龍記飯店

营业中

休息中

由細到大都係中環長大，婆婆就住結志街，亦係龍記舊店所在地，可以話食龍記燒肉同隔離間魚蛋粉食大自從加拿大返黎，就搬離左中環，冇再食過了。今晚偶然黎中環做野，一個人做完野，正諗住食埋個孤獨飯先返屋企，見到「龍記」，見到「燒味」，仲見到「係門面嘅姨姨」。嘩！呢個配搭仲唔係以前個間？反正又一個人，就直接坐低食呢度，回味下都好以前從來唔會坐低食，必定係外賣返屋企食嘅我，今日第一次坐低係龍記食飯，上左2樓坐，見到佢以前啲掛畫仲係度，好好好好好懷舊！飯黎喇，個樣都幾正，油雞依然好滑，加埋個無敵嘅薑蔥，好味到冇朋友，呢度啲薑蔥唔同出面啲薑蔥，又多油，又淨係得薑，頂多都係得啲好細細粒啲蔥花仔。呢度個薑蔥係大大粒蔥，又唔會比啲油浸過頭(油得濟)，真係好好味，好懷念以前同家姐爭碟薑蔥食嘅日子提外話，師傅比左雞脾我，(心裡妄想)一定係佢地都認得我！雞脾好滑，加埋個油雞皮同無敵嘅薑蔥，冇得輸！另外我都叫左鴨脾，肥美，淨係睇個樣都覺得正，肉又唔會好(鞋)，好juicy，好入味。眼濶肚窄嘅我，食左一半就食唔晒，最後打左包返屋企比媽咪一齊回味下