龍記飯店

营业中

休息中

Suddenly I got stomachache during the day, and thus we cannot choose spicy or sour dishes. Chinese restuarant become our choice. The restaurant provides rice and noodles. I think that eating noodles which is less oily is better for my stomach. During the peak time, the restaurant is full of people, and luckily we don't have to wait for their seat. In the restaurant, there is not spacious and every customer can barely sit in the tables closely with their friends. The tables squeeze together.At th

由細到大都係中環長大，婆婆就住結志街，亦係龍記舊店所在地，可以話食龍記燒肉同隔離間魚蛋粉食大自從加拿大返黎，就搬離左中環，冇再食過了。今晚偶然黎中環做野，一個人做完野，正諗住食埋個孤獨飯先返屋企，見到「龍記」，見到「燒味」，仲見到「係門面嘅姨姨」。嘩！呢個配搭仲唔係以前個間？反正又一個人，就直接坐低食呢度，回味下都好以前從來唔會坐低食，必定係外賣返屋企食嘅我，今日第一次坐低係龍記食飯，上左2樓坐，見到佢以前啲掛畫仲係度，好好好好好懷舊！飯黎喇，個樣都幾正，油雞依然好滑，加埋個無敵嘅薑蔥，好味到冇朋友，呢度啲薑蔥唔同出面啲薑蔥，又多油，又淨係得薑，頂多都係得啲好細細粒啲蔥花仔。呢度個薑蔥係大大粒蔥，又唔會比啲油浸過頭(油得濟)，真係好好味，好懷念以前同家姐爭碟薑蔥食嘅日子提外話，師傅比左雞脾我，(心裡妄想)一定係佢地都認得我！雞脾好滑，加埋個油雞皮同無敵嘅薑蔥，冇得輸！另外我都叫左鴨脾，肥美，淨係睇個樣都覺得正，肉又唔會好(鞋)，好juicy，好入味。眼濶肚窄嘅我，食左一半就食唔晒，最後打左包返屋企比媽咪一齊回味下

朋友介紹龍記飯店，話佢d燒臘超得，咁岩經過即管買回家一試，當時6點多，入到店內，在門口的老闆娘問我要乜，態度已經麻麻地，買了＄100乳豬，我便高高興興回家，7點倒回到家，準備開餐，一打開盒乳豬，發現左右兩邊啲乳豬唔同色，都冇乜為意，一食落口，原來淺色的乳豬係淋，而另外一邊顏色深的乳豬係脆嘅，我覺得好奇怪，為何買同一隻乳豬同一個部位，竟然右邊脆左邊淋，好奇怪囉，屋企人即刻話係咪俾人偷龍轉鳳，可能在斬乳豬的時候，被師傅玩左一半淋的乳豬，我之後致電龍記，諗住同佢反映呢件事，希望佢正視食物質素，老闆娘的態度奇差，蠻不講理，竟然話拎到返屋企淋一d都唔出奇，咁我問點解，我買的是同一個乳豬部份，為何部份脆，部份淋，仲可以唔同色，唔通用10分鐘的回家時間，乳豬就會發生重大的變化，淋同甩色，老闆娘無法解釋，身有屎地cut左我線，呢啲就係龍記嘅服務，大家真係要小心，點解可以咁做生意，貨不對辦，小心俾錢買雞會變咗買乳鴿，買乳豬變咗買燒肉，真係好令人失望有圖有真相，下圖就係我買回家的乳豬，上脆下淋及上深丶下淺色，能於10分鐘內變淋變色的乳豬，

嚟呢度食燒味嚟過幾次，第一次寫食評。每次都係食四寶飯，因為唔使我點諗乜搭乜，又有咸蛋食之餘，四寶又好似好抵！繁忙時間就唔好嗌多飯，因為通常都係俾返正常份量，最好就係非繁忙時間嚟，叫多飯真係好多，啲燒味都放得靚啲，食落都好味啲！唯一唔太likey佢有叉燒俾排骨，無乜肉食，但舊肉係好入味，算係咁！

晚飯想加料特然想找乳鴨給兒子吃，上網 search 到呢間，去到看見門口貼哂明星相又性，價錢偏貴但心想好野貴D都正常，中午時間又多人以為很旺沒有紅燒只好買鹵水的，回家一吃又咸又乾肉質很老難以想出自像這樣的店舖🙄心想可能咁啱自己黑仔或不是「當造」吧...兩星期左右又想斬料，心想今次買叉燒咁 common 一定冇問題啦，自己又懶再search貪方便就再去多次，其實中上環有很多燒味但自己又唔信邪，點知 😞買了半斤 $50，回家一開盒一半都係燒窿晒又黑又硬食唔倒的部份😭減哂後得番少少勁乾身汁都冇滴廋到呢...唉以後請都唔使客氣🙏

一向都有光顧小店的習慣(不太喜歡連鎖), 在中環這黃金地區, 有平民野當然不可能放過, 在門口已經看到令我驚喜的食物....金錢雞 , 燒雞潤 , 但是今晚放過你, 因近來太肥了 , 下次再試, 今晚食乳豬薰蹄, 乳豬 : 皮夠脆, 肉亦滑而且有肉味,  , 不錯, 薰蹄 : 爽口不肥膩, 而且在這地段價錢亦不貴, 合理!!, 下次再試其他的

每次提起乳豬都會即刻諗到龍記，次次都無令人失望每次食都係脆卜卜，嫩滑既肉，同埋果層肥膏，沾上乳豬醬後簡直係完美既結合，入口果下幸福滿瀉叉燒都好好味架半肥瘦夠林又入味，如果可以俾多啲蜜汁我撈飯就好喇！！

Taste is getting worst and the service is super baD, the chicken is too old, BBQ pork need to chewing for 10 minutes, is hard to eat it.... The receipt is stick with the rice how to eat. No menu, the waitress doesn't give the menu to client, so lazy.

舊同事提過這一間多次，而我不知何故就是忽略了。今日終於有機會試一試乳豬飯。乳豬賣相十分吸引，皮脆肉嫩，乳豬皮又香又脆，皮與肉之間一層厚厚的肥肉，吃頭兩嚿時是十分美味，第三嚿開始是有點膩，接下來吃時就只吃皮和肉，沒有吃肥肉了。飯就比預期差了一點， 比較一嚿嚿的。這是吃極不長肉的人的恩物。

天氣太熱，早上起來人很懶，又無自己煮早餐，回到中環就揀了這店試一下，結果證明價錢高的不一定質素會好些，店內座位不多。這天點了一份豬柳漢堡扒和叉燒太陽蛋三拼麵跟凍咖啡，與前兩天Y店的早餐相比，竟然價錢高了，但質素却還低了。凍咖啡先到，平常較少飲這類加冰飲品，但這天也真太熱了，也就喝一杯解解熱，試了一口，尚且甘香，但到後來因為冰太多，也越飲越淡，當食完麵後再飲已是無味。豬柳漢堡扒和叉燒太陽蛋三拼麵，豬柳漢堡無認真煎過，入口太淋軟，咬下去時油脂甚重，口感極差，味道就一般偏咸；太陽蛋就煎得尚算有靈魂，入口也算嫩滑，但奇怪在蛋香頗淡；這店是以燒味為主打，但他們的叉燒卻完全只像一件豬肉，入口軟淋得有點過份，全無叉燒的甜味，兼且原件的只有兩三年，其餘的都似是頭頭尾尾的碎肉，而即食麵也淥得不夠淋，湯水也不夠滾，兼且可能水太小又落了全包味粉，度至湯太咸，真令人失望。

自從早前 <龍記飯店> 由中環結志街搬往域多利皇后街後，如果想食燒味多了一個較為就腳的選擇！ 記得 <龍記飯店> 在3月13日正式開業那天，我放工專程走來影低門面；花藍放滿街真誇張！  可見老字號的號召力有多大！始終，我由上環公司行過來，急急腳都要 10 分鐘！  要幫襯的確有點趕！ 看到單張中，平日中午供應中西式炒粉麵飯；價錢合理！我又不想錯過！ 中西式炒粉麵飯 $48 (送咖啡/ 茶/ 中湯)供應時間： 11:00 ~ 4:00外賣等上 15 分鐘！味菜火鴨絲炆烏冬 $48火鴨絲充滿肉香又富有肉汁，而且份量也足料！質素的確不錯！  連烏冬裝得飯盒滿滿！味菜能提升口味！惹味開胃！色香味俱全！ 熱杏仁霜散發濃郁獨特的杏仁香！就算沒有加糖，本身帶微甜！ 算是順喉飲得過！有茶餐廳水準！一濃一淡可中和炆烏冬的油膩感！

《龍記》的老店搬離結志街之後，對好多中、上環上班的朋友來說，是一個小失望。因為無人知道，搬了落山的《龍記》會變成怎麼樣。我已不再是中環人了，搬了到域多利皇后街的《龍記》會變成怎樣呢? 這一日的中午到了中環，找食時，我第一時間就想起搬了新舖的《龍記》，一下巴士，便要來找新《龍記》的新景像、新味道、新感覺。從前的《龍記》，很古老，很地踎，今日的《新龍記》已走上了大時代，成為了一間茶餐廳。地方舒服了，乾淨了。不過，時尚了的《龍記》就失去了舊式燒臘檔的獨有色彩，不過，現今的飲食服務，其實也要注重舒適同衛生，既然搬了新舖，店子的感覺，也當然要與時並進。好的燒臘店，是會堅持在店內製作燒臘的，新的《龍記》，依然風雨不改地，為中、上環工作的大眾，製作美味的燒臘。是日，同一名老中環，已退休多年的婆婆食午餐。她說道中環燒臘有四寶，而龍記就是其中一寶。另外她說的三間我只記得其中兩間，分別是《鏞記》同《一樂》。上一次食鴨，這一次食鵝，因為鵝鴨有別，可是以前的《鵝鴨有別》揮春已經找不到了，但現在有餐牌，燒鴨、燒鵝的價錢寫得明明白白，一看價錢就知道有分別，像《蓮香樓》那樣以鴨充鵝，是一個大笑話。叉燒燒鵝飯，味道依

聽聞中環有間好味燒鵝餐廳，於是專登嚟試下。下午3點到達，原來有抵食下午茶燒味粉麵，可惜只可單拼及不能選燒鵝，所以無緣。我點咗燒鵝燒肉飯 $53，而 J 大人點咗燒鵝叉燒飯 $53。侍應姐姐好心提醒燒鵝雙拼飯係正價，而且唔係餐，所以無得跟嘢飲。好啦，鬼叫我哋專登嚟試燒鵝咩，正價照殺，可能因為我哋下午茶叫正價嘢，所以最終我哋兩碟飯都係燒鵝脾，正！呢度d燒鵝真係好味道，皮脆肉嫩；叉燒入味帶有豉味，更有一點烤焦味，是我喜歡的味道，但比較瘦有點乾，J大人喜歡半肥瘦，下次再黎要記住特別要求；燒肉一般，不算太特別。例湯是冬瓜例湯，味道一般，給人一種行貨的感覺，可以不試。總結這餐廳，好味，抵食，但座位環境逼。

之前已買過龍記外賣，印象不錯，今次第一次堂食。原來店內還有二樓雅座，才中午十二時，店內有大量空枱，店員叫我們搭枱，沒理她，選了一張空枱坐下。點了四寶飯，有义燒、燒肉、油雞、紅腸和半隻咸蛋。义燒帶骨，骨多過肉，但味道不錯。燒肉皮很脆，可是只有兩件。油雞合格。紅腸刀功麻麻，有些是厚切，有些又薄。半隻咸蛋的蛋黃不夠油潤，我上㳄來在樓下買外賣好吃的，今次起碼扣20分。叧一碟雙併飯，燒腩雙併油雞，合格。下次會試一些懷舊菜，如金錢雞、鴨腳紥。

 去年到新景記吃魚蛋之時,定必先經這家很有古早味道的龍記飯店,陣陣飯香從門前經過也深深感受得到,只是那次目的不是她,就算飯多香燒腊多吸引也沒進店一試,結果跟老店緣慳一面。重開新店地址比斜路上的結志街更方便,可是新店格局像新式茶記般窗明几淨,沒有老店那種隨意又地道的風味,從另一面看就是新店整潔很多,更能吸納怕老店看來骯髒油膩的客人。那天在BeeTwo吃罷超美味意粉後,特意走到另一邊的域多利皇后街就是為了兩款愈來愈少見的古早燒味。一踏進龍記,面前就是一盤串串金錢雞及鴨腳扎,身旁以為是等待斬料的女仕原來是老闆娘,她隨即自動申報:"金錢雞每件$12,鴨腳扎每件$30" (收到!)金錢雞燒至肉邊焦焦的,煞是誘人的模樣!以叉燒、肥肉、雞肝相隔成一件金錢雞,習慣將三片膽固醇爆燈的不健康食物分開品嚐,結論為全瘦叉燒肉質稍硬,叉燒還是半肥瘦才最好吃;古法是以砂糖將肥肉醃一段時間,將肥膩肥肉變成爽口不油的冰肉,可是如今吃到的仍是軟趴趴的不爽油淋淋肥肉,這已不是傳統製法了;幸好所用的是有著沙沙的口感及肝香的黃沙雞肝,豐腴甘香的沾點濃甜蜜汁食味是最好的,這件未夠正統的金錢雞尚可一試。鴨腳扎件頭跟嬌小金錢雞相映