放左冰塊，十分細心，又可以用來打卡。————-椰子雲吞燉雞湯遞上來時已隔左湯渣同湯，湯十分鮮甜，海底椰既香味好正，又不失雞湯既味道，冇加味精，只有雞同海底椰燉成，係家的味道。但係夠雲吞麻麻地，冇味道。雞雖然隔左湯，但係一樣咁好味，好嫩，可以點湯渣汁食。———————-四式拼盤小食（ 雞絲粉皮，藍莓山藥，拍青瓜同四季豆素雞）四碟冷盤細細碟，$128樣樣都可以試d。我最鐘意藍莓山藥，底下一層軟綿綿既南瓜蓉，上面有爽脆既山藥，平時食既山藥冇咩質感，但呢到師傅整既山藥好爽脆，好

今晚表妹，特登到荃灣約我食飯。 約咗有啲重要事情要傾， 龍門一番喺一個非常之好嘅地方去傾談重要事， 店舖內格局優雅..... 呢段文字雖然簡單. 但係鍾意表達咗店舖老闆對上海風味食物嘅要求嘅好推薦1. 山藥 (冰鎮口感) 2. 麻醬腐皮卷 ( 好過癮 ,有視覺效果 )3. 菊花( 最啱啲夜晚黑，飲左茶又瞓唔到覺嘅人)4. 天使魔鬼小籠包(天使果粒帶子, 好甜)難得去呢間高級餐廳最緊要梗係揀啲有好睇又好食嘅食物， 呢個冷盤就用咗乾冰二氧化碳製造咗一個夢幻嘅效果， artistic麻醬腐皮卷 58hkd 左右 ，一共有六件，黑木耳，非常爽脆，正牙。 一食就連續食咗四件揀咗菊花(茗茶) 9hkd一包， 自助式自己沖嚟飲，又hygienic又夠味，一人一份又可以慢慢飲。 不過個壺大多少少就更加好128/4 dishes 我最鍾意食呢一份淮山山藥， 第一佢有創意，第二佢真係健康， 另外佢好似一隻眼珠咁，小朋友一定好仲意， 先介紹一下淮山通常食我好少係咁爽，一整粒完完整整。冰鎮口感，推加~~~~魔鬼天使小龍包58hkd 左右，湯汁全部封實係小龍包內面 (墨魚皮配海膽) ( 值得一提嘅係天使小籠包

話說最近朋友搬左去荃灣，裝修就搞得7788，不過傢私就...IKEA 咁岩開係 8咪半，商場都幾多餐廳，所以今日就係到食個lunch，之後做下苦力幫幫朋友手啦，順手去參觀下新屋。眼見龍門一番門面幾闊落，d位都坐得幾舒服，所以就入去試試佢。入到去一坐低就有野玩，一大堆茶包任揀呀！一般餐廳都係用茶膽水，呢度獨立包裝茶包又幾有特色，茶味夠之餘，仲有得diy 自己沖下都幾過癮。首先我地就叫左2個前菜，涼拌茄子塔同蒙古手絲雞卷。涼拌茄子切到細細粒，望落比較乾身，但食落非常有驚喜，原來裏面索晒汁，好香濃！而且茄子亦煮得好腍，每一啖都入晒味，好好味。蒙古手絲雞卷表面烤得好香脆，配搭青瓜雞肉餡，非常清新。加上芥末醬，微微辛辣，幾刺激，亦能突顯雞肉味，口感更豐富。跟住主菜叫左個松子黃魚，外表就一流啦，原條𠝹花炸，成型非常立體。食落都唔錯喎，面漿唔算厚，𠝹花炸完一舊舊，亦好方便食。大致上都無乜骨，肉質質不錯，一疏疏，配上甜酸醬，都幾開胃。而且菠蘿好多，個汁送飯一流！最後叫左個甜品棒子小饅頭，表面色澤均勻，炸得都好香脆，食落唔油。加上個面淋滿煉奶同榛子醬，食落甜入心，為呢餐劃上完美句號。總括來講，係一間用心

好味既香港上海菜，唔係傳統既上海菜，係香港人口味既上海，味道唔係好重，唔會好油，不過可能我叫果幾樣唔係油膩野🤪小龍湯同灌湯餃，都好味，湯汁鮮甜👍🏽魚雲吞湯，好鮮甜！唔錯藍莓山藥，呢個可以唔試，一般，可能期望太高🙊醉豬手，好味，最緊要有肉食😂可惜，服務麻麻，唔主動收野，可能太多乂客，太少侍應

Honey 一向嗜食羊，而我就對羊肉麻麻，不過今次佢帶我去食咗一個超正的烤羊肉。餐廳位於荃灣的中染大廈，由荃灣站行去，通過有空調的行人通道，無風無雨又唔曬，一陣間就到。門面都幾大，見到有家長帶埋小朋友來食嘢，呢家餐廳真係老少咸宜。店員問我哋飲咩茶，俾咗一盤茶葉包俾我哋任揀，有我至愛的人蔘烏龍，自己泡，茶味都唔錯。Honey 點咗五款嘢，【魔鬼天使小籠包 $58】、【涼拌茄子塔 $45】、【古式燒烤羊腩 $148】、【四川擔擔麵 $52】及【高力豆沙配雪糕 $52】，樣樣都好精巧好味。先上來的分別係【涼拌茄子塔】和【四川擔擔麵】。【涼拌茄子塔】烤茄子砌成一個小塔子，都幾有心思，茄子又香又腍，而拌隨著的汁醬又很夾，唔錯喔!【四川擔擔麵】濃濃嘅花生麻醬，係四川擔擔麵嘅靈魂，而麵質都幾有質感，唔會係太腍嗰種。【魔鬼天使小籠包】小籠包一對一黑一白襯托出強烈對比，餡料至特別一個有魚籽，而另一個係有海膽。小籠包皮薄之餘，又唔會一挾就爛，真係好巧手。【古式燒烤羊腩】主角烤羊腩個賣相簡單，因為根本無需要賣弄。上檯時，已聞到好香。再配以三種醬料: 薄荷醬、芥末醬和甜醬，個人認為點薄荷醬係最好味的。羊腩斬成