龍華酒店 (下禾輋)

营业中

休息中

始創於1938年的沙田龍華酒店，於香港 屹立超過80年真的殊不簡單。由禾輋邨行天橋過下禾輋那邊，上龍華沿途兩邊掛滿大紅燈籠，感覺好奇妙，好像穿越時空去到另一個地方。店員友善招待，除了介紹鎮店之寶外，也會推介是日好菜式。龍華脆皮燒乳鴿(皇牌推介)~乳鴿醃得入味，新鮮熱辣辣炸起，鴿肉嫩滑，乳鴿皮香脆可口，一件食住一件，滋味非常，連個頭都唔放過。新鮮菠蘿咕嚕肉~賣相好吸引，大半個即開菠蘿盛載咕嚕肉，採用新鮮菠蘿，菠蘿肉入口香甜，咕嚕肉薄薄一層炸漿，炸起唔覺油膩，表面掛滿醬汁，酸酸甜甜好醒胃。椒鹽手造山水豆腐塊~乃傳統菜式，當年武俠小說家金庸最喜愛的菜式，山水豆腐果然名不虛傳，入口軟滑，椒鹽味道非常香口，越食越開胃。馳名沙田滑雞粥(例)~雞粥也是沙田馳名，這個一定要試啦，雞件有肉，既滑也好味，這個份量夠2至4人。

龍華酒店～童年的回憶...小時候跟父母來茗茶，那時覺得這個地方很大很大，很遠很遠的郊外.... 豆腐花，燒乳鴿， 乾炒牛河 ，蝦餃，燒賣....的滋味還在記憶中。 最近朋友 邀請來過一次，勾起了從前跟家人在這裡茶聚的情景。 今天放假，悠悠閑閑的與太太來逛逛和茗茶。經典的排坊和紅燈籠大道...見這室外的露天茶座與小橋流水剎那間兒時情懷重現。再到餐廳門外也見有提供客人的叉電器和搓手液等。服務真是與時並進！內進還有一度 歷史圖片牆，上次看完今日再看～點上两道從前愛吃的點心，燒賣還是粗粗的肉粒，很有 咬口，冬菇肥肉甘香！還有必點的鳳爪，夠惹味又骨感一家人都愛“損骨“很滋味！數最難忘一定是這馳名的招牌頂級燒乳鴿了！今時今日還是由專人主理的菜式，據知師父有三十多年的主理乳鴿經驗，水準依然保持！為免肉汁流失，原隻上不切件，用手撕開食，熱辣辣皮脆肉嫩濕潤多汁，真回味！太太愛吃海鮮，可惜今天沒有龍虾只有虎蝦，也不錯呀！看菜單上介紹，連音樂名人也大讚這道菜～茄汁香草煎大虎虾好味！啖啖肉非常彈牙！醬汁酸甜味恰到好處！很醒胃！ 飽嚐美味後，再觀賞園內一花一草，城市難得的一處園林餐廳可讓人放輕鬆一

龍華酒店對我來講有好多回憶，以前爸爸公司春茗年年都係喺龍華酒店攪，所以每年都會嚟一次，絕對係我嘅童年回憶！已經唔記得細個係搭乜嘢車嚟，但今日就由沙田港鐵站行過嚟，都唔算好遠，10分鐘左右就到。 嚟到門口見到龍華酒店個牌匾，再見到啲大紅燈籠高高掛，好有印象。行過啲紅燈籠，中途就會見到啲孔雀，細個嗰陣冇乜機會見到孔雀架，所以印象好深刻。餐廳門口有一隻可愛嘅鸚鵡，冇用鏈鎖住架，都幾乖，不過就少啲講野，只係聽到佢講咗句: hello。食乜好？ 龍華有三寶: 脆皮乳鴿、沙田滑雞粥、山水豆腐花，當然要叫啦！每台客人都必叫嘅乳鴿，係用滷水汁浸熟，再搽上麥芽糖再炸，所以做到好脆好乾身，又唔會太油。馳名沙田滑雞粥雞件都幾多，粥底夠綿，但粥嘅味道係偏淡。蒜茸蝦春卷做得唔錯，少少焦香，超脆口。蟹皇鮑魚燒賣係傳統嘅做法，未必人人接受，入面混入唔少肥豬肉粒，老人家應該比較喜歡，係我細個食嘅燒賣味道。新鮮菠蘿咕嚕肉係即叫即做，咕嚕肉酸酸甜甜夠開胃，配埋新鮮菠蘿嘅香甜味，係店員推介嘅菜式，正！最後係豆腐花，唔知而家係咪仲係用山水做呢? 豆味濃又香滑，不過只有凍食。如果有熱食，豆味會更香。

細個一講起去沙田，就會想起食乳鴿，食乳鴿當然會想起龍華，有朋友話未試過，就去試試，由禾輋行天橋過去，好易認，因為仲係好似以咁，有好多大紅燈籠，裝修依舊，同細個時去無分別。好多嘢都想食，明知多，都叫了，反正話明天一早可能打風，食唔晒打包回家明天食。龍華脆皮燒乳鴿 $98乳鴿當然係必點，這裡所用嘅乳鴿，都不超過26天，先以秘製滷水汁滷製，再浸至七成熟，然後上麥芽糖，再吊乾，仲即叫即炸，皮脆肉嫩，點些准鹽更能提升鮮味生磨砂杏汁炖白肺湯 $298踏入秋天，當然要潤一潤，來一鍋白肺湯，一上枱就聞到陣陣杏仁香，入口仲好清甜，我一共喝了三大碗菜膽上湯雞 （半隻）$168酒店外牆有四隻大字­「嫩鴿肥雞」，除了乳鴿，當然要食雞，果然好肥美，又滑。砵酒姜葱焗廣島蠔 $188好野美，好多姜葱等配料，一上碟就聞到好香，仲好有鑊氣菜膽枇杷豆腐$118枇杷豆腐係心機菜，唔係好多地方有得食，香脆又帶有魚肉鮮味，美味可口特式干炒牛河 $128餐牌介紹李小龍都好喜歡這裡的干炒牛河，好有鑊氣、夠味、又乾身不過油

Only the roast pigeon is ok. And even that, as their famed dish, is just mediocre. I also tried the fried tofu, sweet sour pork and beancurd - all highly recommended dishes in the menu. BUT ALL A HUGE DISAPPOINTMENT. Don’t bother yourself with all the other dishes. Oh and did I mention the service? They serve you like their existence did you a favour and you owe them by being able to dine here. The service is just horrific and rude.

龍華酒店 - 如果係有咁上下年紀嘅香港人都應該知道佢有番咁上下歷史同出名食乳鴿 所以今日就同屋企人嚟咗呢度食乳鴿喇我哋叫咗三款唔同味道嘅乳鴿 分別係紅燒乳鴿 豉油皇乳鴿 醉乳鴿紅燒乳鴿就比較香口 豉油皇乳鴿就食落唔會覺得熱氣 而且夠入味 醉乳鴿酒味濃 喺坊間比較少有 三種乳鴿同樣有個特點就係 juicy有肉汁 呢度嘅乳鴿用嘅係老鴿 唔似坊間好多酒樓賣緊嘅bb鴿 肉質會較為堅實另外我哋仲叫咗黃金魚皮 顧名思義即係鹹蛋黃炒魚皮 魚皮包裹上鹹蛋黃不嬲係我最鍾意嘅味道另外亦叫咗生炒咕嚕肉 咕嚕肉外皮脆 肉質爽口 仲配上新鮮菠蘿肉 好甜好多汁 除此之外我哋仲叫咗一支大嘅藍妹啤酒 最後兩人埋單$644 呢度嘅歷史味道 價錢算係咁上下除咗食物之外 餐廳出面仲有孔雀 乳鴿 鸚鵡等等睇 隻鸚鵡仲識講hello tim ga 好得意

🌹趁星期六在新界區活動，午餐去了有80年歷史的龍華酒店食午餐，品嚐馳名的乳鴿😋。🌹食店距離沙田火車站有一段路，行大約10分鐘，天氣沒有之前熱，所以不太辛苦，食店門面有紅色燈籠懸掛於門上，沿路亦有燈籠🏮，很適合拍照打咭，行大約2分鐘就會到達用餐地方，酒店有幾座建築物，不知用途，裝修是舊舊的，有一股古舊味道，最欣賞是窗框及掛畫，衛生就真是一般般，我們選了窗口位置坐下。點餐🥢脆皮乳鴿🌟🌟🌟🌟皮脆肉厚豉油王乳鴿🌟🌟🌟🌟喜歡這個味道，豉油汁滲入鴿肉內，入味時菜琵琶豆腐🌟🌟🌟豆腐脆口，可惜配上西蘭花，感覺格格不入個人評分食物💙💙💙💙服務💙💙環境💙💙💙衛生💙💙抵食💙💙回頭率💙💙

同女兒提起兒時回憶，父母放假總喜歡帶我們幾姐弟去沙田龍華酒店食乳鴿，因為以前沒有太多快餐店和餐廳，食物種類也不多。當年父母帶住仔女一家出外吃飯已經係最開心，直至現在，可以給我們呢一代可以懷舊一番的地方已經唔多，龍華酒店是其一，當年有好多明星光顧，我們每次去都座無虛席，非常熱鬧！仲記得之前酒店門口有小販擺賣，老公還記得有一檔賣三角豆腐很好味。由掛滿燈籠的長廊行入去，兩邊有很多動物，還記得有一隻孔雀，客人常常叫牠開屏。那兒是我們以前最喜歡去的地方。今晚就同老公去懷舊一番，探一探沙田龍華酒店！龍華脆皮燒乳鴿：乳鴿是這裡必點小菜，據說以前可以每日賣上千隻乳鴿，用不超過26日的乳鴿，以秘製滷水汁滷製，將乳鴿浸至七成熟，上麥芽糖後吊乾，即叫即炸。熱騰騰的乳鴿皮脆肉嫩有肉汁，點些准鹽更添美味！龍華宏圖海皇窩面：一大窩份量十足，海鮮材料有蝦仁、帶子、鮑片、勝瓜等，伊麵掛上香甜的湯底，一碗接一碗，越食越好味！新鮮菠蘿咕嚕肉：炒好的咕嚕肉色艷而帶光澤，酸甜香氣湧起，引得人口水猛吞。夾一塊，咬一口，嚓的一聲，薄粉香酥，肥瘦合適，肉質香脆嫩滑，每塊肉均掛滿汁，酸甜味均衡，配新鮮菠蘿更香更美味！有佳餚當然少不了

家中長輩經常回味想當年美食, 見最近疫症開始緩和, 今晚就帶佢地去沙田龍華酒店重拾當年回憶啦!已有多年歷史既龍華酒店, 地點唔近港鐵站, 隔攝地點令環境清靜, 有如去左世外桃源一樣。由門口沿路行入餐廳, 兩旁掛滿紅紅燈籠, 古式古鄉, 打卡影相一流。餐廳分室內同室外, 雖然呢度歷史悠久, 但環境都很新、很整潔, 呢度出名食乳鴿, 另外仲有多款中菜選擇。【龍華脆皮乳鴿】HK$98/隻食乳鴿當然原隻食先最正! 炸皮金黃, 但唔算好脆, 肉質很嫩, keep到本身肉汁, 點少少鹽吊味, 正!【鄉村風味炸大腸】HK$118炸大腸開邊, 脆皮亦不算很脆, 口感爽而不韌, 配上甜酸汁, 惹味。底層有少少清甜菠蘿粒, 平衡一下口中重口味。【乳鴿崧飽粒煲仔飯】HK$168呢款很有驚喜, 值得推介!熱辣辣上檯, 未食已經聞到香噴噴, 飯粒粒粒分明, 似乎跟乳鴿肉碎、飽粒一齊被預先炒過, 有穫氣又很有層次, 超喜歡由熱辣辣煲底而成既香脆飯粒, 撈起食, 間中食到脆卜卜飯粒, 無論口感同味道都很正!!  

今日同呀媽去新城市買雪櫃，買完諗住食埋飯先返屋企，唔洗煮又唔洗洗新城市雖然多野食，但呀媽間間都好似興趣不大，最後醒起不如去歷史悠久既龍華酒店食乳鴿沙田行過去唔算遠，兩三個字就到了，由門口到餐廳，都充滿懷舊色彩；懷舊得黎又帶點中式既浪漫，除左一家大細，都好適合情侶黎，天氣好既時候坐室外絕對另有一番風味走過一條時光隧道，就到餐廳了因為我地六點到，所以人唔多，到走果陣就開始多人了雖然有成八十年歷史，但地方仍然保持到企理、乾淨、衛生黎得呢道，乳鴿同雞粥都絕對必食，但阿媽唔想食雞，所以叫左兩款乳鴿，一款脆皮燒，一款豉油皇皇牌脆皮燒乳鴿$98可以選一開二，一開四，或原隻果然係名物啖啖肉，皮香肉嫩，咸度適中，肉質食落唔會乾，保留到乳鴿既肉汁，不愧為必食乳鴿呢款係豉油皇乳鴿，比燒既少左一份脆皮口感，但豉油汁非常入味，入口多一種油香味；肉質依然嫩滑菜膽琵琶豆腐$118豆腐外邊帶少少脆口，內裡釀入菇粒蘿蔔粒，口感豐富，醬汁惹味鮑魚鴿鬆煲仔飯$168份量夠多，飯粒粒分明，夾雜著彈牙既小鮑魚片，加埋鴿鬆，用料十足！阿媽都好滿意呢餐，重讚我醒諗到黎呢道

龍華酒店建於1938年開業，沙田首間園林式酒店。馳名乳鴿、沙田雞粥和木桶豆腐花 (沙田三寶)，可於龍華食到。紅燒乳鴿 (HK$98) - 外皮燒至香脆，香氣濃郁，充滿肉汁，肉質嫩滑沙田雞粥 (HK$118) - 粥底香綿，雞肉嫩滑，而且雞味濃郁木桶豆腐花 配桂花糖水 (HK$68) - 豆腐花豆味濃郁，口感香滑，配上桂花糖水，份外甘甜清新郊外時蔬 (HK$108) - 新鮮紫淮山脆滑細膩、清甜白菜、爽脆木耳乳鴿崧鮑粒炒飯 (HK$168) - 炒飯粒粒分明，加上菜粒、乳鴿崧及鮑粒，顏色悅目，而且散發乳鴿崧味道，香味撲鼻，令人食指大動姬松茸花膠螺頭核桃燉鴿 (HK$298) - 姬松茸味濃郁、螺頭鮮甜味明顯，花膠爽身，湯味清甜清炒郊外時蔬 (HK$108) - 爽脆西蘭花、 香甜雞髀菇風味柚子蜜餞骨 (HK$148)蜜餞骨散發柚子的清香，有蜜糖味道，不油膩。推薦的菜式 : 紅燒乳鴿、沙田雞粥、木桶豆腐花、姬松茸花膠螺頭核桃燉鴿食材味道 : 新鮮及賣相挺不錯，非常有水準的食物 !餐廳裝潢 : 園林式酒店，特色的指示牌，古色古香，可看很多園林植物，令您心情舒暢，開懷進餐!餐廳資料 : 地

龍華酒店相信不少沙田人也清楚最出名的就是乳鴿了，今日一於放鬆一下心情嘗試一下馳名沙田的乳鴿.乳鴿十分之香脆新鮮充滿了肉汁，水準之作.這個乾炒牛河十分之有鑊氣，在餐牌上也使名是李小龍的最愛.自家製的腸粉也十分之香滑，充滿了濃濃的米香.這個豆腐十分之香滑，加上自家製的醬汁也是一個清淡自選.各式各樣的點心也是即叫即蒸的也有懷舊風味.餐廳周圍的環境也充滿了大自然的氣氛，也是假日家庭的好去處.提提大家由沙田站來到龍華酒店路程也只是5分鐘十分之方便.

上星期家人慶生，特意為他找了這一間位於新界的乳鴿店當然需要點這間餐廳的名菜燒乳鴿，入口香氣濃郁，外皮燒至香脆，另外乳鴿本身質素不錯，肉質嫩滑椒鹽手造豆腐，同樣值得推薦，將豆腐切丁再炸香，另外本身豆腐豆味濃郁，配合調味不算過濃的椒鹽香，非常開胃再來點了店員推薦的芝士龍蝦配伊面，先說份量非常滿意，二百多元但是吃到這個份量和味道非常值得推薦，芝士醬底做得不錯，充滿淡淡的奶油香和濃郁的芝士味道，另外本身龍蝦來貨也不俗，肉質彈牙有肉味，配合醬汁和伊面非常惹味

上星期到沙田宜家傢俬看家具，晚飯時候突然想起這一間小時候家人帶我過來的餐廳，剛好老公也想吃啖啖肉的乳鴿，於是便從步行10分鐘過來最出名的乳鴿果然驚喜，正宗能做到外脆內嫩，而且鴿肉香氣十足，絕對能歸功於廚師在醃料方面的配搭沙田雞粥，同樣驚喜，即使只是點了小份量亦能三至四人食用，而且雞肉滑身不鞋口，粥底軟熟綿滑，配合多多的蔥花，整碗粥香氣十足牛肉炒菜心，牛肉份量先讚，這個價錢提供這種份量已經非常良心，而且味道同樣值得一讚，醬汁惹味而且菜心亦非常新鮮爽脆，驚喜

其實我都系第一次黎龍華酒店。呢間老字號，聽就聽得多，黎食就真系第一次。呢排見疫情又唔去得邊度，所以咪系香港搵下地方去。今日同左爸爸黎飲個午茶，食下地道野食。龍華酒店出名既系乳鴿同雞粥，所以今日帶埋呀爸黎食下。呀爸當然黎過龍華酒店唔少次，所以佢今日就回味下，而我呢就第一次黎，事事都好新奇。裝修得古色古色，很有中國風，都幾特別，仲有孔雀睇。坐低左，當然點下野食啦。一定必食紅燒乳鴿同沙田雞粥啦，之後仲叫左少少點心食。餐廳都有好多遊客，如外國人用餐，都幾特別。紅燒乳鴿，我同爸爸點了一隻，一人半只。乳鴿啖啖肉，外皮燒到脆脆的，味道唔錯，果然系招牌菜。熱辣辣好惹味，我仲見到其他食客好多都系一人點一隻，不切，用手慢慢撕下來吃，超惹味的。另外沙田雞粥都好好味，可以點一窩或一碗，我們點了一窩，份量很大，我跟爸爸都飲了很多碗，不過真系好綿好香，雞味又濃，所以就算好飽都停不了。而且入面仲有好多雞件，又嫩滑又多肉，滋味。點心方面，每款都不錯的。我最欣賞的是沙姜雞腳。真系十分惹味，沙姜醬沾滿了外皮，雞腳充滿膠質，而且大大腳，又多肉，啖啖都好膠質同好濃味，好正。另外蝦餃都粒粒晶瑩通透，原只蝦，啖啖肉又爽口。正。魚