下午3點到達，原來有抵食下午茶燒味粉麵，可惜只可單拼及不能選燒鵝，所以無緣。
我點咗燒鵝燒肉飯 $53，而 J 大人點咗燒鵝叉燒飯 $53。
侍應姐姐好心提醒燒鵝雙拼飯係正價，而且唔係餐，所以無得跟嘢飲。
好啦，鬼叫我哋專登嚟試燒鵝咩，正價照殺，可能因為我哋下午茶叫正價嘢，所以最終我哋兩碟飯都係燒鵝脾，正！
呢度d燒鵝真係好味道，皮脆肉嫩；叉燒入味帶有豉味，更有一點烤焦味，是我喜歡的味道，但比較瘦有點乾，J大人喜歡半肥瘦，下次再黎要記住特別要求；燒肉一般，不算太特別。
例湯是冬瓜例湯，味道一般，給人一種行貨的感覺，可以不試。
總結這餐廳，好味，抵食，但座位環境逼。
