影片
更多
2020-12-08
1973 浏览
喺沙田生活咗几十年，竟然未去过龙华酒店，实在说不过去。于是趁住风和日丽，我地就前往一探究竟！我地喺沙田站B出口出发，沿住沙田中央广场小路，行咗大约十分钟，就到咗龙华酒店门口。昔日仲未有吐露港公路及九广铁路嘅时候，相信驾车前来茗茶的人，一定系络绎不绝啦！我地怀住兴奋嘅心情，沿住灯笼小径步行上去，见到门前有只大肥鸡，好可爱。然后又见到一只识讲「哈啰」嘅小鹦鹉，十分趣致。去到餐厅门口，店员问我地想坐室内大廰定室外雅座，由于当日都几大风，所以我地就拣咗坐大厅。里面只有一两枱客人正在进食，完全符合限聚令要求。打开本餐牌簿，𠮶啲旧阵时嘅广告单张真系好有怀旧feel！我地点咗龙华三宝：鸡粥、乳鸽、山水豆腐。喺等紧食物送嚟嘅时候，我地欣赏吓大厅里面挂起嘅粤语长片电影明星嘅黑白照片，同埋一代武打巨星李小龙先生嘅彩色挂画。而今年适逢系李小龙先生诞辰80周年，真系令人不禁怀缅过去常陶醉，一半乐事，一半令人流泪。讲吓啲食物先，粥底好绵，鸡肉嫰滑。乳鸽好脆，拎上手仲有少少热辣辣，记得趁热食！椒盐山水豆腐份量好大而且都系好脆口，不过略咸，可能因为唔够喼汁啦！喺龙华酒店度过咗愉快嘅下午！希望疫情后大家多多帮衬，唔好
我地喺沙田站B出口出发，沿住沙田中央广场小路，行咗大约十分钟，就到咗龙华酒店门口。昔日仲未有吐露港公路及九广铁路嘅时候，相信驾车前来茗茶的人，一定系络绎不绝啦！
我地怀住兴奋嘅心情，沿住灯笼小径步行上去，见到门前有只大肥鸡，好可爱。然后又见到一只识讲「哈啰」嘅小鹦鹉，十分趣致。
去到餐厅门口，店员问我地想坐室内大廰定室外雅座，由于当日都几大风，所以我地就拣咗坐大厅。里面只有一两枱客人正在进食，完全符合限聚令要求。
打开本餐牌簿，𠮶啲旧阵时嘅广告单张真系好有怀旧feel！我地点咗龙华三宝：鸡粥、乳鸽、山水豆腐。
喺等紧食物送嚟嘅时候，我地欣赏吓大厅里面挂起嘅粤语长片电影明星嘅黑白照片，同埋一代武打巨星李小龙先生嘅彩色挂画。而今年适逢系李小龙先生诞辰80周年，真系令人不禁怀缅过去常陶醉，一半乐事，一半令人流泪。
讲吓啲食物先，粥底好绵，鸡肉嫰滑。乳鸽好脆，拎上手仲有少少热辣辣，记得趁热食！椒盐山水豆腐份量好大而且都系好脆口，不过略咸，可能因为唔够喼汁啦！
喺龙华酒店度过咗愉快嘅下午！希望疫情后大家多多帮衬，唔好俾呢啲香港情怀失传呀！
龙华乳鸽
38 浏览
0 赞好
0 留言
沙田鸡粥
39 浏览
0 赞好
0 留言
椒盐豆腐
25 浏览
0 赞好
0 留言
张贴
