龍寶酒家

营业中

休息中

今年父親節飯提前一個禮拜食，一早預訂《友誼萬壽宴$1588 》相比其他地方呢個節日嘅套餐價錢的確係平好多，抵食大份！而呢個餐唯一一樣較特別係原隻乳豬上，但比鉸剪、手套自己剪🤭 🔸自剪乳豬全體🔸清蒸大沙巴兩斤🔸蠔皇鮑螺片扣鵝掌🔸東江鹽焗雞🔸壽包8隻🔸翡翠谷珍寶蝦長壽伊麵🔸富貴彩鳳海中寶另外再獨立叫咗四隻乳鴿。

態度超級惡劣！！！叫咗呢個8人餐平心而論，除咗伊麵其他餸是無咩大問題。 唯獨呢個伊麵，我叫嘅係8人餐，請問呢到幾人份量？得一主隻麵，兩個人食都唔夠啦。而且我食過好多圍餐，無一間圍餐伊麵會有菜，呢到擺明係唔夠麵搵啲菜塞滿隻碟！份量少到咁離譜點可能唔嘈佢！全場無嘜幾個侍應，得一個女經理長期係到，另外有幾個男經理成日唔知走咗去邊，見過露一兩次面，咁唯有搵個個女經理，呢個女經理開頭落單已經唔係好彩人，態度十分惡劣！首先係我地食哂其他餸， 碟伊麵好耐都未嚟，咁就搵呢條女經理問下啦，係到自言自語話廚房冧曬檔。之後黎到碟野少到離譜，搵返佢黎問，竟然話：係咁架啦，廚房係咁出，無話包你8個人架喎。真好笑，唔包我8個人咁你叫咩8人餐？想搵其他經理講，但全場真係得佢一個露面，佢每經過一次我就嘈佢一次，每次都係一副懶理嘅樣，仲話想食多啲咪叫多碟。又話你只係俾咗1388，即係咁嘅份量係好應該。如果你做唔起呢個價嘅，唔該你唔好咁set，set咗唔該你俾返應有嘅野客人！等咗好耐終於有個男經理出現，態度都唔係好，不過就肯補返少少麵黎， 放低個麵嘅時候仲補多句：啲蝦先係主角嘛，麵只係配菜🙄如果你真係唔夠麵可以出聲，唔係

2022年5月15日 (星期日) 6:00pm 26°C 環境光亮整潔，餐具乾淨。 人數：5 人 大約 HK$1100 不用等位 鴻運脆皮乳豬 (半隻) – 席上自剪乳豬，皮脆肉薄妙齡乳豬，芝麻皮黃金香脆，色澤均勻，用上秘製醬料醃製，肉質嫩滑，肉汁豐盈，皮肉脂肪比例平均，鬆化甘香，脂膏雪白晶瑩，骨香酥。【推介之選】❤❤❤ 龍寶生炒上肉排 - 肉排切成塊狀，份量頗多，肥瘦適中，外脆內軟，醬汁濃郁，甜甜酸酸，感覺開胃又美味，拌勻白飯一起吃，味道一流。菠蘿大大件，洋蔥香辣，份量不少。【推介之選】❤❤❤ 游水海紅東星斑 - 蒸得恰到好處，鮮味滑溜，啖啖魚肉，美味！【推介之選】❤❤❤ 西施蟹肉扒西蘭 – 蟹肉新鮮，蛋白滑溜，兩者配合起來簡直天衣無縫。西蘭花綠油油，軟硬恰到好處。整體來說，份量十分充足。 金銀椒鹽白飯魚 - 熱騰騰，非常香脆，點上椒鹽後，更覺美味。份量很多，叫人食不停，歡暢又盡情。【推介之選】❤❤❤ 金磚一口滑豆腐 – 外層金黃香酥，內裡柔軟滑嫩，配上七味粉提味，濃郁香氣及辣味令人忍不住大快朵頤。整體來說，份量充裕，適合喜愛吃辣之人士。【推介之選】❤❤❤ 椰香芝麻卷 – 芝麻香香

長沙灣這邊有茶市的酒樓好像不多，今天家人想飲茶，就到近來電視廣告看到的龍寶酒家。食物很一般，碗碟有食物殘漬，點心價錢不貴，但留意服務費+13%，下午茶有些點心只有三件。我們的位置在兩排冷氣下面，坐下未開茶已經打噴嚏，看到附近有幾張枱未有人坐，但經理說不能轉，䀲氣說一係你落去重新再等過。但當時直至我們走都不多客人，而且大風到枱面的點心紙都吹走。因為趕時間，而且在坐有老人家，我們坐下快食就走。全程部長都在附近搬枱搬櫈不停口像發洩。這是小事，但感覺很差，連帶不想再光顧同集團其他分店。

本身訂咗位 慶祝婆婆生日 諗住一家人開開心心咁食餐飯 點知最後大家都食得吾開心諗住婆婆住附近 就搵咗依間酒樓食個生日飯18:30到酒樓 已經預先嗌定菜 一坐低就叫佢上菜 佢斷斷續續先上得一 兩個菜 差吾多20:00淨係食得個3碟菜 中間已經係咁吹佢上菜 因為有老人家係到 吾想佢地餓親 但個部長定吾知經理就係咁hea我地話 快架啦 快架啦 但之後都冇上過菜 等到差吾多20:30先繼續上到菜俾我地 同埋吹佢上菜個陣 個經理態度都吾好 上菜又慢 服務態度又吾好 真係去遠啲都吾會再去依間食飯 試過一次就算

牛肉腸裏面有大把生菜，根本只係菜腥味，都食唔到啲牛肉嘅香味。其他啲點心燒賣蝦餃都還可以但係啲鮮竹卷裏便嗰啲嘅餡料都幾難食，如果唔係今日打風我都唔會走上嚟試，寫完

今晚經過去食飯，坐低睇完餐牌都唔知食咩，甘就上網睇下有咩好食，點知睇食評見到d post話服務態度同果13%額外收費，心諗算啦，13%如果服務ok都算俾啦點知一開波因為我地無人食花生果d叫佢唔使囉黎，點知個侍應飛左兩碟落枱，你地食唔食都要收嫁啦$12一碟，我太太同母親都話算啦放低左都食小小啦，點知兩個人各食一粒即刻吐返出黎（億）既，跟住都放埋一邊叫左幾個餸同一個湯，個胡椒花膠雞湯（淡到好似飲水），個四季豆煎旦諗住叫俾2歲幾個女食，點知俾左小小佢食即刻吐左出黎，甘我地試左小小正常野個味有小小唔知點形容，好似臭青味甘豉椒炒蜆開頭一兩隻無事，點知食到中段個個人都食到有沙最正常係個菠蘿咕嚕肉冇乜特別嚟咗第一個既時候叫咗個楊州炒飯，呢個炒飯足足30分鐘左右，喺我哋食完準備買單嘅時候先黎，中途問過兩次可唔可以快啲（已經過左20分鐘）總結呢間野嘅服務態度奇差，原本俾個13%服務費食完飯後覺得3%個不值

睇廣告好似好好食好抵食咁，於是去試吓，上二樓要行樓梯冇升降機，叫咗半隻乳豬、星洲胡椒花膠雞煲、薑蔥鮑魚炆雞、椒絲腐乳炒通菜、上湯銀絲雜菜煲。乳豬好唔掂，手部位置被扣起一截，問侍應點解會咁，佢話酬神豬先有手有腳🤦🏻，廢事同佢再追究，而星洲胡椒花膠雞煲就冇乜胡椒味和雞味，有好多料但係無乜味而淡淡似水，其餘兩個菜都影真麻麻，唯有係個薑蔥鮑魚炆雞煲比較正常，侍應招呼唔掂，整體來講有啲失望，未必會再幫襯，嘥錢買廣告不如做好啲菜式同服務好過。

【 小菜出色啱小朋友食 】🎂奶奶生日，去咗屋企附近的龍寶酒家食晚飯，至疫情開始到而家，已經好耐無去食飯了，今晚上到去感覺好新鮮。🐠晚市都有幾多優惠，其中係5選一的超值餸菜，有$10一隻鷄，$68一條魚等，我哋就選擇左$108一隻上湯龍蝦，仲送伊麵，超抵食！🥬另外仲叫左上湯銀絲雜菜煲，京都焗肉排，紅燒蟹肉花膠生翅，炒製蘿蔔清湯牛坑腩，當中京都焗肉排好香口，醬汁香濃。🍲炒製蘿蔔清湯牛坑腩的牛坑腩非常林，吸哂白蘿蔔的鮮味，成煲都好好味。🥥奶奶鍾意飲椰青，$25.8一個，清甜美味！

叫左個四人餐$666，加可樂兩罐，白飯一個，茶芥四位，埋單870。其中一條數係，100蚊服務費，問服務員是甚麽，佢竟然答我，佢哋收1.3服務費，真係莫名奇妙，人人都收加一，佢哋竟然收1.3，請問有甚麼服務呢？可惜當時忘記影低張單。還有，食物質素差到不得了，又咸。服務員問非所答，叫好耐先有人招呼。不知所謂。其他分店，我不知道是否也有這樣情況出現，但相信這一間，我哋永遠唔會再光顧。加1.3服務費，真的不合理，只是一間酒樓，又不是酒店。

約咗老友去嘆中菜館。佢推介去呢問龍寶。我睇咗個餐牌，價錢真係好平。燒鵝义燒飯都係$28.6。點咗個綿花雞、蝦餃、負皮卷、鳯爪、炸蝦球。全部全統中式點心煮到好香港地度。加埋個普洱茶。真係好重廣東人嘆茶風味。燒鵝义燒飯個燒鵝靚，义燒屬半肥瘦。個白飯好軟身，好開胃。蝦餃個皮好薄。負皮卷好脆。鳯爪好重中藥味。炸蝦球好脆好味。價錢好地度。值得推介。

味道轉差：對比幾年前，嚴重退步，特別是粉果、蝦餃等，粉比 餡料厚，似食粉團。衛生：一般般，起碼我自己的杯中，有一張濕的紙，似傳菜時的紙。服務極差(服務費全行最貴)：基本沒有人服務，換杯自行處理。下單，行到有員工的地方，塞比佢先得。埋單，自行步往收銀處，沒人理你！唯一有員工同你說話的，就是3點25分，員工會趕你走，要求你自己去埋單。但只入座約半個鐘的我們，定係都未食完，只好要求要外賣盒，可以的外賣盒$2，膠袋$1，盒加袋多謝$3，另外加收 13%服務費，後來，我只要求一個盒，一名叫阿華的員工(圖1)，取一個盒來後，再次趕我們走(時間約為3點35分)，同行其中一人問，等等吧，除非你是趕我們走，員工大大聲答：「是」。後來我們向經理投訴這事情，員工就馬上走到經理面前改口說 (改口快過變面)：「我回答是只是說要收膠袋費」，但其實完全與事情無關，更不願道歉。經理則以無法證明為由，說代為道歉就算。可見，基本服務態度是 -100分！

最近不少酒樓都在做澳洲龍蝦大特賣的推廣，這家$138就有一隻約一斤重的龍蝦（二人可點一隻）。以前試過吃蒜蓉開邊蒸澳洲龍蝦，覺得肉質爽彈，味道鮮甜，所以這晚我們選擇了同樣的烹調方法。龍蝦上桌，樣子不錯，急不及待吃一口，有蒜蓉的香味，但鮮甜不足，肉質也不彈牙，有點失望。另外還點了一個西蘭花炒蝦球，這個小菜就不錯，西蘭花翠綠，蝦球份量多，肉質彈牙，這菜的味道也好。想一提的是侍應工作效率高，勤快有禮，不錯。

食龍蝦E麵,叫左落芝士焗(要加錢),黎到完全無芝士味,問又死口話有,叫佢拎其他調味料黎,呢頭應你話好,轉頭就無左回事仲要全單加13%係一樣好奇怪既野..而且佢所有野都係噱頭..唔平..基本上所謂收平你,係其他到收番..都預左架啦..個海鮮雜菜煲,生菜連埋菜頭直接扔落去個煲到,燒腩仔好似擺左好耐咁..個色好黑..但咬落都算脆其他野味道都係中規中矩,收我酒樓價錢,茶餐廳質素..只能講性價比極低,唔會有下次..

今日想食龍蝦 見龍寶d廣告賣得咁行88蚊就去試下啦其實去到睇曬所有餐牌 餸既款式不多 偏少而且價錢都偏貴 兩個人食有點不值 比較適合4位以上幫襯 只有龍蝦最平同埋收我地茶介 酸菜錢都ok最離奇係收我地13%服務費 真係令人好費解？！無乜服務點解要收13%？咁係咪濫收？我唔介意人地話我cheap 但我覺得應比側比 我食一次就算喇 下次不會食 性價比唔高