影片
更多
2018-10-29
169 浏览
前排食得太多燒肉放題同火鍋，係時候回歸清淡少少養下生。上網見龍門一番既燉湯好似幾正，加上好想食小籠包，所以就黎試一試。荃灣地鐵站只要一直沿天橋行便能到達8咪半，依到大部分餐廳面積都算大。龍門一番亦都唔例外，環境闊落，樓底高。舖面以淺木色及少量瓷磚做主調，走田園風，有設計感。少了一份上海的傳統，卻多了一份cafe的溫暖。配以暗黃燈，坐得非常自然舒適。入座後可自選茶葉泡茶。(人參烏龍、鐵觀音、茉莉龍珠、普洱) 每包茶葉以真空處理，份量都已經分配好，倒進茶具便能自行泡茶。個人就揀了人參烏龍，這味道外面比較少見。(店內有售茶葉)食物方面上海菜其實都好多類別：由冷盤開始(花雕醉豬手、雞絲粉皮)、養生燉湯、小炒、海鮮、燒餅/鍋包、飯麵類、點心、創作甜品。每個類別既選擇都好多，相信有選擇困難既你係需要啲時間揀😂因為我都揀左好耐！______________________________🔸花膠螺頭干貝燉雲呑雞湯 $198以紫砂湯盅清燉，份量夠四至六人份，十分足料。雲吞另上，唔怕浸到淋哂。湯入面既材料原汁原味上，無添加味精，仲可以食埋湯渣。入面有半隻雞、響螺、干貝、瘦肉，而花膠早就溶化在湯入面。花膠含
荃灣地鐵站只要一直沿天橋行便能到達8咪半，依到大部分餐廳面積都算大。龍門一番亦都唔例外，環境闊落，樓底高。舖面以淺木色及少量瓷磚做主調，走田園風，有設計感。少了一份上海的傳統，卻多了一份cafe的溫暖。配以暗黃燈，坐得非常自然舒適。
入座後可自選茶葉泡茶。(人參烏龍、鐵觀音、茉莉龍珠、普洱) 每包茶葉以真空處理，份量都已經分配好，倒進茶具便能自行泡茶。個人就揀了人參烏龍，這味道外面比較少見。(店內有售茶葉)
食物方面上海菜其實都好多類別：
由冷盤開始(花雕醉豬手、雞絲粉皮)、養生燉湯、小炒、海鮮、燒餅/鍋包、飯麵類、點心、創作甜品。每個類別既選擇都好多，相信有選擇困難既你係需要啲時間揀😂因為我都揀左好耐！
______________________________
🔸花膠螺頭干貝燉雲呑雞湯 $198
以紫砂湯盅清燉，份量夠四至六人份，十分足料。雲吞另上，唔怕浸到淋哂。
湯入面既材料原汁原味上，無添加味精，仲可以食埋湯渣。入面有半隻雞、響螺、干貝、瘦肉，而花膠早就溶化在湯入面。花膠含豐富蛋白質，可補充骨膠原。依個湯絕對係滋陰補腎，清肝潤肺！秋天飲一流！
另外一提，湯底清澈見底，無乜油。同上海傳統既燉雲呑雞湯唔一樣，好明顯係依方便做過手腳處理掉不必要的油，迎合返香港人既飲食口味。
🔸魔鬼天使小籠包 (4隻) $58菜式名稱有噱頭，會好好奇入面係啲乜。原來「魔鬼」係墨魚汁皮 + 黑蒜肉 + 豬肉 + 海膽；而「天使」係帶子 + 豬肉 + 魚子醬。蒸到熱辣辣一籠過上，出哂煙。小籠包皮薄，好多湯。豬肉味道濃，特別係黑蒜肉。分別加上少少海膽同魚子醬，帶出fusion既感覺。味道更顯得突出。值得一試！
🔸嫩雞煨麵 $52
看似普通既菜式，但質素都唔錯。雞湯湯底夠濃郁，跟足傳統上既做法，麵底會煮得比較淋同爛一點，好似粉仔咁食。嫩雞肉同菜都碎上，清淡之選。
🔹茶介 $9/位
．
by VIN
環境分數: 8.5/10
食物分數: 8/10
．
🔔如有您喜歡我的文字及圖片，
歡迎Follow我的相片記錄Instagram:
⛰山那邊是海 @shannabinsihoi 💁🏼♀️
张贴
