龍華酒店 (下禾輋)

营业中

休息中

係沙田住左咁耐，其實都係第一次來這裡，以前一直都以為這裡真的是酒店來，原來這裡是開初真的是酒店，後來因為建築的問題和新市鎮的發展，就變成只有酒樓的地方。這裡其實很大，而且還有飼養鸚鵡和孔雀，孔雀真的太耐冇見了。酒樓有室外和室內，因為今天帶著狗狗，所以選擇坐室外。餐牌上款式不算很多，但很多都是馳名的菜式。龍華脆皮燒乳鴿，乳鴿外皮燒得很香脆，乳鴿肉質嫩滑，味道香濃，而且鴿肉都幾多，不會很瘦!隨乳鴿還附有蝦片，蝦片脆卜卜，很香口。香蒜安格斯一口牛，牛肉粒用上三色椒、洋蔥和腰果一起炒，用上黑椒，令味道帶有少少辣!牛肉口感鬆軟，而且好有煮家飯餸的感覺。炸釀山水手造豆腐，本身想食琵琶豆腐，可惜店員話已經冇得食了，於是介紹我食這款豆腐。豆腐嫩滑，中間釀有鯪魚肉，茨汁用上冬菇粒和蔥花製成，味道不會很濃。馳名沙田滑雞粥，兩個人點了一窩，雞粥看上去很清淡，但食落好有咸雞肉的味，雞件份量都幾多，還加入了生菜，令口感更有層次。

服務員差沒有服務態度.問野唔彩人.掉頭走，🈚禮貌.野食好難食真係太失望了.其實d野都唔便.但野食真係好難食.都唔明.點解甘多人去食.真係救命.以後都唔會去食.

紅燒乳鴿可以揀原隻上 開邊 或者一開四第一次叫諗住方便食所以叫左一開四一行四人叫左三隻原隻 一隻一開四估唔到要斬嘅上枱先 而且唔係好熱不過都多肉多汁好食嘅至於其餘三隻原隻上嘅大概再等多三四分鐘之後先到而原隻上嘅乳鴿係熱辣辣的於是第二輪就醒目 叫返原隻上果然夠熱 夠鹹 多肉 又多汁 咩調味都唔需要果然係名不虛傳但呢度嘅小菜就不敢恭維椒鹽豆腐唔好食佢叫做椒鹽手造山水豆腐但係豆味不重 唔滑 同埋切得太細粒個脆漿唔好食 炸得唔香脆 亦冇乜椒鹽味 係面頭有啲炸蒜 但同豆腐分離咕嚕肉有呢度自己嘅特色 但就見仁見智佢用新鮮菠蘿墊底 菠蘿肉冇同咕嚕肉一齊炒感覺好唔一體至於服務呢度係零服務可言由入座到落單到埋單都係唔好對服務有期望就可以了

成日都聽人講龍華酒店的乳鴿好出名，一直都想試吓，早前有朋友約去沙田食飯，我二話不說就提議去龍華酒店，估唔到朋友都有興趣喎！龍華酒店的餐廳環境設計好古色古香，有室外和室內的座位，環境同樣優雅。果日好大風，所以我哋揀左係室內進餐。點了紅燒乳鴿，上碟時已經幫忙切開，一開四，另外會俾一對透明膠手套客人，方便我哋拎起手食。乳鴿真係好好味，好香口。仲點了馳名沙田雞粥，砂鍋鮑粒鴿崧炒飯，連埋茶錢加一，總共$400幾，算貴，但簡唔中食下都值得既，因為每樣餸菜都真係好好味。

聽朋友講呢間酒店以前好出名，好多名人，李小龍，金庸都黎食😎😎😎 黎到見到好多紅燈籠都幾有特色餐廳外牆都做到好似古代既建築咁😝😝  😝紅燒頂鴿😝 呢度既招牌菜，當然要試下，賣相係燒得好令，都做到皮脆肉嫩既效果😋😋😋 但就係乳鴿太細又小肉，冇得食落啖啖肉，一隻都要$98有些許貴😌😌但難得黎到都值得一試😎  😄新鮮菠蘿咕嚕肉😄 中意食咕嚕肉又見到話李小龍太太都中意食就叫左黎食下 佢係用原個菠蘿上菜，咕嚕肉份量都幾多，呢個個皮做得好脆，味道都鮮甜既，但係肉質同平時食既比起略為乾身 菠蘿就真係勁甜😋佢冇溝埋一齊抄，我覺得咁分開食會仲好食d😝😝  😎沙田風味豉椒炒蜆😎之後再黎食個海鮮，份量都同樣好足味道有好濃郁豉椒味，但食到尾就有d咸，如果配飯食應該啱啱好😋😎😋😎  😆沙田雞粥😆 最後黎個粥清下喉嚨，佢個粥都幾抵$88可以食到六七碗左右雞既份量都唔算少，而且個粥係煲到好綿好好食😋😋😋 食左四道菜埋單$581，其實個感覺係幾似去左外國唐人街既中餐廳咁我估佢既味道應該比較貼近舊一代人既口味，食得出係同而加新興既中餐口味上既分別，但呢度既風味格調又真係係出面係冇見過雖然位置唔係好就腳，但我覺得如果得閒黎

疫情底下很多地方大家也避免外出，正好今天兩個人到沙田辦事，馬上想到龍華乳鴿，這家從小食到大的老字號，每隔一段時間必然來吃乳鴿，今日水準依然，不同的是限聚令下，大家坐得很疏落，坐在戶外更舒適，員工都有空和你談談笑，坐在古式古香的地方，一邊聽著播放的懷舊金曲，一邊欣賞牆上滿有歷史的照片，再吃著不同口味的乳鴿，今天更點了幾個點心，新鮮又好味，以前每次來都人山人海，今次反而很悠閑的慢慢吃，短期內必須要再來。

歷史悠久嘅龍華酒店，相信亦都唔少人認識，餐廳裝修風格特別，富有懷舊風味。去打卡影相📸️相當唔錯。估唔到午市佢都幾多嘢食，有點心、亦有散叫餐牌。叫咗呢度較出名嘅乳鴿及乾炒牛河🌝▶️乳鴿$98乳鴿真係幾香，肉質幾嫩▶️乾炒牛河$128有驚喜，牛肉炒得夠林。牛河唔會太油，味道相當唔錯。最緊要係佢有個豆瓣辣醬，加埋一齊食提升左個味道，更加好食😋▶️蟹黃鮑魚燒賣$39熱辣辣整起，用上唔會太肥嘅豬肉，我幾鍾意食香▶️陳皮牛肉餅$49呢一個我未食過，覺得好特別。配搭上陳皮別具懷舊風味。牛肉餅煎得唔會太熟，所以肉質夠滑幾好食😍▶️上海小籠包$39多汁，估唔到都唔錯▶️招牌炸兩腸粉$29呢個夠脆，腸粉亦都幾滑。食完之後，估唔到呢度嘅點心原來都唔錯。▶️甜品叫咗豆腐花一小桶$78有桂花糖水，加埋落去又真係幾清甜。呢啲懷舊風味嘅地方真係值得去試一試。

喺沙田生活咗幾十年，竟然未去過龍華酒店，實在說不過去。於是趁住風和日麗，我地就前往一探究竟！我地喺沙田站B出口出發，沿住沙田中央廣場小路，行咗大約十分鐘，就到咗龍華酒店門口。昔日仲未有吐露港公路及九廣鐵路嘅時候，相信駕車前來茗茶的人，一定係絡繹不絕啦！我地懷住興奮嘅心情，沿住燈籠小徑步行上去，見到門前有隻大肥雞，好可愛。然後又見到一隻識講「哈囉」嘅小鸚鵡，十分趣緻。去到餐廳門口，店員問我地想坐室內大廰定室外雅座，由於當日都幾大風，所以我地就揀咗坐大廳。裡面只有一兩枱客人正在進食，完全符合限聚令要求。打開本餐牌簿，嗰啲舊陣時嘅廣告單張真係好有懷舊feel！我地點咗龍華三寶：雞粥、乳鴿、山水豆腐。喺等緊食物送嚟嘅時候，我地欣賞吓大廳裡面掛起嘅粵語長片電影明星嘅黑白照片，同埋一代武打巨星李小龍先生嘅彩色掛畫。而今年適逢係李小龍先生誕辰80周年，真係令人不禁懷緬過去常陶醉，一半樂事，一半令人流淚。講吓啲食物先，粥底好綿，雞肉嫰滑。乳鴿好脆，拎上手仲有少少熱辣辣，記得趁熱食！椒鹽山水豆腐份量好大而且都係好脆口，不過略鹹，可能因為唔夠喼汁啦！喺龍華酒店度過咗愉快嘅下午！希望疫情後大家多多幫襯，唔好

兒時回憶啊！今次特登走去沙田食乳鴿，同細個嗰陣時一樣㗎，啲大紅燈籠高高掛，隻孔雀仲喺度，好有懷舊特色呀！仲令我諗翻起自己細細個拖住屋企人一齊去食乳鴿嘅情景兩條友嗌左兩隻乳鴿，一隻紅燒，一隻豉油，燒乳鴿好嘢味，豉油乳鴿夠嫩滑！粉絲蒸扇貝，加咗啲蟲草花又幾特別喎，粉絲吸晒啲蒜蓉汁，正菠蘿生炒骨，佢用咗新鮮菠蘿整架，以為好酸呀估唔到又幾鬼甜喎D菠蘿！生炒骨味道酸甜適中，個皮仲要係脆嘅！呢個可以比一百分最後必食嘅係乾炒牛河，聽聞好出名架！夠晒鑊氣，未送上枱都聞到香味

和老朋友舊地重遊，依舊很多明星照片懷緬一下昔日情懷，孔雀還在健康的生活著，老伙計依舊健談，唯一多了的是探溫機和消毒濕紙巾，哈哈。是次在傍晚時分到訪，叫了很多小菜，希望滿足一下肚子，招牌乳鴿當然是必點的，1開2，我和朋友整半隻撕來吃，保留肉汁，外脆內嫰。招牌雞粥，老伙計見我們只有2人，推介我們不要叫118的大窩，叫88的大碗份量已很足夠，不想我們浪費食物，真心覺得他是很好心的員工。招牌炸大腸和乾炸山水手造豆腐都炸得很好，裡面不會太乾，而朋友因為口痕想試試蟹肉竹笙素翅海皇羹，所以叫了小碗淺嚐。另外想試鑊氣野，所以叫了豉椒炒蜆，果然不負眾望，惹味非常。

龍華酒店是一家已有83年歷史的餐廳了，見證了香港八十幾年的變遷，是一家有自己特色的中餐廳，好多明星都光顧過，像李小龍、陳寶珠、蕭芳芳這些只聽過其名聲的明星。必點菜脆皮燒乳鴿，乳鴿皮油光閃閃微脆，醃得好入味，唔會過鹹，肉厚而嫩多汁，唔會覺得油膩，讓人欲罷不能。點了李小龍喜愛的乾炒牛河，真的同出面不同，好有鑊氣、夠味、又乾身不過油。還點了清淡的滑雞粥，粥濃稠綿軟，加埋雞肉鮮甜嫩滑，好味。雖然有點小貴，但是還是值得一試。

龍華食乳鴿絕對係童年回憶。 好似除咗童年之外，就冇再去過啦。今日好想去懷念一下。入口依舊，大孔雀好像不見了，還是我太夜去睡了？ 乳鴿同童年時候嘅回憶一樣好吃，肉酸厚， juicy, 皮脆肉嫩，保得住生招牌。。 海鮮雜菜鍋，超級大盤。 福建炒飯，份量之大足夠六人分享。反而這一個藥膳雞鍋應該是新菜式吧，小時候好像沒有這個菜式嘅回憶呢。湯底看來好清，其實好重藥材味，材料十足，🐔肉好滑，絕對係驚喜。全場大部份都看來像過客似的， 有小量本地熟客。 這樣的香港特色店，希望疫情過後可以客似雲來

近排天氣開始轉涼，就想到新界區找好東西食，而且又想吃乳鴿，於是去咗歷史悠久的龍華酒店食午餐。乳鴿皇果然名不虛傳，size夠大兼且皮脆肉嫩又juicy。來到沙田當然要食雞粥啦，雞件分量很多，粥亦煲得很綿。我們還叫了盅姖松茸花膠螺頭核桃燉雞湯試試，材料十足，十分滋補養顏。看過很多人推介的新鮮菠蘿咕嚕肉- 肉質鮮嫩，炸得鬆脆，菠蘿鮮甜多汁，果真好介紹。看到餐牌也有多款點心，就叫了蝦餃和魚肚燒賣試吓，蝦餃不錯，魚肚燒賣更是好食，魚肚夠厚又入味，可惜太飽，否則多叫一籠。餐廳裝修別緻，地方寬躺，環境舒適。真是一間值得光顧的香港老字號，一定會再來。

小時候就聽過龍華酒店，好似幾出名，不過以前冇機會去。最近放假去開沙田，順道去食晚飯。門口相當古色古香，掛上大紅燈籠，遠遠就能看到。紅燒脆皮乳鴿這是招牌菜，餐牌寫上用只有20多天大的乳鴿炮製，加上秘製滷水汁，燒得皮脆肉嫩，熱辣辣食非常香。餐廳還貼心準備了膠手套，可以用手食，更加滋味。帶子松子仁大良炒鮮奶這是懷舊菜式，記得小時候吃過，現在沒什麼酒樓做這菜式了。炒鮮奶香滑順口，包住鮮嫩小帶子和一些脆口的粟米片和松子仁。我覺得配上陳醋是重點，加入一點陳醋幽香，整道菜的味道更有層次。菜膽琵琶豆腐琵琶豆腐份量足，豆腐加入魚肉造成一球一球的，滑滑的魚腐裏面還加入了紫菜增添風味口感。調味醬汁恰到好處，食材簡單但不失美味。沙田雞粥有一大鍋和一大碗的選擇，我們二人就選了一大碗，但是份量仍然十足，每人可以食到三小碗，雞件份量亦很多，雞肉嫩，醃得鹹香鹹香的，配上綿綿粥底和爽口生菜絲，清淡美味。本來還想試山水豆腐花，但是太飽的關係就沒有點了，差這個就試齊沙田三寶，唯有留待下次吧！

今日同老公去兒時成日去既地方食飯懷舊一下，就係沙田龍華酒店，以前細個阿媽成日帶我去食乳鴿，而家人長大了反而少去，今日專登黎懷舊下。在沙田近禾輋邨附近，有代客泊車服務，之後沿着行人天橋上便見到好多紅紅的燈籠在門口旁。入到去酒家，別有一番風味，裝修仍然懷舊。坐低後，我地order左個二人套餐，有乳鴿2隻、幾個小菜，還有燉湯綉珍菌燉雞湯，十分足料，味道夠濃，好飮紅燒乳鴿——好Juicy,外脆內嫰，蝦片熱辣辣脆卜卜豉油王乳鴿——有香濃嘅甜豉油味，夠入味百靈菇螺片時菜-有鑊氣，有兒時味道蟲草花蒸扇貝-扇貝新鮮，蒜蓉夾埋粉絲嚟食好好食炒麵，麵質煙靭，有鑊氣，味道不錯下次一定要帶媽媽一齊食乳鴿懷舊一下