龍門一番 上海·紫砂燉湯 (已結業)

真係多得山竹唔少，累我家的窗檯嚴重滲水，累及我張床。所以今日去咗荃灣Ikea 買床架和床褥，之後到了同一座商廈之內的龍門一番食午飯。呢度個特色係有好多款茶供客人去揀，我自己揀咗人蔘烏龍，貪佢味道香得來又 “襟” 飲。我哋點咗幾款嘢一齊食: 蒙古手絲雞卷 ($48)、松子黃魚 ($188)、四川擔擔麵 ($52)，同埋榛子小饅頭 ($38)，價錢都合理，食物質素好，一啲都唔覺得貴。蒙古手絲雞卷一份兩條，共切成四件。外皮烤過，部份更烤成金黃色，個樣都幾掂。食落都幾香口，點埋個特製芥末醬一齊食，風味出晒嚟。松子黃魚賣相一流啦，啲松子汁醬淋滿整條黃魚。估計條黃魚都有斤幾重，所以肉都好多。食落外脆內嫩，個汁啲味都都好正。四川擔擔麵花生麻醬佈滿在湯麵之上，香味都聞到。麵質都唔錯，嗦埋啲湯一齊食，好好食。榛子小饅頭個樣好似金磚咁，上面淋咗煉奶和榛子醬，令到本身不太特別的炸饅頭，變成很美味的小甜品。幾款嘢食都幾好食，下次來會食晚餐，要歎下呢度啲紫砂燉湯。

足不著地，輕鬆穿梭商場間，超方便。荃灣這設計，是參考了天空之城的嗎？逛到八咪半，相對小巧，卻有幾間新潮特色小店。連上海菜，也不例外。最欣賞的，不要懷疑，就是茗茶 ($9)！獨立包裝，一人一包，用小茶盅DIY。推介胎菊，粒粒圓潤可愛。茶湯澄澈，沖好幾杯仍好夠味，清香得想打包……魔鬼天使小籠包 ($58/4隻)，傳統中加入新意。除了豬肉，白的加上帶子，頂著魚子醬。黑色來自墨魚汁，包入黑蒜更加惹味。上面，還有一小抹海膽呢～兩款口味，都皮薄漡熱，肉汁滿滿，要小心。松子黃魚 ($188)原條𠝹花炸，大致無骨方便食。粉漿不厚，酸酸甜甜好開胃，份量夠多人分享。蒙古手絲雞卷 ($48/4件)似wrap，外皮烤得香脆。雞肉青瓜餡，點芥末沙律醬，喜歡這個小清新組合。4大件，幾飽肚。四川擔擔麵 ($52)花生味特別濃，香而不膩。可惜辣度低，如果可以加辣就好了。幼身的拉麵，彈牙有咬口。遠遠透過玻璃看到，是師傅手拉的喔！自問不大好中菜，卻被新意和活力吸引住。這次沒點招牌燉湯，有機會的話，想再來試試呢～

難得三五知己聚會, 食中餐就最好! 大家都岩口味, 又方便share!好彩朋友book左位, 去到唔洗等就入得!餐廳既裝修好特別, 入到去唔似一間中菜館,反而似間cafe, 好colourful, 好特別~埋到枱, 可以自選要咩茶葉. 有普洱, 鐵觀音, 菊花等等...一人一隻小茶壺, 自己杯茶自己沖.XD野食種類好多! 睇到花多眼亂呀~咁岩叫親D野, 大部分都有個"本店推介"既手指公, 果然冇失望~涼拌茄子天氣咁熱, 叫D涼拌野食下岩哂!上海小籠包食上海野, 唔少得小籠包! 一上台, 趁熱食~皮薄多汁!~推介椰子竹笙燉雲吞雞湯個湯好清甜好鮮味! 而且好足料!干煸四季豆唔會太咸, 如果有碗飯, 係一個好好送飯既菜呀!孜然豬串骨好惹味! D肉唔會好鞋好乾咁, 好鬆軟! 加埋D香料好夾! 帶子粒粒炒飯炒得好香同埋D飯粒粒分明, 唔會一大堆.而且帶子都鮮味, 加埋有D菜粒同臘腸, 好有口感牛肉包好香脆,  一人一粒岩岩好!

呢間餐廳長期好多人排隊，較為特別係佢主打燉湯，成日食上海菜但就無飲過燉湯係等位期間經理有拎一碟好似一口小泡芙黎派，都幾貼心，免得大家等到唔耐煩，不過除左經理，落單既職員就禮貌欠佳，同埋好唔耐煩一入到去店員就會問你要咩茶，呢度既茶係一人一包，所以可以各自揀，我地揀左人蔘茶同茉莉茶，人蔘茶就回甘反而茉莉茶好苦澀晚餐大約8點入座，湯只係得兩款揀，唔知賣晒定根本無煲喇一煲湯大約分到4-5碗，多人既都要叫兩個湯，係個湯既雞煲到好淋，將湯加埋雲吞一齊食，感覺好似食緊罐湯餃咁，果度咁多個湯不過叫左兩個都差不多味，都係重雞湯味，雖然係燉雞湯，但呢個價錢有點貴小籠包幾得意有黑色，不過味道同普通差不多。呢度既菜式有少許新穎同著重賣相，但味道唔算好好食最尾果碟菜係送既，係入商場門口果時派單張有張coupon送，唔記得叫咩不過唔好食

限時九十分鐘，埋單沒有提早通知，叫上蛋糕時話已經夠鐘， 叫我哋去第二個地方切蛋糕， 切餅費要60蚊， 態度不佳 服務完全唔掂， 冷氣不夠，話係商場中央冷氣，絕對唔會再幫襯

好難得終於約到一班好耐冇見既朋友一齊食飯，負責揀餐廳既小弟當然唔可以有負所望啦。上網做哂功課之後，發現呢間餐廳望落都好ok咁喎，決定約齊人一試。作為中式餐廳最重要的當然係茶啦。有別於傳統中式餐廳，呢度會提供一盤多種口味、獨立包裝嘅茶葉我地揀，有普洱、鐵觀音、人參烏龍，茉莉龍珠等，每人都可以揀自己鍾意既茶，唔使爭。我就鍾意堅持飲我最愛既普洱啦。精美既茶具，而且把手位設計唔錯，握落手感好舒服。仲可以落d雛菊，轉飲菊普都ok麻醬腐皮卷，聽落好普通的一味菜。不過腐皮卷本身味道較清，突顯出麻醬濃味的口感，配合出來的效果又唔錯喎。藍莓山藥本身山藥口感挺爽挺清新的，配合明目的藍莓及南瓜蓉作拌菜醬料，加上煙霧瀰漫的擺設，實為抵讚的頭盤。麻辣豬耳子，豬耳唔太辣，不過麻味做足，幾適合同行不太食得辣的友人。跟住就到餐廳其中一項主打菜式﹕魔鬼天使小籠包魔鬼係墨魚汁黑蒜肉豬肉海膽，天使就係帶子豬肉魚子醬。小弟揀了個魔鬼去食，墨魚汁味道唔算太出，所以保留到其他食材，包括黑蒜肉、豬肉、海膽等。小籠包夾起唔穿是常識吧，小籠包皮薄湯熱，不過湯味略嫌較淡。自私食首選 - 灌湯餃。放心，小弟食唔哂一整個，店員會幫食客將灌湯

今日好友約食飯，話想食小籠包等上海菜，即刻上OpenRice做下功課先，呢間龍門一番係愉景新城旁邊，地點方便食物相片又吸引😍 為左滿足好友對小籠包既食慾，我前後點左三款各有特色分別係：魔鬼天使小籠包-黑松露同黑蒜，造型味道都好特別；上湯小籠包，保持到水準，鮮味又多汁；小龍蝦湯包，啖啖都好滿足不能不推介的係麻醬腐皮卷!!! 噴煙的賣相像甜品，真的很新奇！ 味道甜甜的，是凍食哦！第三就藍莓山藥，相信好少人食過😂 我都係第一次配藍莓食，但竟然好夾，爽脆清甜帶少少藍莓酸，認真開胃然後試麻辣豬耳子麻得很爽，咬勁一流又點少得菊花醋木耳 木耳養生電視話仲可以豐胸架女生恩物少少醋意5知點解覺得好少女😂😂😂 好啱食仲有古法燒烤羊腩和花膠螺頭干貝燉雲吞雞湯，正到不得了！最後就係甜品:酒釀湯圓🥣高力豆沙配雪糕🍨隔離左右有很多一家人來食👨‍👩‍👧‍👧 相信呢間龍門一番很快就家喻戶曉！ #額外提一提有自選茶包禮盒🎁

今日同一大班朋友來到食Lunch叫左好多款式一大班朋友一齊食飯除左熱鬧之外每個菜樣樣都可以試一就坐我就對呢度既茶情有獨中我揀左綠色茶包每一口飲落去都有回甘正呢個菜令人記憶猶新叫藍莓山藥最特別係佢既醬汁同山藥真係出奇地夾食完好開胃呀呢個上海小龍包做到皮薄料靚好出色呢個南瓜鮮蝦算係最有特色菜之一最欣賞就係餐廳佢既每一款醬汁都做得好出色有呢個南瓜汁可以食多幾碗飯好味到成個南瓜吃掉了水百合木耳炒水蓮非常爽口，新鮮嫩綠花膠螺頭干貝燉雲吞雞湯值得一讚！雲呑係自家包嫁而且個湯底好夠味食飽飽就到甜品時間酒釀湯圓好香酒味呀而且芝麻湯圓煮得好出色還點了一個高力豆沙配雪糕 超正呀外面軟軟的好似疏乎里入面暖暖的總括這餐真的正爆一定會再來試其他菜

講啲上海菜大家大多數只會諗起上海小籠包、上海粗炒或者酸辣湯麵，但係原來唔係僅限於此，上海菜都有其他唔同嘅款式，今日就試到幾款好特別嘅餸菜想同大家分享一下。古法燒烤羊腩皮好脆，有綠色嘅薄荷甜酸醬、甜醬同芥茉醬任君選擇。羊腩皮無肥膏，唔會食到成個口油膩。肉又夠腍，唔會有羊果陣騷味。雷沙湯圓啱啱整好，皮好軟，餡係芝麻蓉，重熱辣辣架！芝麻好香，唔會太甜膩。高力豆沙配雪糕雪糕上面唧左d朱古力醬同擺左一粒粒七彩顏色嘅綿花糖，好夢幻呀～高力豆沙好大嚿，好鬆軟，好似疏乎厘。

龍門一番唔係一般嘅上海菜館，一入到去就覺得個樓底好高，環境好闊落。傢私主要用木材整，牆身塗上色彩繽紛嘅油漆，為成間餐廳添上青春有活力嘅感覺。藍莓山藥一上枱——不得了！有乾冰製成嘅煙霧彌漫嘅效果。忍唔坐要錄片！甜甜嘅藍莓醬配無味嘅山藥好清新！山藥好爽脆。山藥好似一支支鑽石咁垂直插喺用南瓜蓉做嘅底上面。雖然佢話呢個係前菜冷盤，我就話係甜品啦😆。魔鬼天使小籠包其實係黑色同白色嘅小籠包，黑白雙剎，分別好大，每一隻色分別有兩件。魔鬼小籠包其實個餡係黑蒜，好香口亦好有營養，而且食落去又唔會令到個口有強烈嘅味道。

荃灣地鐵站去愉景新城天橋之間有幢叫八咪半嘅大就廈入面有間上海菜非常岀色 值得一試雖然係上海菜 但裝修好新式一坐低 侍應就會比你揀飲咩茶有人蔘烏龍 菊花 普洱 鐵觀音等等全部都係獨立包裝嘅靚茶葉而且仲係一人一個茶盅 唔洗同人爭麻辣豬耳子 $58麻辣味好香 但又唔好辣豬耳仔好爽口 又有少少膠質 好食菊花醋木耳 $45醋浸木耳成日都食到今次加上菊花 不但有花香仲有啖啖回甘味道作為餐前小食 好清新魔鬼天使小籠包 4隻 $58魔鬼天使故名意義就係黑白意思黑嘅係墨魚汁黑蒜肉豬肉海膽 好香濃白嘅係帶子豬肉魚子醬小龍蝦湯包 $38呢個湯包好抵食 先講湯汁好多仲特登比條飲管你去飲第二小龍蝦肉超多 好鮮甜鐘意食小龍蝦嘅不可錯過花膠螺頭干貝燉雲吞雞湯 $198呢間餐廳主打紫砂煲燉湯燉湯用料十足 湯料可以見到足半隻雞同花膠螺湯因為係燉 所以好清 但又濃郁夠哂滋補養生帶子粒粒炒飯 $78炒飯做得非常好 飯粒分明乾身而且道每粒都比醬汁包住帶子量多 加上臘腸粒 好惹味酒釀湯圓 $36酒香十足 以湯圓作結非常滿足

因為朋友介紹，又抽起條根好想食小籠包，所以黎左試。第一樣想讚既野就係佢：茶包！因為好多時一家人去飲茶食飯，總之有茶飲既地方，我老豆都一定會叫香片普洱。但自己其實唔太鐘意咁濃既茶，但又冇得揀。咦到每人都會有一個迷你茶壺同茶杯，可以揀一個自己岩飲既茶！真係好貼心！前菜食左個麻醬腐皮卷係凍食既，夏天食真一流！而且麻醬同腐皮卷都幾夾，口感又幾好！幾好食！之後貪得意點左個魔鬼天使小籠包。睇落去黑咪文既原來係黑蒜味！香到一個點！而且口感幾好，包唔會太厚，但又唔會好易穿仲會有湯流出黎！烤羊腩可以話係我全餐最enjoy既！一來外皮真係好很脆！二來唔會好勁羊既怪味！而且三隻醬又幾好食，，分別是芥辣，乳豬醬同薄荷醬。咬落d油脂爆出黎個下真係好正！飯類就叫左帶子瑤柱粒粒炒飯學星爺話齋，要用隔夜飯炒。佢有冇用我就唔知，不過佢炒得夠乾身，食到一粒粒既口感！而臘腸同帶子都好香好入味！分量仲幾多！真係要比個讚佢！日本溫室南瓜燴酒釀蝦球係幾特別既煮法！香濃既南瓜味包裹住外脆內軟蝦球，每一啖都食到南瓜既香味同蝦既鮮味！食晒d蝦，仲可以好似我位朋友咁刨晒d南瓜肉黎食！真係超岩南瓜控食！

平日放工近近地約朋友食飯幾鍾意去呢間叫個湯飲下。雲吞雞，炒飯，加個小菜輕輕鬆鬆又一餐。湯好味，無咩味精，飲完不會口亁。瑤柱蛋白炒飯，乾身，香口!賽螃蟹，ok 之作，有水準加多個甜品，高力豆沙，為今次的2晚餐劃上完美句号。食物款式多，有點心，前菜，湯，小菜，麵飯，滿足不同需要食物溫度，很熱，good食材新鮮服務，可以食物賣相，很standard 不會有驚喜味道很好，很合我的口味環境，有點吵我會再幫襯嘅一家上海食店

第一次黎到中染大廈食飯 簡左呢間新派上海菜試下點解會話佢新派？因為一入到餐廳 感覺好色彩繽紛 完全唔似一般上海中餐廳既格調環境亦都夠大 當日影完相之後就聽到岩岩入黎既小朋友話都要坐 屋仔卡位 一坐低 見到每位既餐具上面都有一個迷李茶壺同茶杯🍵 原來呢道係一人一茶一人一茶係可以唔洗全部人都飲同一種茶葉 自己按喜好去簡 侍應亦都會好細心介指每款茶葉，然後自己簡一個就可以呢道除左鐵觀音 綠茶 外，仲有高級茶款 人蔘烏龍茶簡推介 之後，傾左一陣好快就上菜藍莓山藥 $48以為山藥味道會怪，但係呢道會配上藍莓醬 好清新 小朋友見到都唔會話唔食食落去好舒服 因為咬落好爽脆麻辣豬耳子 $58其實又唔係想像中聽到麻辣以為又麻又辣對於唔食得辣既朋友 都可以入口 豬耳份量多個底部仲有爽甜青瓜拌碟 魔鬼天使小籠包 4隻 $58一入黎眼球深深被小籠包個賣相吸引住魔鬼係 墨魚汁黑蒜肉豬肉海膽天使係帶子豬肉魚子醬用料絕對唔孤寒，小籠包面有海膽有魚子醬一咬落去好好彈牙 多汁 食小籠包最精華就係個湯汁 雖然魔鬼個皮係黑色，但絕對唔會有怪味，食開傳統小籠包嘅朋友可以放心試。古式燒烤羊腩 $148用木板上嘅燒羊腩 好有炭香

今次同朋友garthering 預先喺OpenRice 呢道做好功課環境方面最鍾意佢地有設計好似間屋形既卡位 食上海野環境都可以好夢幻一坐低 店員就拎住一盤獨立包裝嘅茶葉俾我地揀有人蔘烏龍茶 鐵觀音 綠茶等等我簡左精選茶 即係人蔘烏龍茶好甘香 仲有一人一細壼 自己幫自己沖茶每人都可以揀唔同嘅茶飲 唔使一樣食物方面比一般傳統上海菜唔同 叫左個小食麻醬腐皮卷 $52凍食既 夏天消暑一流 配麻醬好夾必點食上海野 點都要試小籠包魔鬼天使小籠包 4隻 $58魔鬼上面仲有海膽添㗎皮薄餡多 仲有好多湯係入面 又大粒正正正 ！性價比高之後就到足料燉湯8個人都夠飲 好甜好飲 女仔美容湯之後仲會成隻雞切好上碟比你食埋花膠螺頭干貝燉雲吞雞湯 $198之後仲叫左個菜食 未試過咩係水蓮其實水蓮係一種好幼嘅菜 乾身炒幾特別可以一試百合木耳炒水蓮 $72最後南瓜🎃控不能夠抗拒 日本溫室呀好好好重南瓜味 釀蝦球 外脆內軟 d南瓜味入哂個蝦球食晒啲蝦球仲有好多南瓜溶剩啖啖南瓜溶好食到暈日本溫室南瓜燴酒釀蝦球 $168總結呢間餐廳好適合一家大細亦都好適合朋友聚會會再黎